رابطه مالكي الباسات b5&b5.5 من 1996 الي2005

[Muhammad 80]

امبارح أول مرة أكلم مشرفنا الجميل منسق القسم أحمد سعد أستشيره فى مشكلة فى العفشة وما شاء الله عليه موسوعة والأهم أخلاقه وذوقه واهتمامه بمساعدة الناس ربنا يكرمه
بجد الواحد بيكون سعيد جداً لما يلاقى ناس بتساعد وتهتم من غير سابق معرفة ولا مصلحة إلا حب مساعدة الناس
ربنا يجازيك خير ويكرمك :)

[Ahmed Saad]

السلام عليكم يا احلي منتدي
انا لسه متابع الموضوع بقالي كام يوم و مسبتش صفحه واحده مقريتهاش بجد استفدت كتير وخصوصا من الاستاذ احمد سعد والله مشاء الله عليك ربنا يحفظك انسان محترم اويييييييييي والله مش بتمل او تزهق او تبخل باي معلومه علي حد رغم ان في اساله كتير متكرره لكن حضرتك بتكتبها تاني بالتفصيل ربنا يجازيك خير علي تعبك ده :)
و معلش انا كان عندي استفسار خارج عن الموضوع شويه وكنت عايز خبرت حضرتك فيه :) انا من عشاق الجولف 4 بس لما قريت الموضوع ده اتشديت اوي للباسات بس في حاجه محيراني شويه ازاي الباسات فئة اعلي من الجولف لاكن سعرهم متقارب جداا هل الباسات اعطالها كتير ولا مش عمليه زي الجولف ولا ايه الحكايه وانت تفضل ايه جولف 4 ولا باسات b5 ؟ مع الافتراض انك مش فارق معاك شنطة العربيه, مع ذكر سبب اختيارك و معليش سؤال كمان ايه هو متوسط سعر الباسات في وقتنا الحالي ؟؟ هل هو فعلا من 65 ل 70 ولا من 75 ل 80 ؟؟!
وشكراا لك علي تعبك و مجهودك المتميز :)

