أسعار وكماليات اوكتافيا a7 1600 cc 2015

[Mohamed.Hany]

التقفيل او بلد الصنع و المنشأ ايه يا رجالة ؟

هل هندي زي مالناس بتقول ؟

[Hesham256]

أشكر حضرتك جداً على التوضيح.....
أنا بعد أذنك حابب نبص للموضوع بنظرة مستهلك عادى مش عارف أن ال a7 مبنية على قاعدة عجلات ال mqb و مش حاسس قوى بجودة الخامات و ملهوش خبرة كبيرة فى مجال السيارات.

هو بيقارن سعر و أوبشن و شركة ألمانى/تشيكى منتجة للسيارة
من وجهة نظره:
- الشركة المصنعة واحدة
- الشكل متقارب جداً و جديد فى الأتنين
- الموتور واحد
- الفتيس واحد
- العفشة فى الأتنين تورشن بيم
- بلد الصنع واحد
- التوكيل واحد
- الضمان واحد

الرابيد أنا مع حضرتك أنها أصغر و فئة أقل و لكن سعر الهاى لاين منها 167 ألف جنيه و دى فيها جنوط سبور 16 مثلاً عكس a7 أول فئة ب 190 ألف نازلة بجنط 15 حديد مع طاسات....مش عارف هل ممكن تأثر الرابيد الهاى لاين على مبيعات الأوكتافيا a7 أول فئة لو موضوع الوسع مفرقش قوى مع العميل

تحياتى

انا أعتقد أن المشتري لو قعد في الa7 والرابيد....هيحس بفرق واضح في الخامات.....أو علي الأقل ده اللي انا حسيته.
إحنا كلنا متفقين إن سعر الأوكتافيا مبالغ فيه بطريقة بشعة....بس الرابيد مش بديل للأوكتافيا.
و ممكن علي فكرة الاوكتافيا متبعش كتير برضه وسوقها يقع......لوجود عربيات تانية افضل منها وقريبة من سعرها بس. زي الباسات والإنسيجنيا.

[CosmicOne]

التسارع هو كاتب التسارع الرسمي للاسترا التيربو المانيوال.
بس أنا مجبتش اللينك عشان التسارع إحنا إتفقنا إن علي أرض الواقع الاسترا بجيبهم في 7 أو 8 حسب الظروف بقه.....اللينك اللي جيبته عشان أبين العزم انه من 2200-5400 بيفضل ثابت علي 230 نيوتن.

الموقع اللي حضرتك جايبه كاتب ان الأوكتافيا من 0-100 في 8.4 ثانية
و نفس الموقع كاتب الاسترا من0-100 في 7.5 ثانية.
علما بأن الاسترا الجي تي سي وزنها أتقل من الهاتش كمان وأعرض.

ده الموقع اللي حضرتك جبته.....

skoda octavia iii 1.4 tsi 140 hp - specs & performance

opel astra gtc 1.6 t 180 hp - specs & performance

كلامك سليم يا باشا انا الى مخدتش بالى

مع العلم بس ان الأكتافيا الدى اس جى بتجيب 100 فى 8 ثوانى و ببنزين 92 و انا كنت حاطط فيديوهات من عربية ابن خالتى قبل كده

علشان انا مصورتش بعربيتى بصراحه :)

الأسترا هنا 2007 وزنا 1390 كيلو
اظن الأسترا السيدان فى مصر اتقل و مش عارق الهاتش العاديه وزنها كام بصراحه

فى الأخر بنتكلم على اداء رهيب ما شاء الله من العربيتين و فى نص ثانيه فرق :)

[Hesham256]

التقفيل او بلد الصنع و المنشأ ايه يا رجالة ؟

هل هندي زي مالناس بتقول ؟

مين ؟؟ الرابيد ولا الأوكتافيا؟؟؟

الاوكتافيا مش بتتقفل غير في التشيك وروسيا

الرابيد في التشيك وروسيا والصين.....مفيش الهند خالص.

