رينو داستر الشكل الجديد - الآن في مصر

[bebo2000]

الف شكر يا باشا على مجهودك العالى و الصور الجميلة التى اسعدتنى انا وأخوك الصيداح اكتر اتنين ح يموتوا على العربية - ناوى ابيع اللانسر بتاعتى الاتوماتيك 2008 علشان خاطر عيون الداستر فى اول ابريل ان شاء الله.
قولى كمان لية ماجبتش المسند اللى بينك و بين الكرسى اللى جانبك و اية موضوع استيكر النيل موتورز و نجيبة منين و شكرا مرة تانية و السلام.

العفو يا باشا انت تأمر وربنا يكرمك في بيع اللانسر وتحصلني وتبقى دستراوى
وصدقني لما تركب العربية دي وتسوقها مش هاتندم خصوصا لما تلاقي العربيات كلها حواليك بتعمل مناورات الدنيا علشان تفادي نقر ومطبات وبلاعات وانت تيجي تروح داخل على طول ولا همك حاجة
الحاجة الوحيدة اللى هاتوحشك من اللانسر هو الاوتوماتيك حتى التابلوه بتاع الداستر هاتتعود على موضوع الزراير بتاع الازاز ومش هاتحس بالموضوع ده تاني
كمان انا عارف ان مشاويرك اغلبها سفر على طريق الغردقة فاعتقد موضوع الاوتوماتيك مش هيتعبك اوى وفي المقابل هتاخد وسائل امان كتير ِabs, ebd, ba, 2 airbag والحاجات دي للبيسافر على طرق سريعة افيد كتير من الاوتوماتيك
بالنسبة لموضوع المسند اللى بين الكرسين فهو موجود وكذا شكل كمان بس الفكرة اني مش متعود عليه لان العربيات اللى جبتها كلها كانت من غيره فقلت اشوف هاحتاجه ولا لأ الاول
اما استيكر نايل موتورز فممكن تجيبه من الاعضاء الموزعين او عند اماكن معينة وده اللينك بتاع الموضوع http://www.nilemotors.net/Nile/11008...post3872175643
وانا تحت امرك وأمر اخونا الصيداح في اي استفسار او اى حاجة تحتاجوها في اى وقت

[beeronasr]

اللة ينور يا باشا
تسلم الايادى

[Moh.Fahmy]

الف الف مبروك سعادة الباشا ربنا يباركلك فيها و يديك خيرها و يكفيك شرها - انا الحقيقة معجب جدا بالفلوانس و فخامتها بس بكلامك عن الداستر جذبت اهتمامي لكن اللي قالقني انها تقفيل روماني علي ما اعتقد يعني لا تخضع لمواصفات السوق الاوربية غير الفلوانس اللي تقفيل تركي
بس علي رأيك هي مناسبة جدا لطرقنا الجميلة و اللي قدامها علي الاقل 10 سنين لغاية ما يتعدل حالها
لكن ايه شعورك و انت كنت من ركاب السيدان و دلوقتي 4*4 و هل خاصية 4*4 مهمة قوي خصوصا بعد تجربتك ليه - و يا تري هل يوجد فرق كبير بينها و بين التيريوس - يعني الموضوع يستحق اني ابيع اللانسر بتاعتي و اشتري 4*4 و جزاكم الله كل خير

[bebo2000]

الف الف مبروك سعادة الباشا ربنا يباركلك فيها و يديك خيرها و يكفيك شرها - انا الحقيقة معجب جدا بالفلوانس و فخامتها بس بكلامك عن الداستر جذبت اهتمامي لكن اللي قالقني انها تقفيل روماني علي ما اعتقد يعني لا تخضع لمواصفات السوق الاوربية غير الفلوانس اللي تقفيل تركي
بس علي رأيك هي مناسبة جدا لطرقنا الجميلة و اللي قدامها علي الاقل 10 سنين لغاية ما يتعدل حالها
لكن ايه شعورك و انت كنت من ركاب السيدان و دلوقتي 4*4 و هل خاصية 4*4 مهمة قوي خصوصا بعد تجربتك ليه - و يا تري هل يوجد فرق كبير بينها و بين التيريوس - يعني الموضوع يستحق اني ابيع اللانسر بتاعتي و اشتري 4*4 و جزاكم الله كل خير

الله يبارك فيك اخي الكريم
بالنسبة للداستر فهي مابتتصنعش في تركيا خالص هي المصانع بتاعتها في :-

