تقرير عن ستروين ax&zx

[hinrey_2]

تحياتى لاصدقائي بالمنتدي اتضامن مع الزميل mgaballah فى عدم معرفتى بالستروين ax
لقد اشتريت ستروين ax والحمد لله ولكن المشكلة هى جهلى المطبق فى قيادة و ميكانيكا السيارات
العربية التابلوه شغال ما عدا عداد السرعة وعداد الحرارة
لانى جديد فى السواقة مشيت بيها حوالى 5 كيلو .
لقيت عجلة نايمة ولما حاولت اغيرها الكريك اللى معاها كان ضعيف العربية فلتت ووقعت على طنبور الفرامل ولكن الارض كانت تراب فالطنبورة غرست فى الارض
الميكانيكى جه وغير العجلة وقالى محصلش حاجة .
السؤال هل دمرت هذه الوقعة الكوبلن او المقسات او اى جزء من العفشة ؟
وارجوكم الافادة عن صوت الموتور العالى واسبابه .
مع خالص الشكر

[rotanamasoud]

تحياتى لاصدقائي بالمنتدي اتضامن مع الزميل mgaballah فى عدم معرفتى بالستروين ax
لقد اشتريت ستروين ax والحمد لله ولكن المشكلة هى جهلى المطبق فى قيادة و ميكانيكا السيارات
العربية التابلوه شغال ما عدا عداد السرعة وعداد الحرارة
لانى جديد فى السواقة مشيت بيها حوالى 5 كيلو .
لقيت عجلة نايمة ولما حاولت اغيرها الكريك اللى معاها كان ضعيف العربية فلتت ووقعت على طنبور الفرامل ولكن الارض كانت تراب فالطنبورة غرست فى الارض
الميكانيكى جه وغير العجلة وقالى محصلش حاجة .
السؤال هل دمرت هذه الوقعة الكوبلن او المقسات او اى جزء من العفشة ؟
وارجوكم الافادة عن صوت الموتور العالى واسبابه .
مع خالص الشكر

عداد السرعه انا غيرته بايدى لاكن انت مبتدء تشتريه من حد بتاع قطع غيار وتروح لكهربائى كويس يركبهولك
عداد الحراره خلى الكهربائى يشوفلك صوبع الحراره(حساس)ويلمس سلكه للارض المفروض العداد يرفع فى التابلوه(مع فتح الكونتاك) كده يبقى الحساس بايظ لو مرفعش يبقى اسلاك او العداد نفسه فى التابلوه فيه حاجه
ولازم تخلص موضوع الحراره فورا عشان تعرف الحراره باستمرار ومتدخلش فى جوان وش سلندر
بالنسبه للطنبور لو العربيه ماشيه مافيش مشاكل لا تخبيط او اى اصوات غريبه مكنتش موجوده قبل اللى حصل يبقى كل شيء تمام ومتخفش

[AAAH]

غيرت الكبالن النهارده الحمد لله :)
جبت جوز استيراد ب 350 جنيه كانوا بكاوتش وافيز الفابريكه بس الكاوتش كان مقطوع
غيرت الكاوتش عند واحد بتاع كبالن بس اسمه ابراهيم ( ابو بيبو ) فى عين شمس شاب ممتاز فى صنعته ومعاملته منتهى الذوق والادب ظبطلى الكبالن وركبلها كاوتش وشحمها وركبها وعلى فكره هو برضه بيصلح كبالن وعنده كبالن استيراد جميع الانواع
ولسه طبعا العربيه قيد التجربه

[rotanamasoud]

غيرت الكبالن النهارده الحمد لله :)
جبت جوز استيراد ب 350 جنيه كانوا بكاوتش وافيز الفابريكه بس الكاوتش كان مقطوع
غيرت الكاوتش عند واحد بتاع كبالن بس اسمه ابراهيم ( ابو بيبو ) فى عين شمس شاب ممتاز فى صنعته ومعاملته منتهى الذوق والادب ظبطلى الكبالن وركبلها كاوتش وشحمها وركبها وعلى فكره هو برضه بيصلح كبالن وعنده كبالن استيراد جميع الانواع
ولسه طبعا العربيه قيد التجربه

مبروك يا باشا والعربيه ظبطت معاك دلوقت

[AAAH]

مبروك يا باشا والعربيه ظبطت معاك دلوقت

الله يبارك فيك يا عم احمد :)
العربيه ماكانتش مظبوطه لحد ماظبطت زوايا والعجل كان مقفول 2.5 سم والحمد لله دلوقتى زى الفل

[كريم زيدان]

جزاك الله كل خير على التقرير إن شاء الله هنزل أشوفها
معاك كريم اللى كلمتك من شوية

[rotanamasoud]

جزاك الله كل خير على التقرير إن شاء الله هنزل أشوفها
معاك كريم اللى كلمتك من شوية

انا شوفت الاعلان يا كريم
اعتقد هو يقصد مجهزه تكييف وليست التكييف شغال كده تخصم 3000 لما تتاكد من المعلومه
انا شايف لو زادت عن 18 (وتكون مكيفه)يبقى صبر قليل ممكن تركب zxب23 صدقنى
zx يعنى طول وعرض واتزان ووسع وقطع غيار جديد ومستعمل

