رينو داستر الشكل الجديد - الآن في مصر

[ahroshdy]

رجوع البكرة بتاعت الاوتو وال 2*4 و 4*4 لما أجيبها على 4*4 عادى؟

[gogo2012]

رجوع البكرة بتاعت الاوتو وال 2*4 و 4*4 لما أجيبها على 4*4 عادى؟

بعد اذن الاخ بيبو هجاوب على السؤال
يعتبر رجوع بكره التحويل وضع طبيعى ونقطه امان عند استخدامك للدفع الخلفى لانه من المفترض عدم السير بسرعه عاليه(الاستخدام الاقتصادى) وانت على4*4 لذلك تتحول السياره لوضع 2*4 اوتوماتيكيا من الوضع4*4 عند وصولك لسرعه معينه بالسياره .
وذلك يفسر عدم ثبات البكره على وضعيه4*4
ومبروك مقدما....

[bebo2000]

عندى استفسار للأخ بيبو أنا كنت بشوف العربية في معرض وكانت 4*4 وحولت من أوتو إلي 2*4 بس لما جبتها علي lock 4*4 لاقيت البكرة بترجع تانى أنا عايز نصيحتك عشان إن شاء الله هاستلم اللون بتاعي الأسبوع الحالى إن شاء الله. علي فكرة انتم السبب في اقتناعي بالداستر ربنا يسهل
واستلمها إن شاء الله

بالنسبة لنظام التحكم الالكتروني في الدفع الرباعي بتاع الداستر فهو معمول ان وضع auto هو الوضع الافتراضي او الاساسي ولما بيبقى المفتاح عليه مابينورش عندك اى حاجة في العدادات لان ده اللى مفروض تفضل عليه العربية وهو في الاساس يعتبر 2*4 الا اذا عجله احتاجت عزم زيادة بيبتدى الكترونيا ينقل عزم ليها او بمعنى تاني يشغل ال4*4
اما وضع 2*4 ووضع 4*4 فاختيارهم معناه ان المستخدم محدد نوع معين بذاته ومش عاوز يخلى العربية تحدد حسب الكمبيوتر مثلا مش عاوزها تقلب 4*4 خالص علشان استهلاك البنزين او انت في حتة وعرة شوية وعاوزها تفضل 4*4 علطول علشان كدة هتلاقي في العدادت بينور 2WD او 4lock لما تختار حاجة منهم علشان ينبهك انك مش ماشي اوتو وانك مثبت mode معين وكمان في ال 4*4 لما سرعة العربية بتعدي 80 كلم فده معناه ان الطريق يسمح بالجري ومش محتاج دفع رباعي فبيقلب لوحده على الاوتو تاني علشان يوفر بنزين ويحمى منظومة الدفع الرباعي وعلشان كده الزرار مش بيثبت على 4*4 لان المفروض ان بمجرد انتهاء الغرض بانك تبتدى تمشي بسرعة يرجع اوتو تاني او انك تحوله اوتو او 2*4

[محمد بدر]

بالنسبة لنظام التحكم الالكتروني في الدفع الرباعي بتاع الداستر فهو معمول ان وضع auto هو الوضع الافتراضي او الاساسي ولما بيبقى المفتاح عليه مابينورش عندك اى حاجة في العدادات لان ده اللى مفروض تفضل عليه العربية وهو في الاساس يعتبر 2*4 الا اذا عجله احتاجت عزم زيادة بيبتدى الكترونيا ينقل عزم ليها او بمعنى تاني يشغل ال4*4
اما وضع 2*4 ووضع 4*4 فاختيارهم معناه ان المستخدم محدد نوع معين بذاته ومش عاوز يخلى العربية تحدد حسب الكمبيوتر مثلا مش عاوزها تقلب 4*4 خالص علشان استهلاك البنزين او انت في حتة وعرة شوية وعاوزها تفضل 4*4 علطول علشان كدة هتلاقي في العدادت بينور 2wd او 4lock لما تختار حاجة منهم علشان ينبهك انك مش ماشي اوتو وانك مثبت mode معين وكمان في ال 4*4 لما سرعة العربية بتعدي 80 كلم فده معناه ان الطريق يسمح بالجري ومش محتاج دفع رباعي فبيقلب لوحده على الاوتو تاني علشان يوفر بنزين ويحمى منظومة الدفع الرباعي وعلشان كده الزرار مش بيثبت على 4*4 لان المفروض ان بمجرد انتهاء الغرض بانك تبتدى تمشي بسرعة يرجع اوتو تاني او انك تحوله اوتو او 2*4

