رابطه مالكي الباسات b5&b5.5 من 1996 الي2005

[a7md.5alifa]

لا عادي بعد مابتتفك بتتغسل ببنزين عادي وهتلاقي جواها 4 قطع مغناطيس هتلاقى ملموم عليهم رايش برضه بتنضفهم ببنزين ويتركبوا مكانهم عادي وان شاء الله خير

خلاص انا غيرت الزيت زي ما وصفتلي ربنا يكرمك و يخليك لينا يا ا.احمد

[Ahmed Saad]

خلاص انا غيرت الزيت زي ما وصفتلي ربنا يكرمك و يخليك لينا يا ا.احمد

ياباشا الف مبروك وانت تؤمر

[abdo.fayez]

السلام عليكم انا عضو جديد معاكم فى الموقع ومتابع الرابطه بقالى بتاع اسبوع علشان انا معايا سكودا فليشيا وعاوز اغير لاكبر واحسن واحد صاحبى قالى الباسات عربيه جامدة وهو عندة واحد زميله عاوز يبيع عربيته باسات موديل 2000 موتور 1600 اوتو علشان مزنوق فى فلوس وهوطالب 65000 ومن متابعتى للرابطه لقيت الكل بينصح ان لازم تفحص العربيه الاول على جهاز الفحص كومبيوتر قبل ما تشترى ممكن لو حد يعرف اعمل الكلام دة فين انا ساكن فى شبرا وهل السعر كدة كويس ولا ايه مع العلم انا سوقت العربيه هيا تمام بس شكلها عوزة طقم كبالن علشان بطقطق مع الملفات وفرش السقف من جوه ساقط والاكصدام الامامى الحته اللى فيها الفوجلايت مش موجودة

[manchestr_viru]

انا عندي مشكلة في الفتيس
بين الغيار التاني و التالت لو سرعتي بتزيد و الغيار بيغير من التاني للتالت مفيش مشكلة لكن لو بهدي و الغيار بيرجع من التالت للتاني بتنتش .. انا غيرت الزيت قريب بس مكنتش غيرت الفلتر ممكن ده السبب ؟ انا عملت سكان بالكمبيوتر و مفيش اعطال لللفتيس

[a7md.5alifa]

السلام عليكم انا عضو جديد معاكم فى الموقع ومتابع الرابطه بقالى بتاع اسبوع علشان انا معايا سكودا فليشيا وعاوز اغير لاكبر واحسن واحد صاحبى قالى الباسات عربيه جامدة وهو عندة واحد زميله عاوز يبيع عربيته باسات موديل 2000 موتور 1600 اوتو علشان مزنوق فى فلوس وهوطالب 65000 ومن متابعتى للرابطه لقيت الكل بينصح ان لازم تفحص العربيه الاول على جهاز الفحص كومبيوتر قبل ما تشترى ممكن لو حد يعرف اعمل الكلام دة فين انا ساكن فى شبرا وهل السعر كدة كويس ولا ايه مع العلم انا سوقت العربيه هيا تمام بس شكلها عوزة طقم كبالن علشان بطقطق مع الملفات وفرش السقف من جوه ساقط والاكصدام الامامى الحته اللى فيها الفوجلايت مش موجودة

لغاية ما ا. احمد سعد يرد عليك دور في الردود اللي فاتت هتلاقيه واصف واحد عند حديقه بدر بيقولوا شاطر جدا و متنساش تكشف علي العفشه كويس خاصه الشدادات اللي قدام لانهم ب٤٠٠٠ جنيه الالماني

[Ahmed Saad]

السلام عليكم انا عضو جديد معاكم فى الموقع ومتابع الرابطه بقالى بتاع اسبوع علشان انا معايا سكودا فليشيا وعاوز اغير لاكبر واحسن واحد صاحبى قالى الباسات عربيه جامدة وهو عندة واحد زميله عاوز يبيع عربيته باسات موديل 2000 موتور 1600 اوتو علشان مزنوق فى فلوس وهوطالب 65000 ومن متابعتى للرابطه لقيت الكل بينصح ان لازم تفحص العربيه الاول على جهاز الفحص كومبيوتر قبل ما تشترى ممكن لو حد يعرف اعمل الكلام دة فين انا ساكن فى شبرا وهل السعر كدة كويس ولا ايه مع العلم انا سوقت العربيه هيا تمام بس شكلها عوزة طقم كبالن علشان بطقطق مع الملفات وفرش السقف من جوه ساقط والاكصدام الامامى الحته اللى فيها الفوجلايت مش موجودة