ياباشا الله يخليك ودا واجبي تجاه الاعضاء والاصدقاء مبدايا كده مقارنه الجولف بالباسات مش هتنفع لان دي حاجه ودي حاجه تانيه الباسات سياره مصنفه سياره فارهه والموديل ده من الباسات مشترك مع الاودي a4 في العفشه والموتور والشاسيه والكهرباء ولما كنت بشتري عربيتي كنت بشتريها من واحد معاه من الزيرو وحلفلي انها كانت ب175000ج سنه 2000 ايام ماكان الدولار ب3.5ج م يعني احسب لو دلوقتي تبقي بكام تقريبا هتبقي الضعف وده تقريبا سعر الاودي 2014 اللي في مصر دلوقتي يعني الباسات عربيه فارهه عن الموديلات اللي نزلت بعدها مشكله العربيه دي انها لما كانت جديده كان صباح الخير ياتوكيل كده تدفعلك مش اقل من500ج في صيانه طبعا سنه 2000 كانوا حاجه كبيره ده غير ان كان قطع غيارها زي البي ام في الغلو ويمكن اعلي في حاجات ولاكن دلوقتي مفيش الكلام ده قطع غيارها ببلاش وارخص من الياباني زي البومه مثلا بس هيا كعربيه طبعا مالهاش حل لو نضيفه والله بدون مبالغه انا عمي معاه فانتازيا ولما بركبها بحس انها اقل من عربيتي في الثبات والخامات بس هيا طبعا متطوره اكتر وابشنز اعلي فرق السن اكيد عموما الباسات عربيه مختلفه كليا عن الجولف 4 وقطع غيارها معمره جدا واقوي واتقل من الجولف 4 اغلي حاجه فيها طقم المقصات الامامي وتمنه الفيبي وده انضف حاجه 3500-4000ج وهما عباره عن 8 شدادات و2 شداد ميزان و2 باره دريكسيون وفيه طقم اسمه توبران ب2500ج وده كويس والاستيراد ب1200ج كاملين وتاني حاجه فيها انها معقده شويه في شغلها يعني لازم متخصص فولكس فاجن يشتغل فيها ويكون فاهمها يعني مش اي حد هيعرف يشتغل فيها لانها مختلفه في شغلها ومبادئها كسياره عن باقي السيارات في العفشه بالذات غير انك لو من هواه الجري بتبقي مش حلوه معاك ده بالنسبه لل1600 لانها عربيه تقيله اوي دي عيوبها اما الجولف عموما فدي سياره شبابيه ورياضيه وطياره فولكس فاجن علي الارض عربيه مالهاش حل في الجري والثبات والمناوره العاليه جدا بالذات لو متسقطلها 1800 تربو بتبقي غبيه في الجري والتجميع وطبعا ده نظرا لصغر حجمها وخفه وزنها بما لايؤثر علي الثبات وعربيات الجولف معروفه من زمان لا غبار عليها بس متعتها في الجري والشد والغرز اما لو انت مش من هواه الجري وكده فهتحس انها عربيه مش عائليه لانها صغيره من جوه وشنطتها صغيره وبرضه دي من وجهه نظري اما ممكن يكون ليك وجهه نظر اخري وحسب مزاجك وكمان لاني طويل فالجولف لما بقعد فيها برجع الكرسي لورا فمحدش هيركب ورايا خالص وبالنسبه للجولف فقطع غيارها كتير اوي واكتر من الباسات كمان لانها مشتركه مع البورا والاوكتافيا a4 والاودي a3 والسيات توليدو فقطع الغيار موجوده واسعارها برضه مش غاليه وان كانت فيها حاجات ارخص من الباسات وحاجات اغلي علي حسب وفي حاجات مشتركه بس مش كتير وطبعا سبب تقارب الاسعار ان الجولف 4 مطلوبه والباسات كله بيخاف منها لان الكل فاكر ان قطع غيارها مولعه نار ولاكن مفيش الكلام ده ده غير اعتقاد الناس بان عفشتها بتبوظ بسرعه وبرضه ده اعتقاد الناس لان اي عربيه في الدنيا لو حططلها قطعه غيار مضروبه اكيد مش هتعيش زي الاصليه او القطعه النضيفه عموما وسعر الباسات النضيف بيبتدي من 70000وممكن توصل الي 80000لو عربيه حاله وفابريكا بره وجوه ومفيهاش الهوا واللي اقل من 70000ج بيبقي محتاج شغل في العربيه طبعا انا بتكلم علي الموديل الشكل بتاع 2000 ال2001 بتعلي شويه وممكن توصل 85000ج للنضيف منها وحاله شاذه فعموما شوغ انت متطلباتك ايه عاوز عربيه عائليه يبقي الباسات علي طول عاوز عربيه شبابيه وجرايه يبقي الجولف 4 وعموما زي ماقولتلك الالماني قطع غيارها معمره جدا والعربيتين مفيهومش اعطال شائعه والالماني القديم كله احسن من الجديد في كل الموديلات فشوف انت هتعمل ايه وربنا يوفقك للاصلح واي استفسار انا تحت امرك

[Ahmed Saad]

امبارح أول مرة أكلم مشرفنا الجميل منسق القسم أحمد سعد أستشيره فى مشكلة فى العفشة وما شاء الله عليه موسوعة والأهم أخلاقه وذوقه واهتمامه بمساعدة الناس ربنا يكرمه
بجد الواحد بيكون سعيد جداً لما يلاقى ناس بتساعد وتهتم من غير سابق معرفة ولا مصلحة إلا حب مساعدة الناس
ربنا يجازيك خير ويكرمك :)

يامحمد باشا ده لا شكر علي واجب واهم حاجه ابقي طمنا عملت ايه

[Ahmed Saad]

امبارح وانا راجع من السفر كنت مفول العربيه قبل ماتحرك واتحركت من القنطره الي حلوان مسافه 236كم وكنت ماشي بسرعه 120كم/س والطريق مفتوح وماشاء الله العربيه عملت معايا استهلاك قياسي للبنزين انا صورت العداد بعد ماوصلت الي حلوان هتلاقوا مؤشر البنزين نزل شرطه وعداد الرحلات عامل 236كم الشرطه دي تساوي 10لتر بنزين والحمد لله العوامه والمؤشر عندي تمام كله يشوف الصوره ويقول ماشاء الله

[munse2004]

ماشاء الله رينا يكفيك شرها وييسرلك الخير كله حضرتك شخصيه نادره تستحق التميز

[muhamed mohsen]

