المواصفات والاسعار لأسترا سيدان 2015 بمصر

[dede_dodo88]

بس كنت عايز توضيح اكتر ايه المقصود بــ راديو و مشغل اسطوانات 400

و شاشة بيانات جرافيكية

ياريت صوره للشاشه دى والفرق بينها وبين الشاشه الى فى الانجوى

ده اللي في الكوزمو و التربو



و ده اللي في الأنجوي

[hossam_elwani]

طيب اسعار الصيانات ايه ؟؟ الى معاه الهاتش باك اكيد عارف ارجو الافاده

[hossam_elwani]

ده اللي في الكوزمو و التربو



و ده اللي في الأنجوي

شكرا للافاده بس مفبش اجابه على االاسطوانات 400 دى معناها ايه ؟؟

[hossam_elwani]

وسؤال تانى معلش هو العربيه فيها ebd ولا لا ؟؟ ولو مفيهاش هل esp يغنى عن ebd ؟؟

[hossam_elwani]

التيل غالى شوية
والزجاج برضه
سعر الاكصدام اللى قدام طبيعى لانه واصل حد نص الكبوت فوق

على فكره تيل الالنترا بـ 750 جنيه تقريبا يعنى اغلى منها

[hossam_elwani]

وسؤال كمان معلش كترت عليكم هو الفتيس اوتو عادى ولا استربترونيك ؟؟

[m.farouk]

انا سئلت منصور قالى استبترونيك

[احمد فهمى]

ستيبترونيك يعنى اوتوماتيك

[hossam_elwani]

ستيبترونيك يعنى اوتوماتيك

المقصد من سؤالى هل هى غيار يدوى واوتو زى الالنترا الجديده مثلا ؟؟

[Gladiator2012]

انا اللى اعرفه انها غيار اتوماتيك بس مش اتوماتيك و مانويل

[Hosam_Optrawy]

المقصد من سؤالى هل هى غيار يدوى واوتو زى الالنترا الجديده مثلا ؟؟

ايوه فيها +/- مانيوال واوتو

[m.farouk]

ايوه فيها +/- مانيوال واوتو

ايوه فيها +\- وشوفتهم بنفسى مكتوب امام حرف الd +\- ولم سئلت مسئول المبيعات قلى ايوة منول واتوماتك

[zamahly]

السلام عليكم ورحمة الله

كنت عايز استفسر عن بعض الحاجات فى اوبل استرا...

1- وزن العربية قد ايه؟ وهل وزنها مناسب لـ 115 حصان؟

2- هل فيها gps ؟

3- الفئة الثانية فيها فتحة سقف؟ ولاّ لازم ادفع الـ 210k عشان آخد الاوبشن ده (مع التربو طبعا)... فتحة السقف اوبشن مهم بالنسبة لي وهيقف عليه قرار شرائي للعربية

4- قطع الغيار اسعارها ايه؟
فانوس امامي و خلفي ، مرآة جانبية ، اكصدام امامي وخلفي، مساعدين امامي وخلفي - طقم سيور ...... لان اكيد العربية محترمة ومعمرة واكيد هتحتاج صاينة أو تصليح لا قدر الله

5- هل درج التابلوه الامامي فيه مبرد هواء؟ عشان يسقع المشروبات مثلاً

6- هل ممكن (زي ما بعض الزملاء قالوا) ان الوكيل يغلي الاسعار بعد فترة لو لاقي الطلب كثر عليها؟ .. بصراحة لو عمل كده يبقي تقليل من مستواه ومن اسمه فى السوق، وتبقي حركة (نص كم)

اعتقد ان مدة الحجز 75 يوم.. ده لان الوكيل فى مرحلة جس نبض الشارع من الاسترا

. . .

انا عضو جديد هنا، واول مشاركة ليا ، لكني زائر قديم.. وعندي سؤال ملوش علاقة بالاسترا، ولكن لكي يطمئن قلبي

هل المشرفين ومساعدي الاقسام (فى كل نوع سيارة) هنا فى المنتدي.. هواة ومحترفين لمعلوماتهم الكثيرة حول السيارة موضع تخصصهم؟؟ ولا هما موظفين عند الوكيل وبياخدو مرتب عشان يسوقوا للعربية ويردوا على استفسارات الاعضاء ويحاولوا يقنعوهم؟

لاني لاحظت بعض الاسماء هنا (لا اقصد اوبل تحديدا) موجودة ايضا وبترد على تعليقات الناس علي صفحة الوكيل علي الفيس بوك

انا لا اقصد الاساءة.. ولكن كما قلت ، لكي يطمئن قلبي


شكرا وتحياتي لكم جميعاً

السلام عليكم
منتظر اجابتكم علي استفساراتي يا اصدقائي ... دي اول مشاركة ليا هنا ، شكرا على التشجيع

أرجوا تجاهل جزء (قطع الغيار) حيث تمت الاجابة عليه

[dede_dodo88]

السلام عليكم ورحمة الله

كنت عايز استفسر عن بعض الحاجات فى اوبل استرا...

1- وزن العربية قد ايه؟ وهل وزنها مناسب لـ 115 حصان؟

أنا مش متأكد من الوزن بالظبط بس هو في حدود 1500ك.. هو الوزن بيأثر على السحب في طلعة العربية بس بيزود الثبات على السرعات العالية..
العربية صاجها تقيل و هتحسه أوي لما تيجي تفتح أو تقفل أي باب..

2- هل فيها GPS ؟

لأ..

3- الفئة الثانية فيها فتحة سقف؟ ولاّ لازم ادفع الـ 210k عشان آخد الاوبشن ده (مع التربو طبعا)... فتحة السقف اوبشن مهم بالنسبة لي وهيقف عليه قرار شرائي للعربية

فتحة السقف بتنزل في التربو بس اللي هي بـ210k..

5- هل درج التابلوه الامامي فيه مبرد هواء؟ عشان يسقع المشروبات مثلاً

لأ..

6- هل ممكن (زي ما بعض الزملاء قالوا) ان الوكيل يغلي الاسعار بعد فترة لو لاقي الطلب كثر عليها؟ .. بصراحة لو عمل كده يبقي تقليل من مستواه ومن اسمه فى السوق، وتبقي حركة (نص كم)

الله أعلم.. دي حاجة بتبقى حسب السوق ماشي أزاي.. يعني لو في طلب كتير على العربية فأحتمالية أن السعر يزيد واردة جداً..

[hossam_elwani]

طيب سؤال تانى .. الجنوط الى كانت بتنزل فى موديل 2011 الى هيا زى دى





هل شكل الجنط اختيارى ؟؟