المواصفات والاسعار لأسترا سيدان 2015 بمصر

[Ahmed_Adham]

انا مش مهتم بالالنترا يصراحه لاكن بجد اتصدمت من الفكترا سي !

يا راجل حتى اركب صالون الاتنين ! سبحان الله

و حتى الفكترا سي "شكلها" اكبر

لكن في النهايه المرجع لابعاد و شكرا ليك انك نبهتني للموضوع دا

على فكره في احيان كتير الابعاد الخارجيه مش بالضروره تتحول لمساحه اضافيه داخليه. يعني العرض ممكن يضيع في مساحه بين الباب والكرسي بدل ما يكون مساحه أكتر في عرض الكرسي او الكنبه الداخليه. أو ان الطول يروح في الكبوت او الشنطه وميبقاش زياده في مساحه الارجل في الكنبه الخلفيه مثلا.

أنا بصراحه أهم الابعاد بالنسبه لي هيه مساحه الأرجل وخصوصا ورا + عرض الكنبه الخلفيه عشان تاخد 3 مرتاحين.

تعديل: بصره يا حسام باشا.

[zamahly]

اشكرك على اهتمامك استااذ dede_dodo88

كان لازم اقعد ازن واعمل 3 بوستات عشان الاقي رد :)


عموما انا شكلي هجيب الالنترا

ربنا يوفق

[احمد فهمى]

اشكرك على اهتمامك استااذ dede_dodo88

كان لازم اقعد ازن واعمل 3 بوستات عشان الاقي رد :)


عموما انا شكلي هجيب الالنترا

ربنا يوفق

خساره يا باشا هتندم روح اركب العربيتين وجربهم الاول هتعرف الفرق

[Ali Wika]

يا جماعة - هى العربية فيها epd ولا لأ

[Ali Wika]

بس منصور المرة دي مهتم بالعربية شوية..
يعني النهاردة مثلاً أول مرة ألاحظ أنه عامل بانرز أعلانات كتير للعربية في أماكن متفرقة و الكلام ده مكنش معمول للهاتشباك أول ما نزلت..
هو كده كده الهاتشباك أبتدت تنتشر بشكل ملحوظ أوي و ده ممكن يكون عامل يشجع اللي بيفكر يجيب السيدان ميترددش كتير..

صديقى العزيز - بما انك تملك حاليا استرا h - ممكن توجز لنا انطباعاتك عن اداء استرا معاك

[Ali Wika]

انا دخلت علي موقع اوبل و شفت الاسترا علي الموقع البولندي..وكان هناك شيء غريب هو ان فيه كذا نوع موتور للاسترا السيدان لكن مفيش ولا واحد فيهم ايكو تيك اللي هوا نازل في مصر؟
طيب ليه ؟
هل الايكوتيك تكنولوجيا قديمة منزلهالنا منصور؟
يا ريت لو حد من الاعضاء اللي ليهم باع مع اوبل يشرحلنا النقطة دي...

استاز- أحمد فهمى - فين حضرتك فى السؤال المهم ده - نرجو الافادة ي أستراوية

[Ali Wika]

يا جماعة - هى العربية فيها epd ولا لأ

اسف أقصد ebd

[dede_dodo88]

اشكرك على اهتمامك استااذ dede_dodo88

كان لازم اقعد ازن واعمل 3 بوستات عشان الاقي رد :)


عموما انا شكلي هجيب الالنترا

ربنا يوفق

أنا متأسف بجد على الرد المتأخر.. بس أنا فعلاً مش قادر أتابع في الفترة الحالية..

بس نصيحة.. مترميش فلوسك في أي عربية كوري.. طالما دخلت في التفكير في الألماني مترجعش في تفكيرك و تبعد عن الألماني.. حتى لو ملاقيتش في الأسترا اللي أنت عايزه دور على أي بديل ألماني تاني زي الفانتازيا أو الفوكس..
لأن الأبهار بتخمة الكماليات اللي بتنزل في الكوري دي متساويش أحساس الأمان و المتانة اللي بتلاقيهم في الألماني..

