رابطه مالكي الباسات b5&b5.5 من 1996 الي2005

[a7md.5alifa]

النهارده كنت بتصفح كتالوج العربيه ولفت نظري كلمه كانت مكتوبه بخصوص قياس مستوي الزيت واول مره اشوفها ملخصها ان قياس زيت المحرك مش بيبقي لو لمبه الزيت نورت احمر يبقي الزيت قليل ولكن المفروض ان قياس الزيت يتم كل تفويله بنزين واستكماله لو ناقص يعني المفروض مننا نتابع مستوي الزيت كل مانفول العربيه يعني في المتوسط كل 500كم تقيس الزيت فقولت اقولكم علشان تاخدو بالكم

طيب هو معرض للنقصان عادي ؟ عشان انا بحس انه بينقص ع المؤشر بتاع الزيت احيانا

[Ahmed Saad]

طيب هو معرض للنقصان عادي ؟ عشان انا بحس انه بينقص ع المؤشر بتاع الزيت احيانا

اه طبعا بينقص لوحده وده اللي ملمحينه في الكتالوج بس مش قايلينها صريحه وانا عندي الموتور الحمد لله 80% ومفيش تسريب عندي والزيت بينقص بس مش كتير يعني كل 5000كم ممكن ينقص نص لتر إلى لتر

[a7mednasser]

أحمد ناصر

[caps]السلام عليكم
أنا عضو جديد معاكم
معايا باسات موديل 2000 موتور 1600 فيتيس اوتوماتيك [/caps]

[Ahmed Saad]

[caps]السلام عليكم
أنا عضو جديد معاكم
معايا باسات موديل 2000 موتور 1600 فيتيس اوتوماتيك [/caps]

أهلا ومرحبا بيك في الرابطه والقسم والمنتدى ولو لسه جايب العربيه جديد ماتنساش الصيانه السيور والزيوت والفلاتر وربنا يديك خيرها ويكفيك شرها

[munse2004]

كل سنه وانتم طيبين بمناسبة راس السنه الهجريه
ا / أحمد
كان ليه سؤال بخصوص الباسات 2000 1600cc
اتوماتيك
العربيه ريحة الحرق للعادم بتاعها مش حلوه بالرغم من وجود علبة البيئه
وكمان بيطلع مع الميه من الشكمان لون اسود بيعلم فى الارض
هل الماكنه كده فيها مشكله منتظر رد سيادتك

[a7mednasser]

سؤال للخبراء

اولاً شكراً على الاستقبال، أنا معايا العربية من كذا شهر
عندي دلوقتي مشكلة في الفيتيس الاوتوماتيك ومش عارف حلها
الفيتيس عندي بيعلق في نقل الغيارات، يعني اوقات العربية تكون تمام واوقات تانية التاني ينقل لما الrpm يوصل 40 واوقات 50 وبعدين العربية تمشي تمام وترجع تعمل كدة تاني، مع العلم ان سحب العربية كويس جدا لما بتكون عادية مش معلقة
روحت لميكانيكي غيرت زيت الفيتيس بنوع ألماني اسمه swag والمصفاة والمشكلة لسه موجودة

[Ahmed Saad]

كل سنه وانتم طيبين بمناسبة راس السنه الهجريه
ا / أحمد
كان ليه سؤال بخصوص الباسات 2000 1600cc
اتوماتيك
العربيه ريحة الحرق للعادم بتاعها مش حلوه بالرغم من وجود علبة البيئه
وكمان بيطلع مع الميه من الشكمان لون اسود بيعلم فى الارض
هل الماكنه كده فيها مشكله منتظر رد سيادتك

وحضرتك طيب واعاده الله علينا وعليكم بالخير واليمن والبركات بالنسبه لريحه العادم دي بيبقى الاحتراق فيه مشكله وأول حاجه بنعملها بتغير فلتر الهوا والبوجيهات ولازم البوجيهات تكون 3 شمعه ال ngk أو الأصلي أو بوش ولازم السن بتاع البوجيه يتظبط على 0.9-0.7 علشان الشراره تكون مظبوطه وفلتر البنزين بالمره وتنضف الرشاشات والبوابه ونشوف ريحه العادم اتظبطت ولا لسه ولو لسه نكشف على العربيه ببرنامج الأعطال vcds ونشوف كنترول الموتور مسجل ايه لو مسجل حساس شكمان أو ايرماس أوحساس اسمه Intake air وده بيقي ععلى منافولد الهوا ودول اللي بيطلع منهم العيب لو طلع واحد فيهم عاطل يبقى هوا السبب وإن شاء الله مش هتطلع بره الحاجات دي وكمان علبه البيئه عندك سليمه لأن الشكمان بيجيب مياه وده دليل على أن العلبه تمام وبتتفاعل مع العادم وبتنتج المياه اللي في بدايه الدواره حتى في الصيف وفي عز الحر بتحصل عادي بس سؤال اخير معلش المياه اللي بتطلع من الشكمان دي على طول اللي هيا سودا ولا في بدايه الدواره الصبح وان شاء الله خير

[Ahmed Saad]

