ربنا يخليك يا عص
بس انا مش شايف كاوتشه في البطاحه ولا هي الناحيه التانيه
على العموم انا عديت على العفشجي امبارح وقالي انها محتاجه جوز مساعدين قدام
الغريب بقى انه قالي انو عنده استيراد وقالي الجوز ب 250 جنيه!!!
وانا سألت عند ابو ادهم وقالي الجوز كاملين بالسوست والبطاحات ب 400 جنيه!!!
وانا اصلا شكلي هافضل ماشي عليهم كده لحد ما يجيبو اخرهم خالص وابقى اشتري اتنين جداد احسن
بس يا ترى ممكن ده يأثر على حاجه تانيه في العربيه وخصوصا ان كاوتشه البطاحه مقطوعه ولا عادي؟؟؟
بص هوا عامتا لو المساعدين تعبننين المفروض يتغيروا لان هيبقى حملك كلوا على السوست تمام
لو المساعدين باظو وحملو على السوست لحد مباظت يبقى هتاثر معاك فى جسم العربيه نفسوا
وفيما بعد هتسمع اصوات غريبه من جسم العربيه
الصوره الى انت شوفته اديه للبطاحه بالمعدول بص على الصوره التانيه وانت تفهم
الاجزاء الى عليها سهم ابيض داير ميدور لو لقتها مشروخه يبقى كدا عاوزه تتغير عندك
طبعا غلط انك تمشى بيها وده الى مخلينى راكن العربيه فى الجراج مش بخرج فيها الا لحالات نادره
ولو خرجت مش بعدى ال 50 وربنا يسترها
انا كنت ناوي اعمل كتاوت فعلا مع العلم ان عندي الازاز بيطلع بسرعه لو قفلته من الزرار بتاعه لكن بيكون بطئ لو رفعته من المفتاح الرباعي اللي جنبي
متوجعش دماغك طالما عندك بيطلع كويس
وعلى فكره انا اتعودت ارفع الازاز من كل زرار خاص بيه عشان اللوحه الرباعيه بتبقى بطيئه وده طبيعى
وده مش عيب فى اللوحه لانى رحت لكهربائى وقعد يفتى انها لازم تتنظف وفى الاخر باظت وجبت واحده جديده ونفس الموضوع
لانها بتكون فرع من الاصل الى هوا زرار الازاز الاصلى
وهتلاقى استاذ كريم وهانى باشا واى حد عندوا نفس الموضوع ده
وشوف الاربع خطوات دول وجرب فيهم كنت لاقيهم على النت
مجارى الازاز مش نظيفة عاوز تتنظف وده ممكن بالاسبراى الخاص للتنظيف
جلد الباب مش ركبه كويس او قدمت واتقطعت وحتاجة تتغير
ماكينة الازاز ضعيفة يااما عاوزة تتغير اوتتصلح
دراع الازاز عاوز يتركب صح ويتظبت مع الموتور
عصام باشا انا اصلا ملقتهومش وبصراحه قولت اخلص الاهم في المهم وخوفت تاخد فلوس كتير وانا صرفت علي العربيه كتيير ومش عاوز اتورط اكتر المشاكل اللي عندى هايف انا عارف بس مضيقانى لانى طول الاسبوع مقدرش اعمل حاجه بخرج من بيتى 5 الفجر ارجع 8 بالليل والجمعه الصنايعيه قافلين والسبت مبلحقش اعمل اللي انا عااوزه
المهم
1- زي ما قولتلك الازاز
2- عندي موبينه لازم تتغير 125 بس مش لاقيها
3- عاوز اغير زيت الفتيس والباور عشان ابقي في الامان بس زيت باور الاصلي مش الاحمر بتاع الاتوماتيك
4- 2 مساعدين kyb خلفي مش لاقيهم
5- زرار فرامل اليد مش موجود ( اللي بيبقي في الارض يخلي اللمبه في التابلوه تنور)
6- تعديل الفرامل(غاليين )
ايه رايك بقي يا عص ممكن تعملي مقايسه وتقولي التكاليف كام
وانا اشوف ظروف البيت وممكن تلاقينى جيت فعلا هو انتوا هتتقابلو فين وامتى
والله انا برضوا كنت عاوز اقولك كدا اجل الموضوع شويه وشوف الاساسيات