معلش ياباشا وعذرا على التأخير في الرد لظروف خارجه عن ارادتي عموما أفضل مكان تكشف فيه عند هاني سمير خلف حديقه بدر في جسر السويس عند الجراج ده هيجبلك الفوله في العربيه وعموما الكبالن الاتنين بيعملوا 640ج الماني توبران وفرش السقف اي سروجي شاطر هيظبطوا والعربيه اهم حاجه تكشف عليها موتور وفتيس وعفشه أمامي وطبعا الرش وكشف الكومبيوتر مهم وكل ده هاني هيديك بيه تقرير محترم بإذن الله وأي استفسار انا تحت أمرك ومعلش على التأخير في الرد

[Ahmed Saad]

انا عندي مشكلة في الفتيس
بين الغيار التاني و التالت لو سرعتي بتزيد و الغيار بيغير من التاني للتالت مفيش مشكلة لكن لو بهدي و الغيار بيرجع من التالت للتاني بتنتش .. انا غيرت الزيت قريب بس مكنتش غيرت الفلتر ممكن ده السبب ؟ انا عملت سكان بالكمبيوتر و مفيش اعطال لللفتيس

بص قبل أي حاجه روح ربط قواعد الفتيس علشان كانت لسه حصلت معايا نفس الموضوع والفتيس كان بينتش بين التاني والتالت فربط قاعدتين الفتيس من تحت مع تربيط العفشه والنتش راح خلي بالك حاجه صغيره بس ممكن تشكك في الفتيس جرب كده وقوللي وانامعاك

[abdo.fayez]

الف شكر ليك يا استاذ Ahmed Saad وكمان استاذa7md.5alifa على الرد على استفسارى

[Ahmed Saad]

الاسبوع اللي فات اخدت بلاعه كان غطاها مفتوح زاويه قائمه في ملف في حلوان كنت بفادي ميكروباص جاي عكس وانا بلف المهم خدت غطا البلاعه من تحت والخسائر مصفحه الموتور الفبر اللي تحت اتكسرت والحمد لله نزلت بقي اجيبها من الحرفيين الاقيها قليله واللي عنده بيتكلم في 400ج قولتلو شكرا وجبتها جديد نفس خامه الاصلي ويمكن اتقل وجبتها ب230ج تركي وركبتها وكان عندي كاوتش الكبالن الداخلي بيسرب شحم المهم ادور علي كاوتش الكبالن الداخلي مش موجوده خالص كل اللي موجود بتاع الكوبلن الداخلي المعفن اللي بينزل دلوقتي اللي علي رولمان بلي وبيركب مكان الاصلي اللي علي صليبه وانا عندي في العربيه الكوبلن الاصلي اللي علي صليبه فطبعا كاوتشته مش موجوده كاني بدور علي حاجه ممنوعه المهم بتاع النوبيرا بيركب عليه بالظبط جبت جوز بتوع نوبيرا داخلي وركبتهم وربنا يسهل وميبوظوش وفعلا مفيش احسن من الاصلي والله لو لاقيت الاصلي ان شا الله لو الواحد ب200ج هاجيبه لان الاصلي قعد في العربيه 14 سنه وكنت غيرته اول السنه دي وفعلا من بعده بلالي من الكاوتشات المضروبه بس هعمل ايه بركب مسكنات علشان الكوبلن مايبوظش لغايه ملاقي الاصلي وياريت اللي يلاقي الاصلي يقوللي علي مكانه وربنا يرحمنا من قط الغيار الضرب اللي بقت في السوق

[Ahmed Saad]

جبت امبارح تيل فرامل خلفي بوش اصلي وكان عامل 200ج بس نضيف اوى والأصلي اصلي برضه التيل جاي كده ومتقفل في علبه نضيفه وجاي معاه 4 مسامير بتوع كاليبر الفرامل علشان تجدد المسامير بدل القديمه وجبته من التوفيقيه من محل اسمه البطل وكان معايا كارتيره بتاعت العجله اليمين فكتها وغيرتها ولما فكيت القديمه لاقيت التانك الاحتياطي بتاع العربيه موجود وراها تحت الرفرف اليمين وده اللي سعته 8 لتر غير الأساسي اللي سعته 62لتر فقولت برضه اعرف الناس علشان في ناس مش عارفه مكانه والحمد لله غيرت التيل والكارتيره بنفسي

