فتيس dsg حقائق ومعلومات !

[minicooper20]

ربنا يخليك يا باشا ، أنا سعيد إن الكلام طلع مفيد ومش معقد الحمد لله .


وسعيد أكتر إنك أكدت لي إن فيه ناس فعلاً مشيت بيه مسافات ، يعني فتيس عادي جداً مش قنبلة موقوتة :))

اه والله

[hany63]

استاذ minicooper
ملحوظة 100000 كم لو افترضنا ان العربيه ماتعملش فيها شغل في الفتيس تبين كلامي ان العربيه ديه ما بتمشيش غير طوالي و حاقول لحضرتك ازاى
اول عربيه نزلت مصر بالفتيس DSG كانت في اخر يناير 2009 باسات يعنى بنتكلم في سنتين و 8 شهور
يعني اللي يعمل 100000 كم في المده ديه يبقى بيعمل 40000 كم فى السنه تقريبا والرقم يدل ان 80% من الكيلومتر طوالي

[engaass]

تقرير مميز جدا
تسلم ايديك

[hany63]

استاذ فرحات
جميع دفعه باسات 2009 TSI بال DSG كان عليها عفريت وكان الفتيس بيتغير بالكامل و ما فيش فايده لدرجه اخر مره اتغير فيها اتاكدت بنفسى ان سنة صنع الفتيس 2010 من جهاز التوكيل
رعشه فى الطلعه وتزيد لما الدبرياج يسخن فى الزحمه - الرعشه بمرور الوقت بتبقى رجرجه جامده-تحس ان النقلات بتفلت كل ما تشيل رجللك من البنزين عشان تهدي على السرعات البطيئه و شبه نقره بالفتيس يعني من الاخر كأن واحد ما بيعرفش يسوق سايق عربيه مانيوال ده طبعا غير صوت الشخلله
نيجى لسنة 2010 وللامانه المشاكل قلت لتعديل طقم الدبرياج بس ده ما كانش يمنع انك تلاقى جيتا DSG او باسات نازله منيله و بتغير على 2000 كم
خلينا فى العربيه السليمه بالنسبه للباسات 2010 سوقتها فى الزحمه وبصراحه شديده حسيت بفرق الفتيس اداؤه اتحسن جدا عن 2009 بس برضه بيشخلل اول ما وصلنا ل30000 كم طقم الدبرياج باظ و الكلام ده حصل ما واحد صاحبي معاه جيتا 2010 عامله 25000 ;lباظ الميكاترونيك وبعد ما غيره لقاها بترج و محتاجه تغير طقم الدبرياج

[farahat]

أستاذ هاني


ماهو الأعراض إلي حضرتك بتوصفها دي بالظبط نفس أعراض الفتيس المانوال ، ودي مش مختلفين عليها ، لكن من كلام حضرتك برضه واضح إن فيه تحسين مع كل موديل عن إلي قبله ، يعني إذا كان نزل موديلين بعض أول واحد يعني اتعمل تعديلين على الفتيس ، يبقى كمان سنتين أو حاجة هيكون الفتيس دة وصل لحالة الإستقرار وساعتها مش هيكون فيه عيوب تذكر ، وكمان ساعتها مش هتلاقي ناس بتغير فتيس كامل لأ هتغير الأجزاء التالفة فقط لا غير .


على فكرة أنا حبيت أضيف صورة مجموعة الدبرياج ، هتلاقي إن هي عبارة عن اتنين إسطوانة ذي إلي في المانوال بالظبط ومعاها باليتين وديسكين في الجانبين ، وخارج من مجموعة الدبرياج مكان الأكس إلي بيركب على الفتيس ، ودة بعد كدة فتيس منوال عادي جداً بس برضه اتنين راكبين جانب بعض .

[URL=http://imageshack.us/photo/my-images/20/dsgtrans7speed2.jpg/]]

[M.Mostafa80]

موضوع مميز جدا
واللى عاجبنى اكثر النقاش المحترم بين الأعضاء ربنا يدومها علينا نعمه
تحياتى لصاحب الموضوع ولكل المشاركين

[omar-saad]

موضوع ممتاز
ربنا يباركلك يا استاذ فرحات
فعلا الفتيس ثورة فى عالم النواقل
بس لللاسف لسة محتاج تعديلات كتير علشان يناسب الظروف بتاعتة القيادة فى مصر او فى بلد فيها ازدحام شديد زينا

[hany63]

استاذ فرحات
فيه ملحوظه نسيت اقول لحضرتك عليها
لو قدامك عربيتين زيرو 2011 dsg واقفين فى نفس المعرض وارد انك تلاقى واحده كويسه و التانيه عامله زي 2009 يعني الواحد لازم يجرب العربيه قبل ما يدفع قبل ما يدفع والا المعاناه مع التوكيل
السؤال الفيصل فى الموضوع هل بعد تغيير طقم الدبرياج على 25000 كم العربيه ترجع بطعم الزيرو ولا لأ
على العموم هاجرب عربيه واحد صاحبي يوم الجمعه القادم و اقول لسيادتك على النتيجه بكل امانه تقبل تحياتى

[MOUSTAFA_SAAD]

شكرا علي المعلومات القيمه

[elysmeen]

