المواصفات والاسعار لأسترا سيدان 2015 بمصر

[elgohary20012]

أزاى تربو و يشتغل ب 92 مش عارف أصدق لأنى سألت و شبعت سؤال فى الموضوع دة و الكل أجمع على أن التربو لازم على الأقل بنزين 95 و ألا تربينة الهواء عمرها الأفتراض يقل الى النصف و أنشاء الله نروح نغيرها مثلا ب30 ولا 20 الف جنية أكيد مش أقل مش بس كدة و كمان مش حتاخد full power horse and torque وطبعا زائد حدوث مشاكل أخرى فى المتور و طبعا كل دة عشان بنزين 95 الدولة شيفا أنة بتاع الناس الأغنياء أظاهر مش حسين أن الواحد فى بلدنا بيجيب العربية بطلوع الروح و يسلام لو عربية محترمة أزاى ؟؟؟ كتير طبعا على البنى أدم المصرى تعالى بقى أدفع ضريبة أد كدة و أستغلال فى قطع الغيار و خيلافة مش عارف دة حقد ولا جوع ؟؟؟؟و طبعا الدولة بتوفر الطرق الحرير المطابقة للموصفات العالمية معنديش تعليق غير حسبى الله و نعم الوكيل فى بلد بتخلى كل حاجة صعبة و مقرفة الواحد يفضل يفكر قبل بيجيب عربية جديدة فى مكان وقفتها و نوع بنزينها و هل توكيلها محترم ولا ياجماعة والله العظيم السيارة فى أى بلد محترم يقدر شعبة بتكون أخر حاجة الواحد ممكن يشيل همها .... أسف ياجماعة على الكلام اللى يسد النفس بس أعمل أة أحنا أظاهر مكتوب علينا سددة النفس...حسبنا الله و نعم الوكيل

[Formulator]

انسى تركيب مثبت سرعه فى عربيه دواسة بنزين كهربا زى السوبارو والكرولا والانسر وهى مفيهاش esp وده موجود فى اول فئه استرا

أنا معرفش قوي الصراحة في الحتة دي
بس أنا صاحبي معاه 308 و مركب مثبت سرعة في التوكيل
معرفش بقى دي دواستها كهربة ولا لأ
فيها VDC بـ traction control كمان ;)

أى عربية بـmotorized throttle body والـECU فيه electronic injection-time control..
يركبلها Cruise-Control عادى،

الـESP كل دخله بالموضوع ان الموديول بيتعمله signals-integration من الحاجات اللى زى مثبت-السرعة والـStart-Stop/go وكده؟
(عشان يتحكم فيها وقت عمله.. يفصل الـpower-input مثلا فـ الطوارىء)!!

لو قصدكم على الـCAN-bus؟؟ بردو عادى يركب -أساسى لازم يتكود/يتقرأ CAN طبعا!
شوف
طالما العربية إستاندرد فيها تجهيز الكروز-كنترول (ولو فـ الفئات الأعلى).. بيعملوا حاجة من 2:

- بيستخدم الـOriginal Command Module بتاع الـOE، وبينزل عليه الـ3 functions (اللى هما Activate On/Off و Set +/- و Resume)

لو معرفش يـaccess عليهم ولقى انها ممكن تعمل installation Error:

- بينزل Command-Module زى بتاع الـOE ويكوده (بالأوامر اللى هو عايزها).. وبيقدر يـintegrate فيها كل حاجة بردو:
إشارات من الـABS, ESP, Traction-Control Start/Stop عادى جدا!