ولما ربنا يكرمك ان شاء الله بعد كدا تبقى تعملهم ونظبطهم من حد هنا زى مقولتلك لان عندك كوكب اخر
*الازاز زى مقولتلك لاما تكبر دماغك وترفع كل ازاز من المفتاح بتاعو او انكتكشف على المكن والمجارى وتشوف ايه الى عاوز يتغير
مكن الازاز المكنه الواحه ب 125 جنيه بالدراع بتاعو فى الحرفيين وممكن تجبها اقل كمان وده سعر اخر مره كنت سائل عليها
ولو ناوى على مكن يبقى لازم تبص على مجارى الازاز وتشوفها سليمه ولا لا
*انا هسئلك على الموبينه واحتمال كبير الاقيلكواحده فى الجراج ولو مكنش يبقى تجبها استيراد برضوا من الحرفين او الوكاله اى حاجه هتعوزها استيراد الحرفين او الوكاله ملقتهمش هناك يبقى عليك وعلى الجديد
*زيت الفتيس اهم من زيت الباور اهم حاجه زيت الباور ميكنش ناقص
لو انت مانويل هتجيب ايسو او موبيل 90 و (90) ديه درجه اللزوجه غير كدا متجبش بياخد 3 كيلو يعملوا 60 جنيه
لو انت اوتوماتيك معرفش بصراحه درجه اللزوجه كان وبيبقى اغلى حجات بسيطه
زيت الباور متغيرهوش لان احتمال كبير ده يبقى الفبريكه بتعها لو عاوز تغيروا اعتقد زيت الباور واحد بكام برضوا معرفش لانى مغيرتش قبل كدا
*المساعدين kyb اليبانى عند الجندى الجوز الخلفى ب 550 جنيه رقم الجندى 0123916567 /24516008
وهتلاقيها برضوا عند ناس كتير غير الجندى حلمى سليمان والصحبه والدقاق فى التوفيقيه
* زرار الفرامل علق معايا مره والكهربائى جاب مفك وقعد يلعب كدا ناحيه تروس الفرامل واشتغت
انت ممكن تعلموا بس هتطر تحل الكنسوله عشان تعرف تتعامل واحتمال كبير يبقى مجرد السلك بتعها مش واصل او قاطع من عند الفرامل وديه بسيطه
* تعديل الفرامل هيكلفك حوالى 400 جنيه بالتركيب لو زاد نقول 450 جنيه
انا رايح بكره اركب بارات داخليه وخارجيه وكان استاذ محمد عاوز يروح واتفقنا نتقابل
سامح باشا برضوا احتمال يقبلنا بكره
ان شاء الله المعاد بعد الصلاه المكان فى اى حته مش قضيه بس انت شوف ظروفك ولو نويت انا معاك
علي فكرة الازاز مبيطلعش مش من المجموعه بس دا مبيطلعش حتى من الزرار بتاعه ههههههههه
ايه البارات دى يا عصام
هههههه طيب توكل على الله وشوف بتوع الهونداى او شوفهم استيراد وظبط المجارى
ونظف كل حاجه واتاكد من السلوك تمام مفيهاش حاجه
وخلى كهربائى يبصلك على كهربا الازاز برضوا يمكن يكون فيها حاجه هيا الى عامله كدا
البارات ديه اجزاء من منظومه الاسكترا الى هيا علبه الدركسيون
بارات داخليه بيض الدركسيون وبارات خارجيه بيض المقاصات
بس هيا مش عربيتى ديه عربيه قريبى لانسر كرستاله كان كشف عليها
وقالو عاوزه بارات داخليه وخارجيه
ورايح اركبهم بكره
وراجع الموضوع ده http://www.nilemotors.net/Nile/69-4.html
وحده الرفع ما هيا الا لوك للازاز اوتوماتيك مع السنتر يعنى بدل مترفع الازاز بنفسك لا بمجرد قفل العربيه من الرموت الازاز هيطلع لوحده ديرتها طرف داخل لوحده الرفع جى من السنتر وطرف خارج من وحده الرفع للزرار فى اتجاه الصعود وممكن تخلى وحده الرفع فى اتجاه النزول
