رابطة مالكى فيكترا سي ★ والصيانات

[abdelaziz-waleed]

استاذ وليد
انت في حكم المضطر
والمضطر حلال ياكل الميته ولحم الخنزير ويشرب بنزين 80 كمان
توكل على الله ، البنزين كله مغشوش اليومين دول والعربيات كلها بتكركر

والله الواحد قلقان جدا يا هلال باشا
الوضع هنا لا يصدقه عقل
انا جاي من القاهرة لسوهاج مافيش ولا بنزينة شغالة
وهنا مافيش ولا نقطة بنزين والعملية كلها شغالة سوق سودا والبنزينات خناقات بالاسلحة وواحد اتضرب من كام يوم بمطواة ومات وقفلو البنزينة اللي حصلت فيها المشكلة ديه.
قرايبي هنا جابولي الجركن 20 لتر ب 100 جنيه باعجوبة.
والله لولا اني مضطر احط بنزين علشان على الاقل اروح القاهرة ماكنتش اشتريت من السوق السودا ابدا حتى ولو هركن العربية واركب مواصلات. بس هعمل ايه بقى
ربنا يسامح المتسبب في المصايب اللي بتحصل للبلد

[hilal]

والله الواحد قلقان جدا يا هلال باشا
الوضع هنا لا يصدقه عقل
انا جاي من القاهرة لسوهاج مافيش ولا بنزينة شغالة
وهنا مافيش ولا نقطة بنزين والعملية كلها شغالة سوق سودا والبنزينات خناقات بالاسلحة وواحد اتضرب من كام يوم بمطواة ومات وقفلو البنزينة اللي حصلت فيها المشكلة ديه.
قرايبي هنا جابولي الجركن 20 لتر ب 100 جنيه باعجوبة.
والله لولا اني مضطر احط بنزين علشان على الاقل اروح القاهرة ماكنتش اشتريت من السوق السودا ابدا حتى ولو هركن العربية واركب مواصلات. بس هعمل ايه بقى
ربنا يسامح المتسبب في المصايب اللي بتحصل للبلد

لا حول ولا قوة إلا بالله
أنا لفيت كل بنزينات اكتوبر النهاردة ، طوابير طوابير ، وانا مش فاضي ، المهم روحت وركنت العربية
وقلت والله مانا رايح الشغل النهاردة لليوم التاني على التوالي
أهم شيء خلي بالك من نفسك وترجع بألف سلامة

[ma7souboz]

"مشكلة فى الفتيس"
العربية النهاردة فجأة و بدون مقدام الفتيس إدانى "F"
ما كانش فى معايا أى مشاكل فى الفتيس خالص
لسه يدوبك طالع مشيت العربية 10 متر و فجأة الشاشة إداتنى "Fault" و العربية مش راضية تدور طبعا
يا ريت تنصحونى أعمل إيه
العربية فيكترا سى هاى لاين
عاملة 90 ألف كيلو ,,, و أنا فى المنصورة.

[ashourashour]

"مشكلة فى الفتيس"
العربية النهاردة فجأة و بدون مقدام الفتيس إدانى "f"
ما كانش فى معايا أى مشاكل فى الفتيس خالص
لسه يدوبك طالع مشيت العربية 10 متر و فجأة الشاشة إداتنى "fault" و العربية مش راضية تدور طبعا
يا ريت تنصحونى أعمل إيه
العربية فيكترا سى هاى لاين
عاملة 90 ألف كيلو ,,, و أنا فى المنصورة.

بعد التأكد من الفيوزات بتاعت الفتيس و وجود زيت دبرياج افصل كابل البطاريه دقيقه و ركبه تاني لو المشكله استمرت هيكون الاتي


90% شربون موتور الدبرياج
5% طقم دبرياج
5% كمبيوتر الفتيس البورده نفسها فيها مشكله

طبعا انت هتحتاج تكشف جهاز

جيب ونش طبليه و روح بالعربيه عن حد بيفهم كويس فالايزي ترونك متقلقش الموضوع بسيط ان شاء الله


لو في حد بيفهم ايزيترونك جنب بيتك

لف اكس الموتور بتاع الدبرياج بمفك كدا لفتين تلاته .. مفروض العربيه تدور و ممكن تمشي مانيوال و مسموحلك تنقل مرتين تلاته وبعد كدا خلاص لكن دي مجازفه الونش افضل

[ma7souboz]

شكرًا

شكرا ليك يا عاشور باشا
معليش أنا معلوماتي في العربيات ضعيفه جداً و معظم اللى انت قولته مش فاهمه
يا ريت لو تبعتلى رقمك على الخاص لو ينفع و هكلمك بكره ان شاء الله بعد الظهر

و أنا فصلت كابلين البطاريه و سبتها لمدة ساعة و بعد كده دورت دارت و عدلت العربية و رجعت المشكلة تانى
مش عارف المعلومة دي تفيد و لا لأ
و هل لو فصلت البطارية تانى و دورت و مشيت مانيوال لغاية الميكانيكى دي تبقى مشكلة و لا الرمش افضل؟