[manchestr_viru]

بص قبل أي حاجه روح ربط قواعد الفتيس علشان كانت لسه حصلت معايا نفس الموضوع والفتيس كان بينتش بين التاني والتالت فربط قاعدتين الفتيس من تحت مع تربيط العفشه والنتش راح خلي بالك حاجه صغيره بس ممكن تشكك في الفتيس جرب كده وقوللي وانامعاك

شكرا وهو انا فعلا كل عفشتي ضايعه للاسف و مستني فلوس قريبه و اغيرها كلها

[manchestr_viru]

الاسبوع اللي فات اخدت بلاعه كان غطاها مفتوح زاويه قائمه في ملف في حلوان كنت بفادي ميكروباص جاي عكس وانا بلف المهم خدت غطا البلاعه من تحت والخسائر مصفحه الموتور الفبر اللي تحت اتكسرت والحمد لله نزلت بقي اجيبها من الحرفيين الاقيها قليله واللي عنده بيتكلم في 400ج قولتلو شكرا وجبتها جديد نفس خامه الاصلي ويمكن اتقل وجبتها ب230ج تركي وركبتها وكان عندي كاوتش الكبالن الداخلي بيسرب شحم المهم ادور علي كاوتش الكبالن الداخلي مش موجوده خالص كل اللي موجود بتاع الكوبلن الداخلي المعفن اللي بينزل دلوقتي اللي علي رولمان بلي وبيركب مكان الاصلي اللي علي صليبه وانا عندي في العربيه الكوبلن الاصلي اللي علي صليبه فطبعا كاوتشته مش موجوده كاني بدور علي حاجه ممنوعه المهم بتاع النوبيرا بيركب عليه بالظبط جبت جوز بتوع نوبيرا داخلي وركبتهم وربنا يسهل وميبوظوش وفعلا مفيش احسن من الاصلي والله لو لاقيت الاصلي ان شا الله لو الواحد ب200ج هاجيبه لان الاصلي قعد في العربيه 14 سنه وكنت غيرته اول السنه دي وفعلا من بعده بلالي من الكاوتشات المضروبه بس هعمل ايه بركب مسكنات علشان الكوبلن مايبوظش لغايه ملاقي الاصلي وياريت اللي يلاقي الاصلي يقوللي علي مكانه وربنا يرحمنا من قط الغيار الضرب اللي بقت في السوق

حمد الله على سلامة العربية و الحمد لله انها جت علي قد كده

[a7md.5alifa]

كل سنة وانتوا طيبين :-)

[a7md.5alifa]

ده فيديو حلو جداً بيشرح طريقه عمل فرامل abs

https://www.youtube.com/watch?v=mKiTAcXK6M4

[mo3az elgohary]

السلام عليكم يا احلي منتدي
انا لسه متابع الموضوع بقالي كام يوم و مسبتش صفحه واحده مقريتهاش بجد استفدت كتير وخصوصا من الاستاذ احمد سعد والله مشاء الله عليك ربنا يحفظك انسان محترم اويييييييييي والله مش بتمل او تزهق او تبخل باي معلومه علي حد رغم ان في اساله كتير متكرره لكن حضرتك بتكتبها تاني بالتفصيل ربنا يجازيك خير علي تعبك ده :)
و معلش انا كان عندي استفسار خارج عن الموضوع شويه وكنت عايز خبرت حضرتك فيه :) انا من عشاق الجولف 4 بس لما قريت الموضوع ده اتشديت اوي للباسات بس في حاجه محيراني شويه ازاي الباسات فئة اعلي من الجولف لاكن سعرهم متقارب جداا هل الباسات اعطالها كتير ولا مش عمليه زي الجولف ولا ايه الحكايه وانت تفضل ايه جولف 4 ولا باسات b5 ؟ مع الافتراض انك مش فارق معاك شنطة العربيه, مع ذكر سبب اختيارك و معليش سؤال كمان ايه هو متوسط سعر الباسات في وقتنا الحالي ؟؟ هل هو فعلا من 65 ل 70 ولا من 75 ل 80 ؟؟!
وشكراا لك علي تعبك و مجهودك المتميز :)