::: البولونيز المظلومة :::

[asaeed]

أنا ركبت عربيات كتير بس فعلاً حسيت أن أجمد عربية وأقوى عربية في الصاج والعفشة والأبواب هي البولونيز، كفاية أنك ممكن تحملها كأنها عربية نصف نقل وعمرها ما تكسفك وممكن تاخد فيها العيلة وعيلة العيلة وتسافر وتروح وتيجي معاك زي الفل المهم أنك تبقى مظبطها وأيدك فيها على طول

[engsisi]

أنا لسه شاري بولونيز 92 من أقل من 3 شهور.
أرجو أن تقبلوني في رابطة البولونيز.

ياريت حضرتك تقو لنا جبتها بكام ؟


ياريت حد يقول لى يا جماعه
لو معايا 14 الف يجيبولى بولونيز موديل سنة كام ؟؟؟؟؟؟

[samehkaramel]

ياريت حضرتك تقو لنا جبتها بكام ؟


ياريت حد يقول لى يا جماعه
لو معايا 14 الف يجيبولى بولونيز موديل سنة كام ؟؟؟؟؟؟

ممكن تجيب موديل 87 او 88 وممكن 89 بس تصرف عليها كمان الف ولا حاجه

[mode2002]

يا باشا هيجيبو عربيه بس محتاجة حوالى من 4الى 5 ألاف جنيه عشان تقدر تقول عربيه

[masterww1]

السلام عليكم يا اهل البولونيز " الرجالة اوى "
انا لسه جايب بولونيز موديل 90 من شهر تقريبا
وانا مكتبتش فى المنتدى ده الا لما قرأته من الاول الى الاخر وعجبنى كل ما فيه من مشاركات ومعلومات وحميمية
اتمنى ان تقبلونى معكم
master

[Zika9909]

السلام عليكم يا اهل البولونيز " الرجالة اوى "
انا لسه جايب بولونيز موديل 90 من شهر تقريبا
وانا مكتبتش فى المنتدى ده الا لما قرأته من الاول الى الاخر وعجبنى كل ما فيه من مشاركات ومعلومات وحميمية
اتمنى ان تقبلونى معكم
master

أهلاً و سهلاً بيك معانا في رابطة مالكي البولونيز

[masterww1]

أهلاً و سهلاً بيك معانا في رابطة مالكي البولونيز

يا اهلا بيك ياباشا
بس انا ملاحظ ان الحوار فى رابطة البولونيز مريح حبتين ايه هيه الناش مشغوله ولا ايه

[masterww1]

ايه يا شباب انتوا بردانين ولا ايه

[Zika9909]

ايه يا شباب انتوا بردانين ولا ايه

ههههههههههههههههههههههههه
لأ إحنا مش بردانين و لا حاجة
تقريبًا الناس مشغولة أو مش لاقيين حاجة يقولوها
أنا شخصيًا مش بدخل كتير عشان عندي امتحانات
على العموم إيد لوحدها ما تسقفش، و كويس إن في حد دخل الرابطة و عايز يشارك فيها عشان أنا كنت فقدت الأمل فيها خلاص

[masterww1]

ههههههههههههههههههههههههه
لأ إحنا مش بردانين و لا حاجة
تقريبًا الناس مشغولة أو مش لاقيين حاجة يقولوها
أنا شخصيًا مش بدخل كتير عشان عندي امتحانات
على العموم إيد لوحدها ما تسقفش، و كويس إن في حد دخل الرابطة و عايز يشارك فيها عشان أنا كنت فقدت الأمل فيها خلاص

ياباشا الاول ربنا يوفقك فى الامتحانات
وبعدين اوعى تفقد الامل ابدا فى هذه الرابطة الجامدة اوى لان اللى يحارب الناس كلها ويجيب بولونيز يبقى اكيد قلبه ميت وعنده ولاء شديد اوى وده حد مش ممكن تيأس منه هههههههههههههه
وربنا معاك فى الامتحانات

[Zika9909]

ياباشا الاول ربنا يوفقك فى الامتحانات
وبعدين اوعى تفقد الامل ابدا فى هذه الرابطة الجامدة اوى لان اللى يحارب الناس كلها ويجيب بولونيز يبقى اكيد قلبه ميت وعنده ولاء شديد اوى وده حد مش ممكن تيأس منه هههههههههههههه
وربنا معاك فى الامتحانات

ههههههههههههههه أكيد طبعًا مش ممكن أيأس منه، أنا كنت بدخل على الرابطة كل فترة كده يمكن ألاقيها صحيت لحد ما لاقيتك بتشتكي من إللي بشتكي منه "الرابطة نايمة"، ياريت نقدر نصحيها تاني.

[khmonir]

السلام عليكم ورحمة الله وبركاته
اﻷخوة اﻷفاضل منذ زمن لم أدخل إلى المنتدى العزيز لظروف العمل والدراسة تحية إلى كل اﻷخوة القدامى والجدد وأرجو أن تستمر الرابطة
لي بعض الاستفسارات:
- قفل شنطة السيارة بدأ في التعليق ، حيث أنه عند شد الذراع الخاص بالشنطة لا تفتح ويجب أن أجذبها بقوة كيف أقوم بتزييت القفل وما هي المادة المستخدمة
- السيارة عند الانتقال من سرعة لأخرى لا تستجيب بسرعة للضغط على دواسة البنزين لفترة بسيطة ثم تبدأ السيارة في اﻹسراع والاستجابة للضغط على دواسة البنزين ، ولا أعلم أين المشكلة
- الفتيس يعلق معي في الثاني والخامس ولا أستطيع أن أعود للأول عندما أبطء السيارة طالما السيارة ما زالت تسير فيجب أن أقف تماماً لأستطيع العودة للأول

آسف للإطالة

[bunybuny]

انا عاوز اعرف اية الحل فى علبة الدريكسيون كل مرة اظبطها وبعد فترة قصيرة ترجع ثقلية مرة اخرى مفيش حل نهائى

[bunybuny]

مفاجأة
زى ما وعدتكم قبل كده
تم رفع كتالوج البولونيز مرة أخرى
لأن سبق ورفعه زميل هنا فى المنتدى وللأسف مش لاقيه
فقولت ارفعه تانى لإفاده
ويارب تستفيدو منه
ملحوظة : الكتالوج باللغة الإنجليزية وشامل جميع أجزاء العربية

http://www.mediafire.com/?33ispr2rghw8ri4

ممكن ترفع الملف تانى علشان مش موجود

وشكرا

[kreka]

إزيكم يا رجاله البولونيز انا كنت معدى قلت أسلم عليكم

العربيه عامله ايه معاكم ؟