اولاً شكراً على الاستقبال، أنا معايا العربية من كذا شهر
عندي دلوقتي مشكلة في الفيتيس الاوتوماتيك ومش عارف حلها
الفيتيس عندي بيعلق في نقل الغيارات، يعني اوقات العربية تكون تمام واوقات تانية التاني ينقل لما الrpm يوصل 40 واوقات 50 وبعدين العربية تمشي تمام وترجع تعمل كدة تاني، مع العلم ان سحب العربية كويس جدا لما بتكون عادية مش معلقة
روحت لميكانيكي غيرت زيت الفيتيس بنوع ألماني اسمه swag والمصفاة والمشكلة لسه موجودة

بص ياباشا أولا الفيصل انك تكشف على كنترول الفتيس ببرنامج الأعطال vcds ونشوف هيطلع عطل ايه لأن ممكن تكون حساس نقلات ولو هما هيسجلوا عطل على كنترول الفتيس والكشف تكشف عند متخصص فولكس فاجن طيب مفيش عطل حساسات يبقى الفالف بدي هبتدي يتسد أو فيه مشكله في فالف مسدود وعايز يتغير والفالف بدي يتنضف لأن مشكله تأخير النقلات في الفتيس الاوتو ياما حساسات نقل ياما فالف بدي ياما مشكله في ضفيره الفتيس أو فيش الحساسات بتاعت الفتيس أو في الآخر كنترول فتيس بس اكشف الأول على العربيه ببرنامج الأعطال vcds وقوللي طلعلك عطل ايه أو اكتب الكود اللي طلعلك وانا اقولك فيها ايه إن شاء الله وانا متابع معاك

[munse2004]

هى المياه بتطلع مع تزويد البنزين وبتطلع معاها النقط السوداء وعلى الاسفلت المياه بتنشف ويتبقى البقعه السوداء وكذلك الريحه
انا مغير فلتر الهواء ومنظف الرشاشات بجهاز تنظيف وفلتر البنزين كلهم مكملوش 10000 كيلو والوبوجيهات اول حاجه بصيت عليها الميكانيكى قالى طالما القلب مش مهبب اسود تبقى كويسه
علبة البيئه كنت عيرتها لما الفحم بتاعها باظ

[hmdapas]

السلام عليكم
كنت عايز اسال الاستاذ احمد وكمان الاخوة المتخصصين ايهما افضل الباسات b5 ولا الباسات b5.5
من كل النواحى المتانة وحجم الاعطال لانى سمعت ان افضل عربيات جودة لحد سنة 2000 وبعد كدة بدات الشركات تقلل في الجودة يا ريت رد كافى شافى مع شرح للمميزات والعيوب
وجزاكم الله خيرا

[a7md.5alifa]

كنت عايز اسال هل في طريقه ارفه بيها النور عن الارض مانيوال عشان الموتور عندي محروق ؟

[hmdapas]

السلام عليكم
كنت عايز اسال الاستاذ احمد وكمان الاخوة المتخصصين ايهما افضل الباسات b5 ولا الباسات b5.5
من كل النواحى المتانة وحجم الاعطال لانى سمعت ان افضل عربيات جودة لحد سنة 2000 وبعد كدة بدات الشركات تقلل في الجودة يا ريت رد كافى شافى مع شرح للمميزات والعيوب
وجزاكم الله خيرا

يا رت حد يرد عليا لانة سوال مهم بالنسبة ليا لانى معايا باسات 1999 وعايز اغير

[a7md.5alifa]

يا رت حد يرد عليا لانة سوال مهم بالنسبة ليا لانى معايا باسات 1999 وعايز اغير

ارجع للبوستات الاولي في الموضوع هتلاقي السؤال ده متجاوب بالتفصيل و للاختصار هي هي نفس العربية بخلاف الشكل و العدادات الداخليه و الموتور اعلي واحيانا شوية اوبشنز

[Ahmed Saad]

يا رت حد يرد عليا لانة سوال مهم بالنسبة ليا لانى معايا باسات 1999 وعايز اغير

بص ياباشا الباسات من 1996-2005 واحد مفيش اي فرق في خامات التصنيع بس الفرق ان من 1996-2000 نفس الشكل ومن 2001-2005 عملوا فيس ليفت وغيروا الشكل من قدام والفوانيس ورا والعدادات ونزلت فيها عربيات موتور 2000 cc وبس لاكن نفس العربيه مفيش اي اختلاف او اي شئ ولو بتفكر تغير للشكل الجديد مش هتحس باي فرق غير العدادات بس وهتبقي نفس الركوبه وعليت بالموديل وخلاص لو عربيتك كويسه يبقي خليها لان لو هتعمل نقله صح يبقي تستني زيي وتجيب اودي a4 2007 دي النقله بجد ومعلش علي التاخير في الرد

[Ahmed Saad]

هى المياه بتطلع مع تزويد البنزين وبتطلع معاها النقط السوداء وعلى الاسفلت المياه بتنشف ويتبقى البقعه السوداء وكذلك الريحه
انا مغير فلتر الهواء ومنظف الرشاشات بجهاز تنظيف وفلتر البنزين كلهم مكملوش 10000 كيلو والوبوجيهات اول حاجه بصيت عليها الميكانيكى قالى طالما القلب مش مهبب اسود تبقى كويسه
علبة البيئه كنت عيرتها لما الفحم بتاعها باظ

معلش ياباشا غلي التاخير لاني بقالي كام يوم مش بخش علي المنتدي بص انا هبعتلك رقمي علي الخاص كلمني واستفسر منك علي اللي فيها اسرع وان شاء الله خير