رابطة الوحوش ملاك السيفيا....الجزء الاول

**sakr122** · 05-04-2011 11:56 AM

ازيكم يا رجالة
فاكرين موضوع سخونة الحرارة اللي عندي اللي عمل المشكلة بين "s" و "m" اللي مش عاوزين يجيبوها لبر ويتصالحو وشكلهم كده عاوزينا نتحايل عليهم ونبوس كاوتش عربياتهم عشان يخلصو الموضوع الهايف اصلا ده واللي بصراحه انا لحد دلوقتي مش فاهم هو كان ايه السبب فيه؟؟؟
إختلاف في وجهات النظر.. طب وايه يعني
انا اللي اعرفه عنكم انتو الاتنين انكم من اكتر الناس اللي فاهمين في العربيه دي واختلافكم في وجهات النظر مش المفروض انه يسبب اي مشاكل

الهزار التقيل شويه في المشاركات .. برضو وايه يعني
انتو الاتنين اصلا اصحاب من زمان وانتو برضو اللي اخترعتو الهزار في الرابطة دي وانتو اكتر اتنين بتهزرو مع بعض وانا مش شايف ان اي حاجه من اللي اتقالت ممكن تخلي حد فيكم يقفش على التاني وخصوصا اني متأكد انكو انتو الاتنين ناس محترمين جدا جدا جدا وذوق جدا جدا اجدا ومش ممكن اي حد فيكم يقصد انو يزعل التاني منه او يقلل من قيمته
وكلمة "انت غلطان" مش كلمة قبيحه يعني ممكن تخلي حد يقاطع حد بسببها
وبعدين انا معلوماتي انكم اكبر من كده بكتير وبجد انا حزين لأني مكنتش اتوقع اني ممكن الاقيكو متخاصمين ابدا بعد كل العلاقه اللي بينكم دي وخصوصا اني مش شايف اي سبب لده
انا عارف ان في واحد فيكم حاول يتصل بالتاني
يا ريت المحاولة دي تتكرر منكو انتو الاتنين ونسمع ان الموضوع خلص
واللي شايف انه ليه حق عند اخوه يا ريت يا ريت ياريت يسامحه لله ويسد باب الشر ده على الشيطان
"وخيرهم من يبدأ بالسلام"

**Esam Mosaad** · 05-04-2011 12:48 PM

بص يا صقر انا مكنتش ناوى افتح الموضوع تانى وانت فى حالك وانا فى حالى
بس كونك انت وغزالى فتحتوا ومستنين رد
فمينفعش انى اتجاهل ده
وانا بكمل ليك انت وغزالى احترام انكوا بتحولوا

بغض النظر عن ايه السبب ومين الى غلطان وايه الموضوع
وزى مبتقول وجهات نظر والمفروض كل واحد يحترم راى التانى
وناس محترمه وذوق واحنا هنا لمجرد ابداء راى عن تجربه او معلومه سواء غلط او صح
لان مينفعش كل الردود والمشاركات تبقى صح لان مفيش حد كامل والكمال له وحده
وعشان خاطر احترامى لشخص وسبق وقولت خبره احسن منى واحترامى لرايه
وعدم التقليل منوا ومن رايه كانت النتيجه العكس
ولحد دلوقتى عدم الاقتناع والاستهتار بالردود بتعتى وغيرى ليه حتى لو جبت الاثبات

انت غلط متقلتش مره واحده ولو انا غلط ليه الاسلوب ده مدام احنا هنا عشان وجهات النظر ونستفيد

نهايه الكلام يا صقر انت وغزالى

بص يا ماكس انا مازلت بحترمك ومازلت شايفك احسن منى ومازلت بثق فى رايك
وهفضل احترام ارائك وردودك مش لمجرد انك فاهم بس كمان لانى بحب احترم الى قدامى

