رابطة ملاك ال301

[smsm2004w]

طيب ممكن اعرف مقاس البيزلاين كام انتو قلقتونى من موضوع الكاوتش ربنا يستر

[amrelsaqqa]

طيب ممكن اعرف مقاس البيزلاين كام انتو قلقتونى من موضوع الكاوتش ربنا يستر

ياباشا البيزلاين مفيهاش مشكلة انا غيرت فردة بـ 525 يعنى بنصف تمن بتاعت الهايلاين
البيزلاين مقاسها 185/65/r15

[Akram.Gamal]

الهايلاين فعلا الكاوتش بتاعها 195
لكن هشوف بكره بقا الكلام ال ع القايم و ارد عليكما ان شاء الله
بس اكيد هيطلع 205 ان شاء الله
و محدش يقلق من موضوع الكاوتش ده ال فيها كويس ان شاء الله سواء جود يير او ميشلان و دى مسألة نصيب و قضاء و قدر

[Akram.Gamal]

اهى لاقيتلكوا صورة القايم من موضوع قديم لزميل لينا هنا
القايم مكتوب عليه رقمين الاول عن مقاس جنط 15 ده ملناش دعوه بيه لان اصلا هي فيها جنط 16بالنسبه للهايلاين
و المقاس التانى 195/55/r16 يعنى المقاس ال هي جايه بيه بمعنى تانى ان مينصحوش بتركيب مقاس اكبر و الله اعلم

[smsm2004w]

ياباشا البيزلاين مفيهاش مشكلة انا غيرت فردة بـ 525 يعنى بنصف تمن بتاعت الهايلاين
البيزلاين مقاسها 185/65/r15

ربنا يطمن قلبك

[smsm2004w]

معلش يا جماعة سؤال كدة هو كرسى ال301 البيزلاين بيعلى ويوطى ولا مفيش الأمكانية دى

[abohend]

بيعلى و يوطى

معلش يا جماعة سؤال كدة هو كرسى ال301 البيزلاين بيعلى ويوطى ولا مفيش الأمكانية دى

بيعلى و يوطى بس مش أوي يعني زوجتي مرتحاتش لما جربته و قالتلي محتاجة أعلى عن كده بس أنا قولتلها هتتعودي
و في البيجو ال206 اللي معايا دلوقتي الكرسي بيرتفع و ينزل بشكل أفضل و أسهل لكن في النهاية ردا على سؤالك الكرسي بيتحرك للخلف و اﻷمام فوق و تحت و الظهر قدام و ورا

[smsm2004w]

بيعلى و يوطى بس مش أوي يعني زوجتي مرتحاتش لما جربته و قالتلي محتاجة أعلى عن كده بس أنا قولتلها هتتعودي
و في البيجو ال206 اللي معايا دلوقتي الكرسي بيرتفع و ينزل بشكل أفضل و أسهل لكن في النهاية ردا على سؤالك الكرسي بيتحرك للخلف و اﻷمام فوق و تحت و الظهر قدام و ورا

اشكرك على الرد انا كنت قلقان لأن انا متعود على 128 و 405 والأثنين كان الكرسى عالى بس 301 لما رحت احجز وقعدت فيها حسيت ان الكرسى على الأرض ونسيت اسأل على الموضوع ده

[Akram.Gamal]

اشكرك على الرد انا كنت قلقان لأن انا متعود على 128 و 405 والأثنين كان الكرسى عالى بس 301 لما رحت احجز وقعدت فيها حسيت ان الكرسى على الأرض ونسيت اسأل على الموضوع ده :copy of majd(4):

ايوه ياباشا و هتفضل ع الارض
و اي عربيه حديثه فيها كده
و كمان مش هتشوف الكبوت
من التابلوه للاسفلت على طول
و ميزة الاوروبى ان قعدة الكرسى مريحه يعنى تلاقى الكرسى حاضنك كده من الاجناب

[amrelsaqqa]

كرسى السواق بيعلى ويوطى ومعنديش مشكلة فيه
الكرسى اليمين بقى تحس انه "مفطوس" اوى لتحت ، بسترخم قعدته بصراحه ، وكمان التابلوه تلاقيه عالى قدامك ، يعنى العربيات اللى الكراسى فيها واطية بيبقى التابلوه بردو في المتناول شوية ، انما دى الكراسى نازلة لتحت والابواب والتابلوه متشعلقين لفوق !

بس كرسى السواق ما فيهوش المشكلة دى لانك بتظبط الارتفاع زي ما انت عاوز

[abohend]

ايوه ياباشا و هتفضل ع الارض
و اي عربيه حديثه فيها كده
و كمان مش هتشوف الكبوت
من التابلوه للاسفلت على طول
و ميزة الاوروبى ان قعدة الكرسى مريحه يعنى تلاقى الكرسى حاضنك كده من الاجناب

ده الموضوع اللي بحاول أقنع بيه أختي و مراتي
أنتم مش محتاجين تشوفوا الكبوت
لكن لﻷسف هما بيعتبروا ده عيب فالعربية
عايزين يشوفوا خطوط الكبوت

[mahmed0100]

ركبلهم علم دبلوماسي علي اول الكبوت يا باشا لحد ما يقتنعوا بالعربيه ;)

[Akram.Gamal]

ركبلهم علم دبلوماسي علي اول الكبوت يا باشا لحد ما يقتنعوا بالعربيه ;)

او نصور الكبوت و نعلقه ع الازاز

[amrelsaqqa]

والله موضوع التعود انك تمشى من غير ما تشوف الكبوت ده مش بياخد اكتر من 10 دقايق

وبعدين ما هو اللى لسة بيتعلم مثلا ، بيبقى مش مكفيه يشوف الكبوت وعاوز يشوف الاكصدام :d
بنفس الفكرة هتقدر تتعود تمشى من غير ما تشوف الكبوت زي ما اللى بيتعلم في الاول بياخد على انه ما يشوفش الاكصدام


امال اللى يركب الـ 307 يقول ايه ، ده العربية دى لو وقفت على راسك مش هتشوف الكبوت خالص ، و في نفس الوقت عمق التابلوه مع الشراعة اللى في الجنب في الازاز يحسسك فعلا انك مش شايف نهاية العربية ولا حتى حاسس بيها ومحتاج وقت على ما تتعود ( الـ 307 بالذات )

[mahmed0100]

او نصور الكبوت و نعلقه ع الازاز

الفكره دي متجربه و علي ضمانتك يا اكرم ؟ :))