رابطة حائزى الفلوينس

[bukla]

السلام عليكم جميعاً
هذه اول مشاركة لي في الرابطة.
ومن كثر الكلام علي السيارة وبعد مشاهدة السيارة في المعارض المختلفة, فعلاً السيارة مختلفة عن أي سيارة في السوق وبدون مقارنة فعلية مع اي سيارة اخري, لأن اي مقارنة سوف تكون غير عادلة (وجهة نظري).
لكن يوجد مشكلة ازلية مصرية فقط وهي انت تشتري سيارة رينو ليه - دي سيارة مالهاش سوق في البيع ! - دي سيارة قطع غيار مش متوفرة ! مشاكلها كثير! وخلافه طبعاً ده نتيجة الضجة التي صاحبت الميجان.
مع العلم ان السيارة أمان جداً , عائلية , فخمة من الداخل والخارج.
علي فكرة ان لسة حشتري السيارة من اوتو سمير ريان.
وشكراً للقراءة.

و عليكم السلام و رحمة الله و بركاتة
مرحبا بك فى المنتدى و يسعدنا ان اول مشاركة ليك تكون فى قسم رينو و على الاخص فى رابطة حائزى الفلوينس
اما بالنسبة للمشكلة الازلية اللى حضرتك بتتكلم عنها فهى للاسف مشكلة خاصة ببلدنا بس و سببها القوانين الخاصة اللى فرضوها علينا التجار و الميكانيكية اللى فى غالب بيكون ليهم فيها مصالح خاصة بيهم فقط و مالهاش اى علاقة بمصلحة المستهلكين او امانهم او حتى رغباتهم فى المنتج اللى عايزين يشتروة
و علشان كدة لازم مانديش ودانا ليهم و نحكم عقلنا و الدنيا دلوقتى مش زى زمان بقت صغيرة قوى يعنى بكام قعدة على الانترنت تقدر تعرف كل حاجة عن اى حاجة و احنا بقى اللى نفكر و نحكم و نقرر
مرحبا بيك مرة اخرى و الف مبروك مقدما على الفلوينس ربنا يجعلة اختيار موفق ان شاء الله

[hkandil]

شكرا لمرورك على موضوعي والاهتمام بالرد

[moh_gawad]

تصحيح بعد النظر في السيرفس مانوال , دا مش الكونترول يونت دي علبة وصلات الماتور :)

إللى قصد حضرتك عليه دة يمين البطاريه إللى قصدى أنا عليه شمال البطاريه حاجه لونها أبيض؟

[wawoo]

يا شباب فى الفوانيس الامامية عندى فى الميجان 3 ....لبمة بيضاء مدورة صغيرة بعد لمبة الاشارة الصفراء ..دى بتنور ازى ..

جربت كل حاجة مش عارف بتنور ازى واية لازمتها من اصلة ..يترى موجودة فى الفلوينس كمان و بتنور ازى

؟؟؟

[bukla]

يا شباب فى الفوانيس الامامية عندى فى الميجان 3 ....لبمة بيضاء مدورة صغيرة بعد لمبة الاشارة الصفراء ..دى بتنور ازى ..

جربت كل حاجة مش عارف بتنور ازى واية لازمتها من اصلة ..يترى موجودة فى الفلوينس كمان و بتنور ازى

؟؟؟

لما انزل حشوف اللمبة دى اذا كانت موجودة عندى لكن فى الغالب و الله اعلم و بناء على معلومة كان قالها احد الاعضاء هنا انها لمبة ال daylight يعنى النور اللى المفروض انة يفضل منور طول ما العربية دايرة ليل او نهار و دة معمول نوع من انواع ال safety علشان فى بلاد فى اوروبا بيبقى النهار بتاعهم ظلمة و هنا فى التوكيل بيعملوا ليها deactivate

[Elegance]

الحاونييييي العربية عملتها تاني و مكنتش عاوزة تدور و حاولت حوالي 8 مرات و بعد كدة قلت طيب اديها بنزين فدوست و مضرتش غير لما دوست علي البنزين


bulka >>>> افدني

[bukla]

الحاونييييي العربية عملتها تاني و مكنتش عاوزة تدور و حاولت حوالي 8 مرات و بعد كدة قلت طيب اديها بنزين فدوست و مضرتش غير لما دوست علي البنزين


bulka >>>> افدني

مش عايزك تتخضى المسألة ان شاء الله بسيطة زى ما قولت ليك قبل كدة السر فى البنزين بس المرة انصحك تكلمى التوكيل و تقولى لهم على تفاصيل اللى حصل معاكى المرتين و ياريت تحجزى معاد علشان يكشفوا على الرشاشات و ينضفوا التنك
ان شاء الله تطلع حاجة بسيطة و ابقى احكيلنا على اللى حصل

[wawoo]

لما انزل حشوف اللمبة دى اذا كانت موجودة عندى لكن فى الغالب و الله اعلم و بناء على معلومة كان قالها احد الاعضاء هنا انها لمبة ال daylight deactivate

اعتقد كدة برضو يا بوكلا ..بس مش ممكن نشغلها من اى حتة او اى اوبشن

و ياريت تعمل موضوع جديد للرابطة و تضم الميجان معها اختها الاصغر فى العنوان..عشان الموضوع دة تضخم جدا

[moh_gawad]

إللى قصد حضرتك عليه دة يمين البطاريه إللى قصدى أنا عليه شمال البطاريه حاجه لونها أبيض؟

يا ريت تبصوا على اللينك دة
ImageTwist - Free Image Hosting, Photo sharing & Earn Money