والكلام ده بيتعمل على كل تشيباب البوش Motronic (زى الأوبل) والـSiemens-VDO عادى

مفيش عربيه نازله زينون بعلى ويوطى لواحدو فى رنج سعر الاوبل والانسر اعلى فئه فقط هى اللى فيها لمبه بتنور وع حودة الدركسيون لكن اوبل نظام اعلى عدسة الفانوس نفسها بتتحرك مع الملفات وفى حساس نور بيوطى النور لوحدو للفنوس الشمال لو فى عربيه مقابله والموضوع معقد اكتر مما تتخيل

هو معقد فـ الـCornering Head-Light أكثر فعلا؟!!
عشان موتور تانى وحساسات steering غير،
الـAdaptive بتاع الـE-class الجديدة أصعب وأعقد!! عشان حساسات شدة الضوء والـdusk؟؟!!!

طب دلوقتى يا جماعة بالنسبة للتيربو فى واحد قالى انه بيبقى عبارة عن زرار تشغله يبقى الموتور تيربو و تطفيه يبقى الموتور عادى هل ده صح و الا لا و لو صح هل فى حالة انى طافيه استخدم بنزين 92 و مشغله استخدم 95؟

أضف على كلام Mzeid
التربوتشارج ليه Logic بيشتغل حسب الـrpm والـEngine-Load
وزرار الـSport/Overboost مود فقط بيعلى ضغط التربو فـ الـmid-range وفقط لفترة محدودة 30-60 ثانية (أكثر عربية 80 ثانية)؟!!

السلام عليكم يا رجاله
المبيعات الى فى الطيران قالى ان الموتور التربو شغال بنزين ٩٢ عادى علشان نسبة الانضغاط مش عاليه اوى و ان هما سألو و اتأكدو من اوبل قبل ما يجبوها علشان موضوع رفع الدعم عن ال٩٥
والله وحده اعلى واعلم

أزاى تربو و يشتغل ب 92 مش عارف أصدق لأنى سألت و شبعت سؤال فى الموضوع دة و الكل أجمع على أن التربو لازم على الأقل بنزين 95 و ألا تربينة الهواء عمرها الأفتراض يقل الى النصف و إن شاء الله نروح نغيرها مثلا ب30 ولا 20 الف جنية أكيد مش أقل مش بس كدة و كمان مش حتاخد full power horse and torque وطبعا زائد حدوث مشاكل أخرى فى المتور و طبعا كل دة عشان بنزين 95 الدولة شيفا أنة بتاع الناس الأغنياء أظاهر مش حسين أن الواحد فى بلدنا بيجيب العربية بطلوع الروح و يسلام لو عربية محترمة أزاى ؟؟؟ كتير طبعا على البنى أدم المصرى تعالى بقى أدفع ضريبة أد كدة و أستغلال فى قطع الغيار و خيلافة مش عارف دة حقد ولا جوع ؟؟؟؟و طبعا الدولة بتوفر الطرق الحرير المطابقة للموصفات العالمية معنديش تعليق غير حسبى الله و نعم الوكيل

eout Respect للراجل بتاع المبيعات.. ده ألش طبعا؟!! Lol
هى آه نسبة الإنضغاط بتاع موتور الأوبل 1.6 Eco-TEC Turbo أقل من المواتير التربو التانية TSI/ T-JET/ EcoBoost بطريقة ملحوظة..
(يعنى الأسترا 8.8 والتانيين كلهم 9.7/9.8 أو 10.0)

- بس ده لا يمنع انه لازم 95 على الأقل، ويفضل 97-98 RON

هو بيهذى فـ إيه بقى؟؟ الـCompression-Ratio مش كل حاجة؟!!!
طب والـmap بتاع الـinjection/ignition عـ الـECU، وجدول الـTiming-Advance؟!! هيعمل فيهم أيــــــه؟؟

الكلام ده لو منصور طلب من GM-Opel نفسها تعمله map -تعدل كنترول العربية- تخلى الموتور يشتغل بـ92 (زى البافارية ما بتعمل مع BM فـ التقفيل المصرى).
لكن ده طبعا محصلش؟؟!!!

