رابطه مالكي الباسات b5&b5.5 من 1996 الي2005

[munse2004]

جارى البحث عن بليه امامى للباسات 2000
بعد ما جبت واحده صينى مكملتش يوم والله العظيم غير الفك والتركيب والخراط
لن استعمل قطع غيار الا الالمانى

[Ahmed Saad]

الاستاذ الفاضل /احمد سعد.. استفسار بخصوص موتور tsi 1400
هو ينفع نحط 92 على 95 ولا غلط .. ولو نويت اغير واحط 95 .. لازم التانك يفضى من 92 ولا عادى.. وسؤال مهم جدا جدا .. دلوقتى لو غيرت وحطيت 95 .. وفضلت ماشى عليه كتير يعنى سنتين او اكتر .. وحصل ظرف .. مثلا خلانى ارجع ل92 .. او بعت العربيه لواحد المفروض والغالب انه هيستعمل 92 .. العربيه هتبقى ايه حالتها .. طبيعى هيقل السحب ودا عادى ..لكن يعنى هتبقى عاديه ولا ممكن يأثر ويسبب اضرار لاقدر الله عليها

بص عادي انك تحط 92 على 95 والموضوع ده بيعملو الناس اللي معاها الباسات 2008 ال1600 fsi لأن الموتور ده لازم 95 فبيخلطو 92مع 95 علشان يقل التسقيف وطبعا الأداء هيختلف مع بنزين 95 كتير ولو رجعت 92 بعد 95 عادي المشكله كلها في موضوع البنزين أن الموتور يسقف أو لا يعني لو مش بيسقف مع 92 يبقى تمام ومفيش اي مشاكل هتحصل في الموتور مشكله الموتور مع البنزين التسقيف والرصاص وغالبا بنزين مصر خالي من الرصاص لاكن توكل على مافيش مشاكل طالما زي ماقولتلك مش بتسقف وان شاء الله خير

[Ahmed Saad]

كبيرنا ... الله يباركلك فين المصلحه دي عايز اعملها ده استهلاك ممتاز جدا ... اديني التفاصيل معلش او قولي في صفحه كام عشان انا خبطت في الكومنت ده صدفه ... شكلي هصرف تاني بس لو زي ما بتقول هتوفر جامد اوي في حوار البنزين

والله مش فاكر صفحه كام بس دور في آخر 10 صفحات وعموما انا لما غيرت طقم الرشاشات كان عندي مشكله في رشاشين فجبت طقم رشاشات استيراد وبالصدفة جبت اللي معايا والمسطره كامله بالرشاشات كنت جايبها ب300ج وغيرت معاها الموبينه علشان كانت باظت ب300ج استيراد وكنت بالصدفه ببص على الرشاشات من تحت لاحظت انها فيها 2 فتحه زي خرم الابره والقديم اللي عندي كانت 4 فتحه وفرقت جدا في استهلاك البنزين لحد ماوصل معايا والحمد لله اني عملت 236كم بأول شرطه في عداد البنزين بس وانا رافع مع التعليق ده صوره لعداد عربيتي هتلاقيها في آخر كام صفحه وخلي بالك انا برضه سواقتي هاديه شويه يعني مش بدي كيك داون كتير وبدي الفتيس راحته في النقل ده غير ان اغلب مشيي سفر في طريق مفتوح وفعلا كان موضوع كويس ووفر معايا الحمد لله كويس

[Ahmed Saad]

جارى البحث عن بليه امامى للباسات 2000
بعد ما جبت واحده صينى مكملتش يوم والله العظيم غير الفك والتركيب والخراط
لن استعمل قطع غيار الا الالمانى

بص هتاخد البليه القديمه وتنزل بيها التوفيقيه وتروح لتوكيل skf بتاع البلى وفيه واحد برضه جنب محطه احمد عرابي بتاعت المترو على صف بنزينه موبيل ده شغال في البلى الياباني الkoyo والالماني skf و zf هتديله البليه وقوله عاوز بليه زي دي وهيجيبهالك نفس المقاس بإذن الله وهتنساها لأن الناس دي بتشتغل في البلى بس فبيجيبوا بلى اصلي مش صيني مضروب شوف كده وتوكل على الله وأن شاء الله خير

[Muhammad 80]

جبتها منين المقصات ب ٩٠٠ جنيه و اتاكدت انهم الماني عشان اللي اعرفه ان تمنهم ٤٠٠٠ الالف ؟

لا يا باشا فيه لبس فى الموضوع
أنا قلت مقصين اتنين قدام تحت العدلين مش الطقم كله
النوع ده ألمانى وممكن تدور عليه على جوجل اسمه rts

