الموضوع: رابطة الوحوش ملاك السيفيا....الجزء الاول

ان شاء الله تخلص علي خير يا ماكس وتفضالنا بقي
وزيت الباور أحسن حاجة شيل علبة كيلو ب 28 جنيه
وبالنسبة لوحدات الرفع يا عصام شكلها حوار فاشل مش هعملها
اخر حاجة حد يعرف حاجة عن الاستاذ عزبي عشان الأكونت بتاعه مكتوب عليه عضو موقوف

النهاردة ياجماعة حصلتلي مشكلة .. الأولسيه بتاع الكرنك ضرب .. وجاب زيت من كل حتة .. وانا ماشي ومش واخد بالي ..
ولما وصلت البيت كان صوت التكهات ( التكتكة ) عالي جدا زي مايكون خبط .. وطبعا الميكانيكي تحت البيت عندي وانا باركن قالي ايه ده ..
وقالي الصوت ده كده تبقى ( الكوستبانات ) باظت ..قولتلة يالهوي الكوستبانات باظت ... هي ايه الكوستبانات دي ؟ ..
قاللي افتح الكبوت الأول لما نشوف ايه اللى حصل ... لاقينا طبعا الدنيا غرقانة زيت .. ولاقينا الأولسيه بتاع الكرنك الأمامي هو اللى بيجيب الزيت ..
وقالي ان طقم ( الكوستبانات ) لازم يتغير .. ورحت جبت الأولسيه من الحرفيين من عند ( الأستاذ ) وسألت على الكوستبانات لاقيت الواحد بـ 60 جنيه ..
جميل قوي لحد كده .. الطقم بقى كام واحد .. ( 16 واحد ) .. ايوة الطقم بـ 950 جنيه .. اللهم صلي على النبي .. دي حاجة حلوة خالص ..
أول طلعة كده بشنق على طول .. طيب والله مانا جايبهم .. ده اللى انا قولته للميكانيكي .. اصل هو صاحبي بقى ..
فقالي انا هاحاول اشدلك عليهم شويه بعد مانركب الأولسيه ونسمع الصوت .. وفعلا ماعرفش ظبط فيهم ايه وبعدين دورت ..
ولاقينا الصوت هو هو .. صوت زبالة .. قطط وكلاب بتجري جوه الموتور .. وعلى فكرة احتمال يكون فيه حمير كمان ...
بس ياسيدي .. وما سيدك الا انا .. راح الميكانيكي قاللي انا عندي طقم مستعمل بتاع هيونداي النترا .. بس نظيف وينفع يركب على السيفيا ..
انا هأقعد كدا امخمخ .. وروح هاتلنا انت ( ربع كفته ) علشان هانبات جنبها النهاردة وهاخد السليم من هنا مع السليم من هناك .. لحد ماظبط صوت الموتور ..
بس لما كل العربيات التانية اللى عنده تمشي .. رحت انا بقى طلعت البيت وسبت العربية عنده .. وكام ساعة كده وهانزل اسهر معاه بقى لما نشوف اخرتها ايه ..
وربنا يستر .. انا خايف .. انا مرعوب
بس السؤال المهم هنا واللي انا عايز أسألكم فيه ( اروح اجيبله الكفته منين ) ؟

شر البالية مايضحك .

المشاركة الأصلية كتبت بواسطة h a r d

قدر الله وما شاء فعل معلش
فى نقطه برضوا احب انبه ليها ان الاوسيل لازم يكون ااصلى عشان ميرجعش يضرب تانى
وربنا يسترها انا عندى برضو ا محتاج اغير اوسيل

وفى نقطه كمان هوا الراجل صحبك بس متسبش العربيه مع حد برضوا ممكن هوا امين بس حد تانى ميكنش امين
وهوا بيكون مشغول فى عربيات تانيه والله اعلم ممكن ايه يحصل
فاتعب شويه وخليك جمبوا
ولو احتجت نوبات يا ريس انا معاك طالما فيها كفته

ههههههه ... طول عمرك همك على بطنك ياعصام .. على العموم ياريس ماتقلقش انا مش هاسيبة ولا دقيقة .. ورايح الحرفيين النهاردة ان شاء الله اجيب طقم الكوستبانات ده وأمري لله .. هاعمل ايه العربية برضة صوتها زبالة .. يالله .. قدر الله وماشاء فعل .. الحمد لله .

