رينو داستر الشكل الجديد - الآن في مصر

[beeronasr]

يا باشا الف مبروك - قولنا اللة يخليك فرش الارض و الكراسى كلفتك كام؟
و كمان المسند اللى بين الكرسييى الاماميينز
لانى عاوز اعمل زيك بالظبط ان شاء اللة - و نفس التفكير اللى انت تعبت فية بين العربيات انا كمان شوفتة و حابب الداستر كشكل و اداء و كارة الصالون بتاعها.
ان شاء اللة ح اجيبها اول شهر ابريل بس ياريت تقول لو فى افكار للتابلوة لانة فقير برضو و مزعلنى اوى
قولى برضو لو تكرمت جيبتها منين و بكام ولية حجز اسبوعين؟ ماكنش متوفرة عربيات جاهزة؟
الف مبروك مرة تانية و ربنا يديك خيرها و يكفيك شرها

[bebo2000]

يا باشا الف مبروك - قولنا الله يخليك فرش الارض و الكراسى كلفتك كام؟
و كمان المسند اللى بين الكرسييى الاماميينز
لانى عاوز اعمل زيك بالظبط ان شاء الله - و نفس التفكير اللى انت تعبت فية بين العربيات انا كمان شوفتة و حابب الداستر كشكل و اداء و كارة الصالون بتاعها.
ان شاء الله ح اجيبها اول شهر ابريل بس ياريت تقول لو فى افكار للتابلوة لانة فقير برضو و مزعلنى اوى
قولى برضو لو تكرمت جيبتها منين و بكام ولية حجز اسبوعين؟ ماكنش متوفرة عربيات جاهزة؟
الف مبروك مرة تانية و ربنا يديك خيرها و يكفيك شرها

اولا: الله يبارك فيك
ثانيا: بالنسبة لفرش الارضية بالشنطة كلها اتكلف 450 جنية وفيه برضه ب 350 اما الكراسي فابتختلف حسب نوع الجلد اللى انت تختاره واللى تلاقي فيه اللون اللى عاوزة ورنج الاسعار عموما من 800 الى 1600 جنيه حسب الخامة اللى تعجبك
المسند اللى بين الكرسيين فده هتلاقي منه اشكال كتير في شارع دمشق او التوفيقية بس اهم حاجة وانت بتختاره تعمل حسابك انه يبقى فيه مساحة وراه علشان لو حبيت تقفل او تفتح الازاز اللى ورا وانت سايق علشان الزراير في اخر الكونسول اللى في النص
بالنسبة للتابلوه فهو على فكرة انضف من بتاع اللوجان بكتير كخامات وده رأي كل اللى شافوه هنا في المنتدى وانا صحابي معاهم لوجان وفعلا الداستر احلى وعموما التابلوه مش وحش زي ما انت متخيل هو زراير الازاز هي اللى مبوظة الدنيا لاننا متعودين انها تكون في الباب ومكانها في الكونسول غريب شويتين وصدقني الفرش عليه عامل مهم جدا لان فرش الفابريكه بتاعها تعبان اوي ومفهوش اى شغل زي ما هو باين في الصور بس فرش جينز كار بيخلى اى حد يركب معايا مايخدش باله من اى حاجة غير نضافة الفرش لدرجة انهم بيفتكروه فرش الفابريكة
ثالثا: بالنسبة للحجز فانا لما جيت اشتريها لاقيت منها تسليم فوري بس ماكنش فيه اللون الموكا اللى انا عاوزه فحجزت اللون من الدفعة الجديدة وهي بينزل منها دفعة حدود 7 عربيات كل شهر وممكن تلاقي اللون في المعارض على طول
انا جبتها من الطارق اللى في العجوزة من كتر شكر اعضاء منتدى رينو اللى معاهم فلوانس فيهم وفعلا هم ناس محترمين اوى في تعاملهم ومواعيدهم وكمان ممكن تاخد عليها خصم انا جبتها بخصم الف جنيه عن سعر التوكيل يعنى 134 الف بدل 135 اهم ينفعوا في الترخيص برضه وده سعر ال 4*4 اعلى فئة وفيه 2*4 لو مش محتاج دفع رباعي ب 126 الف
ولو احتجت اى حاجة في الموضوع ده انا تحت امرك في اي وقت واى طلب