1- رومانيا
وده اللى انتاجه بيروح اوروبا ( ومن الحاجات اللى شجعتني كتير اني اجيب العربية ديه ان المصنع بتاع رومانيا بيطلع انتاج واحد واللى بتيجي مصر هي هي اللى بتتباع في فرنسا والمانيا حتى لسة بالعافية عاملين خط انتاج دريكسيون يمين علشان انجلترا والاختلاف كله في مستوى الكماليات وهتلاقي الكلام ده على مواقع اجنبية كتير ولاول مرة في بلدنا عربية تيجي هنا زي بتاعة برة بالظبط من غير ما يشيلوا وسائل الامان كالعادة او حاجة في الكماليات علشان يزودوا هامش الربح بتاعهم ) ورومانيا تبع الاتحاد الاوروبي من 2007م والعربية تخضع لمواصفات السوق الاوروبية والا ما تترخص هناك وكمان واخدة كذا جايزة في فرنسا والمانيا

2- روسيا
وده لدول الاتحاد السوفيتي السابق

3- البرازيل
وده لدول الامريكتين وفيه تعديل عندهم في الشكل بتاع الشبكة والتابلوه وزراير الزجاج في الباب زي المعتاد وهتلاقي صور التابلوه ده في اول صفحة من الموضوع
وكمان عندهم موديل اوتوماتيك بس 2000 سي سي يعني في الاغلب مش هاينزل مصر علشان الجمارك

4- الهند
وده مصنع جديد ومعرفش فيه تعديل في العربية ولا لأ

بالنسبة لموضوع ال 4*4 فهو مش مهم لو احنا في بلد طبيعي وكان السيدان اكيد يبقى احسن خصوصا في الشد والجرى لكن في مصر وخصوصا ان مفيش شارع واحد ممكن تجري فيه الا نادرا فاعتقد موضوع ال4*4 وارتفاع العربية عن الارض ده شئ مهم جدا مع شوارعنا وده الفرق اللى حسيت بيه ومتكلم عنه في المشاركات السابقة
يعني باختصار انت بتضحي بالجري والشد مقابل انك تشتري دماغك من الشوارع وغطيان البلاعات اللى طالعة فوق الشارع 2 متر والمطبات اللى بتاخدها بالجنب ومفيش فايدة واللى انت عارفه الخ ...
وعلى فكرة هي بتجري جامد برضه بس بتجمع ابطء من السيدان بشوية والثبات بتاعها عالى جدا كنت ماشي 160 بعربية كورولا بتاعة صاحبي على الصحراوي وطلع مني واحد بداستر وكانت في منتهى الثبات
بالنسبة للتريوس لو تسمع نصيحتي بلاش منها عربية ابعادها غريبة وده مش مخليها ثابتة على الارض ( عرضها قليل وارتفاعها كبير ) واركب الاتنين وانت لوحدك هاتروح على الداستر
والفلوانس عربية جميلة جدا وفكرت فيها كتير بس ابعادها كبيرة اوى وده هايخليها تتبهدل حكات وهتبقى مشكلة في الركنة غير ان الابواب بتاعتها مقفولة من جوة يعنى موضوع علشان تسمكر حكة او حاجة صغيرة في باب وطلعتها اتقل من الداستر وخصوصا الاوتوماتيك
وفي النهاية انت اللى تقدر تحدد احتياجك حسب نوع الطرق اللى بتمشي فيها ومتطلباتك في العربية

[Land_Cruiser]

الف مبروك يا باشا و ربنا يباركلك فيها و أحييك على اللون اللى حضرتك مختاره

[bebo2000]

الف مبروك يا باشا و ربنا يباركلك فيها و أحييك على اللون اللى حضرتك مختاره

انت فين يا راجل من زمان ؟؟
اخيرا حد غيري عجبه اللون
ده انا كنت قربت اقتنع اني عملت كارثة في موضوع اللون بتاعها وانت انقذتني
الف شكر على مشاركتك الجميلة والله يبارك فيك

[beeronasr]

اللون جديد زى ما العربية جديدة و احنا اتفقنا اننا للاسف بنخاف من كل حاجة جديدة
بس انا شايف ان اللون الجديد بيدى تميز و خصوصية ليك و للعربية

[bebo2000]

اللون جديد زى ما العربية جديدة و احنا اتفقنا اننا للاسف بنخاف من كل حاجة جديدة
بس انا شايف ان اللون الجديد بيدى تميز و خصوصية ليك و للعربية

+1111111111111111111111111111111111111111111

[ashouhdy]