وللأسف الـ92 هيأثر على كل حاجة فـ الموتور، مش بس التوربينة

btw: توربينة الأوبل الـBorgWarner ثمنها ماعتقدش يعدى 12-15 ألف فـ التوكيل..
و5-7 آلاف إستيراد (almost جديدة) وهى نفس توربينة الأسترا-H الـ1.6T تقريبا؟!!

وبعدين أقولك على حاجة -بجد مش هزار:
خليها الـturbo-blown وإنفجر-ضرب على 100 ألف كم -وده صعب أوى حتى مع 92..
- هروح أجيب واحدة Garrett (أو BorgWarner بردو بتاع فوكسهول VXR) بـboost أعلى و bolt-on على المانيفولد.. remap عند سامح بـ ألفين جنيه:
يبقى انت كنت راكب عربية 180 حصان، التربو إنفجر: رحت غيرته بواحد 220-240 حصان بعد النص-عمرة (أو ربع بقى)؟؟!!!
هههههههههههههههههههههههه

بتكلم جد وأعرف كذا واحد عمل كده!!
مواتير التربو الجديدة (وبالذات العالية -من شركات محترمة) يتعمل فيها أكثر من كده؟؟!!!
بس الحكومة اللى تفهم
- كده أحسن ولا أجيب موتور V6 (بنفس الباور) وأحرقلك الـ92 بتاع البلد كلها -بالدعم بتاعه؟!!!
تقول لمين ياعم؟!! :(

[Ahmed_Adham]

بس الحكومة اللى تفهم
- كده أحسن ولا أجيب موتور v6 (بنفس الباور) وأحرقلك الـ92 بتاع البلد كلها -بالدعم بتاعه؟!!!
تقول لمين ياعم؟!! :(

مش عارف الافضل انهم يفهمو الحته دي ولا لاء. أصل انا خايف لو فهموها يغيرو الجمارك والضريبه من ال سي سي للحصان وساعتها كل اللي عندو تربو هيلبس.

[elgohary20012]

ياسلام يأستاذ formulator ربنا يفتح عليك بس تقول لمين بيضللوا الناس قلة ضمير عشان يبيعوا و خلاص كلوا فى الباكامونيا فعلا أحنا مشكلتنا فى البلد الأسلامى دة مشكلة أخلاق على كلا أستفد من معلومات سياتك والله جزاك الله كل خير بس هل فعلا البى أم بتطلب تعديل وحدة كنترول العربية عشان تشتغل على 92 قبل تسوقها فى مصر و هل الكلام يخص الموديلات الجديدة فقط اللى نزلة بتروبينة هواء ولا الكلام بيسرى على كل الموديلات بداء من شكل e90 وصولا لموديلات2013 وأذا كانت عربية وارد الخارج تقفيل ألمانى بداء من شكل e90 وصولا لشكل f30 حيبقى فى مشكل كبيرةعشان يعدل ecu بتاع العربية عشان يتقبل 92 ياريت حد متخصص من الأخوة يوضحلنا و شكرا

[elgohary20012]

يأخ أحمد أدم أظاهرأن كل الحكومات من قبل الثورة و من بعد للأسف متخصصة أزاى تخنق و تزهق الناس من عشتها و طبعا حتلاقى مليون رد و رد بمليون حجة و حجة و على رأيك مش كفاية الجمارك و الضرايب اللى بتخلى الواحد يجيب العربية بتمن عربيتين و لا عربية و نصف :)....يارب

[bob12345]

مفيش عربيه نازله زينون بعلى ويوطى لواحدو فى رنج سعر الاوبل والانسر اعلى فئه فقط هى اللى فيها لمبه بتنور وع حودة الدركسيون لكن اوبل نظام اعلى عدسة الفانوس نفسها بتتحرك مع الملفات وفى حساس نور بيوطى النور لوحدو للفنوس الشمال لو فى عربيه مقابله والموضوع معقد اكتر مما تتخيل