[tamernasr6666]

دعوة الى القائمين فى المنتدا اوبل فكترا سى

ياريت تعملو يوم فطار جماعى وانا منتظر هذا اليوم

[abdelaziz-waleed]

كل سنة وانتو طيبين يا رجالة الاوبل
سؤال بخصوص مثبت السرعة ومعدل استهلاك الوقود
هل لو انا مشغل مثبت السرعة على مثلا 110 ك/س
هل استهلاك الوقود هيكون مماثل لو انا ماشي بدواسة البنزين على 110 ك/س ؟؟؟
معلش هو سؤال غبي شوية بس انا عاوز اعرف هل تشغيل مثبت السرعة بسبب زيادة في استهلاك الوقود عند نفس السرعة؟

[ashourashour]

كل سنة وانتو طيبين يا رجالة الاوبل
سؤال بخصوص مثبت السرعة ومعدل استهلاك الوقود
هل لو انا مشغل مثبت السرعة على مثلا 110 ك/س
هل استهلاك الوقود هيكون مماثل لو انا ماشي بدواسة البنزين على 110 ك/س ؟؟؟
معلش هو سؤال غبي شوية بس انا عاوز اعرف هل تشغيل مثبت السرعة بسبب زيادة في استهلاك الوقود عند نفس السرعة؟

لو حصل فرق في استهلاك البنزين بالعكس المثبت هيوفر بنزين او لو انت بتدوس بنزين بحنيه ومش بتفعص الدواسه هيكون نفس الاستهلاك تقريبا لكن عمر مثبت السرعه ما ياكل بنزين بالعكس

[eng_abdou85]

السلام عليكم
انا لسه شاري فيكترا 2008 مستعمله من اسبوع ماشيه حوالي35000 وكان ليا شويه استفسارات علشان انا لسه جديد فى الاوبل
لما بكون علي التالت وبنقل للرابع بيظهر حرف f مش عارف ده سببه ايه
التكيف الفتحه الشمال شغاله تمام انما الباقي مش قوي
عايز اعمل سيرفيس كامل (سيور وبوجيهات وفلاتر) لو فى بدايل من العربيات التانيه زي اللانوس مثلا ياريت ومنين .
وشكرا جزيلا

[hoba]

العربيه و انا طالع بترعش جامد وممكن تبطل و لما بتمشي شويه بتتظبط بس ممكن تعمل كده تاني ده ممكن يكون من ايه؟ العربيه 2008 ايزي ترونيك ماشسه 90000 و غيرت طقم دبرياج من 20000 كم

[احمد فهمى]

جالاخ الاولانى والتانى اكشفو على مجموعة الفتيس من ديسك واسطوانه وشربون متور الكنترول او الميكانيكا الخاصه بهم بس 90% محتاجين اسطوانه وديسك وراجعو على برمجة الفتيس

[khaledsapesco]

في اي جديد يا شباب؟

انا حصلت معايا نفس المشكلة تقريبا وفي مركز الصيانة نصحوني بتغيير الحساس الخاص بقربة المياه وهو اصلا بيتباع بالقربة مش منفصل عنها - بس انا متردد والسؤال هنا هل تغيير مياه الردياتير ممكن يكون الحل

[khaledsapesco]

كنت مسافر شرم بالعربية و كنت بجري بصراحة 200 او 210 و فجأة ظهرت علامة قربة مياه الرادياتير في التابلوه بين عداد السرعة و rpm
المهم ركنت و بصيت عالقربة لاقيت كله تمام و مفيش تسريب بس كان في رغاوي جامده على سطح المياه داخل القربة و لما رجعت دورت لاقيت اللمبة طفت
الموضوع ده اتكرر كذا مره بس لما خفضت السرعة شوية ماظهرتش تاني
انا كده كده هاغير الميه بس لو في حد عنده تفسير يقولي

حاجة تانية
و لما شغلت ال test mode علشان اتأكد من درجة الحرارة لمية الرادياتير لاحظت ان درجة الحرارة بتوصل 110 على سرعة 200 على الشاشة و على المؤشر العادي من 92 الى 95
و لاحظت ان دايما درجة الحرارة في test mode دايما اعلى من المؤشر حتى على سرعة 100 او 120
هل الموضوع ده عادي واللا ايه الحكاية

انا حصلت معايا نفس المشكلة تقريبا وفي مركز الصيانة نصحوني بتغيير الحساس الخاص بقربة المياه وهو اصلا بيتباع بالقربة مش منفصل عنها - بس انا متردد والسؤال هنا هل تغيير مياه الردياتير ممكن يكون الحل

[sniperfox]

الموضوع ده برضو لسه حاصل معايه بصيت علي الميه ف القربه لقيتها تمام اولت دا اكيد الحساس فكبرت دماغي لاكن عندي سوال هو الحساس بتاع الميه ده مكانه فين ؟

[sniperfox]

ان سئلت علي حساس قربت الميه في شارع دمشق ولقيته ب 220 ج م
كنت عاوز اعرف صيانت ال 80 الف بيتعمل فيها ايه