فعلا معلومات قيمة حفظك الله

[bebo2000]

فعلا معلومات قيمة حفظك الله

شكرا لك واى استفسار انا تحت امر الاخوة الاعضاء

[bebo2000]

طبعا انا عارف اني اتأخرت عليكم كتير جدا في موضوع المفاجأة وزمانكم فاكرني طنشت الموضوع بس معلش والله كان غصب عني وانا ماكنتش عاوز اعلن عن الموضوع الا لما اشوفه بعيني وامسكة في ايدي واديه درجة من عشرة كمان لان فيه ناس كتير منكم عجبهم اللى عملته مع الفنان المبدع احمد مشعل في العربية وبيخدوا كلامي ثقة فامقدرش اخيب ظن حد منكم او اقول على حاجة وتطلع دون المستوى
وزي ما انتم عارفين انا بحب ابدأ الموضوع من الاول علشان ارغي براحتى وأول الموضوع هنا كان سؤال للاخ الفاضل beeronasr " لية ماجبتش المسند اللى بينك و بين الكرسى اللى جانبك " وده رابط المشاركة http://www.nilemotors.net/Nile/26899...post3874096017 وانا رديت بان العربيات اللى كانت معايا مفيهاش مسند واني مش متعود عليه ودى الحقيقة فعلا
بس مع استخدام العربية لقيت ان فعلا مفيهاش مكان تحط فيه مفاتيحك وموبايلك واى حاجة تانية تبقى معاك يعنى في الافيو فيه مكان تحت الكاسيت عندي ده غير درج صغير تحت الدريكسيون ومن هنا ظهرت الحاجة للمسند مش علشان تريح ايدك بس لأ كمان علشان توفر مكان تحط حاجتك فيه
وفعلا بصيت على حاجات كتير في المحلات بس بصراحة تحس انها شغل تاكسيات خالص ومش قد كده ده غير نقطة مهمة نبهني ليها الحاج احمد وهى ان الحاجات دي بتركب برجلين حديد بين الكرسيين ومع حركة الكراسي بيبتدو ياكلوا في الجلد ده غير انا لو حبيت تشيلهم لفترة هاندخل في فك وتركيب كراسي وموضع رخم وكبير على الفاضي
وابتدت رحلت حل مشكلة المسند وازاى نستخدم امكانيات العربية في توفير مسند مريح من غير مسامير تركب مع فتحات الكراسي ( كالمعتاد ) ومن غير اى تعديلات كبيرة ويفضل امكانية فك وتركيب المسند بمنتهى السهولة
لغاية ما وصلنا لفكرة عبقرية من افكار الحاج احمد وهي اننا نستخدم الفتحة بتاعة زجاجة المياة اللى في اخر الكونصول واللى مش بستخدمها في اى حاجة ودي صورتها من ساعة ما كنت بركب فرش الارضية

وللمرة المليون لازم اشكر الحاج احمد لان المرة دي الموضوع كان بعيد عن مجاله ومع ذلك اصر انه يعمله ومن اول خطوة وبمنتهى الدقة وبدأ العمل وبدأت الحيرة زى مرة الفرش علشان نوصل لاحسن البدائل
" شكله هايبقى ازاى؟ "
" ابعاده عرض وطول وارتفاع "
" نعمله فيبر ولا خشب؟ "
" ننجده كله جلد ولاندهنه ولا الاتنين مع بعض "
" ازاى مانخلهوش يلف يمين وشمال ولا يميل ورا وقدام "
" ازاى مايعملش مشكلة مع الهاند بريك او مع زراير الزجاج الخلفي ودي مهمة جدا جدا علشان لازم اقدر اوصل لمفاتيح الزجاج من غير مشكلة "
الخ .................................................. ...................
وفي النهاية بدأنا التنفيذ بعد ما استقرينا على اننا نعمله خشب علشان افخم واستحماله اعلى من الفيبر وبما ان الحاج احمد بيحب الشغل يبقى مفهوش غلطة كان بيجيب نجار معرفته فعلا ممتاز وايده ميزان واكتر حاجة عجبتني فيه ان دماغه حلوة اوى في الشغل بس ساكن في حتة بعيدة على ما اعتقد المرج الجديدة وكان بيبعتله التاكسي على حسابه كل كام يوم علشان نجرب على الطبيعة كل ما حتة صغيرة تخلص وعلشان كدة الموضوع خد مننا فوق العشرين يوم وكل شوية نجرب ونلاقي ممكن يبقى فيه احسن ونرمي اللى عملناه ونبدأ من تاني وهكذا لغاية ما وصلنا للنتائج التالية








