رينو داستر الشكل الجديد - الآن في مصر

[ashouhdy]

انا لو منك اكمل باقى الفرش للابواب و القوايم والتابلوة ... لية وقفت للكنبة و الكراسى بس ؟

كمل الابواب و القوايم و السقف بيج * اسود

والتابلوة اعملة لونين جلد بيج*اسود العربية من جوة حتبقى تحفة

[bebo2000]

انا لو منك اكمل باقى الفرش للابواب و القوايم والتابلوة ... لية وقفت للكنبة و الكراسى بس ؟

كمل الابواب و القوايم و السقف بيج * اسود

والتابلوة اعملة لونين جلد بيج*اسود العربية من جوة حتبقى تحفة

عندك حق وانا كنت ناوى على كده فعلا بس قولت اعمل الفرش على مرحلتين من ناحية اشوف الفرش على الطبيعة ومن ناحية تانية اوزع المصاريف على شهرين

[ashouhdy]

عندك حق وانا كنت ناوى على كده فعلا بس قولت اعمل الفرش على مرحلتين من ناحية اشوف الفرش على الطبيعة ومن ناحية تانية اوزع المصاريف على شهرين

اوعى ترش ... التابلوة بيتشد جلد عادى ويكون جلد نضيف عشان ميشققش

[Karim_Monir]

الله يبارك فيك وكنت بكلم الحاج احمد من نص ساعة في عربية كدة
جت سيرتك وقال تعب فيها قد ايه وفي رسم الفرش وتغييرة
اصل الكرولا عندي نفس فرشك فقير قوي لانها كلاسيك شوية
فالفرش الجاي بقي هادبسي يعملهولي زيك
وهو اللي جابه لنفسه محدش قاله يبقي ضميره كويس كدة في شغلة :-)

[bebo2000]

الله يبارك فيك وكنت بكلم الحاج احمد من نص ساعة في عربية كدة
جت سيرتك وقال تعب فيها قد ايه وفي رسم الفرش وتغييرة
اصل الكرولا عندي نفس فرشك فقير قوي لانها كلاسيك شوية
فالفرش الجاي بقي هادبسي يعملهولي زيك
وهو اللي جابه لنفسه محدش قاله يبقي ضميره كويس كدة في شغلة :-)

شرف كبير يا كريم باشا ان الفرش يعجبك
وكان نفسي تشوفوا الحاج احمد كان سعيد قد ايه بالعربية لما الشغل ركب وشكلها اتغير والله كانها عربيته بالظبط ويمكن اكتر
الراجل ده فعلا قمة في الاحترام وبيحب يتحدى نفسه في الشغل بتاعه علشان كده بتلاقيه دايما عنده جديد لنفس العربية اللى عملها فرش 100 مرة قبل كده

[beeronasr]

اوعى ترش ... التابلوة بيتشد جلد عادى ويكون جلد نضيف عشان ميشققش

أهى دى بقى معلومة جديدة بالنسبة لى تماما
معنى كدة انك تقدر تشد و تغطى التابلوة بجلد و يبقى شكلة احلى؟
و التوكيل و الضمان معندوش مشكلة فى تغطيات الارض و الابواب؟
دة يبقى كلام جميل برضو

[bebo2000]

بص يا غالي عندي كام إستفسار كدة أفدني فيهم الله يكرمك

1: المرايات إنت قولت التحكم فيهم كهربيا من الزرار اللي تحت الهاند بريك معلش ممكن توضحلي أكثر لأن تقريبا الزرار دة زي ما هو واضح في الصور بيروح يمين وشمال فقط إزاي هتحدد أنهي مراية هتتحكم فيها وإزاي هتتحكم إنك تظبطها لفوق أو لتحت
وهل فيها ميموري ولا لأ؟

2-الجزء المشار إليه بالسهم ده دي فتحة بتدخل للمنطقة وراء التابلوه ولا ايه لأنها مش باينة في الصور
أنا ملاحظ إن المنطقة دي مش متقفلة للنهاية صح يعني مش قادرين يكملوا الكونصل والتابلوه من الحتة دي بحيث تقفل المنطقة دي كويس ولا ايه الحكاية؟

انا بستأذن اخويا الصيداح انى ارد عليه في الموضوع هنا علشان الكل يستفيد بدل ما ابعت على الخاص

1- بالنسبة لزرار المرايات الكهرباء فهو له وضعين:

الوضع الاول :- في النص وده وضع محايد ولما بيكون عليه وتيجى تحرك الزرار مابيعملش اى حاجة كنوع من الحماية علشان لو ايدك جت فيه بالغلط مايحركش اى مرايا

الوضع الثانى:- هو انك تلفه ناحية الشمال لو عاوز تعدل وضع المرايا الشمال او تلفه يمين لو هاتعدل اليمين وبعد ما تلف الزرار الناحية اللى انت عاوزها بتبتدى تعدل وضع المرايا بتوجيه الزرار زى الجويستيك بتاع البلاى ستيشن يعنى ترفع الزرار لفوق او لتحت وللجنب سواء يمين او شمال تبتدى المرايا تتحرك معاك وده زى اغلب العربيات اللى فيها مرايا كهرباء بس بدل الزرار ما بيبقى مربع ومتقسم اربع اجزاء عليهم اسهم عملوه عصاية والفكرة دى عجباني جدا لانها بتخليك تحرك المرايا بالورب فى حركة واحدة بدل ما كنت تنزلها تحت وبعدين تجيبها يمين وهكذا