[K.Ossama]

أعذرونى أذا كنت هخرج بره الموضوع و لكن فيه سؤال مهم بيطرح نفسه:
أذا كانت سكودا أوكتافيا A7 دلوقتى بتنزل بالموتور القديم و الفتيس الأستيب ترونيك ٦ سرعة....طيب مش هو ده نفس ال setup اللى فى الرابيد اتوماتيك؟؟!!!
طيب انا كمستهلك....ايه اللى يخلينى مثلاً اسيب الرابيد الأتوماتيك الفول و اروح ل A7 اول فئة الفاضية اللى ب 190 ألف؟؟!!!
اذا كانوا نفس الموتور و الفتيس و العفشة و الشركة المنتجة....الرابيد هتبقى فول و ال A7 فاضية؟؟

يا ريت حد يوضحلنا النقطة دى؟

تحياتى

الفرق ملحوظ ما بينهم بشكل كبير
لازم حضرتك تبص بصة على الرابيد.
عربية صادمة لا ترقى بأى شكل إلى عربية موديل 2014 ولا طبعاً تستاهل الثمن إللى نازلة به.
مافيش فى الرابيد غير الspaceback هى إللى حلوة ودى الهاى لاين ب193 ألف

[CosmicOne]

عندي نقطة سيطة بس.......السيراتو والإلانترا دول من أوسع العربيات اللي ممكن تتركب في السوق.....أنا ركبت إلانترا كتير أوي مع صاحبي وعمل بيها 80 ألف كيلو في سنة ونص والعربية زي االفل معاه.....بس من ناحية الوسع الداخلي فهي ممكن تكون زي الأوكتافيا وممكن أوسع كمان.......بس ده مش معناه أنها أحسن....و هي دي الفكرة.....مينفعش الوسع الداخلي يبقي هو السبب الوحيد اللي يحدد العربية حلوة ولا وحشة.
الأوكتافيا حالياً بقت ميزتها الوحيدة وسعها الداخلي. وده مش كفاية.

اخر كلام ليا فى النقطه دى و هيا وجهات نظر عموماً ان كلامى مبنى على اراء المجلات و المواقع الأنجليزيه فى التقييم و من زمان و هما بيقولوا على الفانتازيا اقرب للفيكترا Medium family cars من الcompact

و الجديده نفس الكلام و انا بعت مواقع بالفعل

هل الوسع هو فئة العربيه اكيد لا

بس ايه الى بيخلى الباسات و الفكترا فئه أعلى؟

حجم معين داخلى و خارجى
خامات
اوبشنز
مواتير

ده الى بيحدد الفئه من قرائاتى فالسيراتو مثلاً عربيه جيده جداً و الألنترا و التيدا كمان و وسعين جدأ لكن هل الخامات ال infotament system و المواتير و رنج الأوبشنز فى كل الفئات و انظمة الثبات الألكترونى فيهم واحد؟؟! هما دول المحددات


انا كنت عند واحد بتاع كاوتش و بعمل نيتروجين و جه جنبى راجل قرب ال50 سنه او اكتر بباسات 2013 بيظبط كاوتش هو كمان و شاف عربيتى و بص جواها و كده و كان فى الأخر تعليقه انوا مش شايف اختلاف بين العربيتين اساسا و انا كنت بدور على حاجه علشان اقولوا عربيتك احسن فى ايه حتى الموتور كان ال122 حصان و عرف ان موتورى الجديد ال140 حصان.

و عموماً الى عاوز يحطها فى فئة الالنترا و السيراتو و الكرولا و الأسترا عادى و فى مواقع كتير بتقارنها بدول مش اعلى.

