أسعار وكماليات اوكتافيا a7 1600 cc 2015

[Sherif Lotfy]

ممكن حد يتفضل و يقول كماليات A7 الفئة التانيه اللى ب 214 الف جنيه .. انا شفتها في معرض بس ماقدرتش اعرف كل الكماليات زي مثلاً عوامل الامان و عدد ال Airbags و السماعات و كده .. و هل ممكن الموديل الجديد بما انه معمول لروسيا يكون تكييفه ضعيف ؟ شكراً جزيلاً لحضراتكم

[Moratoz]

ممكن حد يتفضل و يقول كماليات a7 الفئة التانيه اللى ب 214 الف جنيه .. انا شفتها في معرض بس ماقدرتش اعرف كل الكماليات زي مثلاً عوامل الامان و عدد ال airbags و السماعات و كده .. و هل ممكن الموديل الجديد بما انه معمول لروسيا يكون تكييفه ضعيف ؟ شكراً جزيلاً لحضراتكم :e_braces[1]:

الكماليات مذكورة في اول الموضوع

[Welsherif]

انا كنت نازل اشتري الاسترا الكوزمو بصراحة هي عربية محترمة جدا المهم عرفت ان الاوكتافيا 1600 الاتوماتيك نزلت روحت بصت عليها طارة مالتي، مثبت سرعة، مرايات ضم اشارات، كاسيت تتش بيظهر اعطال العربية الي يعبها بس انها 2 ايرباج و جنوط 16 بس طبعا اوسع من الاسترا مستريح و الاسترا طبعا في التوكيل الكوزمو عاملة 200 الف و الاوكتافيا 214 الف بصراحة هنا الواحد يراجع حسباته و يبتدي يفكر في السكودا و برضوا نحتاج رايكوا...

انا جربت العربيتين و اقولك ان الاوكتفيا الفئة التانية تعدى الاسترا فى كل شىء كفاية المساحة و الخامات و الشاشة و الصاج و الدهان و كل كماليات العربية انت فعلا محتاجها يعنى كل جنية بتدفعه فى مكانه لايميز الاسترا غير ان شكلها شبابى اكتر

[JapRuleZ]

معلش بس انا شايف ان الناس ناسيه ان سبب تغيير الفتيس و الموتور كان ضعف الاداء فى الاساس ... و الله يا جماعه بلاش مغامره الا لما تتأكد مل الاداء
و لو الاداء مش فارق معاكو خالص كده ... يبقى سيبك من الa7 و روح هات 316 استعمال خفيف ... ضحى بشويه كماليات بس دفع خلفى و الخ ...
او شوف ال mazda 3 2015
بعض الreviews بتقول انها ركوبه اكتر من الاكتافيا و الجيتا كمان
مجرد رأئ
هى الa7 ال 1.6 من
0-100 فى كام ثانيه ؟

[K.Ossama]

انا جربت العربيتين و اقولك ان الاوكتفيا الفئة التانية تعدى الاسترا فى كل شىء كفاية المساحة و الخامات و الشاشة و الصاج و الدهان و كل كماليات العربية انت فعلا محتاجها يعنى كل جنية بتدفعه فى مكانه لايميز الاسترا غير ان شكلها شبابى اكتر

مش للدرجة دى
المقارنة مش محسومة بالشكل ده
مساحة وشاشة ماشى انما الباقى مافيش فرق تقريباً
وما تنساش الأسترا تتفوق فى أجزاء اخرى زى نظام التعليق وحساسات النور والمطر ومراية التعتيم ومقاس العجل

[CosmicOne]

مش للدرجة دى
المقارنة مش محسومة بالشكل ده
مساحة وشاشة ماشى انما الباقى مافيش فرق تقريباً
وما تنساش الأسترا تتفوق فى أجزاء اخرى زى نظام التعليق وحساسات النور والمطر ومراية التعتيم ومقاس العجل

نظام التعليق مظنش هيحس بيه حد غير فى الظروف القصوى من القياده الى بتبان فيها حركة العربيه على الأرض لكن احساس السرعه مثلاً منعدم فى الاكتافيا