ملحوظه بسيطه ليك لما تركب وحده الرفع وتيجى تقفل بالريموت العربيه هتلاقى الازاز بيطلع ببطء اكتر زى بالظبط لما مجرد تدى كونتاكت وترفع الازاز هيطلع ببطء عكس انك تشغل العربيه وترفع الازاز وانا عندى مركب وحده رفع بس مش بعتمد عليها لانها فعلا بطيئه اوى وده بيرجع لاما بقى من المكن او مجارى الازاز وساعات بيقف مبيكملش ومن الطبيعى فى النزول يبقى اسرع عكس الطلوع جمل اكتر فهمت عاوز اوصلك ايه ؟
فى ناس وده انا سمعتوا لكن مشوفتهوش بتقولك تركب كتاوت تقويه الكلام ده صح ولا غلط الله اعلم وبرضوا نت ممكن تركب 4 وحدات سعر الوحدات من 25 لحد 30 للوحده الواحده فى التوفيقيه
كلام مية مية
بس عيب الكتاوت دى انها بتخلى الازاز شغال علطول يعنى مش معى الكونتاكت
و ممكن تركب على الكونتاكت بس لما يكون كهربائى فاهم ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
ربنا يخليك يا عص بس انا مش شايف كاوتشه في البطاحه ولا هي الناحيه التانيه على العموم انا عديت على العفشجي امبارح وقالي انها محتاجه جوز مساعدين قدام الغريب بقى انه قالي انو عنده استيراد وقالي الجوز ب 250 جنيه!!! وانا سألت عند ابو ادهم وقالي الجوز كاملين بالسوست والبطاحات ب 400 جنيه!!! وانا اصلا شكلي هافضل ماشي عليهم كده لحد ما يجيبو اخرهم خالص وابقى اشتري اتنين جداد احسن بس يا ترى ممكن ده يأثر على حاجه تانيه في العربيه وخصوصا ان كاوتشه البطاحه مقطوعه ولا عادي؟؟؟
انا كنت ناوي اعمل كتاوت فعلا مع العلم ان عندي الازاز بيطلع بسرعه لو قفلته من الزرار بتاعه لكن بيكون بطئ لو رفعته من المفتاح الرباعي اللي جنبي
عادى جدا هتعمل بس اصوات رخمة لما تبوظ خالص
و سياسة غير لما الحاجة تجيب اخرها دى احسن سياسة فى الحياة انا بعملها صراحة ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
انا موافق بس هاخدهم دلوقتي وادفعلك تمنهم حين ميسرة
حبيبي يا ماكس ربنا معاك يا معلم وهي الكاوتشه بس هي اللي فيها جزء مقطوع وهحاول امشي عليها بالهداوة واحده واحده كده لحد ما اغيرها هي الكاوتشه والبطاحه حاجه واحده ولا منفصلين عن بعض وممكن اغير الكاوتشه بس؟؟؟
بيكون فيها بلية مضغوطة فى الكاوتشة
و فى ناس بتصب كاوتش للبطاحات و للقواعد بتاعت المتور بس مظنش بيكون حلو زى الحاجة الجاهزة ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
عملت ايه يا ماكس فى الامتحان انهارده يارب يكون الامور مشيت زى الفل
وعقبال متخلص على خير علشان تفقلنا بقى
الحمد لله يا حبى الامتحان كان سهل الحمد لله بس طويل و ملحقتش اخلص
ولا لحقت استفيد ب البرشام الى ان عاملة ههههههههههههههههههههههههه
كان نفسى اطلع برشام مرة من نفسى
بس الشباب فاكرين اللجنة تبع الثورة و شغالين قلة ادب ة الشباب يتخانقوا مع المراقبين و ييجى على دماغ الطيبين الى زىى الى بيغشوا فى هدوء ههههههههههههههههههههههه
بس الحمد لله محتاجتش اغش ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
المفضلات