مقصدش لما بتهمك بالاسلوب بتاعك انك مبتعرفش تتكلم بالعكس
انا عارف انك راجل محترم وكبير وفاهم كل حاجه وانا مش ملاك ولا استاذ ولا بعرف اتكلم اوى عشان اقولك ازاى تتناقش فى حوار
لانك اكيد فاهم انا كمان تعمدت فى ردود انى اكون مستفز بس ده لانى بشوف منك ردك بيدايقنى
فانا زى ذيك واتمنى تكون الاحسن لانى بعتبرك اخويا وبتمنالك الخير
حتى لو جيت وزميت فيا برضوا مش هنسى وقفاتك جمبى واحترامى ليك
وتجنبا لاى مشكله ممكن تحصل انا شايف الوضع ده الافضل لانى مش هسمح ان حد يهنى او يقلل منى

على فكره يا صقر كان لازم حد فينا يوقف الحوار الى كان موجود عشان الموضوع ميطولش ذياده عن كدا
وانا بشكرك انت وغزالى للروح الجميله بتعتكوا

**amohey** · 05-04-2011 01:19 PM

المشاركة الأصلية كتبت بواسطة sephiaa2001

[right]ان شاء الله

سيبك بقى من كل كلامى الراجل الى فى الفديو ده بيوضلحك المشكله الى بتحصل عندك
لان عندو الحساس بايظ وبيوريك ازاى بياثر التحرك مع الاوتو

[youtube]http://www.youtube.com/watch?v=r5tlytwrqfw[/youtube]
[font=times new roman][size=4]

متشكر ليك جداً يا عصام باشا أنت وماكس باشا علي نصيحكوا الغالية.

الي بحصل في الفيديو دي هو بلظبط الي عندي. لأن المشكلة بتحصل لما العربية بتمشي أما وهي وقفة الأر بي أم بيبقي ثابت.

بس أنا رحت أمبارح لمركز صيانة وقلتلة نظف كل الحساسات وتأكد من كل الفيش وصل كويس ولا لأ. وللأسف لسة العيب موجود.

هو ممكن يكون بايظ برضة مش مجرد تنظيف. علشان كدة يوم الجمعة هروح الحرفين وربنا يسهل؛ (لو حد عارف حد كويس في الحرفين ياريت يقولي)

والدنيا برضة مش وضحة خالص وملغبطة لأن زي مقال ماكس باشا ممكن يكون لزوجة الزيت الجديد مختلفة وهي الي عملة المشكلة.

انا محتار خالص علشان كدة نفسي أوصل لمركز محترم في الحرفين ميقعدش يخرب لكن يوصل للسبب علي طول.
ولو منفعش هروح التوكيل الي في العبور يوم السبت أن شاء الله.

شكراً لكل الرجالة الي بيحولوا يسعدوني.

**sakr122** · 05-04-2011 01:19 PM

ممكن نرجع تاني بقى ونشوف شغلنا في الرابطة
"كرامة" -عربيتي- بتهيس اخر تهييس في موضوع الحرارة ده
بقالها اسبوعين دلوقتي ماشيه زي الفل ومفيش اي اعراض سخونه
وفجأه بدأت تسخن وانا ماشي
رحت مشغل التكييف على طول عشان مروحة التكييف تبرد الردياتير بدل المروحة الاصليه
وفعلا درجه الحرارة نزلت على طول
بعد شويه قفلت التكييف ومشيت عادي في الزحمة ومفيش حاجه حصلت المروحة كانت بتشتعل وبتفصل لوحدها عادي جدا
تاني يوم عملت نفس الحركة فشكيت اني لما باشغل مروحة التكييف المروحة العادية بتشتغل معاه وبعدين تكمل عادي فمرضيتش اشغل التكييف لحد ما اعرف اركن وافتح الكبوت عشان اشوف لما اشغل التكييف المروحتين هيشتغلو ولا مروحة واحده
المهم الحرارة رفعت لحد الشرطة اللي فوق النص وبدأت تنزل لوحدها تاني من غير ما اعمل حاجه ولما ركنت وفتحت الكبوت لقيت المروحة شغالة
فضلت راكن ومتابعها لقيت المروحه بتشتغل لوحدها لما الحرارة بتوصل للشرطة اللي فوق النص لحد ما ترجع الحرارة تاني لطبيعتها عند الشرطة اللي تحت النص اللي هي رقم 4 من تحت
وفضلت كده شويه ومشيت بيها ولقيت الحرارة ثبتت تاني والمروحة بتشتغل عادي جدا من غير الموشر ميعلى خالص
النهارده بقى وانا جاي الصبح مشيت بيها كتيير جدا عادي وفجأه بدأت تسخن سيبتها لقيتها بدات تعلى عن الشرطة رقم 6 اللي فوق النص رحت مشغل التكييف وفاصله على طول يعني يا دوب ثانيه واحده لقيت الحرارة نزلت لحد موصلت المعدل العادي زي ميكون المروحة الاصليه اشتغلت
ولما وصلت الشغل كانت الحارة بدات ترفع تاني رحت عامل نفس الحركة بس المره دي المؤشر منزلش رحت مشغل التكييف على طول لحد الحرارة منزلت وادييني راكنها تحت الشغل
عموما انا ناوي اول حاجه اني اغير الترموستات على طول دلوقتي واشوف ايه اللي هيحصل
بس يا ريت تقولولي رأيكم في الفيلم الهندي ده ويا ترى اناكنت باتصرف صح ولا لأ مع العلم اني كنت باعمل كل ده عشان احدد المشكلة فين بالضبط ومسيبتهاش تسخن اكتر م اللازم خالص .

