الموضوع: هل عربيتك اللانوس بتطير من الهواء ؟

أنا جربت أمشي على الوضع ده بعد ما ظبطت الكاويتش لقيت إن تأثير الهواء قل أو يكاد يكون منعدم على سرعة 80 (بحس إن جسم العربية عايز يميل لكن العربية مش بتتزحلق ولا تنقل من مكانها) ولسه ما زودتش علشان خايف ومكنش في طريق فاضي ، وجربت أدوس على بلاعة أو حفرة العربية مش بتتزحلق من عليها بتدوس عليها بس

لكن

لما باعدي على أرض مايلة شوية أو فيها شوية تكسير العربية بتتزحلق مش عارف كده طبيعي ولا أفك العلايات ؟
كنت عايز أجرب أفكهم لكن فكها مش سهل هياخد وقت وتجربة وهحتاج كاويتش كبير 185 ورا علشان مش هاعرف أمشي بيها في أي حتة بسبب المطبات العالية

وكنت عايز اعرف أقل ضغط يتحمله الكاويتش لأني عايز أجرب أظبط على 25 . أنا حاسس إنها ركزت شوية بعد ما ظبطت على 32

المشاركة الأصلية كتبت بواسطة samirayad

حسألك سؤال
هو أنت مجربتش العربيه بعد ماركبت علايات على الكاوتش الحالى
وهل أنت لسه مركب العلايات اليومين دول مثلا

أقول لك على حاجة

---> أنا زمان قبل ماغير المساعدين وقبل ماركب العلايات وقبل ماغير الكاويتش الكبير الخلفي 185 مش 175 ومكنتش باظبط هواء غير في العيد لما أي فردة تكسر وتشتكيني كانت العربية تمام وثبات فوق الممتاز بمعنى إن عمري ما لقيت نفسي طاير بسبب الهواء ، لكن للأسف مكنتش بابص على العداد ولا باتابع أنا ماشي على كام بس كل اللي فاكره إن مفيش عربية كانت بتسبقني حتى الميكروباصات وكنت بأشد مع أي عربية وباجيبها من غير أي احساس بالإخلال أو عدم الثقة أوالخوف ، حتى أتخن ملف باعديه بأي سرعة ممكنة من غير الاحساس بأي خلل ، كان أي مشوار عبارة عن رحلة ممتعة وشيقة



---> بعد كده غيرت المساعدين ورا وقدام وفي نفس الوقت غيرت الكاويتش بالمقاس الأصلي والراجل ركب علاية وطلعت أجرب بدأت أحس بحكاية الهواء وتأثيره الرهيب المرعب ، وتضاريس الأرض لو الأسفلت وحش بيحرك العربية بسهولة ، غير أي مشوار باروحه بيكون على أعصابي مع العلم إني مظبط زوايا عد أكتر من واحد وكلهم قالو إنها مظبوطة


مش عارف ده سبب المساعدين الناشفين (علشان جداد) ولا سبب العلايات ولا الكاويتش الكبير كان عامل ثبات عالي ولا ضغط الهواء علشان أنا غيرت اللي كنت باتعامل معاه