الموضوع: أشترى نيسان صنى واللا رينو لوجان

أنا شايف إن اللوجان أحسن علشان بتدي قيمة أحسن بالنسبة لسعرها..وكمان علشان توكيل رينو محترم جداً..و إن كان أعيب على كلا اللوجان والصني جودة التقفيل...بالنسبة لحدود السعر اللي حضرتك بتتكلم فيها في اختيارات تانية كويسة زي الرينو السمبول(مانيوال و أوتوماتيك) وكيا سيراتو(مانيوال)..و ربنا يوفق حضرتك للاختيار الامثل..

المشاركة الأصلية كتبت بواسطة HaMeD_73

هو حضرتك ايه الى يعيب تقفيل الوجان

أنا قرأت قبل ما أشوفها على موقع إن جودة تقفيلها مش عالية..وكمان واحد صاحبي معاه العربية قالي إن مش عجبوا التقفيل من برة ..بس لم شفتها محستش بكدا .. يمكن عشان العربية دي أنا بحبها و مرشحها لوالدي ... و اللوجان فعلاً بتدي أحسن قيمة قصاد سعرها ...و سألت عنها ناس كتير و الكل بيشكر فيها..
ودة رابط الموضوع بتاع اللوجان في الموقع :
ط§ظ„ط.ظ‚ط§ط¦ظ‚ ط§ظ„ظƒط§ظ…ظ„ط© ظˆط±ط§ط، ط¹ط§طµظپط© ط±ظٹظ†ظˆ ظ„ظˆط¬ط§ظ† | Egy Speed

المشاركة الأصلية كتبت بواسطة egyzizo

أنا ماكنتش فاكر نفسى من النوع المتردد قوى كده ..
قرار العربية ده أطول قرار آخده فى حياتى ، طول عمرى قراراتى ما بتاخدش وقت.
أنا طول الأسبوع اللى فات كل يوم برأى .. يوم لوجان وخلاص أروح المعرض واتفق على كل حاجة ..
وأنام واصحى ألاقى الصنى مزقزقة فى نافوخى ..
واليوم اللى بعده لوجان .. واليوم اللى بعده صنى ..

أنا عارف طبعاً ان الصنى تكسب لأن المقارنة ظالمة
عشان ما ينفعش واحد وزن الريشة يلعب ملاكمة مع واحد وزن الديك
بس أنا باعمل المقارنة تبعاً لظروفى ، واللى دخل اللوجان الحلبة ان فيها 30 ألف جنيه وفر ، أوفر فى البنزين، أوسع بكتير من الصنى ، وعفشتها أنعم وأنسب من الصنى .
بس أرجع وأقول يا واد يا زيزو المفروض تجيب عربية عالية على قد ماتقدر لأن الغالى تمنه فيه ، ومش هتجيب عربية كل يوم، وكفاية ان توكيل الصنى تحت بيتك

شكلى كده هاعمل قرعة ..

انت احتياجاتك مادام متوفره فى اللوجان
يبقى زى ما انت بتقول -30 الف جنيه وفر- ودول مش مبلغ قليل !
على الاقل اللوجان مينقصهاش اى حاجه عن الصنى غير يمكن ان الصنى شكلها برستيج شويه
انما اللوجان اقل بكتيييييير فى استهلاك البنزين
توكيل قوى
سعر مناسب
واااااااسعه
فيها الكماليات اللى انت محتاجها
وصلى استخاره اكتر من مره