هيا الجيتا و الاوكتافيا بيعلي و يوطي لوحده لكن مش adaptive
بس يا باشا الموضوع مش معقد اوي كده :)

http://www.youtube.com/watch?v=gRqOOcrhJxw&feature=related

http://www.youtube.com/watch?v=urqN8l7RbAc

http://www.youtube.com/watch?v=b_EXAmAnMTI&feature=related

[mfrateb]

خلاص انت ممكن تشتري اى عربيه تانيه وتريح نفسك

اكيد طبعا...وده اللي هيحصل فعلا بس انا بانتقد الانتظار المبالغ فيه

[bob12345]

هو ده بقي يا باشا الكلام الجديد :)
The New 2013 SEAT Leon 5DR SE FR Take a Closer Look - YouTube

[احمد فهمى]

هيا الجيتا و الاوكتافيا بيعلي و يوطي لوحده لكن مش adaptive
بس يا باشا الموضوع مش معقد اوي كده :)

2010 Vauxhall Astra (pt.4) - Adaptive Forward Lighting - YouTube
Vw Passat Adaptive Xenon lights. - YouTube
fari xenon golf v (hd) - YouTube

لو انت شايف ان الadaptive مش معقد ده موضوع تانى بس الموضوع مش سهل وفعلاً معقد وله كنترول يونت لوحدو يعنى الموضوع مش فانوس وبس

[احمد فهمى]

[QUOTE=formulator;3874631429]أى عربية بـmotorized throttle body والـECU فيه electronic injection-time control..
يركبلها Cruise-Control عادى،

ده من الناحيه العلميه لكن العمليه وانك توفر الدراع وتجيب ضفيرتو وتعدل فى فبرة الدركسيون لتركيبو او تجيب الفبره الاصليه اللى فيها مكان المثبت ده موضوع احتمالية تنفيذه مستحيله

[CosmicOne]

افهم من كده يا رجاله ان مواتير بي ام التربو بنزين ٩٢ عادى مش محتاجه ٩٥؟

هو الراجل في اوبل بيقول انو متأكد و انهم سألو الشركه الام على الموضوع ده قبل ما يجيبو الموتور

على فكره لمحت فى حته على النت ان التوين تربو بتاع الهيونداى الفيلوسيتر يشتغل ron87 تخيلوا بس مش متأكد ميه فالميه

[Formulator]

مش عارف الافضل انهم يفهمو الحته دي ولا لاء. أصل انا خايف لو فهموها يغيرو الجمارك والضريبه من ال سي سي للحصان وساعتها كل اللي عندو تربو هيلبس.

لا طبعا خليهم كده أحسن!! ههههههههههههههههه

هما لو حسبوها بالهورسباور (أو بالـEfficiency بمعنى أصح: إستهلاك بنزين وإنبعاثات بالنسبة للسعة اللترية)..

ممكن تلاقى عربية قديمة بتدفع جمرك و ضريبة أكبر من E250 CGi أو 528i؟؟!!! Lol

ماهو عشان كده مبدأ الإحلال والتجديد مهم؟!!!
- انت عمال تدعم فـ بنزين لـ ماكينات مهدرة للطاقة وعديمة الفعالية -بالنسبة لإستهلاكها من الوقود؟!!

بس هل فعلا البى أم بتطلب تعديل وحدة كنترول العربية عشان تشتغل على 92 قبل تسوقها فى مصر و هل الكلام يخص الموديلات الجديدة فقط اللى نزلة بتروبينة هواء ولا الكلام بيسرى على كل الموديلات بداء من شكل e90 وصولا لموديلات2013 وأذا كانت عربية وارد الخارج تقفيل ألمانى بداء من شكل e90 وصولا لشكل f30 حيبقى فى مشكل كبيرةعشان يعدل ecu بتاع العربية عشان يتقبل 92 ياريت حد متخصص من الأخوة يوضحلنا و شكرا

افهم من كده يا رجاله ان مواتير بي ام التربو بنزين ٩٢ عادى مش محتاجه ٩٥؟

لأ
الكلام ده لحد مواتير الـN45/46 بتاع الـe90 (الـ320)
ومواتير الـe60 الـNorma/Aspirated (الـ523/25 و 530) بالـ3.0si بتاع الـX3
(أصلا المواتير دى كانت بتنزل أوروبا direct-injection و Double-VANOS و بهورسباور أعلى من عندنا بفرق كمان)؟!!
مثال: موتور الـ320i الشهير كان بينزل 170 حصان، فـ مصر كان de-tuned لـ150 حصان!!