[كريم زيدان]

انا شوفت الاعلان يا كريم
اعتقد هو يقصد مجهزه تكييف وليست التكييف شغال كده تخصم 3000 لما تتاكد من المعلومه
انا شايف لو زادت عن 18 (وتكون مكيفه)يبقى صبر قليل ممكن تركب zxب23 صدقنى
zx يعنى طول وعرض واتزان ووسع وقطع غيار جديد ومستعمل

العربية كانت جميلة يوم ما كلمتك رحت أشوفها لقيت معاه ناس بيخلصوا فيها واشتروها كلمته قالى خلصت على 21
ربنا يباركلهم فيها ويكفيهم شرها
وجزاك الله كل خير على المتابعة

[rotanamasoud]

العربية كانت جميلة يوم ما كلمتك رحت أشوفها لقيت معاه ناس بيخلصوا فيها واشتروها كلمته قالى خلصت على 21
ربنا يباركلهم فيها ويكفيهم شرها
وجزاك الله كل خير على المتابعة

ربنا يباركله لو فى اى حاجه قدامك قولى ومتابع معاك

[hinrey_2]

ارجو من الزملاء الافادة عن افضل زيت لموتور لستروين ax 1400cc سواء عادي او تخليقى .
كذلك ما هو افضل زيت فتيس يتم وضعه للسيارة وهل ازوده ام اغيره تماما
وكيف اعرف ان الفتيس محتاج يغير الزيت واين فتحة اضافة زيت الفتيس
وارجو ارفاق الاسعار ان امكن ؟
و سؤال بسيط انا بحط بنزين 80 علشان رخيص فهل هذا يتلف الموتور ؟
معلش لانى لسه شاري العربية من فترة قليلة وباستكشفها لسه
مع الشكر

[elghrory]

زيت شل الأصفر وبنزين 80 انا جربته بس رجعت ل 90 علشان حسيت العربية مخنوقة فى السحب

[hinrey_2]

شكرا للزميل المحترم واتمنى ان يشاركنا باقى الخبراء بارائهم

[rotanamasoud]

استاذ hinrey_2
افضل الزيوت كما قال الelghrory هو شل الاصفر عن تجربه ولان اللزوجه بتاعته الموصى بها فى الكتالوج فعليا15W50
اما التخليقى فيجب ان يكون المحرك فى اقرب حاله للزيرو (لو مسقط مكنه مثلا)ولازم بنزين 90او اعلى خالى من الرصاص مع التخليقى بس يعتبر الاشد نصف تخليقى شيل الازرق
ولاكن الكتالوج بينصح بزيوت توتال (فرنسيين وتوتال فرنسى)وهو زيت ممتاز
الحجم3.2لتر وعند تغيير الفلتر3.5 والانضف تغير الفلتر مع كل تغييره زيت من الزيت 5000 شيل الاصفر
زيت الفتيس
الافضل فى مصر للفتيس زيوت موبيل
لو الفتيس بحاله ممتازه يمكنك استخدام لزوجه 80W-90 انا بستخدمه حاليا
لو الفتيس حاله متوسطه استخدم زيت تقيل تقريبا رقمه140
طبعا الافضل انك تنزل زيت الفتيس كله لانك متعرفش الزيت اللى فيها مستخدم قد ايه
انا بعمل كده بغير بالكامل وبعدين ازود السعه 2 لتر(انت بتغير زيت الفتيس مره واحده كل 60-80 الف)
الطبه بتاعت الفتيس على الجنب وبتتفك بمفتاح الن(بيسموه مفتاح بيجو)
طبعا ال90 او 92 افضل وبيجرى العربيه ويحافظ على المكنه لاكنه مصروفه اكتر وانا بستخدم 80
الاسعار بتتغير ده تقريبى
الشل الاحمر 60-70(فى حاله المكنه التعبانه)يتغير على 1000-2000
الشل الاصفر 120-130 اللى بنصحك بيه ويتغير على 5000وممكن اكتر حسب لو سفر ولا اشارات وحاله المكنه
الشل الازرق 200-220 مع بنزين خالى من الرصاص90 او اعلى ويتغير عند10000
الفتيس موبيل80W-90 اتكلف تقريبا 90 جنيه على ما اتذكر
ارجو ان اكون رديت رد وافى ومعاك فى اى استفسار

[hinrey_2]

خالص الشكر للزميل المحترم rotanamasoud على الافادة والمعلومات الممتازة
واتمنى ان اتعلم من حضرتك ومن بقية الزملاء الافاضل بدون ان اثقل عليكم
تحياتى واعزازى
هنري

[hinrey_2]

الزميل المحترم روتانا
خبراء الستروين المحترمين
تحية طيبة وبعد
اتمنى ان تفيدونى بوظائف الازرار التى اشرت لها بالارقام من 1:6 على الصورة الموضحة عاليه .كما ارجو ان تفيدنى عن وظيف عصا المساحات الموجودة يمين الدركسيون عندما تسحبها عليك (جذب العصا ناحية السائق ) لانى الاحظ ان لمبة البطارية تضيئ وصوت الموتور بيقل وكان العربية هاتطفى لما باعمل الحركة دي .
مع جزيل الشكر