الموضوع: رابطة الوحوش ملاك السيفيا....الجزء الاول

والله يا جماعة انا احترت كع الكيكانيكية يا ريت تقولولي اوصل لجورج ده ازاي طالما فاهم في السيفيا اوي كدة

قدر الله وما شاء فعل والله الموضوع فعلا محير ومحدش يقدر يفتى فيه
برضوا كان لينا زميل عندوا مشاكل فى الفتيس والكل اجمع على التغيير وطلع فى الاخر عيب فى حاجه لا تذكر

قبرضوا عشان تبقى عارف عندك جورج ده ميكناكيى بكره ان شاء الله هروحله انا واستاذ محمد
وعندك مركز فى طريق اسكندريه الصحراوى ده الى راحله زملينا محى بعد لف وتعب كتير والمشكله عندوا اتحلت

فقرر وشوف ناوى على ايه
وراجع المشاركات ديه

محدش هيصدق المشكلة طلعة أية
أنا رحت لواحد جرب العربية وبعدين قالي الفتيس مفهوش حاجة علشان لما بيجيبة علي 1 و 2 العربية بتمسك غيار. طيب اية دي ياهم قالي هنجرب الكنترول ممكن يكون فية حاجة؛ المهم قعد يجرب وهو مركب العربية علي الكمبيوتر لغاية موصل للشيئ الغريب جداً الي مبوظ العربية. لقيتة فاكك العدادات بتاعت العربية وبيقولي روح هات زي دي. أنا شكيت فية بصراحة أية يعم الي دخل العدادات في أن الفتيس بايظ وبيطلع علي الرابع. قالي أن هي فيها حاجة محروقة وأول مبتركب بشوشر علي كنترول العربية.
حاجة غريبة جدأ. المهم توكلت علي الله ورحت جبتها ب 350 جنية. ولما ركبها كانت المفجأة العربية بقة زي الحلاوة والفتيس بينقل تمام.

الحمد لله رب العالمين

عملتها عند واحد صراحة عبفري دلني علية زميل في العمل.
هو مكانة بعد القاهرة ب40 كيلو علي طريق الأسكندرية الزراعي عند بنها. رحتلة لقيتة بيفتح مركز جديد صيانة معتمد من توكيل كيا. والناس الي عندة اليومين دول بيخدوا تدريب في التوكيل الرئيسي في أبو رواش.
أسمة المركز الكوري هو لسة بيوضب المكان بس شكلة هيبقي تحفة وهو قالي أنة معتمد زي التوكيل والصيانة في معتمدة للعربيات الجديدة ويوم الثلاثاء الجاي هيجبولة قطع غيار الأصلية من التوكيل الرائيسي.

اه roland_yamaha انت جيت علي الجرح انا مش مزعلنى في العربيه غير المساعدين اللي ورا والازاز اللي زهقنى جدا وغيرت مكنه استيراد وبرده ماتت بعدها باسبوع انا عندي فكره بس مش عارف تنفع ولا ايه ممكن نجيب مكن جديد هيونداي ونركبه بدل الكيا
وعلي فكره انا فكيت مكنه طلعت مش بايظه هو تبقي موتور ووير الومونيوم عباره عن 6 او 7 سلوك لفين حولين بعض والموتور بلفهم يرف الزجاج وينزله اللي غالبا بيحص سلك او اتنين يطقطعم ويتحشروا في البكره يموت الازاز ومفيش صنايعي عاوز يشتغل انهارده اسهل حاجه يقولك غير مكنه ويريح دماغه يا راجا انا الايريال كان زي القل عيل صغير اتشعبط فيه بوظه المه صلحته جه واحد ابن حلال راح مدخله عافيه ال ايه عشان محدش يكسره قام بوظه روحت جبت عقل بالوير بتاعها الكهربائي مرضيش يركبها جبت واحد جديد
يا ريت اللي عنده خيره يقوللي انا كان سحب عربيتي قبل طقم السرفيس كويس جدا جدا وبعده بقت بطه وسير الكاتينه كان راكب غلط بس عرفنا وظبطها الميكانيكى الله لا يسامحه وبرده العربيه مش زي الاول

استاذ كريم اخبارك ايه انا عاوزك تنسى بقى المشاكل القديمه
انا الحمد لله محدش بيركب معايا فى العربيه كتير عشان كدا مكبر دماغى ايه يعنى ازا بيطلع ببطء شويه
ظبطوا بس المجارى بتعتها وهيبقى احسن من الاول
وانا معرفش حوار الهونداى ده بس اسئل وشوف ولو نويت
هتراجع بقى على سلوك دايره كهربا الازاز بجانب مجارى الازاز عشان تبقى كل حاجه على نظافه
ومتزعلش نفسك على الاريل هات واحد استيراد هيعيش معاك
وانا عاوزك تنزل القاهره والله مواضيعك ديه تتظبط لان شكل الى عندك كفته والتقسيمه فيها حاجه
والله لو بكره تعرف تيجى احنا رايحن لواحد كويس بصراحه يقدر يقولك ده ايه ويعملهولك وواد كويس
ومش مشكله 20 لتر بنزين على الاقل هنشوفك وهترجع مبسوط من غير عربيه
وصحيح مقولتليش عملت ايه فى موضوع الفرامل قولتلى هكلمك ومتصلتش لقتهم غاليين ولا اصلا ملقتهمش

علي فكره انا حطط وحدتين رفع للاربع ابواب وملهمش لازمه لان الازاز اصلا مبيطلعش تقريبا كانو ب 100 ج

1+++++++++++