**sakr122** · 05-04-2011 01:25 PM

المشاركة الأصلية كتبت بواسطة amohey

متشكر ليك جداً يا عصام باشا أنت وماكس باشا علي نصيحكوا الغالية.

الي بحصل في الفيديو دي هو بلظبط الي عندي. لأن المشكلة بتحصل لما العربية بتمشي أما وهي وقفة الأر بي أم بيبقي ثابت.

بس أنا رحت أمبارح لمركز صيانة وقلتلة نظف كل الحساسات وتأكد من كل الفيش وصل كويس ولا لأ. وللأسف لسة العيب موجود.

هو ممكن يكون بايظ برضة مش مجرد تنظيف. علشان كدة يوم الجمعة هروح الحرفين وربنا يسهل؛ (لو حد عارف حد كويس في الحرفين ياريت يقولي)

والدنيا برضة مش وضحة خالص وملغبطة لأن زي مقال ماكس باشا ممكن يكون لزوجة الزيت الجديد مختلفة وهي الي عملة المشكلة.

انا محتار خالص علشان كدة نفسي أوصل لمركز محترم في الحرفين ميقعدش يخرب لكن يوصل للسبب علي طول.
ولو منفعش هروح التوكيل الي في العبور يوم السبت أن شاء الله.

شكراً لكل الرجالة الي بيحولوا يسعدوني.

بص يا باشا انا هاقولك على تجربه شخصيه مع زيت الفتيس
انا عربيتي مانيوال ومره غيرتلها زيت الفتيس من بنزينه التعاون اللى على ناصيه شارع مصدق اللي في الدقي كانت العربيه تقريبا مبتجيبش الاول خالص ولازم احارب في الفتيس عشان يجيب الاول
رحت مفضي الزيت خالص وحاطط زيت فتيس من عند شل البحر الاعظم وحسيت فورا بفرق رهييييييب بجد الفتيس بقى زي الحلاوة والغيار الاول بييجي بمنتهى السهولة وباقي الغيارات نعمت جدا
عشان كده يا ريت تجرب تغير زيت وفلتر الفتيس ممكن جدا يكونو هما السبب زي ما قال ماكس

وربنا معاك

**Esam Mosaad** · 05-04-2011 01:27 PM

وبعدين لو عملنا مقابه دلوقتي مش هتيجو يعني ولا هتيجو ومش هتكلمو بعض؟؟؟؟

ده انا نفسى اشوفك يا رااااااااجل ليك معزتين فى قلبى

واكيد هنيجى وزى المره الى فاتت هنشد مع بعض وهيتنفخ زى كل مره

**Esam Mosaad** · 05-04-2011 01:36 PM

هو ممكن يكون بايظ برضة مش مجرد تنظيف. علشان كدة يوم الجمعة هروح الحرفين وربنا يسهل؛ (لو حد عارف حد كويس في الحرفين ياريت يقولي)