[beeronasr]

يا رب يباركلك فيها يا رب و يسلم طريقك.
الف شكر و لو فية حاجة قبل ما اشترى ح أبقى أقولك ان شاء اللة

[gebreel]

الف مبروك يا باشا

[ASKAFRAWY]

الف مبروك ياباشا
انا كنت واقع فى الحيرة دى قبل كدة وفعلا كنت حجزت اللون الاسود بتاعها ويوم الاستلام ناس كتير قلقتنى لانى كنت اول دفعه هستلم العربية ويتجرب فيها فقلقت وغيرت للكورى

ياريت لو تقولنا رايك فى العربية بعد سواقتها فى الطرق المصرية وياريت تقرير مبدئى عن الاداء

[bebo2000]

الله يبارك فيكم جميعا والف شكر على شعوركم الطيب
بالنسبة للاداء فهو الى الان اكتر من ممتاز لاني كنت متوقع ان العربية هاتكون تقيلة قوي في الطلعة والسحب زي ما بيتقال عنها لكن فوجئت ان العربية زيها زي اغلب العربيات السيدان وده بعد مقارنتها بالافيو اللى معايا من 6 سنين هو الموضوع ببساطة ان النقلة الاولى دي المفروض تستخدم في المطالع ولما تكون محتاج عزم فقط والنقلة دى سرعتها زي ما مكتوب على موقع رينو 5 ك/ساعة على 1000 rpm يعنى بالبلدي كدة النقلة روحها قصيرة جدا وده المطلوب منها علشان لو بتعدى عائق او نازل منحدر جامد ما تحتجش تدوس فرامل لان العربية مش هاتجري اساسا ( الماتور بيفرمل العربية ) واى حد معاه دليل الاستخدام هيلاقي مكتوب فيه انهم بينصحوا بانك تطلع على الغيار التاني علطول في الحالات الطبيعية فلو اى واحد طلع على الاولاني لازم هايقولك العربية سحبها وحش وده شئ منطقي
طبعا بالنسبة للعفشة فحدث ولا حرج بسم الله ما شاء الله
انا طبعا بمشي في نفس الطريق من البيت للشغل كل يوم مع ذلك بحس اني ماشي في طريق تاني النقر اللى كنت بقع فيها بالافيو يدوب دلوقتي تحس كانك معدي على فاصل كوبري بعربية سيدان وخشانة الاسفلت وعين القط دول مابحسش غير بصوت الكاوتش عليهم
العزل اكتر من ممتاز يعني لو قفلت الازاز مابسمعش حاجة برة الا لو ركزت اوي ولو شغلت الكاسيت على اوطي حاجة مابحسش بالدنيا اللى برة تماما غير الافيو اللى كنت بقفل الازاز واعلى الكاسيت وبرده مفيش فايدة
طبعا انا هاعملكم تقرير تفصيلي عن العربية بس مش دلوقتي والا تقريري هايكون مش دقيق لان العربية لسة في التليين وماجربتش السرعات فوق 100 كيلو علشان احكم على التسارع بعد ال 100 وكمان موضوع الثبات على السرعات ولو اني اعتقد ان مفهوش مشكلة لان العربية مالتي لينك وده بيفرق في موضوع الثبات كتير
وطبعا اى سؤال انا تحت امركم

[الصيداح]