الحسساسات اكتر سيكا فى الأسترا ماشى

العجل فى tpms فى الأكتافيا

الخامات اجود بفرق ملحوظ اوى فى الأسكودا

يعنى مثلاً كل التابلوه لحد تحت جوه عند ركبك سوفت

كل الأدراج فى الابواب موكيت من جوه مش بلاستيك حتى ورا

فتحات تكييف خلفيه بكروم ديتاليز شيك و قويه جداً للتكييف

غير الوسع الفظيع و الشنطه

[Hesham256]

انا جربت العربيتين و اقولك ان الاوكتفيا الفئة التانية تعدى الاسترا فى كل شىء كفاية المساحة و الخامات و الشاشة و الصاج و الدهان و كل كماليات العربية انت فعلا محتاجها يعنى كل جنية بتدفعه فى مكانه لايميز الاسترا غير ان شكلها شبابى اكتر

و أنا جربت العربيتين وأقولك ان الأوكتافيا متعديش في حاجة غير في الوسع الداخلي.
الشاشة شكلها احلي اه وأكبر......بس الشاشة بمعناها مش بشكلها...شاشة الاسترا بتعمل اللي انت عايزه برضه مبتقولش لأ.
الصاج احسن !!!!!!!!!!!! يا راجل اتق الله.....صاج ايه اللي أحسن !!!!! شوف كده إختبار التصادم مين واخد اعلي وتعالي قولي صاج أحسن. (و متنساش أن بره مش بتنزل ب2 ايرباج بس زي اللي هنا.)
و حضرتك كشفت عالدهان إزاي معلش ؟؟؟؟؟.
الأسترا اريح بكتير و أثبت بكتير ومكنش فيها مشاكل عشان يسحبوها من السوق وينزلوها بموتور وفتيس مختلفين وشكلها احلي بكتير وأمان اكتر.

[Hesham256]

نظام التعليق مظنش هيحس بيه حد غير فى الظروف القصوى من القياده الى بتبان فيها حركة العربيه على الأرض لكن احساس السرعه مثلاً منعدم فى الاكتافيا

الحسساسات اكتر سيكا فى الأسترا ماشى

العجل فى tpms فى الأكتافيا

الخامات اجود بفرق ملحوظ اوى فى الأسكودا

يعنى مثلاً كل التابلوه لحد تحت جوه عند ركبك سوفت

كل الأدراج فى الابواب موكيت من جوه مش بلاستيك حتى ورا

فتحات تكييف خلفيه بكروم ديتاليز شيك و قويه جداً للتكييف

غير الوسع الفظيع و الشنطه

ايوة يا باشا ممكن متحسش بنظام التعليق....بس هل ده معناه انه مش موجود ؟؟؟؟؟ لأ موجود وأعلي من الأوكتافيا بفرق كبير.....غير الراحة طبعاً.

الtpms ده بيجيبلك ضغط العجل كام.....ولا بينبهك لما يكون ناقص ؟؟؟؟

لا لا لا لا الخامات واحدة في الإتنين.....مفيش فرق خامات ملحوظ بالطريقة دي.....تلاقي بس الأوكتافيا الوانها من جوة افتح شوية فبتحس انه اجود.
مهو البلاستيك عمره أطول بكتير من الموكيت يا باشا....الموكيت معرض للبهدلة والقطع....البلاستيك اقوي في تحمل الخرابيش.
نيجي للاوبشنز....الاسترا لو منصور نزلها زي مابتنزل بره.....فالأوكتافيا هتختفي من جنبها أصلا حتي لو نزلوها زي مبتنزل بره.
منصور عايز الاسترا تنافس في فئة سعرية محددة وقعد يلعب في الاوبشنز لحد موصل للسعر اللي هو عايزه....يعني لو نزل الاسترا بأبشنز عالية هتبقي بسعر الإنسيجنيا.....وهو عايز يبيع الإنسجنيا فمش هيقدر يعلي كماليات الأسترا عن كده.
و اعتقد سعر السكودا قريب من الإنسيجنيا و لو قارنت الأوكتافيا بالإنسيجنيا........إتعملت كتير واعتقد الفرق واضح.