[Hesham256]

كلامك سليم يا باشا انا الى مخدتش بالى

مع العلم بس ان الأكتافيا الدى اس جى بتجيب 100 فى 8 ثوانى و ببنزين 92 و انا كنت حاطط فيديوهات من عربية ابن خالتى قبل كده

علشان انا مصورتش بعربيتى بصراحه :)

الأسترا هنا 2007 وزنا 1390 كيلو
اظن الأسترا السيدان فى مصر اتقل و مش عارق الهاتش العاديه وزنها كام بصراحه

فى الأخر بنتكلم على اداء رهيب ما شاء الله من العربيتين و فى نص ثانيه فرق :)

أكيد يا باشا الإتنين جامدين جداً....هي الفكرة كلها إن غريبة تبقي الاسترا اتقل وموتورها عزمه أضعف من الأوكتافيا بس اسرع برضه !!!!!!! ....وده سببه اعتقد إن العزم ممتد لحد 5400 RPM.

المضحك في الموضوع بقه.....ان ولا الأسترا التيربو ولا الأوكتافيا التيربو بينزلوا خلاص يعني إحنا بنتكلم في عربيات ماتت في السوق.

[Mohamed.Hany]

مين ؟؟ الرابيد ولا الأوكتافيا؟؟؟

الاوكتافيا مش بتتقفل غير في التشيك وروسيا

الرابيد في التشيك وروسيا والصين.....مفيش الهند خالص.

انا اقصد ال a7 لان في حد كان كاتب كدة في الموضوع ده اعتقد mo7a mo7a ، و كمان كان في ووضوع قديم
http://www.nilemotors.net/Nile/384309-a7-3.html

ياريت لو حد عنده معلومة اكيدة مش مبنية علي كلام قديم و اقصد معلومات التيربو يأكدلنا ، و شكرا لحضرتك يا استاذ هشام.

[Hesham256]

اخر كلام ليا فى النقطه دى و هيا وجهات نظر عموماً ان كلامى مبنى على اراء المجلات و المواقع الأنجليزيه فى التقييم و من زمان و هما بيقولوا على الفانتازيا اقرب للفيكترا medium family cars من الcompact

و الجديده نفس الكلام و انا بعت مواقع بالفعل

هل الوسع هو فئة العربيه اكيد لا

بس ايه الى بيخلى الباسات و الفكترا فئه أعلى؟

حجم معين داخلى و خارجى
خامات
اوبشنز
مواتير

ده الى بيحدد الفئه من قرائاتى فالسيراتو مثلاً عربيه جيده جداً و الألنترا و التيدا كمان و وسعين جدأ لكن هل الخامات ال infotament system و المواتير و رنج الأوبشنز فى كل الفئات و انظمة الثبات الألكترونى فيهم واحد؟؟! هما دول المحددات


انا كنت عند واحد بتاع كاوتش و بعمل نيتروجين و جه جنبى راجل قرب ال50 سنه او اكتر بباسات 2013 بيظبط كاوتش هو كمان و شاف عربيتى و بص جواها و كده و كان فى الأخر تعليقه انوا مش شايف اختلاف بين العربيتين اساسا و انا كنت بدور على حاجه علشان اقولوا عربيتك احسن فى ايه حتى الموتور كان ال122 حصان و عرف ان موتورى الجديد ال140 حصان.

و عموماً الى عاوز يحطها فى فئة الالنترا و السيراتو و الكرولا و الأسترا عادى و فى مواقع كتير بتقارنها بدول مش اعلى.

كده هنخش في الموضوع الأهم.......إيه اللي فولكس جروب بتعمله ده !!!!!!!!!!!!!!!!!!!!!!!!
يعني إيه الأوكتافيا تبقي هي هي الباسات وهي هي الجولف و في المستقبل هي هي الجيتا و هي هي السيات ليون وهي هي الأودي a4 و هي هي الa3 و .... و ... و....
مش المفروض ينوعه شوية في عربياتهم ؟؟؟؟.....جه حتي الشكل الخارجي للباسات والجيتا والجولف والبولو والأوكتافيا شبه بعض اوي اوي اوي.....و من جوه حدث ولا حرج....نفس كلللللللللللللللللللللل حاجة..!!!!!!!!
ليه بيعملوا كده ؟؟؟

[K.Ossama]

التقفيل او بلد الصنع و المنشأ ايه يا رجالة ؟

هل هندي زي مالناس بتقول ؟

مين ؟؟ الرابيد ولا الأوكتافيا؟؟؟

الاوكتافيا مش بتتقفل غير في التشيك وروسيا

الرابيد في التشيك وروسيا والصين.....مفيش الهند خالص.