المشاركة الأصلية كتبت بواسطة elhelawy

يا باشا انا من رئى انك حرام تجيب الطقم ب 950 جنيه لو العمليه الحمد لله كويسه معاك روح هات ماتور كامل من غير فتيس ب 2000 جنيه و هتستفيد بالحاجات اللى فى ماتورك القديم كقطع غيار او شوف اى حد محتاج حاجه يشتريها منك و هتلاقى فى الاخر انك ما دفعتش كتير ده رئيى بصراحه و ربنا معاك

المشاركة الأصلية كتبت بواسطة max_ziro

انا مع الرأى دة قلبا و قالبا
بس بعون الله متحتاجش تغيرهم اصلا ..

لا .. لا .. لا ياجماعة أنا مش معاكم خالص .. وده كلام مش مظبوط خالص .. ليه بقى ؟
أولا الموضوع مش مستاهل .. أنا رحت جبت الكوسبانات بـ 900 جنيه والميكانيكي ركبهم بـ 50 جنيه والحياه بقت زي الفل وميه ميه وصوت الموتور والسحب بقى أحسن من الأول كمان .
ثانيا .. ( وده بقى عن تجربة طويلة مع المواتير الاستيراد ) انا ضد إن أي حد الموتور بتاعه يحصل له حاجة يروح يشتري موتور استيراد .. لأنه ( وده والله عن تجربة ) حتى لو الموتور بتاعة مفوت وعايز عمرة .. الأفضل يعمل له عمرة وهايكون الموتور أحسن من الاستيراد ميت مرة .. لأنك هاتروح تجيب الاستيراد وتجربه وميه ميه .. وممكن شهر أو اثنين أو حتى سنة ويخف معاك .. ساعتها هاتعمل ايه بقى هاتروح تجيب واحد تاني ؟
العمرة فعلا مافيش احسن منها بس يكون عند صنايعي نظيف وفاهم ..
على فكرة انا كان معايا عربية مازدا واشتريت لها موتورين في سنتين وبعدين عملت عمرة في السنة الثالثة .. وفعلا في العمرة فرق شاسع .. الموتور كأنه لسه جديد وكمل معايا سنة لحد مابعتها والموتور بحالته .

المشاركة الأصلية كتبت بواسطة max_ziro

كنت شوفت للكوستبانات ريفيو على موقع اجنبى قبل كدة
ملخصة انهم ينفع يتفكوا و يتنضفوا و الى عمل كدة قال انهم رجعوا زى الاول تانى
و الله اعلم الموضوع دة انا مجربتوش بنفسى بس الراجل كان بيقول انهم بيتفكوا عن طريق قلبهم و خبطهم خبطة خفيفة متكررة بيفكوا من بعض
و مش متزكر كان فى جواهم سوستة تقريبا و بينضفهم كويس و بيركبهم تانى بنفس الترتيب

و بقول اتنى الموضوع دة انا مجربتهوش بنفسى
من قال لا اعلم فقد افتى
و الى متأكد منة بقولة
و الله يكون فى عونك فى الموضع دة بيكون رخم ..

احبك ياماكس وانت متواضع .. بص بقى ياسيدي .. فعلا الكلام ده مظبوط ميه في الميه .. والميكانيكي فعلا عمل زي مانت قلت بالظبط .. فكهم وخبط عليهم ونزل منهم السوستة وشدها شوية وزيتها وركبها تاني .. بس مانفعتش .. برضة كانت بتخبط .. وهو قاللي ان مش في كل الأحوال الطريقة دي بتنفع .. فيه حالات لازم تتغير على طول . وصباح الفل يامعلم .