[a7md.5alifa]

لا يا باشا فيه لبس فى الموضوع
أنا قلت مقصين اتنين قدام تحت العدلين مش الطقم كله
النوع ده ألمانى وممكن تدور عليه على جوجل اسمه rts

اه كده فهمتك وانا عارف النوع ده ب ٣٠٠٠ تقريبا فاستغربت

[alzelafy]

اسعار من الحرفيين (احمد القاضى)
شورت بلوك 1600 باسات 2000 ب 3500
عفشه امامى كامل طقم المقصات بالمساعدين بالطنابير بالكبالن 3000
راس كوبلن استيراد 150 و فى جديد صينى ب 150 و الايطالى ب 300
جوز مقصات شمال (المقصين الكبار اللى تحت) 400
بيضه تيش طرف 150 و جديدة ب 150 بردو

[andrew uwj]

مش فاهم حاجه ساعدوني

عداد الكيلو الصغير صفر لوحده لما عمل 2000 و ابتدي يعد من جديد

ايه ده حد يفهمني هو بيتبرمج ولا ايه؟

[a7md.5alifa]

اسعار من الحرفيين (احمد القاضى)
شورت بلوك 1600 باسات 2000 ب 3500
عفشه امامى كامل طقم المقصات بالمساعدين بالطنابير بالكبالن 3000
راس كوبلن استيراد 150 و فى جديد صينى ب 150 و الايطالى ب 300
جوز مقصات شمال (المقصين الكبار اللى تحت) 400
بيضه تيش طرف 150 و جديدة ب 150 بردو

كده الاسعار كويسه ولا غاليه ؟

[ITS.NET]

السلام عليكم
اولا احب اوجه الشكر للمهندس احمد سعد لانه افادنى كثيرا فى عربيتى الاودى
وتم بحمدالله تغير الفتيس وضبط العفشه عند شخص قمه فى الاخلاق والسماحه فى المعامله وفوق كده شاطر جدا وعنده كفائه عاليه فى جميع اعطال الفتيس الالمانى وخبره عاليه فى الميكانيكا والعفشه والعنوان فى جسر السويس
ورقم الموبايل م ايمن الشرقاوى ومحمود الشرقاوى
01277130245
01273560872

[hesham22]

السلام عليكم
اولا احب اوجه الشكر للمهندس احمد سعد لانه افادنى كثيرا فى عربيتى الاودى
وتم بحمدالله تغير الفتيس وضبط العفشه عند شخص قمه فى الاخلاق والسماحه فى المعامله وفوق كده شاطر جدا وعنده كفائه عاليه فى جميع اعطال الفتيس الالمانى وخبره عاليه فى الميكانيكا والعفشه والعنوان فى جسر السويس
ورقم الموبايل م ايمن الشرقاوى ومحمود الشرقاوى
01277130245
01273560872

الشهاده لله الراجل ده زى الفل ومحترم جدا ومش بتاع حوارات انا اتعاملت معاه فى باسات 2002 والحمد لله كله تمام وتحياتى ليك أ عبد الحميد

[ITS.NET]

الشهاده لله الراجل ده زى الفل ومحترم جدا ومش بتاع حوارات انا اتعاملت معاه فى باسات 2002 والحمد لله كله تمام وتحياتى ليك أ عبد الحميد

متشكر ليك يا استاذ هشام على تعبك معايا والناس ده مش بتاعه اشتغالات وان شاء الله هتابع معاهم

[hossam hos]

الشهاده لله الراجل ده زى الفل ومحترم جدا ومش بتاع حوارات انا اتعاملت معاه فى باسات 2002 والحمد لله كله تمام وتحياتى ليك أ عبد الحميد

الحمد للة اولا احب اشكر كل من الاساتاذ حمد سعد والاستاذ هشام وفعلا انا روحت لايمن ومحمود الشرقاوى وحقيقى ناس محترمة جدا

[hesham22]

الحمد لله اولا احب اشكر كل من الاساتاذ حمد سعد والاستاذ هشام وفعلا انا روحت لايمن ومحمود الشرقاوى وحقيقى ناس محترمة جدا

لا شكر على واجب أ حسام وربنا يقدرنا ونحاول نرد جزء ولو صغير من مساعدة الاخوه جميعا خصوصا أ احمد ربنا يجازيه عنا خير

[Ahmed Saad]

لا شكر على واجب أ حسام وربنا يقدرنا ونحاول نرد جزء ولو صغير من مساعدة الاخوه جميعا خصوصا أ احمد ربنا يجازيه عنا خير

ياباشا الله يخليك كلنا اخوه ودا واجب الأخ مع إخوانه