الأوكتافيا 1.4tsi تقفيل التشيك
إنما الأوكتافيا 1.6mpi تقفيل روسيا. كانوا بيجمعوا التربو لحد السنة إللى فاتت، وبعدين طلبوا الموتور القديم العادى ونزلهم إللى نزل عندنا ده. وغالباً الأوكتافيا 1.6mpi إللى جاية لنا ومن مصنع روسيا
الهند بقى بدأت تجميع الأوكتافيا أواخر السنة إللى فاتت، لكن معلوماتى إنها للسوق الهندى فقط.

[Hesham256]

انا اقصد ال a7 لان في حد كان كاتب كدة في الموضوع ده اعتقد mo7a mo7a ، و كمان كان في ووضوع قديم
http://www.nilemotors.net/Nile/384309-a7-3.html

ياريت لو حد عنده معلومة اكيدة مش مبنية علي كلام قديم و اقصد معلومات التيربو يأكدلنا ، و شكرا لحضرتك يا استاذ هشام.

العفو يا باشا علي إيه......اللي فهمتو من النت إن المصنع اللي في الهند ده للسوق الهندي لكن مش بيورد لحد خالص.....خصوصاً ان العربيات بتروح للمصنع في الهند Complete Knock Down.....يعني هما هيربطوا المسامير في بعض وخلاص.
فأعتقد أن اللي في مصر هتيجي الروسي.

[CosmicOne]

الرابيد مش نفس العفشة خالص !!!!!
الa7 مبنية عالmqb بتاعت فولكس اللي هي هي بتاعت الجولف 7 برضه.
زائد إن الa7 الخامات المستخدمة ذات جودة اعلي بكتير عن الرابيد......انا قعدت في الرابيد في معرض المصرية وكانت فقيرة بكل المقاييس لا تصلح للمقارنة بتاتاً مع الa7 ده غير فرق الحجم.
السؤال الأصعب إيه اللي يخلي حد يسيب الاسترا والفورد فوكاس ويجيب الa7 الفاضية ؟؟؟؟؟؟

الفئه الأولى ال190 الف جنيه انا معاك ملهاش اى لازمه جنب الأسترا و الفوكس و مفيهاش غير انها اوسع بس و ده هنا مش سبب كافى

الفئه ال214 الف بردوا مبالغ فيها مقارنة بالأسترا الكوزمو لكن الفوكس اظن الى نفس الأوبشنز هتكون اغلى على ما اظن

فى بس حاجات تانيه ممكن تفرق زى اسعار قطع غيار الأوبل اسمع انها اغلى بكتير و الله اعلم من الأسكودا و التيل الى بيتاكل بسرعه و اظن اداء ال1600 على وزن الاكتافيا هيكون احسن شويه من الاسترا ال1600 العاديه

الفوكس فيها فتيس ديول كلاتش زى الدى اس جى و من بحثى على النت قبل ما اشترى مشاكلوا اكتر و الله اعلم و كلام المبيعات بتاع فورد نفسو معايا ان المشكله بس فى كلاتشات بتتغير كل فتره ماشى بس هل هستفاد قصاد كده بموتور تربو زى مع الدى اس جى ؟! لا طبعاً موتور 1600 عادى جداً

و نظام انفورميشن سيستم بدائى جنب الى فى عربيات vag

[CosmicOne]

كده هنخش في الموضوع الأهم.......إيه اللي فولكس جروب بتعمله ده !!!!!!!!!!!!!!!!!!!!!!!!
يعني إيه الأوكتافيا تبقي هي هي الباسات وهي هي الجولف و في المستقبل هي هي الجيتا و هي هي السيات ليون وهي هي الأودي a4 و هي هي الa3 و .... و ... و....
مش المفروض ينوعه شوية في عربياتهم ؟؟؟؟.....جه حتي الشكل الخارجي للباسات والجيتا والجولف والبولو والأوكتافيا شبه بعض اوي اوي اوي.....و من جوه حدث ولا حرج....نفس كلللللللللللللللللللللل حاجة..!!!!!!!!
ليه بيعملوا كده ؟؟؟