لكن
مواتير الـN13 (الـ116/18) والـN20 (الـ320/28 و 528)
وموتور الـN55 (الـ335 و 535i) مانفعش الكلام ده معاها.. اللى هو de-tune تشتغل 92
يعنى: كل مواتير الـTwinScroll تربو الجديدة بتاع الـBM أساسى 95.

هو الراجل في اوبل بيقول انو متأكد و انهم سألو الشركه الام على الموضوع ده قبل ما يجيبو الموتور

ياباشا هو يقول اللى هو عايزه.. إحنا بنتكلم فـ الصح أيه؟!!
الـspecs بتاع الموتور ده من الأوبل فـ أوروبا، الفوكسهول فـ إنجلترا.. وحتى الهولدن فـ أستراليا بتقول:
Premium Unleaded 95 ده الـminimum كمان؟!!!

- أقولك على حاجة: ماهو يشتغل 92 مش هيقول لأ؟؟؟!!!!!!
بس هيقول: هأسقف وأكركر وهأرمى بنزين والعزم والسحب والهورسباور هيقل!!
وقابل بقى مشاكل عـ الـLong-run؟!!!

على فكره لمحت فى حته على النت ان التوين تربو بتاع الهيونداى الفيلوسيتر يشتغل ron87 تخيلوا بس مش متأكد ميه فالميه

ماعتقدش؟!!
ممكن يكون قصدهم 87 AKI فـ أمريكا الشمالية = 92 عندنا.
(والـ89 = 95، والـ91/93 = 97/98 RON فـالخليج وأوروبا)

مابيعملش الحركة دى غير الهونضاى على فكرة؟!! ههههههههههههههههههه
بيقولك:
- موتور الـ2.0T بتاع الجينيسيس والأوبتيما والسوناتا بيطلع 275 حصان (95)، و260 حصان (92)!
- وموتور الـ1.6T بتاع الضفدعة المتربنة بيطلع 204 حصان (95) وتقريبا 187 حصان (92)؟!!
الصراحة: أفلح إن طلع boost؟؟!!! ههههههههههههه
ميزة برضه! بس مواتير الهونضاى بتبقى over-rated عـ الورق حاجة وفـ الـreal-life حاجة أقل؟!!
أصلا هى كده كده مواتير العمر-الإفتراضى بتاعها قصير!!
- معرفش إزاى هينزل 2 Timing-advance strategy على نفس الـmap بتاع الكنترول؟؟!!!
واحدة فيهم (الـ275/204 حصان) aggressive أوى! والتانية متراجعة جدا (260/187 حصان)!!
أصل الفرق كبييييييييير ياجدعان؟؟ إحنا بنتكلم فـ 15-17 حصان!!
معقول الهيونداى-كيا عندها knock/pinging control سوفتوير عالى أوى كده؟؟!!!
هههههههههههههههه

Rgds،

[elgohary20012]

ياسلامممممممممممممم ياعم formulator الله ينور عليك بس بالطريقة دة عمرى محركب عربية حديثة تربو هورس عالى فى ظل رفع الدعم عن بنزين 95اللى حيبقى بعشرة جنية على الأقل ربنا يولع فيهم ....

[N.a.j.d]

هيا الاسترا الهاتش باك مفيش منها تربو ؟

[m.farouk]

لا هيبقى 5.75