رابطة مالكى فيكترا سي ★ والصيانات

[Hussein_Rawi]

النهارده الصبح كنت مسافر والساعة 10 صباحا كنت عاوز أغير زيت ، ومشكلتى كانت الفلتر ، فقلت أروح صقر قريش أشترى فلتر واشوف اى بنزينة اغير فيها ، المهم رحت صقر قريش ولم اجد شوى محل واحد فقط فاتح إسمه نيو أوبل بيبيع قطع الغيار الGM كلها ، فلقين عمده جركن زيت 5 لتر GM وعليه علامة فضية silver certificate لما تقلب فيها تديك علامة أوبل ، سالت البائع قالى ده زيت خصيصا للأوبل انا صورت الجركن لكن مش عارف ارفع الصورة إزاى عندكم
المهم قلت ما كل حاجة فى البلد مضروبة أجرب والسلام وفعلا أشتريت الجركن ب 275 جنيه 5لتر
طبعا أرخص من أى زيت تخليقى فى السوق ، هابعتلكم صورة الجركن كملف مرفق ونزلوه وقلولى إيه الأخبار لو حد عنده فكرة
وطبعا يهمنى أراء كلا من :
أ/ أحمد وأ/ عاشور ,طنانى باشا بصفتهم الخبرة فى المنتدى
Genuine
GM
Motor Oil
10W-40
ACEA A3/B3/B4. APISL/CF
ده اللى مكتوب عليه
وطبعا مكتوب Made in EU
لو حد عنده فكرة ياريت يطمنى
وشكرا

[Hussein_Rawi]

[media]https://www.rapidshare.com/#myrs_filemanager/file/7937[/media]

[abdelaziz-waleed]

السلام عليكم يا رجالة الفيكترا سي
انهاردة رجعت مصر الحمد لله.
وجاي بالعربية من المطار للبيت. شغلت التكييف. لاحظت ان ناحية السواق جايبة ساقعة ممتازة جدا.
بس الناحية التانية جايبة هواء عادي
حاولت اغير درجة الحرارة من البكرة اللي ناجية اليمين بتاعة التكييف ولكن بدون اي جدوى
تنصحوني اعمل ايه؟

[abdelaziz-waleed]

انا لاحظت حاجة في الفتيس الايزي ترونك
لو انا على المانوال مود وتوقفت بالعربية. اما على الشاشة بيكون مكتوب الغيال الاول او رقم 1
ولكن اعتقد ان في الحقيقة الفيتيس بيكون ممور نفسه.
الدليل ان او ما ارفع رجلي من على الفرامل بلاحظ ان العربية مش بتتحرك على طول بل بتاخد ثانيتين وبعد كدة تبدأ تتحرك وفي خلال الثانيتين بحس ان العربية زي ما يكون بتاخد غيار
هل الكلام ده مظبوط؟

[ashourashour]

النهارده الصبح كنت مسافر والساعة 10 صباحا كنت عاوز أغير زيت ، ومشكلتى كانت الفلتر ، فقلت أروح صقر قريش أشترى فلتر واشوف اى بنزينة اغير فيها ، المهم رحت صقر قريش ولم اجد شوى محل واحد فقط فاتح إسمه نيو أوبل بيبيع قطع الغيار الgm كلها ، فلقين عمده جركن زيت 5 لتر gm وعليه علامة فضية silver certificate لما تقلب فيها تديك علامة أوبل ، سالت البائع قالى ده زيت خصيصا للأوبل انا صورت الجركن لكن مش عارف ارفع الصورة إزاى عندكم
المهم قلت ما كل حاجة فى البلد مضروبة أجرب والسلام وفعلا أشتريت الجركن ب 275 جنيه 5لتر
طبعا أرخص من أى زيت تخليقى فى السوق ، هابعتلكم صورة الجركن كملف مرفق ونزلوه وقلولى إيه الأخبار لو حد عنده فكرة
وطبعا يهمنى أراء كلا من :
أ/ أحمد وأ/ عاشور ,طنانى باشا بصفتهم الخبرة فى المنتدى
genuine
gm
motor oil
10w-40
acea a3/b3/b4. Apisl/cf
ده اللى مكتوب عليه
وطبعا مكتوب made in eu
لو حد عنده فكرة ياريت يطمنى
وشكرا

انا مش خبير ولا حاجه يا عم

مبروك الزيت

والتجربه خير دليل و اهم حاجه انك تجيب الزيت ايا كان نوعه من واحد انت تثق فيه !

