أسعار وكماليات اوكتافيا a7 1600 cc 2015

[Hesham256]

طقم سيور بـ 4500 جنيه ؟؟!!!!

وتيل فرامل امامي بـ 750 ويتغير كل 15 ألف !!!!!!!!
والخلفي بـ 980 !!!!!

الأسعار دي عليَّ جدا ود حاجات كلها استهلاكية كمان

أُمال باقي الحاجة بكم بقى

هو ال4500 جول إسهبال رسمي مش هعرف ابرره.
بس تيل الفرامل ده مينفعش يبقي بمعاد أصلاً.......المفروض بحالته.....يعني أنا مثلاً هلاقي التيل لسه مليان واروح اغيره عشان ال15 ألف عادو ؟؟؟؟ اكيد لأ.....لو لقيت التيل لسه مليان إن شالله اقعده 60 ألف مش هغيره لحد ميتاكل.
باقي الحاجات الحاجة اللي سئلت عليها في التوكيل كان التيرموستات (مش عارف ليه سئلت عليه بس هي جت كده) وقالي أنه ب1800 وده قبل مايغلي كمان......فهي عربية غالية كقطع غيار.
منصور بيلعبها صح يا كبير.....بيبعلك العربية مش غالية اوي زيرو......وياخد أضعاف تمنها قطع غيار وصيانات.

[Hesham256]

ايوا طبعاً
سيبك منهم وبالذات فى موضوع الزيت الxhp النصف صناعى ده. دى عالم بتهرج والله

ده اساسي يا باشا....المشكلة ان في ناس مش بتفهم في العربيات خالص وممكن يمشوا ورا كلام التوكيل علي اساس انهم يبقوا في المضمون يعني....وساعتها هيدمروا الموتور بإيديهم. فعلاً توكيل حرامي ونصاب.

[superdry90]

سؤال لمالكي الفانتزيا هي العربية عندكو فيها نور الباركينج الي ممكن تنوره بعد ما تخرج من العربية بحيث نص العربية اليمين او الشمال يبقي منور ؟ هي في ال a7 بس ملقيتهاش عند واحد صاحبي معاه فأنتزيا

[Dr.medo]

موجود طبعاااااااااااا

[Welsherif]

موجود طبعاااااااااااا

معلش ازاى يشتغل

[Dr.medo]

لما تشيل المفتاح و قبل ما تنزل من السياره دراع الاشاره هاته يا يمين يا شمال زى ما انت عايز

[etsh1986]

ارجو المساعدة من اهل الخبرة

يا جماعة انا كنت نازل اخلص في اوبل استرا كوزمو 2014 و سمعت ان الاوكتافيا 2015 حتنزل 1.6 اتوماتيك بدل اتربو و فتيس dsg اتوكل على الله في الاسترا و لا استنى الاوكتافيا مع العلم بالشئ ان في الاسترا حاشتري الكوزمو فيها كل حاجة لو الاكتافيا ممكن ثاني فئة الي هي حتكون 215 ايهما افضل في الثبات، التحمل، الموتور، العفش، التكيف و ايهما افضل كشكل سبور شبابي و شكرا..

[zangry]

يا جماعة انا كنت نازل اخلص في اوبل استرا كوزمو 2014 و سمعت ان الاوكتافيا 2015 حتنزل 1.6 اتوماتيك بدل اتربو و فتيس dsg اتوكل على الله في الاسترا و لا استنى الاوكتافيا مع العلم بالشئ ان في الاسترا حاشتري الكوزمو فيها كل حاجة لو الاكتافيا ممكن ثاني فئة الي هي حتكون 215 ايهما افضل في الثبات، التحمل، الموتور، العفش، التكيف و ايهما افضل كشكل سبور شبابي و شكرا..

رأيي الكوزمو تكسب افضل منها في الثبات والعفشة + شبابي اكتر + هتوفر ٢٠ الف فرق

ميزة الاوكتافيا الوسع بس

[mostafa3000]

رايي الاوكتافيا تكسب الاسترا
من حيث الفخامة والاتساع والانتشار واكيد التوكيل افضل من منصور

[Dr.medo]

طبعا اوكتافيا احسن توكيل افضل سعر اعاده بيع افضل و من وجهه نظرى انها اجمل و موديل مش هيغير شكله قبل اربع سنين و و كمان طبعا اسكودا اعلى من و ربنا يباركلك مهما كان اختيارك

[superdry90]

للتصحيح الاوكتافيا a7 الفئة الاولي مفيهاش ليد خلفي انا كنت فاكر فيها . و طبعا من غير جنوط ولا سينسورز ولامالتي فانكشن ولا مرايات ضم ولا وحدات رفع زجاج خالص ولا بلوتوث ولا شاشة ولا فتحات تكييف خلفية ولا مسند ذراع أمامي حتي يعني مسند ذراع السواق الي بيتفتح و يتحط فيه السيديهات الي موجود في اي عربية حتي الفيرنا مثلا مش موجود خالص منك للموكيت علي طول زي عربيات ال١٢٨ زمان !!!!!!!! الدركسيون و الفتيس من خامات اقل ما يقال عليها رديئة العجل طاسات ١٥ طبعا زي ما قلت مفيش نواكل نهائي في العربية لا جوة ولا برة. انا مستغرب ان اسم اوكتافيا ينزل علي سيارة بالمنظر ده! ده حتي المرايات و الأكر لونها اسود و شكلها مهين لعربية في الفئة دي ناهيك عن الموتور القديم !!!

[mo7a_mo7a]

شئ محزن جداً ... لك الله يا مصر

[K.Ossama]

شئ محزن جداً ... لك الله يا مصر

آه والله
لنا الله

[etsh1986]

انا كنت نازل اشتري الاسترا الكوزمو بصراحة هي عربية محترمة جدا المهم عرفت ان الاوكتافيا 1600 الاتوماتيك نزلت روحت بصت عليها طارة مالتي، مثبت سرعة، مرايات ضم اشارات، كاسيت تتش بيظهر اعطال العربية الي يعبها بس انها 2 ايرباج و جنوط 16 بس طبعا اوسع من الاسترا مستريح و الاسترا طبعا في التوكيل الكوزمو عاملة 200 الف و الاوكتافيا 214 الف بصراحة هنا الواحد يراجع حسباته و يبتدي يفكر في السكودا و برضوا نحتاج رايكوا...

[CosmicOne]

رأى الشخصى ان لو الأسترا وصلت 200 الف و مع ضيق العربيه و قطع الغيار النار و سمعه التوكيل يبقى الأسكودا

مع العلم انى اظن و لم اجرب ان الأسترا اثبت على الطريق من الأكتافيا

بس كمان البوليرو التاتش بتاع الاكتافيا و الخامات احسن من الأسترا بفارق ملحوظ و تكييف الأكتافيا تبارك الله قوى جداً - اقوى من السيفيك 2007 الى كانت معايا قبل كده