توفير بس يا باشا :)

ملهاش رد تانى غير كده بصراحه

فعلاً العربيات nearly identical و كل شركه بس بتظبط مثلاً احساس الدركسيون و تاتشات فى التابلوه و نشوفيه او طريان العفشه و كده فقط

[Hany Saad]

الفئه الأولى ال190 الف جنيه انا معاك ملهاش اى لازمه جنب الأسترا و الفوكس و مفيهاش غير انها اوسع بس و ده هنا مش سبب كافى

الفئه ال214 الف بردوا مبالغ فيها مقارنة بالأسترا الكوزمو لكن الفوكس اظن الى نفس الأوبشنز هتكون اغلى على ما اظن

فى بس حاجات تانيه ممكن تفرق زى اسعار قطع غيار الأوبل اسمع انها اغلى بكتير و الله اعلم من الأسكودا و التيل الى بيتاكل بسرعه و اظن اداء ال1600 على وزن الاكتافيا هيكون احسن شويه من الاسترا ال1600 العاديه

الفوكس فيها فتيس ديول كلاتش زى الدى اس جى و من بحثى على النت قبل ما اشترى مشاكلوا اكتر و الله اعلم و كلام المبيعات بتاع فورد نفسو معايا ان المشكله بس فى كلاتشات بتتغير كل فتره ماشى بس هل هستفاد قصاد كده بموتور تربو زى مع الدى اس جى ؟! لا طبعاً موتور 1600 عادى جداً

و نظام انفورميشن سيستم بدائى جنب الى فى عربيات vag

فعلاً فتيس الفوكاس هو الPower Shift و هوه عبارة عن ديوال كلاتش أخو ال dsg بالظبط و فيه مشاكل كتير و مسمع بره
اللى يخلينى أجيب ديوال كلاتش يبقى أجيبه مع موتور تربو زى الباسات أو الجيتا أو ال A7 زى ما حضرتك أوضحت
وقت ما كنت بشترى عربيتى بصيت على الفوكاس....مقارنة بقاعدة العجلات 2700 مم لفئة ال C segment حسيت أن الفوكاس ضيقة و خصوصاً من الخلف و كماليات ضعيفة على سعرها....توكيل ضبابى حتى الأن...ملهاش سوق خالص فى المستعمل و لا قطع الغيار.....وده اللى خلانى أصرف نظر عنها....طبعاً لا أختلف عن أنها نموذج فى ال handling و متعة القيادة و لكن بالنسبة لى مكنتش تنفع.

تحياتى

[Mohamedjetta]

كده هنخش في الموضوع الأهم.......إيه اللي فولكس جروب بتعمله ده !!!!!!!!!!!!!!!!!!!!!!!!
يعني إيه الأوكتافيا تبقي هي هي الباسات وهي هي الجولف و في المستقبل هي هي الجيتا و هي هي السيات ليون وهي هي الأودي a4 و هي هي الa3 و .... و ... و....
مش المفروض ينوعه شوية في عربياتهم ؟؟؟؟.....جه حتي الشكل الخارجي للباسات والجيتا والجولف والبولو والأوكتافيا شبه بعض اوي اوي اوي.....و من جوه حدث ولا حرج....نفس كلللللللللللللللللللللل حاجة..!!!!!!!!
ليه بيعملوا كده ؟؟؟

هههههههههههه انا ولله شفت البولو الجديده من جوه هي هي الجيتا الشكل القديم اللي عدادته بيضه ( نفس اللي معايا)
وبرضو الجيتا الجديده قريبه اوي من الباسات و البولو برضو قريبه من الجيتا بس فرق الحجم ومع اختلاف الشكل ورا