عن نفسي جربت زيت غريب من فتره

انت حسيت صوت الموتور اتغير ؟ للانعم طبعا ؟

[ashourashour]

انا لاحظت حاجة في الفتيس الايزي ترونك
لو انا على المانوال مود وتوقفت بالعربية. اما على الشاشة بيكون مكتوب الغيال الاول او رقم 1
ولكن اعتقد ان في الحقيقة الفيتيس بيكون ممور نفسه.
الدليل ان او ما ارفع رجلي من على الفرامل بلاحظ ان العربية مش بتتحرك على طول بل بتاخد ثانيتين وبعد كدة تبدأ تتحرك وفي خلال الثانيتين بحس ان العربية زي ما يكون بتاخد غيار
هل الكلام ده مظبوط؟

الموضوع مش مانيوال او اوتو مفيش فرق غير ان في المانيوال بتشوف الغيار و في الاوتو بتتخيله (يا بخت رجاله الاسترا اتش بيشوفو الغيار في الحالتين)

الكمبيوتر بيتصرف بطريقتين مختلفتين
اولا لو انت مهدي قوي و مشعر فرامل والعربيه على وشك تقف الكنترول بيدبرج وبيسيب الغيار متعشق و اول ما بتسيب فرامل بيسيب دبرياج بسرعه قوي

ثانيا لو دوست فرامل لحد مالعربيه وقفت خالص 0 كم الكنترول بيدبرج طبعا لكن مش متأكد بيمور ولا لأ و لما بتسيب فرامل في الحاله دي بيسيب دبرياج براحه قوي

ان شاء الله اجرب واقولك

[ashourashour]

السلام عليكم يا رجالة الفيكترا سي
انهاردة رجعت مصر الحمد لله.
وجاي بالعربية من المطار للبيت. شغلت التكييف. لاحظت ان ناحية السواق جايبة ساقعة ممتازة جدا.
بس الناحية التانية جايبة هواء عادي
حاولت اغير درجة الحرارة من البكرة اللي ناجية اليمين بتاعة التكييف ولكن بدون اي جدوى
تنصحوني اعمل ايه؟

عليكم السلام

1-اكيد انت هاي او توب لاين ... درجه الحراره بتتغير عالشاشه ولا لا؟؟؟؟
2-في حساسين درجه حراره بيحس بدرجه حراره الهواء اللي خارج من الهوايه الشمال خالص والهوايه اليمين خالص مسؤلين عن تنظيم درجه حراره كل جانب لوحده طبعا بيدي اشارته لكنترول التكييف الالكترونك كلايمت كنترول البورده اللي ورا التلات زراير واللي بدورها بتقارن بدرجه الحراره اللي انت عايزها واللي السنسور قاريها

ممكن يكون الحساس اليمين دا فيه مشكله ! او فيشته عايزه تتنضف .. طبعا بيبان عال tech2 جهازالاعطال

انت محتاج تكشف جهاز واكيد هتلاقي العطل متسجل ان شاء الله

[abdelaziz-waleed]

الموضوع مش مانيوال او اوتو مفيش فرق غير ان في المانيوال بتشوف الغيار و في الاوتو بتتخيله (يا بخت رجاله الاسترا اتش بيشوفو الغيار في الحالتين)

الكمبيوتر بيتصرف بطريقتين مختلفتين
اولا لو انت مهدي قوي و مشعر فرامل والعربيه على وشك تقف الكنترول بيدبرج وبيسيب الغيار متعشق و اول ما بتسيب فرامل بيسيب دبرياج بسرعه قوي

ثانيا لو دوست فرامل لحد مالعربيه وقفت خالص 0 كم الكنترول بيدبرج طبعا لكن مش متأكد بيمور ولا لأ و لما بتسيب فرامل في الحاله دي بيسيب دبرياج براحه قوي

ان شاء الله اجرب واقولك

تمام الله ينور عليك يا عاشور.
طب دلوقتي لو انا واقف على مطلع
وهبدأ امشي بالعربية. اعمل ايه علشان العربية ما تريحشي مني؟

[abdelaziz-waleed]

عليكم السلام

1-اكيد انت هاي او توب لاين ... درجه الحراره بتتغير عالشاشه ولا لا؟؟؟؟
2-في حساسين درجه حراره بيحس بدرجه حراره الهواء اللي خارج من الهوايه الشمال خالص والهوايه اليمين خالص مسؤلين عن تنظيم درجه حراره كل جانب لوحده طبعا بيدي اشارته لكنترول التكييف الالكترونك كلايمت كنترول البورده اللي ورا التلات زراير واللي بدورها بتقارن بدرجه الحراره اللي انت عايزها واللي السنسور قاريها

ممكن يكون الحساس اليمين دا فيه مشكله ! او فيشته عايزه تتنضف .. طبعا بيبان عال tech2 جهازالاعطال

