أسعار وكماليات اوكتافيا a7 1600 cc 2015

[waelamin123]

الكموني موزع سكودا في المحلة قالي نازل علي التربو عرض من ٢٢٦ لـ٢١٦ الف

تحياتي

انا اتصلت بالكمونى للتأكد السيارة فعلا عليها تخفيض علشان بقيت موديل 2014

وموديلات 2015 نزلت هما عاملين تخفيض علان يخلصو الموديل دة

[waelamin123]

هو اللي انا سمعتو ان الهاي لاين هتفضل 1400 dsg مش 1600

كلام خطأ السيارة نازلة 1600 جميع الموديلات وموجودة في التوكيل هاى لين 1600

[waelamin123]

طيب هى هتبقى مالتى لينك ولا تورشن زى ما هى
والمواصفات ايه بتاعت الفئه التانيه بالظبط

السيارة نفس مواصفات السيارة tsi ماعدا الموتور والفتيس فقط

مواصفات الثلاث فئات في أول مشاركة في الموضوع

[K.Ossama]

وانا مش واثق ان الa7 من مواتيرها ال mpi إذن لو حصل يبقى ترقيع

ولا ترقيع ولا حاجة
العربية بتنزل كدة فى روسيا من ساعة ما قالوا a7

[K.Ossama]

مالة ارتوك اوتو؟! دي سياسة الشركة اﻷم.

لا يا فندم
دى مش سياسة الشركة الأم
ارتوك هو إللى طلب ينزل الموديل بتاع روسيا mpi علشان مش عارف يبيع الموديل الدولى tsi فى مصر.

[yyy]

كدا مبيعات اسكودا هترجع تاني زي ايام الفانتازيا
و هتوقف عربيات تانيه مبالغ في سعرها زي الكورولا بس يفضلوا بالاسعار دي

[K.Ossama]

كدا مبيعات اسكودا هترجع تاني زي ايام الفانتازيا
و هتوقف عربيات تانيه مبالغ في سعرها زي الكورولا بس يفضلوا بالاسعار دي

زى الفانتازيا. .....اشك
خلى بالك ال216 ألف دول بتوع الأوكتافيا اول فئة يجيبوا كورولا الفئة التالتة التوب لاين
رأيى إن ارتوك مصمم يغلى العربيات عنده ويحطها فى فئة سعرية أعلى منها

[dozo]

زى الفانتازيا. .....اشك
خلى بالك ال216 ألف دول بتوع الأوكتافيا اول فئة يجيبوا كورولا الفئة التالتة التوب لاين
رأيى إن ارتوك مصمم يغلى العربيات عنده ويحطها فى فئة سعرية أعلى منها

قصد حضرتك الفئه التانيه للاوكتاقيا مش الاولى....
و اعتقد ان الكرولا التوب لاين مش حتزيد عن الفئه دى غير الاوتو بارك لان الكرولا مافيهاش زينون و لا فتحه سقف .

[waelamin123]

شكرا على المعلومات
الفرق كبير اوي على الهاي لاين و لا ايه رأيكم

و ياترى دي حتكون موجودة امتى ؟

الدفعة اﻻولى موجودة فى المنطقة االحرة والتسليم امنتصف 6

الموزعين استلموا الدفعات بتاعتهم استﻻم فورى زى الرواد والليثى مدينة نصر

[K.Ossama]

قصد حضرتك الفئه التانيه للاوكتاقيا مش الاولى....
و اعتقد ان الكرولا التوب لاين مش حتزيد عن الفئه دى غير الاوتو بارك لان الكرولا مافيهاش زينون و لا فتحه سقف .

تمام. انا آسف. غلط منى ده...
بس برضو الفرق فى حاجات كتير
ما بينهم
يعنى فئة ال190 الأوكتافيا فاضية لكن الكورولا تقريباً فيها كل حاجة

[zangry]

لو هنقارن الكورولا اعلي فئة بالاوكتافيا تاني فئة الكورولا تزيد 7 ايرباج وسنسور امامي واوتوبارك وكاميرا خلفية وسمارت كي

[Besov]

خلاصة المناواشات اللى فى الموضوع من وجهة نظرى :
1- الأوكتافيا و كل سيارات فولكس واجن جروب عربيات مفيش عليها اى كلمه تتقال غير انها ممتازه و مشاكل الفتيس هى العيب الوحيد اللى هز مبيعاتها و ثقة الناس فى اعتماديتها .
2- الرجوع للفتيس ال 6 سرعات = اعتماديه اكثر = اختيار امثل بالنسبه حتى لبلد زى مصر طرقها ضايعه
3- اللى بيقول معايا ضمان - انت ازاى تحس عربيتك لسه زيرو و هى متفككه من تحت و مغيره فتيس ؟؟!!
4- ربنا يبارك للناس كلها فى مالها و يسترها علينا كلنا - بس العقل زينه
5- التكنولوجيا لو كانت هتخسرنى فلوسى و متريحنيش - يبقى ملهاش اى لازمه
6- اللى ركب عربيه من عربيات فولكس واجن و اسكودا هيفهم يعنى ايه فولكس واجن و ازاى العربيات دى معموله صح
تحياتى و انا شايف ان اختيار المحرك ال 1600 هيرفع مبيعاتها جامد بالأضافه ان الفانتازيا كانت با mpi و الناس كانت بتعشقها زى ال a5 لما نزلت

[Mohab555]

يعنى خلاص الاوكتافيا هتنزل بالموتور القديم ال mpi و الفتيس اتستبترونك عادى و باى باى dsg ???!!

[waelamin123]

يعنى خلاص الاوكتافيا هتنزل بالموتور القديم ال mpi و الفتيس اتستبترونك عادى و باى باى dsg ???!!

الناس استلمتها خلاص

[K.Ossama]

الناس استلمتها خلاص

تمام
أول دفعة اتسلمت
والدفعة التانية شهر ستة إن شاء الله