الله يبارك فيكم جميعا والف شكر على شعوركم الطيب
بالنسبة للاداء فهو الى الان اكتر من ممتاز لاني كنت متوقع ان العربية هاتكون تقيلة قوي في الطلعة والسحب زي ما بيتقال عنها لكن فوجئت ان العربية زيها زي اغلب العربيات السيدان وده بعد مقارنتها بالافيو اللى معايا من 6 سنين هو الموضوع ببساطة ان النقلة الاولى دي المفروض تستخدم في المطالع ولما تكون محتاج عزم فقط والنقلة دى سرعتها زي ما مكتوب على موقع رينو 5 ك/ساعة على 1000 rpm يعنى بالبلدي كدة النقلة روحها قصيرة جدا وده المطلوب منها علشان لو بتعدى عائق او نازل منحدر جامد ما تحتجش تدوس فرامل لان العربية مش هاتجري اساسا ( الماتور بيفرمل العربية ) واى حد معاه دليل الاستخدام هيلاقي مكتوب فيه انهم بينصحوا بانك تطلع على الغيار التاني علطول في الحالات الطبيعية فلو اى واحد طلع على الاولاني لازم هايقولك العربية سحبها وحش وده شئ منطقي
طبعا بالنسبة للعفشة فحدث ولا حرج بسم الله ما شاء الله
انا طبعا بمشي في نفس الطريق من البيت للشغل كل يوم مع ذلك بحس اني ماشي في طريق تاني النقر اللى كنت بقع فيها بالافيو يدوب دلوقتي تحس كانك معدي على فاصل كوبري بعربية سيدان وخشانة الاسفلت وعين القط دول مابحسش غير بصوت الكاوتش عليهم
العزل اكتر من ممتاز يعني لو قفلت الازاز مابسمعش حاجة برة الا لو ركزت اوي ولو شغلت الكاسيت على اوطي حاجة مابحسش بالدنيا اللى برة تماما غير الافيو اللى كنت بقفل الازاز واعلى الكاسيت وبرده مفيش فايدة
طبعا انا هاعملكم تقرير تفصيلي عن العربية بس مش دلوقتي والا تقريري هايكون مش دقيق لان العربية لسة في التليين وماجربتش السرعات فوق 100 كيلو علشان احكم على التسارع بعد ال 100 وكمان موضوع الثبات على السرعات ولو اني اعتقد ان مفهوش مشكلة لان العربية مالتي لينك وده بيفرق في موضوع الثبات كتير
وطبعا اى سؤال انا تحت امركم

ربنا يبارك لك فيها يا غالي
والله إنت مشجعني جدا جدا على إني أجيب العربية دي وبإذن الله خلاص هي اللي في بالي
بس بالله عليك عايزين كام صورة على كام فيديو وتقرير مبسط كدة مش لازم تعدي التليين يعني
دا أنا بانتظر أي حاجة جديدة للداستر وخاصة التجارب الفعلية للأعضاء
علشان أنا ناوي بإذن الله

[bebo2000]

ربنا يبارك لك فيها يا غالي
والله إنت مشجعني جدا جدا على إني أجيب العربية دي وبإذن الله خلاص هي اللي في بالي
بس بالله عليك عايزين كام صورة على كام فيديو وتقرير مبسط كدة مش لازم تعدي التليين يعني
دا أنا بانتظر أي حاجة جديدة للداستر وخاصة التجارب الفعلية للأعضاء
علشان أنا ناوي بإذن الله

علشان خاطرك وخاطر اخوتي في المنتدى جاري اعداد تقرير تفصيلي مع الصور والفيديو على وجه السرعة

[الصيداح]

علشان خاطرك وخاطر اخوتي في المنتدى جاري اعداد تقرير تفصيلي مع الصور والفيديو على وجه السرعة

تسلم يا غالي ربنا يبارك لك فيها يارب

[bebo2000]

كما وعدتكم
الصور التفصيلية للداستر ال 4*4 اعلى فئة 2012

السيارة من الخارج







صالون السيارة من الداخل









طبعا مساحة الارجل للقاعدين ورا كويسة جدا جدا حتى لو مرجع الكراسي اللى قدام للاخر برضه بيفضل مسافة كويسة بس الموضوع ده يبان على الطبيعة احسن من الصور
انا حاولت اوضح في الصور دراع المالتي فانكشن اللى ورا الدريكسيون وقرص الدفع الرباعي اللى في الكونصول من تحت وزراير المرايات الكهرباء اللى تحت الهاند بريك والزرار اللى في جنب التابلوه ناحية الباب اليمين قدام ده زرار قفل الوسادة الهوائية التانية علشان لو حاطط كرسي طفل قدام لازم تقفلها
ولازم اكرر شكري لجينز كار والحاج/ احمد على النيولوك اللى اتعمل للعربية من جوة