[Sherif Lotfy]

الكماليات مذكورة في اول الموضوع

أولاً انا بأشكر حضرتك على اهتمامك بالرد .. بس المكتوب في اول الموضوع هو ( فئة 190 الف اسمها (active )
جميع الكماليات ماعدا
1-كاسيت سى دى
2-لايوجد سنسور بارك
3-جنوط حديد (طاسة)
4-طارة عادية_(بدون مالتى فنكشن)

فئة 214 الف اسمها (ambition)

بها كاسيت تاتش سكرين
سنسور بارك
جنوط اسبور مقاس 16 بوصة
طارة مالتى فنكشن )

طب ده معناه ان فيها تكييف و باور .... الخ . بس فيها ايه من عوامل الامان زي الAbs , Ebd , asp ..الخ فيها كام ايرباج، التكييف عادي ولا Dual zone فيها حساسات للاضاءة في مراية الصالون و حساسات مطر و اضاءة خارجيه ولا لأ ، مرايات ضم ، الكاسيت التاتش ده فيه Gps أو بيشغل Dvd ولا Audio بس و كام سماعه .. الخ
الغريب ان ارتوك اوتو مش منزل عنها اعلان محترم ولا برشور على صفحته على النت ولا حتى ورقه مطبوعه في المعارض كأنه بيبيعها في السر :)

[shockoprinz]

يا شباب انا عارف ان سؤالي خارجالموضوع بس كنت عايز اسأل هو موديلات السيات التوليدو 2015 نزلت ولا لسه ولو لسه ممكن تنزل امتي انا دفعت مقدم عربيه 2014 وهستلمها بع 5 ايام حاسس اني كنت المفروض استني شويه مش عارف محتار جدا

[K.Ossama]

ايوة يا باشا ممكن متحسش بنظام التعليق....بس هل ده معناه انه مش موجود ؟؟؟؟؟ لأ موجود وأعلي من الأوكتافيا بفرق كبير.....غير الراحة طبعاً

لا لا لا لا الخامات واحدة في الإتنين.....مفيش فرق خامات ملحوظ بالطريقة دي.....تلاقي بس الأوكتافيا الوانها من جوة افتح شوية فبتحس انه اجود.
نيجي للاوبشنز....الاسترا لو منصور نزلها زي مابتنزل بره.....فالأوكتافيا هتختفي من جنبها أصلا حتي لو نزلوها زي مبتنزل بره.

بالضبط كدة
ونسيت كمان الأسترا كمان بتكييف أوتوماتيك dual zone

[K.Ossama]

الtpms ده بيجيبلك ضغط العجل كام.....ولا بينبهك لما يكون ناقص ؟؟؟؟
.

لا تنبيه فقط

[muhamed mohsen]

معلش بس انا شايف ان الناس ناسيه ان سبب تغيير الفتيس و الموتور كان ضعف الاداء فى الاساس ... و الله يا جماعه بلاش مغامره الا لما تتأكد مل الاداء
و لو الاداء مش فارق معاكو خالص كده ... يبقى سيبك من الa7 و روح هات 316 استعمال خفيف ... ضحى بشويه كماليات بس دفع خلفى و الخ ...
او شوف ال mazda 3 2015
بعض الreviews بتقول انها ركوبه اكتر من الاكتافيا و الجيتا كمان
مجرد رأئ
هى الa7 ال 1.6 من
0-100 فى كام ثانيه ؟

سعادتك تقصد ضعف آداء ايه بالظبط الموتور التربو ولا 1600 القديم اللى نزلوه بدلا منه ؟

[JapRuleZ]

سعادتك تقصد ضعف آداء ايه بالظبط الموتور التربو ولا 1600 القديم اللى نزلوه بدلا منه ؟

تربو و ضعف الاداء ميجوش فى جمله واحده.

[K.Ossama]

سعادتك تقصد ضعف آداء ايه بالظبط الموتور التربو ولا 1600 القديم اللى نزلوه بدلا منه ؟

أكيد قصده الموتور 1.6
ما تبقاش حساس اوى كدة يا باشا.....;-)
وما تقلقش على مستقبل عربيتك، فى خلال كام سنة كل الأوروبى حيبقى تربو ان شاء الله