2- بالنسبة للكونصول اللى فى النص فلازم بيبقى وراه مساحة فاضية ودى بيبقى معدى فيها ماسورة التكييف ونفس المكان ده فاضى برضه في الافيو والبروتون ساجا وبصراحة انا مش عارف هما بيعملوها كدة ليه بس واضح ان كل الماركات كدة (شيفورلية،بروتون،رينو) وممكن حد من الاخوة يفيدنا بالنسبة لبقيت الماركات وايه الغرض من انك تقدر توصل للمواسير بتاعة التكييف اللى داخلة على التابلوه

[ashouhdy]

هى عندى متقفلة للنهاية .... بس ذى ماقلنا ... اللى يجيب العربية دى ميدورش على شكل فخيم من جوة لان رينو نفسها قالت لم نهتم بالداخل لكى نوفر كل الامكانيات للعفشة وتوفيرها بسعر مناسب

[ashouhdy]

أهى دى بقى معلومة جديدة بالنسبة لى تماما
معنى كدة انك تقدر تشد و تغطى التابلوة بجلد و يبقى شكلة احلى؟
و التوكيل و الضمان معندوش مشكلة فى تغطيات الارض و الابواب؟
دة يبقى كلام جميل برضو

التوكيل لية الموتور و الكهرباء بس دة ضمانك

[الصيداح]

انا بستأذن اخويا الصيداح انى ارد عليه في الموضوع هنا علشان الكل يستفيد بدل ما ابعت على الخاص

1- بالنسبة لزرار المرايات الكهرباء فهو له وضعين:

الوضع الاول :- في النص وده وضع محايد ولما بيكون عليه وتيجى تحرك الزرار مابيعملش اى حاجة كنوع من الحماية علشان لو ايدك جت فيه بالغلط مايحركش اى مرايا

الوضع الثانى:- هو انك تلفه ناحية الشمال لو عاوز تعدل وضع المرايا الشمال او تلفه يمين لو هاتعدل اليمين وبعد ما تلف الزرار الناحية اللى انت عاوزها بتبتدى تعدل وضع المرايا بتوجيه الزرار زى الجويستيك بتاع البلاى ستيشن يعنى ترفع الزرار لفوق او لتحت وللجنب سواء يمين او شمال تبتدى المرايا تتحرك معاك وده زى اغلب العربيات اللى فيها مرايا كهرباء بس بدل الزرار ما بيبقى مربع ومتقسم اربع اجزاء عليهم اسهم عملوه عصاية والفكرة دى عجباني جدا لانها بتخليك تحرك المرايا بالورب فى حركة واحدة بدل ما كنت تنزلها تحت وبعدين تجيبها يمين وهكذا

2- بالنسبة للكونصول اللى فى النص فلازم بيبقى وراه مساحة فاضية ودى بيبقى معدى فيها ماسورة التكييف ونفس المكان ده فاضى برضه في الافيو والبروتون ساجا وبصراحة انا مش عارف هما بيعملوها كدة ليه بس واضح ان كل الماركات كدة (شيفورلية،بروتون،رينو) وممكن حد من الاخوة يفيدنا بالنسبة لبقيت الماركات وايه الغرض من انك تقدر توصل للمواسير بتاعة التكييف اللى داخلة على التابلوه

ولا يهمك يا غالي
ده أنا قولت إنك نسيتنا
تمام حلوة حكاية زرار المرايات دي فكرة جديدة
بالنسبة للحتة الفاضية دي مش عارف أنا إيه ظروفها لكن عموما مش مشكلة أوي

أنا أشكرك جزيل الشكر على المتابعة والردود الوافية وتعبك معايا
جعلها الله في ميزان حسناتك

[mazagngi2010]

شكرا على الموضوع
بس ابوس ايدك اضغط الصور المره الجايه :)

[الصيداح]

معلش بقى كمان كام سؤال كدة ما هو إنت اللي جبته لنفسك حد قالك هات العربية دي هههههههههههه
بسأل يا غالي عن

1- الدبرياش تقيل ولا خفيف؟
2-الباور بتاع الدريكسيون بيخليه خفيف ويتقل مع السرعة ولا نظامه إيه؟
3-لو هركب مسند اللي ما بين الكرسيين هل هيتعارض مع حركة الهاند بريك ولا لأ؟
4-التكييف أخباره إيه معاك؟
5-في عز الصيف هل في أي مشاكل في حرارة السيارة ولا كله تمام؟
6-مقاس جنوطها كام؟
7-النظام الصوتي أخباره إيه وهي فيها كام سماعة؟
8-نظام الإضاءة بتاعة الفوانيس و الرؤية ؟
9-نظام العجل الخلفي ايه طنابير ولا حاجة تانية؟

[الصيداح]

شكرا على الموضوع
بس ابوس ايدك اضغط الصور المره الجايه :)

ههههههههههههههه
هي أي نعم الصور عذبتنا على ما ظهرت بس جودتها عالية وجميلة
وبصراحة أنا بفضلها بالجودة العالية جدا دي حتى لو تعبتنا شوية في الفتح

[ashouhdy]

وانا عندى سؤال برضوا

الدركسيون حركتة فوق وتحت بس ... ولا تليسكوبى برة و جوة كمان ؟

الكلاكس بتاعها فين ذى اللوجان ؟

[beeronasr]

انتو هريتوا الراجل اسئلة يا جدعان
دة اكيد هيندم انة حط الموضوع دة