ImageTwist - Free Image Hosting, Photo sharing & Earn Money
وشكرا مقدما

[Elegance]

مش عايزك تتخضى المسألة ان شاء الله بسيطة زى ما قولت ليك قبل كدة السر فى البنزين بس المرة انصحك تكلمى التوكيل و تقولى لهم على تفاصيل اللى حصل معاكى المرتين و ياريت تحجزى معاد علشان يكشفوا على الرشاشات و ينضفوا التنك
ان شاء الله تطلع حاجة بسيطة و ابقى احكيلنا على اللى حصل

شكرا يا bukla علي مساعتدك انا هكلمهم و اشوف

[azima21]

انا خايف أكون غلطت في إختيار الفلوينس
1-التيل الخلفي بيصفر من بعد 3000 كم تقريباً
2-ال cd مابيطلعش من الكاسيت غير بعد 3 او 4 محاولات و ده مع كل انواع ال cd و لو طلع بيطلع حته صغيره و انا اكمل بإيدي.
3-مؤشر البنزين شكلو باظ مابقاش صح.
4-................................................. ربنا يستر.

أصحابي اللي كانو بينصحوني إني اجيب حاجه ياباني او كوري زيهم عمالين يتريقوا عليا و على إختياري, على العموم انا لسه مقتنع بإختياري بس علشان أكون صريح معاكم مش زي الأول.

انا عامل لحد دلوقتي 6000 كم و ميعاد صيانة ال5000كم يوم 1 رمضان.

[wawoo]

أصحابي اللي كانو بينصحوني إني اجيب حاجه ياباني او كوري زيهم عمالين يتريقوا عليا و على إختياري, على العموم انا لسه مقتنع بإختياري بس علشان أكون صريح معاكم مش زي الأول.

اية رايك ..كنت تجيب تويوتا يابانى مثلا و يحصل فتيس بايظ او مشاكل فى دواسة البنزين او غيرها لا قدر الله...

السيارة ضمنها 3 سنوات ..مروحتش لية التوكيل تضبط كل المشاكل البسيطة دى

[bukla]

اعتقد كدة برضو يا بوكلا ..بس مش ممكن نشغلها من اى حتة او اى اوبشن

و ياريت تعمل موضوع جديد للرابطة و تضم الميجان معها اختها الاصغر فى العنوان..عشان الموضوع دة تضخم جدا

اسف على التأخير فى الرد
للاسف تشغيل الاوبشن دة لازم من التوكيل لانه بيحتاج توصيل العربية على الكومبيوتر بتاعهم علشان ي activate الخاصية دى
اما بخصوص فتح موضوع جديد فانا صعبان عليا كمية المعلومات و التجارب و الخبرات اللى مكتوبة فى الموضوع دة تروح و محدش يستفيد بيها و علشان كدة انا بقترح ضم الميجان 3 للموضوع دة نفسة و تعديل العنوان على سبيل المثال رابطة مالكى الميجان 3 و الفلوينس و لو عند حضرتك او اى حد من الاخوة سواء كان من مالكى العربيتين او حتى لأ اقتراح بإسم ثانى احسن يتفضل و نقترع علية و لما نوصل لإسم اغلبيتنا موافقين علية اتمنى من الاخوة المسئولين عن الموقع تعديل اسم الموضوع
مستنى ردك

[bukla]

انا خايف أكون غلطت في إختيار الفلوينس
1-التيل الخلفي بيصفر من بعد 3000 كم تقريباً
2-ال cd مابيطلعش من الكاسيت غير بعد 3 او 4 محاولات و ده مع كل انواع ال cd و لو طلع بيطلع حته صغيره و انا اكمل بإيدي.
3-مؤشر البنزين شكلو باظ مابقاش صح.
4-................................................. ربنا يستر.

أصحابي اللي كانو بينصحوني إني اجيب حاجه ياباني او كوري زيهم عمالين يتريقوا عليا و على إختياري, على العموم انا لسه مقتنع بإختياري بس علشان أكون صريح معاكم مش زي الأول.

انا عامل لحد دلوقتي 6000 كم و ميعاد صيانة ال5000كم يوم 1 رمضان.

السلام عليكم و رحمة الله و بركاتة
كل العيوب اللى حضرتك بتقول عليها دى بسيطة جدا ان شاء الله و بزيارة سريعة للتوكيل حيظبطلك كل الحاجات دى
انا بس مش عايزك تحبط ولا اى حد يأثر على قرارك لان الكمال لله وحدة و كل حاجة من صنع الانسان معرضة لظهور عيوب فيها المهم انها ماتكونش عيوب مؤثرة على تشغيل او امان العربية او عيب شائع فى عربية غير قابل للاصلاح (زى فتيس تويوتا و بعض من العربيات الالمانى فتيس ال dsg ) و الحمد الله ان التوكيل بتاعنا مش زى بعض توكيلات العربيات الكورى او اليابانى اللى حضرتك بتقول عليهم بيحاول يتنكر لاى عيب فى العربية علشان الضمان و يحاولوا يوهموك انه سوء استعمال منك هوه السبب فى العيب علشان يدفعك او حتى لدرجة انهم يوهموك ان ما فيش عيب اصلا (والله حصلت معايا فى الدايو)
ربنا يسهل ان شاء الله و تتحل العيوب و تستمع بعربيتك

[moh_gawad]

يا ريت تبصوا على اللينك دة
imagetwist - free image hosting, photo sharing & earn money

imagetwist - free image hosting, photo sharing & earn money
وشكرا مقدما

إيه يا وحوش محدش عارف إيه إللى فى الصورة