طبعا لسة في صور تانية هارفعهالكم في اقرب فرصة وخصوصا ان الصور دي قبل ما المسند يتنجد بلون الفرش وبنفس الخامة
لسة بعد التنجيد حاجة تانية خالص بس اعذروني هادخل انام علشان الساعة 1:25 ونكمل بكرة علشان ماكنش ينفع انام قبل ما اشاركم الاختراع الجديد اللى اتأخرت عليكم فيه جامد وارجو انكم تسامحوني
تصبحوا على خير

[الصيداح]

والله يا حبيبي إنك مبدع إنت والحاج أحمد إيه الحلاوة دي
بسم الله ما شاء الله
ربنا يبارك لك في السيارة والله شغل ممتاااااااز جدا
وبصراحة إختراع عبقري حكاية تركيب المسند دي
بانتظار بقية الصور ولا تتأخر علينا

[gogo2012]

الف مبروك على تركيب الهاند ريست انا عارف انت والاستاذ احمد تعبتوا اد ايه كل الشكر ليكم وإن شاء الله يوم الجمعه اكون فى القاهره ولازم امر على الاخ المايستروا الاستاذ احمد واركب واحد فى دسترتى ....

[bebo2000]

والله يا حبيبي إنك مبدع إنت والحاج أحمد إيه الحلاوة دي
بسم الله ما شاء الله
ربنا يبارك لك في السيارة والله شغل ممتاااااااز جدا
وبصراحة إختراع عبقري حكاية تركيب المسند دي
بانتظار بقية الصور ولا تتأخر علينا

ربنا يخليك يا حبيبي الصيداح
فعلا الشغل ممتاز بدون مبالغة والمسند انا كنت متوقع انه هايبقى فيه حركة وانه مش هايبقى ثابت 100% لكن فوجئت بعد استخدامه انه ماسك في مكانه كويس جدا زيه زي الحاجات الفيبر اللى بتركب برجول حديد مع الكراسي ومابيتحركش لا يمين ولا شمال ولاقدام ولا ورا
ومعلش انا لسة مارفعتش بقيت الصور اللى فيها المسند بعد التنجيد بس اوعدك في اقرب وقت ومن غير تأخير

[subzer0]

طيب ممكن يا بيبو تقولنا على عيوبها من وجهة نظرك
بما انها معاك فترة اهو
وطبعا ربنا يكفيك شرها ويحافظلك عليها

[bebo2000]

الف مبروك على تركيب الهاند ريست انا عارف انت والاستاذ احمد تعبتوا اد ايه كل الشكر ليكم وإن شاء الله يوم الجمعه اكون فى القاهره ولازم امر على الاخ المايستروا الاستاذ احمد واركب واحد فى دسترتى ....

فعلا الموضوع كان متعب واحتاج كذا بروفة بس النتيجة تستاهل
وتوصل بالسلامة يوم الجمعة وتركبه انت كمان علشان العربيتين بتوعنا اخوات زي ما انت عارف ومش عاوزين وحدة تغير من التانية

[beeronasr]

يا لعبك يا بيبو - اسم على مسمى بجد - حلركة ذكية هتفيد ناس كتير
الف شكر يا باشا و ربنا يباركلك فيها

[bebo2000]

صور المسند بعد التنجيد

[الصيداح]

يا سلاااااااااام كدة نطق بجد
فرق شاسع بينه على أصله وهو متنجد بلون الفرش
شغل جميل جدا ربنا يبارك لك في السيارة ويكفيك شرها وبانتظار جديدك دوما
عايزك بقى المرة الجاية تركيب الفيبر الأسود على الجوانب في الأبواب وعلى الرفارف ومتنساش الديفيندرات الحديد

[mokh21]

ما شاء الله تبارك الله تسلم الأيادي بجد بس ياريت الحاج احمد يوفر المسند ده عنده باستمرار علشان لما تستلم سيارتنا تكون كل حاجه جاهزة ومننتظرش عشرين يوم ومشكور على تعبك معانا ويعطيك خيرها ويكفيك شرها ان شاء الله