رابطه مالكي الباسات b5&b5.5 من 1996 الي2005

[alzelafy]

هو استهلاك العربيه الطبيعى فى البنزين ايه انا العربيه بتعمل معايا 400 كيلو فى التانك كلو هى 1600 و لما بفولها بتاخد 55 لتر و بيعملو 400 كيلو شويه سفر و شويه داخل المدينه هل الاستهلاك دة طبيعى و لا لا

[Ahmed Saad]

هو استهلاك العربيه الطبيعى فى البنزين ايه انا العربيه بتعمل معايا 400 كيلو فى التانك كلو هى 1600 و لما بفولها بتاخد 55 لتر و بيعملو 400 كيلو شويه سفر و شويه داخل المدينه هل الاستهلاك دة طبيعى و لا لا

لا طبعا زياده انا عندي بتعمل في السفر 450كم بنص التانك ولما بفولها بتاخد 35لتر وفي البلد بتعمل 370كم بنص التانك برضه بس الموضوع ده اتظبط معايا بعد ماغيرت مسطره الرشاشات لما باظ فيها رشاش بواحدة استيراد والحمد لله بس عموما العربيه استهلاكها من الكتالوج في السفر 7لتر/100كم وفي البلد أو الزحمه 11لتر/100كم ده للاوتوماتيك

[alzelafy]

طيب اعرف ازاى ان فى عندى مشكله فى الرشاشات او اى حساس

[nour eldein]

عايز اعرف سعر كارتيرة الزيت و الجوان و ال sensor كل دول بكام وشكرا علي المساعدة

[alzelafy]

مشكورين على الرد

[Ahmed Saad]

طيب اعرف ازاى ان فى عندى مشكله فى الرشاشات او اى حساس

الرشاشات لو مسيله بنزين حواليها تبقى بايظه أو لما تتحط على جهاز الالتراسونيك بيقيسوا ضخ الرشاشات وتتنضف وبالنسبه للحساسات بتبان من برنامج vcds بالكشف على الكنترولات بكابل الأعطال vag واعذرني على التأخير في الرد لظروف العمل الصعبه اللي فيها اليومين دول

[Ahmed Saad]

عايز اعرف سعر كارتيرة الزيت و الجوان و ال sensor كل دول بكام وشكرا علي المساعدة

بص ياباشا أسأل عليهم عند فتح الباب اللي في رمسيس لو ملاقيتهومش جداد هاتهم استيراد من الحرفيين والسعر بصراحه مفيدكش اوي بس هتلاقيهم أن شاء الله جداد

[a7md.5alifa]

بص ياباشا أسأل عليهم عند فتح الباب اللي في رمسيس لو ملاقيتهومش جداد هاتهم استيراد من الحرفيين والسعر بصراحه مفيدكش اوي بس هتلاقيهم أن شاء الله جداد

لسه واحد جايبها جديدة ب ٣٠٠جنيه تقريبا من صقر قريش

[shark0173]

زيت الباور المطلوب للباسات موديل 2000 اسمه (G002000) والمواصفة دي حتلاقيها في زيت Valvoline Synpower او نوع تاني اسمه Pentosin CH11 ودا حتلاقيه عند بتوع النقل التقيل مش الملاكي والأتنين لونهم اخضر ( مش ابيض ولا احم)

[munse2004]

كنت بسأل عن حساس الاير ماس وهل فيه منه جديد ولا استيراد وهل هو مهم ؟
تحياتى لكم

[Ahmed Saad]

كنت بسأل عن حساس الاير ماس وهل فيه منه جديد ولا استيراد وهل هو مهم ؟
تحياتى لكم

بص الايرماس طبعا مهم لأنه بيحسب كثافة الهوا اللي داخل للبوابه ومنها الكنترول بيظبط الحرق بتاع البنزين ولو بايظ الاستهلاك في البنزين يزيد وتحس ببرجله في الموتور وصعب تلاقيه جديد هتلاقيه استيراد بس لانه حساس كبير وعلى فكره ليه اسبراي تنظيف بتاع حساس الايرماس واي استفسار انا تحت امرك

[shark0173]

صعب جدا انا دايخ في الحوار ده فعلا انا بقالى اكتر من 6 شهور بدور على كتالوج الصيانه بتاعها على المواقع العربيه والاجنبية ومافيش كله على أي بأي كتاب صيانه بيتباع ب 22 دولار انا مش يائس وبدور اول ماهلاقي أن شاء الله هرفعه على الرابطه

[url=http://vwts.ru/vw_passat5_3b.html]Volkswagen Passat B5,
اعمل داون لوود وادعيلي ويستحسن تفتحه بالجوجل كروم عشان يترجم

[munse2004]

ربنا يخليك لينا يا أستاذ / احمد سعد
هدور عليه لو تعرف حضرتك رنج سعره كام واجيبه منين وايه الطريقه اللى بيها اعرف انه سليم بعد الشراء

[SPY123]

لو سمحتو يا رجاله عاوز اعرف سعر باسات 5.5 موديل 2003 او 2004 كامله اتوماتيك فتحه سقف 6 او 8 ايرباج 1800 تربو فتيس ستيبترونك ؟؟؟ وقطع غيار موتور 1800 تربو متوافره وبسعر معقول ولا لا ؟؟؟؟ وبيتحطله بنزين 92 عادى؟؟

[ITS.NET]

السلام عليكم ورحمه الله وبركاته
تحيه طيبه للمهندس أحمد سعد وكل أعضاء نايل موتورز
معايا أودى b6 / 2002
ستيب ترونيك 6 نقلات
فتيس C V T
6 اير باج
فرش جلد
مخادع للظهر كهرباء
سينسور بارك
،Lcd dvd
ماشيه 180
جنوط 16
رشه بره
محتاج اعرف تعمل فى حدود كام لأن بفكر فى البيع