[dede_dodo88]

صديقى العزيز - بما انك تملك حاليا استرا h - ممكن توجز لنا انطباعاتك عن اداء استرا معاك

انا معايا أسترا j هاتشباك اللي هي أخر شكل اللي نازل منها السيدان دلوقتي..
أنطباعي عن العربية أني بحبها جداً و بستمتع بالفترة اللي بقضيها جوا العربية..
أداء العربية وَحش طبعاً على الطريق.. ثبات و تحكم عالي في العربية..
لو أنت غاوي شد و دراج.. فالعربية ضعيفة في الجزئية دي و يمكن دي الحاجة الوحيدة الضعيفة فيها.. غير كده فالعربية كمجمل جامدة جداً و معتقدش أي حد هيجيبها هيندم لأن في حاجات تانية كتير هتعوضك عن موضوع الشد ده..

[احمد فهمى]

استاز- أحمد فهمى - فين حضرتك فى السؤال المهم ده - نرجو الافادة ي أستراوية

السلام عليكم
اولاً منصور مبينزلش مواتير جى ام الشركه الام هى اللى بتتحكم فى المواتير اللى تنزل فى كل بلد وجى ام نزلت الايكوتك مصر لانو بيشتغل بنزين ٩٢ منغير مشاكل والايكوتك مش تكنولوجيا قديمه بينزل فى اوربا الى اليوم

[m.farouk]

انا معايا أسترا j هاتشباك اللي هي أخر شكل اللي نازل منها السيدان دلوقتي..
أنطباعي عن العربية أني بحبها جداً و بستمتع بالفترة اللي بقضيها جوا العربية..
أداء العربية وَحش طبعاً على الطريق.. ثبات و تحكم عالي في العربية..
لو أنت غاوي شد و دراج.. فالعربية ضعيفة في الجزئية دي و يمكن دي الحاجة الوحيدة الضعيفة فيها.. غير كده فالعربية كمجمل جامدة جداً و معتقدش أي حد هيجيبها هيندم لأن في حاجات تانية كتير هتعوضك عن موضوع الشد ده..

ممكن توضح ضعيفة ازى فى الشد يعنى ضعيفة قوى لدرجة تحنق ولا اية النظام علشن كلة اتكلم على موضوع ضعف الشد والسرعة القصوى الى الى انتى جبتها بيها اية وثبتها كان عامل ازى وفرملها اخبرها اية لحسن كان معى كورى ومتعقد من موضوع الفرامل ده

[Mzeid]

محرك الايكوتيك موجود في بولندا و موجود في البروشور بتاعهم
و نزلتله صورة قبل كدة

[hossam_elwani]

العربيه دى نفس اداء وفئة الجيتا تستاهل سعرها بجد (فى ظل الاسعار فى مصر طبعا)

[Ahmed_Adham]

ممكن توضح ضعيفة ازى فى الشد يعنى ضعيفة قوى لدرجة تحنق ولا اية النظام علشن كلة اتكلم على موضوع ضعف الشد والسرعة القصوى الى الى انتى جبتها بيها اية وثبتها كان عامل ازى وفرملها اخبرها اية لحسن كان معى كورى ومتعقد من موضوع الفرامل ده

عايز تحكم على الشد في اي عربيه من غير ما تركبها شوفها بتعمل 0-100 في كام ثانيه.

[dede_dodo88]

ممكن توضح ضعيفة ازى فى الشد يعنى ضعيفة قوى لدرجة تحنق ولا اية النظام علشن كلة اتكلم على موضوع ضعف الشد والسرعة القصوى الى الى انتى جبتها بيها اية وثبتها كان عامل ازى وفرملها اخبرها اية لحسن كان معى كورى ومتعقد من موضوع الفرامل ده

ضعيفة في الشد بمعنى أن التسارع من 0-100 بطيء شوية.. يعني لو عايز تشد مع حد فالعربية مش هتساعدك..
أنا مسافرتش بالعربية غير مرة واحدة و وصلت فيها لـ210km/h على طريق السخنة و كنت حاطط وقتها كمان بنزين 92 و أنا دلوقتي ماشي بـ95.. الثبات هايل جداً طبعاً على أي سرعة.. و الفرامل كويسة أوي..
بص أنا أوقات بتضايق من موضوع ضعف التسارع من 0-100 ده و أني مش عارف أشد مع عربيات تانية.. بس كـdriving experience حتة الشد دي minor أوي و هتتجاهلها تماماً لأنك still هتفضل مبسوط و مستمتع بسواقة العربية دي..