الاستاذ الفاضل / احمد سعد .. ليا كام استفسار عند حضرتك .. وبرجاء الافاده .. خصوصا ان حضرتك رجل محل ثقه فى معلوماتك..
دلوقتى انا والحمدلله امتلك سكودا a7 tsi dsg .. والعربيه الحمد لله ممتازه .. ونفسى اعرف من حضرتك بعض المعلومات عن استعمال الفتيس .. والشكر واجب للاستاذ mohamed jetta لانه عرفنى معلومات .. دلوقتى وانا ماشى فى طريق مش سالك طوالى يعنى مش صحراوى مثلا.. زى جوه البلد بس مش زحمه او طريق فيه مطبات بس على مسافات زى طريق مدينة العبور مثلا لغاية مدخل محور الشاذلى او فى زحمه شديده بمشى على المانويل واحيانا سبورت مود .. وبخلى فى المانويل الفتيس ينقل على rpm 3 بدل ما ينقل على طبيعته على 2 على الرغم ان الشاشه اللى قدامى فى العدادات بتكتب انى انقل للغيار اللى بعده لكن انا مبسمعش الكلام و بطول وانقل على 3 .. فهل دا غلط على وحدة الميكاترونيكس .. لان حضرتك كتبت ان الوحده دى بتبوظ من السخونه .. فهل الحمل على الغيار وعدم نقله زى ما كمبيوتر العربيه بيطلب بيسخن الفتيس ويبوظ الوحده ولا ايه.. وهل الطريقه دى صح ولا لأ ..ولو مش صح ياريت اعرف الصح من حضرتك .. ونفسى اعرف الميكاترونيكس دى بتبوظ من ايه بالضبط علشان اتفادى انه يحصلها حاجه وهل الزيت له عامل ولا لأ وهل عدلوه فعلا .. بجد انا عاوز استقر على طريقه متخلنيش قلقان وانا سايق .. وافضل ماشى عليها وملتزم بيها خصوصا ان الفتيس اداؤه رهيب مع الموتور وممتع جدا ونفسى احافظ عليه من غير مشاكل وربنا هوه الحافظ قبل كل شئ ..وآسف على الاطاله

[mo3az elgohary]

والله يا باشا تسلم لذوقك و تعبك انت كده جبتلي من الاخر و ريحتني عشان الموضوع ده كان عاملي علامات تعجب و استفهام و ربنا يجازيك خير انشاء الله :)

[a_eissa_rageh]

السلام عليكم ورحمة الله و بركاته

لو سمحتوا انا عاوز اعرف الباسات ال b 5.5

موديل 2001

اوتوماتيك

2000 سى سى

استهلاكها فى البنزين عامل ايه؟

قطع غيار الموتور ال 2000 سي سي متوفره زى ال 1600 و ال 1800 و لا مش متوفره؟

و لكم جزيل الشكر

[Ahmed Saad]

الاستاذ الفاضل / احمد سعد .. ليا كام استفسار عند حضرتك .. وبرجاء الافاده .. خصوصا ان حضرتك رجل محل ثقه فى معلوماتك..
دلوقتى انا والحمدلله امتلك سكودا a7 tsi dsg .. والعربيه الحمد لله ممتازه .. ونفسى اعرف من حضرتك بعض المعلومات عن استعمال الفتيس .. والشكر واجب للاستاذ mohamed jetta لانه عرفنى معلومات .. دلوقتى وانا ماشى فى طريق مش سالك طوالى يعنى مش صحراوى مثلا.. زى جوه البلد بس مش زحمه او طريق فيه مطبات بس على مسافات زى طريق مدينة العبور مثلا لغاية مدخل محور الشاذلى او فى زحمه شديده بمشى على المانويل واحيانا سبورت مود .. وبخلى فى المانويل الفتيس ينقل على rpm 3 بدل ما ينقل على طبيعته على 2 على الرغم ان الشاشه اللى قدامى فى العدادات بتكتب انى انقل للغيار اللى بعده لكن انا مبسمعش الكلام و بطول وانقل على 3 .. فهل دا غلط على وحدة الميكاترونيكس .. لان حضرتك كتبت ان الوحده دى بتبوظ من السخونه .. فهل الحمل على الغيار وعدم نقله زى ما كمبيوتر العربيه بيطلب بيسخن الفتيس ويبوظ الوحده ولا ايه.. وهل الطريقه دى صح ولا لأ ..ولو مش صح ياريت اعرف الصح من حضرتك .. ونفسى اعرف الميكاترونيكس دى بتبوظ من ايه بالضبط علشان اتفادى انه يحصلها حاجه وهل الزيت له عامل ولا لأ وهل عدلوه فعلا .. بجد انا عاوز استقر على طريقه متخلنيش قلقان وانا سايق .. وافضل ماشى عليها وملتزم بيها خصوصا ان الفتيس اداؤه رهيب مع الموتور وممتع جدا ونفسى احافظ عليه من غير مشاكل وربنا هوه الحافظ قبل كل شئ ..وآسف على الاطاله