الف مبروووك عربية ممتازة بس نفسى تستخدمها صح

[Karim_Monir]

الف مبروك على العربية وعلى الفرش وفعلا الحاج احمد يقدر يغيرلك صالون العربية ويحببك فيه
انا رغم اني كنت عامل فرش غالي ومن 3 سنين ولون مقتنع بيه
الا انه قدر يخليني اغيره وطلع افضل من اللي كنت عاملة

[bebo2000]

الف مبروك على العربية وعلى الفرش وفعلا الحاج احمد يقدر يغيرلك صالون العربية ويحببك فيه
انا رغم اني كنت عامل فرش غالي ومن 3 سنين ولون مقتنع بيه
الا انه قدر يخليني اغيره وطلع افضل من اللي كنت عاملة

كريم منير بنفسه في الموضوع بتاعي
ده شرف كبير جدا يا كبير

فعلا الحاج احمد راجل فنان بمعنى الكلمة مش مجرد راجل بيعمل فرش جلد تفصيل وخلاص والغريب انه بيقدر يتصور الحاجة في دماغه وبعدين ينفذها وتطلع حاجة معجزة فعلا
وكل ده بالاضافة الى الامانة والخلق وحسن الاستقبال - ربنا يبارك له في رزقه
وانا بكرر شكري للمنتدى اللى عرفني على راجل زي الحاج احمد مشعل

[Land_Cruiser]

كريم منير بنفسه في الموضوع بتاعي
ده شرف كبير جدا يا كبير

فعلا الحاج احمد راجل فنان بمعنى الكلمة مش مجرد راجل بيعمل فرش جلد تفصيل وخلاص والغريب انه بيقدر يتصور الحاجة في دماغه وبعدين ينفذها وتطلع حاجة معجزة فعلا
وكل ده بالاضافة الى الامانة والخلق وحسن الاستقبال - ربنا يبارك له في رزقه
وانا بكرر شكري للمنتدى اللى عرفني على راجل زي الحاج احمد مشعل

شفت بقى انك هتلاقى ناس عاجبهم اللون ازاى يا باشا و بعدين خللى بالك ان فى عربيات اسبور بتبقى نازله فابريكه بالالوان دى و شكلها جامد جداً طبعا و ربنا يباركلك فيها. كنت عايز اعرف صحيح هو الفتيس ٤ و لا ٦ نقلات و ايه اخبار ابعاد العربيه علشان الركنه و السواقه عامه

[د.محمود صلاح]

شكرا للتقرير والصور والف مبروك على الفرش لايق جدا على شكل العربية

[bebo2000]

شفت بقى انك هتلاقى ناس عاجبهم اللون ازاى يا باشا و بعدين خللى بالك ان فى عربيات اسبور بتبقى نازله فابريكه بالالوان دى و شكلها جامد جداً طبعا و ربنا يباركلك فيها. كنت عايز اعرف صحيح هو الفتيس ٤ و لا ٦ نقلات و ايه اخبار ابعاد العربيه علشان الركنه و السواقه عامه

ربنا يخليك ويبارك فيك يارب. بالنسبة للفتيس فهو حسب الموديل
2*4 زي العربيات العادية 5 غيار والمارشدير
4*4 دي 6 غيار فيهم الغيار الاول ده للعزم وده سرعته 5 كم/س على 1000 rpm وده علشان لو بتعدى عائق او نازل منحدر يبقى معاك عزم والعربية في نفس الوقت ماتجريش منك من غير ما تدوس فرامل ( بتفرمل بالماتور ) وانا اكتشفت ليه ميزة مايعرفوش عنها حاجة برة (حاجة لمصر بس) لما ببقى في شارع واقف كالعادة وماشي عجلة عجلة باستخدم الغيار ده والعربية بتمشي على اقل من مهلها من غير ما اقعد اطلع وعجلتين وافرمل لغاية ما الشارع يفتح كاني سايق اوتوماتيك بس في الحالات الطبيعية انت المفروض تطلع على التاني علطول وده الكلام اللى في ال driver manual
اما ابعاد العربية فمن ناحية الطول فهي عادية جدا زي اغلب السيدان وفي الاغلب اقل طول من الفلوانس ومفيش مشكلة في الركنة بس العرض هى اعرض شوية من اللى انا متعود عليه فالواحد بيركز شوية لما يدخل شارع ضيق

[bebo2000]

شكرا للتقرير والصور والف مبروك على الفرش لايق جدا على شكل العربية

العفو يا دكتور والله يبارك فيك وشكرا على مشاركتك الجميلة