عاوز اعرف الموضوع دة موجود في موديلات باسات 2011 ولا لا واعرف ازاي ان الفتيس فية اسطوانة واحدة ولا اتنين

[farahat]

استاذ فرحات
فيه ملحوظه نسيت اقول لحضرتك عليها
لو قدامك عربيتين زيرو 2011 dsg واقفين فى نفس المعرض وارد انك تلاقى واحده كويسه و التانيه عامله زي 2009 يعني الواحد لازم يجرب العربيه قبل ما يدفع قبل ما يدفع والا المعاناه مع التوكيل
السؤال الفيصل فى الموضوع هل بعد تغيير طقم الدبرياج على 25000 كم العربيه ترجع بطعم الزيرو ولا لأ
على العموم هاجرب عربيه واحد صاحبي يوم الجمعه القادم و اقول لسيادتك على النتيجه بكل امانه تقبل تحياتى

الفكرة هل العربيتين نفس الانتاج ؟ وطالعين من نفس الخط في نفس التاريخ ؟ ، لأن ببساطة لو جايين من مصادر مختلفه (خليجي بأنواعه وتوكيل وغيره )، يبقى تاريخ التجمع غير برضه ، ودة معناه إن ممكن يكون واحدة فيها فتيس إنتاج 2009 والعربية نفسها تجميع 2010 ، ووحدة تانية جنبها فيها فتيس 2010 وهي تجميع 2010 ، ودة إلي بيعمل الفرق.


أعتقد بعد تغيير مجموعة الدبرياج الفتيس هيكون طبيعي تماماً ، ذي زمان لم كنت بتغير الدبرياج في المانوال بتحس إن العربية فاقت ورجعت ذي الاول ، وبرضه منتظرين نتيجة تجربتك :)

[farahat]

موضوع مميز جدا
واللى عاجبنى اكثر النقاش المحترم بين الأعضاء ربنا يدومها علينا نعمه
تحياتى لصاحب الموضوع ولكل المشاركين

شكراً لك على ذوقك ، ويا رب نقدر نقدم دايماً ما يفيد المنتدى الجميل دة واعضاؤه

موضوع ممتاز
ربنا يباركلك يا استاذ فرحات
فعلا الفتيس ثورة فى عالم النواقل
بس لللاسف لسة محتاج تعديلات كتير علشان يناسب الظروف بتاعتة القيادة فى مصر او فى بلد فيها ازدحام شديد زينا

صدقني دي مش مشكلة مصر بس ، الملاحظات دي في كل حتة في الدنيا ، ودي مسالة وقت في كل منتج جديد ،
لكن يمكن احنا هنا في مصر عشان تمن العربية بيكون كبير جديد مقارنةً بالداخل فبنحس بصعوبة الموقف ، لأن الناس عايزة تدفع تمن العربية مرة واحدة وتعيش معها العمر كله ، لكن الطبيعي إن طالما العربية دي منتج استهلاكي يبقى ليها عمر ، وبالتالي ممكن أقبل إن فيها حاجات تبوظ وتتغير ويحسنوها في المنتج الجديد ويكون أحسن وفيه مشاكل أقل ... ، لحد ما ينزل المنتج الاحدث وياخد نفس الدورة ... وهكذا

شكرا علي المعلومات القيمه

شكراً على مرورك الكريم

[farahat]

عاوز اعرف الموضوع دة موجود في موديلات باسات 2011 ولا لا واعرف ازاي ان الفتيس فية اسطوانة واحدة ولا اتنين

كل العربيات الباسات المنتجة حالياً فيها الفتيس ال-dsg

[osa92003]

كل العربيات الباسات المنتجة حالياً فيها الفتيس ال-dsg

اعتقد انه ليس هناك داعى لتحمل نتائج الاختبار فى المواطن المصرى العربيه بتعدى 200000 حنيه لازم نستنى لحد مايخلصوا الاختبارات دى ومانكونش احنا حقل التجارب .....بره فى حمايه مستهللك محترمه لكن هنا عليك العوض فى فلوسك

[farahat]

اسمحلي يا عزيزي اختلف معك قليلاً ، ذي ما برة في حماية مستهلك لم حد يبيعله شيء تالف ، فيه كمان مستهلك واعي عارف بيشتري إيه ، المستهلك برة بيدور ويعرف ويقرا ويتعلم عن أي منتج بيشتريه قبل ما يشتريه عشان يشوف هل دة مناسب ليه ولا لأ .
وهو دة الهدف من مواضيع ذي دي ، عشان الناس تشوف إيه المنتج دة وهل ينفع معاه ولا لأ ، لأن فيه ناس مش هتحب تدفع المبلغ دة وتجيب حاجة جديدة وتقول أحسن أجيب حاجة بدون تكنولجي وما تكلفنيش ، وناس هتفضل انها يكون عندها أحدث تكنولجي وأقوى أداء حتى لو مكلف ، وناس هتفضل تجيب الجديد بس تستنى شوية لم يكون أكثر إستقرار .. وهو دة حال السوق ، مش بس في العربيات .. في كل حاجة .


أهم حاجة كل الناس تعرف إيه المتاح وإيه عيوبه وإيه مميزاته وبعدين تقرر صح حسب احتياجها مش بناءً على إشاعات وكلام من دة ومن دة .


اتمنى أكون وضحت وجهة نظري ، وتقبل تحياتي