بص ياباشا هي مشكله فتيس ال dry dsg انه بيسخن في الزحمه بسبب كتر النقلات طالع نازل ورا بعض فالميكاترونيك واللي بتقوم بدور مجموعه الدبرياج في الفتيس المانيوال شغاله على طول فده بيخليها تسخن غير أن الفتيس كله اصلا جواه 1.7 لتر زيت فده قليل على اللي بيعمله في الزحمه فبتظهر مشاكل الميكاترونيك وبتتحرق والاسطوانات بتتاكل بسبب أن الفتيس دهمش مصمم للزحمه والدليل ععلى كلامي هات دايو لانوس مانيوال وامشي بيها مثلا 20000كم ومشيك يبقى في الزحمه واقعد انقل اول وبعدين تاني وبعدين انقل اول تاني وبعدين مور العربيه وشوف الاسطوانة هتعمر ولا لا وجيب واحده تانيه مش بتمشي في الزحمه وشوف الاسطوانة هتقعد اد ايه ده غير برضه لو سقت في الزحمه وكلامي على مثال الانوس اللي في الزحمه مشيت اول وبعدين تمور وبعدين اول وبعدين تمور برضه الاسطوانة هتعيش اكتر من المثال اللي قولته في الاول كده حضرتك فهمت قصدي مشكله ال dry dsg انه عاوز يتعامل كفتيس مانيوال اكتر منه اوتوماتيك بالذات في الزحمه علشان التحميل على الميكاترونيك يقل فالحل انك تمشي على الفتيس في وضع سبورتمود في العادي والزحمه خليك استبترونيك وامشي اول بس ولما تقف مور العربيه علي n وطبعا الموديلات من اول 2013 المفروض انهم غيرو زيت الميكاترونيك التخليقي بزيت معدني لسببين أن التغيير للزيت يتم على فترات متقاربة والتاني أن الزيت المعدني اتقل من التخليقي فالاحتكاك بيقل والسخونه تقل وبالنسبه لموضوع الشاشه سيبك منها لأن التحذير ده علشان النقل في ال rpm اللي بيقولهولك بيبقى احسن توفير لبنزين علشان النقل فالتحذير علشان الاستهلاك هيعلي لو نقلت على rpm عالي وعموما حتى لو نقلت على rpm3 عادي برضه مش هتستهلك بنزين ولا حاجه وطبعا حاول تواظب على الصيانه في التوكيل علشان تضمن حقك في الفتيس لو لاقدر الله حصل حاجه بالذات الميكاترونيك يعني الملخص في الزحمه امشي اول استبترونيك ومور لو وقفت وفي العادي امشي على وضع S علشان الفتيس ياخد راحته في النقلات وربنا يخليهالك ويديك خيرها ويكفيك شرها

[Ahmed Saad]

السلام عليكم ورحمة الله و بركاته

لو سمحتوا انا عاوز اعرف الباسات ال b 5.5

موديل 2001

اوتوماتيك

2000 سى سى

استهلاكها فى البنزين عامل ايه؟

قطع غيار الموتور ال 2000 سي سي متوفره زى ال 1600 و ال 1800 و لا مش متوفره؟

و لكم جزيل الشكر

بص ياباشا استهلاك ال2000 مش عالي ولا حاجه يعني في الزحمه تعمل ال 100كم ب 11 لتر والسفر تعمل ال 100كم ب 8 لتر والاستهلاك ده كويس جدا للموتور2000 وقطع غيار الموتور ده هيا هيا حاجات ال1600 بتركب عليها لدرجه انك ماتعرفش تفرق بين ال1600 وال2000 لو راكبين في عربيتين مختلفتين وفيه ناس بتعمل حركه كده بتركب بلوكه 2000 على وش 1600 وبيشتغل عادي بدون مشاكل وأي استفسار انا تحت أمرك

[muhamed mohsen]