انت محتاج تكشف جهاز واكيد هتلاقي العطل متسجل ان شاء الله

تسلم يا عاشور باشا على الرد.
انا عربيتي هاي لاين
ولما بغير درجة الحرارة من البكرة بشوفها بتتغير على الشاشة عادي
انما بحس ان الهواء اللي طالع من الناحية اليمين عادي مش ساقع
واللي طالع من الناحية الشمال ساقع جدا وممتاز
ان شاء الله اروح احطها على الجهاز واكشف عليها

[ashourashour]

تمام الله ينور عليك يا عاشور.
طب دلوقتي لو انا واقف على مطلع
وهبدأ امشي بالعربية. اعمل ايه علشان العربية ما تريحشي مني؟

فالعربيات المانيوال العاديه السواق التعبان بيشد فرامل اليد و بعدين يسيب فرامل الرجل و يبدأ يسيب دبرياج و اول ميحس بالعربيه بتشب ينزل فرامل اليد

اللي متمكن من العربيه مش بيشد فرامل اليد عشان هوا عارف انه هيسيب فرامل الرجل و يسيب دبرياج و العربيه تتحرك في ثانيه و مش خايف يسيب دبرياج بسرعه فالعربيه تبطل منه مثلا !

الكنترول تقدر تقول انه الحاله التانيه فانت سيب فرامل بثقه وابدأ دوس بنزين براحه العربيه هتريح بسيط اوي اوي زي اي سواق محترف بيعمل الموضوع دا

الا في حاله مفيش سم وراك في الحاله دي شد فرامل اليد و اول مالعربيه تشب نزلها

[Hussein_Rawi]

انا مش خبير ولا حاجه يا عم

مبروك الزيت

والتجربه خير دليل و اهم حاجه انك تجيب الزيت ايا كان نوعه من واحد انت تثق فيه !

عن نفسي جربت زيت غريب من فتره

انت حسيت صوت الموتور اتغير ؟ للانعم طبعا ؟

شكرا على الرد ياباشا
لكن فعلا فى فرق فى صوت الموتور وربنا يسهل إحنا لسه فى أول 1000 كم

[abdelaziz-waleed]

فالعربيات المانيوال العاديه السواق التعبان بيشد فرامل اليد و بعدين يسيب فرامل الرجل و يبدأ يسيب دبرياج و اول ميحس بالعربيه بتشب ينزل فرامل اليد

اللي متمكن من العربيه مش بيشد فرامل اليد عشان هوا عارف انه هيسيب فرامل الرجل و يسيب دبرياج و العربيه تتحرك في ثانيه و مش خايف يسيب دبرياج بسرعه فالعربيه تبطل منه مثلا !

الكنترول تقدر تقول انه الحاله التانيه فانت سيب فرامل بثقه وابدأ دوس بنزين براحه العربيه هتريح بسيط اوي اوي زي اي سواق محترف بيعمل الموضوع دا

الا في حاله مفيش سم وراك في الحاله دي شد فرامل اليد و اول مالعربيه تشب نزلها

تمام تسلم ايدك يا عاشور باشا
انا فعلا لما بدأت اتعلم السواقة كنت بشد فرامل اليد في المطالع علشان كانت رجلي لسة مش حساسة على الدواسات. بس دلوقتي الحمد لله مش بستخدمها
انا فعلا لاحظت زي مانت قولت بالظبط ان العربية بتريح بسيط قوي قوي بس ده على مطالع الكباري. لسة ماجربتهاش في مطلع محترم.
فيه معلومة ظريفة جدا. ان لو بطلت العربية وهي على المانوال مود بتعتبر كأنها واقفة معشقة زي المانوال.
فا لو انت على مطلع بتبطلها على المانوال مود
ولو انت على منزل بتبطلها على ال مارشيدير اللي هو ال r مود
المصدر: كاتالوج العربية ومتجربة فعلا

[ashourashour]

تمام تسلم ايدك يا عاشور باشا
انا فعلا لما بدأت اتعلم السواقة كنت بشد فرامل اليد في المطالع علشان كانت رجلي لسة مش حساسة على الدواسات. بس دلوقتي الحمد لله مش بستخدمها
انا فعلا لاحظت زي مانت قولت بالظبط ان العربية بتريح بسيط قوي قوي بس ده على مطالع الكباري. لسة ماجربتهاش في مطلع محترم.
فيه معلومة ظريفة جدا. ان لو بطلت العربية وهي على المانوال مود بتعتبر كأنها واقفة معشقة زي المانوال.
فا لو انت على مطلع بتبطلها على المانوال مود
ولو انت على منزل بتبطلها على ال مارشيدير اللي هو ال r مود
المصدر: كاتالوج العربية ومتجربة فعلا

دا كلام صحيح بس ليه مرشدير ؟ مش عارف اذا كانت لمبه المارشدير هتفضبل منوره ولا لا

انا ببطل عالاولاني

على فكره البطاريه لو نامت معاك حد يزق و ترميلها زي المانيوال العادي و تدور

[SamehEmeel]