ممكن يكون بايظ وممكن يكون الزيت زى ماكس بيقول وصقر بس لو هتوديها لحد

عشان كده يا ريت تجرب تغير زيت وفلتر الفتيس ممكن جدا يكونو هما السبب

روح التوكيل وقلهم عاوز اكشف ايه العيب ولو بسيطه صلحها جوه ولو عاوزه شغل صلحها بره بس تكون عرفت العيب
ومتقلقش التوكيل مش هيدفعك كتير انا بعمل كدا لما بغلب

ممكن نرجع تاني بقى ونشوف شغلنا في الرابطة
"كرامة" -عربيتي- بتهيس اخر تهييس في موضوع الحرارة ده
بقالها اسبوعين دلوقتي ماشيه زي الفل ومفيش اي اعراض سخونه
وفجأه بدأت تسخن وانا ماشي
رحت مشغل التكييف على طول عشان مروحة التكييف تبرد الردياتير بدل المروحة الاصليه
وفعلا درجه الحرارة نزلت على طول
بعد شويه قفلت التكييف ومشيت عادي في الزحمة ومفيش حاجه حصلت المروحة كانت بتشتعل وبتفصل لوحدها عادي جدا
تاني يوم عملت نفس الحركة فشكيت اني لما باشغل مروحة التكييف المروحة العادية بتشتغل معاه وبعدين تكمل عادي فمرضيتش اشغل التكييف لحد ما اعرف اركن وافتح الكبوت عشان اشوف لما اشغل التكييف المروحتين هيشتغلو ولا مروحة واحده
المهم الحرارة رفعت لحد الشرطة اللي فوق النص وبدأت تنزل لوحدها تاني من غير ما اعمل حاجه ولما ركنت وفتحت الكبوت لقيت المروحة شغالة
فضلت راكن ومتابعها لقيت المروحه بتشتغل لوحدها لما الحرارة بتوصل للشرطة اللي فوق النص لحد ما ترجع الحرارة تاني لطبيعتها عند الشرطة اللي تحت النص اللي هي رقم 4 من تحت
وفضلت كده شويه ومشيت بيها ولقيت الحرارة ثبتت تاني والمروحة بتشتغل عادي جدا من غير الموشر ميعلى خالص
النهارده بقى وانا جاي الصبح مشيت بيها كتيير جدا عادي وفجأه بدأت تسخن سيبتها لقيتها بدات تعلى عن الشرطة رقم 6 اللي فوق النص رحت مشغل التكييف وفاصله على طول يعني يا دوب ثانيه واحده لقيت الحرارة نزلت لحد موصلت المعدل العادي زي ميكون المروحة الاصليه اشتغلت
ولما وصلت الشغل كانت الحارة بدات ترفع تاني رحت عامل نفس الحركة بس المره دي المؤشر منزلش رحت مشغل التكييف على طول لحد الحرارة منزلت وادييني راكنها تحت الشغل
عموما انا ناوي اول حاجه اني اغير الترموستات على طول دلوقتي واشوف ايه اللي هيحصل
بس يا ريت تقولولي رأيكم في الفيلم الهندي ده ويا ترى اناكنت باتصرف صح ولا لأ مع العلم اني كنت باعمل كل ده عشان احدد المشكلة فين بالضبط ومسيبتهاش تسخن اكتر م اللازم خالص .

ولا اعرفك وبعدين انت المفروض يتعملك رابطه لوحدك عشان الموضوع بتاعك ده هوا السبب وخلى ماكس بقى ينفعك

بس كويس انك بتعرف تتصرف وطالما مروحه التكسف بتبرد يبقى لاما مروحه لاما ترموستات فى حاجه
ومبيخليش المروحه تشتغل بانتظام
اهم حاجه متخلاش تسخن منك

-

-

الموضوع: رابطة الوحوش ملاك السيفيا....الجزء الاول

LinkBack

أدوات الموضوع

عرض

-

-

-

-

-

-

المواضيع المتشابهه

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا (ج2)

الى رابطة وحوش السيفيا الحقونى

مقابــلة الوحوش - الجزء الخامس

الكلمات الدلالية لهذا الموضوع

المفضلات

المفضلات

ضوابط المشاركة