ربنا يخليك يااستاذ احمد ويحفظك من كل سوء وشاكر على المعلومات القيمه دى ...استفسار تانى حضرتك تقصد ايه بخصوص اسوق فى العادى سبورت مود العادى اللى هوه ايه .. وهسوق امتى على d طيب ..
طب انا جوه البلد لما الطريق يبقى ماشى بس عادى مش زحمه او فى طريق فى كمطب على مسافات بمشى مانويل ونهايتى بتبقى اول وتانى وتالت وارجع تانى لان الاول بحس انه بيجيب اخره فبنقل بس اخرى التالت .. .. ولو زحمه شديده بيبقى الاول بس لان العربيه بتتحرك قليل ..كدا كويس .. وهل الحمل على الغيار وانى اقرص عليه وانقل على rpm عالى مش غلط على الفتيس يعنى بيخسنه مثلا .. واسف انى دوشتك اصلى دقيق شويتين

[muhamed mohsen]

ربنا يخليك يااستاذ احمد ويحفظك من كل سوء وشاكر على المعلومات القيمه دى ...استفسار تانى حضرتك تقصد ايه بخصوص اسوق فى العادى سبورت مود العادى اللى هوه ايه .. وهسوق امتى على d طيب ..
طب انا جوه البلد لما الطريق يبقى ماشى بس عادى مش زحمه او فى طريق فى كمطب على مسافات بمشى مانويل ونهايتى بتبقى اول وتانى وتالت وارجع تانى لان الاول بحس انه بيجيب اخره فبنقل بس اخرى التالت .. .. ولو زحمه شديده بيبقى الاول بس لان العربيه بتتحرك قليل ..كدا كويس .. وهل الحمل على الغيار وانى اقرص عليه وانقل على rpm عالى مش غلط على الفتيس يعنى بيخسنه مثلا .. واسف انى دوشتك اصلى دقيق شويتين

[sherif010]

باسات موديل 2000 موتور1600 اللون اسود مانيوال

[Ahmed Saad]

ربنا يخليك يااستاذ احمد ويحفظك من كل سوء وشاكر على المعلومات القيمه دى ...استفسار تانى حضرتك تقصد ايه بخصوص اسوق فى العادى سبورت مود العادى اللى هوه ايه .. وهسوق امتى على d طيب ..
طب انا جوه البلد لما الطريق يبقى ماشى بس عادى مش زحمه او فى طريق فى كمطب على مسافات بمشى مانويل ونهايتى بتبقى اول وتانى وتالت وارجع تانى لان الاول بحس انه بيجيب اخره فبنقل بس اخرى التالت .. .. ولو زحمه شديده بيبقى الاول بس لان العربيه بتتحرك قليل ..كدا كويس .. وهل الحمل على الغيار وانى اقرص عليه وانقل على rpm عالى مش غلط على الفتيس يعنى بيخسنه مثلا .. واسف انى دوشتك اصلى دقيق شويتين

بس انا رايي انك تسوق علي طول سبورت مود او S علشان الفتيس ياخر شويه في النقلات وياخد راحته في النقل بدل مايرص السبع نقلات ورا بعض وكده كده ان شاء الله العربيه هيبقي استهلاكها قليل انت بتتكلم في موتور 1400 بفتيس DSG يعني استهلاك ممتاز لو زاد شويه مش هيبقي كتير عن الممتاز وموضوع سخونيه الميكاترونيك مش بتيجي بالحرق علي النقلات ولاكن بتيجي بكتر النقلات طالع نازل ولو مشيت في زحمه اول وتاني بس كويس اهم حاجه علشان الاستهلاك بتاع البنزين انقل علي 3 RPM في كل نقلاتك والحمل علي الغيار هيخليك تستهلك بنزين بس ماتحملش مثلا اعلي من 3 rpm والنقل علي rpm عالي اوي مش محبب لاي عربيه خليك في العادي من الاخر خليك انت المتحكم في الفتيس ماتسيبوش يتحكم في نفسه علشان يعمر اكبر فتره ممكنه وربنا يكفيك شرها واي استفسار انا تحت امرك

[Ahmed Saad]

النهارده كنت بتصفح كتالوج العربيه ولفت نظري كلمه كانت مكتوبه بخصوص قياس مستوي الزيت واول مره اشوفها ملخصها ان قياس زيت المحرك مش بيبقي لو لمبه الزيت نورت احمر يبقي الزيت قليل ولكن المفروض ان قياس الزيت يتم كل تفويله بنزين واستكماله لو ناقص يعني المفروض مننا نتابع مستوي الزيت كل مانفول العربيه يعني في المتوسط كل 500كم تقيس الزيت فقولت اقولكم علشان تاخدو بالكم