الموضوع: استفتاء كل الفولكسويه عن زيت الموتور

محدش شكر فى التوتال ده خالص مع إن رينو بتنصح بيه!!
حتى واحد جربه فى الماروتى الماتور إتبرجل منه والعربية جديدة..

المشاركة الأصلية كتبت بواسطة umoussa

هو مفيش اختلاف خالص في الموضوع أنا مكنتش بتكلم على العربيات القديمة لأن العربيات القديمة وقتها مكنوش لسه اخترعوا الويت التخليقي.

أنا بتكلم على العربيات الجديدة بداية من 95 مثلاً وممكن 93 كمان ودي نازلة بمواصفات زيت تخليقي والي بيحصل إن الزيت المعدني بيعمل الآثار السلبية بتاعة التوسيع ده والي بيخلي الكبس بتاع الموتور يهرب وكمان الموتور بيعمل دخنة.

ودا السبب إن قلت ام المخاطرة عند التغيير من تخليقي لمعدني بس وقعت كلمتين "العربيات الحديثة"

آسف على السهو
وعيد سعيد

الموضوع مش مخاطره ولا حاجه هو امر طبيعى
ومش القضيه ان العربيه مصممه على زيوت معدنيه او تخليقيه
لو افترضنا مثلا ان سياره موديل95 زى مابتقول يعنى بقالها 14سنه
اللى بيحصل وطبيعى جدا ان مكان البساتم بيوسع واجزاء بتتأكل داخل الموتور
من الاحتكاك بس طبعا بنسب ضئيله جدا والزيت يبتدى ينقص والموتور شغال وزى الفل
لكن الميكانيكى لو فاهم بينصحك بتغيير الزيت لمعدنى بدل التخليقى
وده لمصلحة ابقاء الموتور بحاله جيده لاطول مده ممكنه
ولو افترضنا ان موتور قديم جدا وعمل عمره جديده ومظبوطه
ممكن يستعمل زيوت تخليقيه لكام سنه
كمان فى حاجه مهمه جدا
مش معنى انه زيت معدنى يعنى وحش
لكن ده بيكون لمصلحة الموتور اولا واخيرا يعنى لما يبتدى الزيت ينقص
مثلا بعد 2000ك يبقى ينصح بالزيت المعدنى ويغير على 1000 او 2000بالكثير
حسب نوع الزيت المستخدم ودرجة لزوجته
كمان لو حسبتها ماديا هتلاقى اللى بيستخدم معدنى بيصرف اكثر من التخليقى
يعنى مثلا لو غيرنا تخليقى 10000ك ب220جنيه
المعدنى 1000ك ب50جنيه فى 10000ك ب500جنيه
بس نرجع ونقول ان حاجة الموتور هى الفيصل فى الموضوع
وربنا يوفقنا جميعا

المشاركة الأصلية كتبت بواسطة bogyman123

طيب ممكن سوال اعرف ازاى ان الزيت دة تخليقى او معدنى
انا واحد نصحنى قالى جرب توتال20 - 50 مش عارف انا كنت بحط موبيل اكس اتش بى
فهل كدة غلط ولااية
فهل اسامح اللى قالى اغير ولا اروح اخبطة بالعربية ؟
ههههههههه

الزيت التخليقى اى ان كان ماركته دايما سعره فوق ال200جنيه
اما المعدنى بيبدء من 35جنيه الى 100جنيه بالكثير حسب الماركه
ممكن اللى نصحك بالتغيير يكون على حق
وده يرجع لموديل عربيتك سنة كام وحالة الموتور
اذا كان عدى عليه اكثر من 10 سنوات مثلا عادى
ولو كنت ماستخدمتش المعدنى غير مرتين ثلاثه وعاوز ترجع معدنى عادى
لكن لو كنت استخدمته اكثر من كده يبقى خلاص استمر عليه وماترجعش

المشاركة الأصلية كتبت بواسطة original

محدش شكر فى التوتال ده خالص مع إن رينو بتنصح بيه!!
حتى واحد جربه فى الماروتى الماتور إتبرجل منه والعربية جديدة..

رينو بتنصح بيه علشان فرنساوى يعنى بلديات
بزنس يا اوريجينال بزنسسسس

المشاركة الأصلية كتبت بواسطة ali357

انا بستخدم موبيل اكس اتش بى وبغيره كل 3000 او 4000 كيلو وعربيتى بولو 99

لو حالة الموتور كويسة ممكن تستخدم زيت تخليقى عشان أفضل للموتور لأن تقريبا الشركة المصنعة عاملة كل حسابتها على زيت بمواصفات معينة لو غيرت فيها ماتسألش عن حاجات كتير منها إستهلاك البنزين وكمان عندك فلتر البيئة الله أعلم بيستحمل نسبة الزيت المعدنى اللى ممكن تتسرب مع العادم وللا لأ!!!
الواحد زهئ من موضوع الزيت ده لو 3000 مريحك إستمر وخلاص..

كل اللى بيستخدموا موبيل 1 بيقولوا بينقص
طيب يا جماعه هو طبيعى ان الزيت ينقص و لا ده عيب فى الزيت و لا ايه
طيب لو عيب فى موبيل ما بتستخدموش ليه شيل اللى كل 10000 كيلو
هو بحوالى 230 جنيه