أولا سلام الي كل الرابطه و الناس المحترمه اللي فعلا بيبذلوا مجهود غير عادي
و احب انضم ليكم دا طبعا لو سمحتوا ليا بكده انا اشتريت فيكترا c موديل 2008 اعلي فئه و بصراحه كده و من غير تقطيم انا لا كشفت في توكيل و لا غيره لاني واخدها من واحد قريبي و انا معاه من يوم ما اشتراها زيرو و عارف تاريخها كويس جدا جدا فالموضوع مكنش مستاهل و انا عن نفسي عارف عيوبها او اللي عايزاه قبل مزاياها و لحد دلوقتي الحمد لله انا مبسوط منها جدا و ابتديت اتعود علي الفتيس و نتصاحب كمان عالرغم من اني مش واخد غير علي الاتوماتيك طول عمري بس بصراحه الايزي ترونيك مش شايف انه سىء .... معلش بقا طولت عليكم بس انا عندي مشكلتين عايز رائيكم علشان لما اروح لحد ما يعملش عليا شغل و يبقا عندي خلفيه عن الموضوع
1- اللمبه الخاصه بحركة الفوانيس في التابلوه بتنور و تطفي و اعتقد كده يبقا فيه مشكله في حركة الفوانيس حد يقدر يفيدني المشكله دي ممكن يكون سببها ايه ؟
2- التكيف كويس جدا جدا بس المشكله انه مش بيستجيب لتغير درجة الحراره شغال فريزر علي طول حتي رفعت الحراره لحد 28 و بعدها Hi برضه ثلاجه زي ماهو يا تري دي برمجه و لا حساسات و لا ايه بالضبط ؟

اسف جدا ليكم علي الاطاله بس محتاج رائيكم و شكرااااااا

[ashourashour]

أولا سلام الي كل الرابطه و الناس المحترمه اللي فعلا بيبذلوا مجهود غير عادي
و احب انضم ليكم دا طبعا لو سمحتوا ليا بكده انا اشتريت فيكترا c موديل 2008 اعلي فئه و بصراحه كده و من غير تقطيم انا لا كشفت في توكيل و لا غيره لاني واخدها من واحد قريبي و انا معاه من يوم ما اشتراها زيرو و عارف تاريخها كويس جدا جدا فالموضوع مكنش مستاهل و انا عن نفسي عارف عيوبها او اللي عايزاه قبل مزاياها و لحد دلوقتي الحمد لله انا مبسوط منها جدا و ابتديت اتعود علي الفتيس و نتصاحب كمان عالرغم من اني مش واخد غير علي الاتوماتيك طول عمري بس بصراحه الايزي ترونيك مش شايف انه سىء .... معلش بقا طولت عليكم بس انا عندي مشكلتين عايز رائيكم علشان لما اروح لحد ما يعملش عليا شغل و يبقا عندي خلفيه عن الموضوع
1- اللمبه الخاصه بحركة الفوانيس في التابلوه بتنور و تطفي و اعتقد كده يبقا فيه مشكله في حركة الفوانيس حد يقدر يفيدني المشكله دي ممكن يكون سببها ايه ؟
2- التكيف كويس جدا جدا بس المشكله انه مش بيستجيب لتغير درجة الحراره شغال فريزر علي طول حتي رفعت الحراره لحد 28 و بعدها Hi برضه ثلاجه زي ماهو يا تري دي برمجه و لا حساسات و لا ايه بالضبط ؟

اسف جدا ليكم علي الاطاله بس محتاج رائيكم و شكرااااااا

1-لازم تكشف جهاز على ال AFL الكنترول يونت موجوده في الفانوس الامامي شمال ... في خبطه في المكان دا لاقدر الله ؟؟؟

الاعطال المتوقعه
حساس المقص الخلفي
حساس المقص الامامي
مشكله في الضفيره
مشكله في الفوانيس المواتير يعني
مشكله في الكنترول نفسه

وكان الله في عونك مش هتلاقي حاجته غير في التوكيل و غاليه جدا على حد علمي سنه 2008 كان الفانوس فاضي ب 6000 جنيه

2-غريبه قوي موضوع التكييف دا ! في حد لعب في التكييف قبل كدا ؟ انت بتقول تلاجه يعني الكمبرسور مش بيفصل

اتأكدلي من حاجتين عالسريع كدا
1-بلف السخن ملغي ولا لا !!! الكم اد اه عندك !!!؟
2-وانت مشغل التكييف اكبس بنزين مره واحده كدا و شوف الكمبرسور هيفصل و يرجع يشتغل لوحده ولا لا

وعموما اعطال التكييف بتيان على الجهاز بردو