ودلوقتي نروح على الشنطة






واضح من الصور مساحة التخزين الممتازة حتى من غير ماتقفل الكراسي اللى ورا ومع قفل الكراسي انت بيبقى معاك مساحة ولا صندوق عربية نص نقل
عاجبني جدا موضوع الكوريك اللى ليه مكان مقفول عليه واماكن التخزين اللى حوالين الاستبن بصراحة جامدة جدا لاني كنت في الافيو كل ما اجي استخدم الاستبن اقعد انزل العدة بتاعتي اللى معايا في الشنطة ( طقم مفكات على مفاتيح بلدي وشوية حاجات تانية ) بتبقى معايا للطوارئ لكن دلوقتي الواحد يحط الحاجات دي مع الاستبن وتفضل الشنطة فاضية ونضيفة

نيجي لاهم جزء في التقرير علشان الاخوة اللى سألوني عن الاداء والناس اللى بتشكك في العربية دي كل شوية بدون اي دليل

أولا: الماتور ال k4m الشهير بتاع الرينو ميجان والسينيك وغيرهم من الموديلا ال 1600 ال 16 صباب وده غير بتاع اللوجان علشان اللوجان 8 صباب بس


التصفيح اللى اسفل الماتور


ثانيا: عفشة "الاكس تريل" الجبارة المالتي لينك بجد مش لعب العيال بتاع الكارينز والصور تتكلم علشان المشككين وعلشان محدش يقول اني بشكر في العفشة علشان جبت العربية




اظن عفشة 4*4 بجد تستحمل الطرق بتاعتنا واللى اوحش منها كمان واعذروني لو الصور مش قد كده لاني كنت بنزل تحت العربية من جنب العجلة ومعرفتش اوضح كل حاجة بس في اول فرصة هارفع العربية في البنزينة هاصورها كلها من تحت وهارفعلكم الصور

واخيرا شوية صور ليها بالليل علشان التقرير يبقى كامل





وفي نهاية تقريري احب اشكر اصدقائي احمد سامي ومايكل ناجي اللى شجعوني اشتري العربية اللى مقتنع بيها وما اسمعش كلام الناس عن انها لسة جديدة ومحدش جربها وان الكوري احسن من الاوروبي والكلام الغريب اللى ما بنسمعهوش غير في مصر

واي استفسار عن العربية انا تحت امركم

[الصيداح]

حبيب قلبي أيوة كدة يا جدع
بس دي كانت محتاجة موضوع لوحدها إفرد لها موضوع خاص
ربنا يجازيك كل الخير يا غالي

[الصيداح]

بسم الله ما شاء الله
ربنا يحفظهالك بحفظه ويكفيك شر الطرق
تقرير جميل جدا وصور أجمل
بس صور الليل دي حلوة فعلا تسلم الأيادي

[bebo2000]

بسم الله ما شاء الله
ربنا يحفظهالك بحفظه ويكفيك شر الطرق
تقرير جميل جدا وصور أجمل
بس صور الليل دي حلوة فعلا تسلم الأيادي

العفو يا باشا
ويارب اكون قدرت أفيد

[beeronasr]

الف شكر يا باشا على مجهودك العالى و الصور الجميلة التى اسعدتنى انا وأخوك الصيداح اكتر اتنين ح يموتوا على العربية - ناوى ابيع اللانسر بتاعتى الاتوماتيك 2008 علشان خاطر عيون الداستر فى اول ابريل ان شاء اللة.
قولى كمان لية ماجبتش المسند اللى بينك و بين الكرسى اللى جانبك و اية موضوع استيكر النيل موتورز و نجيبة منين و شكرا مرة تانية و السلام.

[الصيداح]

الف شكر يا باشا على مجهودك العالى و الصور الجميلة التى اسعدتنى انا وأخوك الصيداح اكتر اتنين ح يموتوا على العربية - ناوى ابيع اللانسر بتاعتى الاتوماتيك 2008 علشان خاطر عيون الداستر فى اول ابريل ان شاء الله.
قولى كمان لية ماجبتش المسند اللى بينك و بين الكرسى اللى جانبك و اية موضوع استيكر النيل موتورز و نجيبة منين و شكرا مرة تانية و السلام.

الله عليك يا غالي
بقينا اتنين كدة سوق الداستر هيمشي ههههههههههه
فعلا الواحد هيموت على العربية دي
ربنا ييسر لك الأمور إن شاء الله