السيارات الصينيه سيارات فاشله

[rms1986]

على فكره اللي عمل التجربه في 113 ده مهندس مشهور في المنتدى تابع موضوعاته مع مهندس تاني في قسم الدايو اسمه


mmamdouh

[rms1986]

,dgh kr,l kwgd hgt[v hpsk lk hg;ghl ]i

ويلا نقوم نصلي الفجر احسن من الكلام ده

[x_gomgom]

حرماً مقدما....

[x_gomgom]

تقبل الله

[rms1986]

وادي يا سيدي ال113 على 180 كم وثابته

http://www.youtube.com/watch?v=GnwnM6k5fZ0

وايه ردك ع لصني النيسان في التصادم

[rms1986]

بص حضرتك السبارك ضعيفه وصغيره من جوه وموتور 850 سيسي

افضل حاجه في الفءه ده البيكانتو بس الكامله طبعا ب72 الف
اما ام 55 الف فاضيه تماما مفيهاش باور ولا تكييف حتى

ثم ال113

ثم الi10 هيونداي


ثم السبارك


وانا ارشحلك ال113 بجداره


اوسعهم اقوام موتور اكترهم انتشار بعد البيكانتو
افضلهم اعاده بيع بعد البيكانتو

[x_gomgom]

الف شكر اولا...
ثانياً انا مش شايف مبرر للسرعه الزياده خالص.
ربنا يستر علي الناس و يحفظنا من كل شر

[x_gomgom]

الف الف شكر علي المعلومه دي بجد.
انا بجد كنت محتار جدا بينهم و دلوقتي الصوره ابتدت توضح
شكرا جزيلا

[som3aa]

فيلت الايطاليه سوف تاخد مواتير من شيري


وشكرا على توضيح حضرتك

بس هي ان شاء الله هتدخل الاسواق العلميه

كلها مساله وقت

وشكرا كمان مره

بس كفايه انا العربيات الكوري اول منزلت مكانتش بالقوه الصينيه حاليا اديها 5 سنين


وبعدين حضرتك الاوبترا ده مثال عندي تاني

بس حضرتك ماقنعتنيش لان ده اللي بقول عليه ان كل الماركات فيها عيوب ليه بنضخم في الصيني

الموتير الصينى هتنزل فى عربيات فيات اللى بتتباع فى الصين بس لان زى ما قلت لحضرتك علشان اى شركة مش صينى تبيع فى الصين لازم تعمل شراكة مش شركة صينية فكل شركة كبيرة عاملة شركاة مش شكرة صينى حتى bmw عاملة شراكة مع بريليانس و بيساعدوهم يطوروا عربياتهم بس بقدر قليل او بيحطوا حاجات صينى فى العربيات , زى شرط ال40% اللى على العربيات المجمعة محليا فى مصر.

سؤال بس لو سمحت حضرتك تجاوبني عليه..
هي الاسبارك دي بكام؟؟؟ و ايه ظروفها؟؟
انا اصلا بفكر اشتري زي ما قلت ليك سابقا 113 و دلوقتي لفت نظري للسبارك يا ريت لو في معلومه عندك يا ريت تفيدني بيها
و شكراً جداً للإفاده

السبارك 1000cc و 65 حصان , سعرها 52000 و 55000 و 66500 للاوتوماتيك , الاوتوماتيك موجودة ب 62500 عند الموزعين , السبارك اللى ب 52000 فيها تكييف بس تقريبا مفيهاش باور , البيكانتو احسن واحدة فعلا و سعرها 55000 بس مفيهاش تكييف و لا باور , و طبعا التكييف دا عيب خطير جدا بس هى عربية ممتازة و عليها ضمان 5 سنين , الi10 غالية على الفاضى , نسيت كمان اكتب السوزوكى السيلاريو الجديدة و دى سعرها يبدا من 55000 و تصل ل 70000 للاوتوماتيك بس الصراحة معنديش معلومات عنها بس شوفت صورها حلوة جدا و مركة سوزوكى مركة يابانى و العربية 1000cc و 68 حصان و دا موضوع عنها بالصور

http://www.nilemotors.net/Nile/showthread.php?t=76958

مكتوب ان السيلاريو اللى ب 55 فيها 2 airbags و طبعا دى ميزة خطيرة جدااا و تكييف , اعتقد صناعة هندى العربية

حضرتك تقدر تتفرج عليها هنا

http://www.nilemotors.net/Nile/showthread.php?t=80208

هنا فى مقارنة بين السبارك و الاتوس

http://www.nilemotors.net/Nile/showthread.php?t=73516&highlight=%D3%C8%C7%D1%DF

حضرتك عندك اختيارات كتير جدا فيا ريت متستعجلش و فكر براحتك الاول و بعدين شوف الاختيار الانسب

[x_gomgom]

الف الف شكر يا som3aa بجد انا كانت غايبه عني عربيات كتير كمان انا كنت معتقد ان الشفروليه سبارك غاليه...
و مش عارف اشكرك ازاي علي المعلومات دي
شكراً جزيلا لك.... و ربنا يكرمك

[som3aa]

وايه ردك ع لصني النيسان في التصادم

الصنى دى موديل 2001 و اللانسر القديمة موديل 1999 برده كان اختبار التصادم بتاعها اسوا كدا مع انها ميكانيكيا ممتازة جدااااا بس هيكلها ضعيف جداااا و دى حاجة معروفة عنها , الصنى دى منزلتش مصر اساسا و على فكرة دى واخدة 4 نجوم فى اختبار الامان

http://www.euroncap.com/tests/nissan_almera_2001/86.aspx

يعنى حضرتك تخيل البريليانس الجالينا خدت نجمة و بعد التطوير 3 و دى واخدة 4 نجوم و مش عاجبك الاختبار بتاعها يبقى اختبار العربيات الصينى عامل ازاى؟؟

اى عربية موديل 2008 او 2009 محترمة لازم تاخد على الاقل 4 نجوم لو ضعيفة او 5 نجوم فى اختبار الامان.

[som3aa]

الف الف شكر يا som3aa بجد انا كانت غايبه عني عربيات كتير كمان انا كنت معتقد ان الشفروليه سبارك غاليه...
و مش عارف اشكرك ازاي علي المعلومات دي
شكراً جزيلا لك.... و ربنا يكرمك

على ايه حضرتك انا كان نفسى افيدك بمعلومات اكتر بس معنديش معلومات كتير عنهم ,حضرتك يستحسن تركبهم كلهم فى التوكيلات و تشوف انى الارخص قطع غيار و انى تقفيلها احسن و انى اقوى موتور و انى شكل احلى و تقرر المناسبة فيها .

rms متقوليش حضرتك , انا نفس سنك يا راجل!! حسستنى انى كبير , انا دايما بقول حضرتك علشان مش عارف اللى بيكلمنى صغير و لا كبير فى السن.

ربنا يباركلك فى عربيتك و ميظهر فيها و لا عيب ان شاء الله

[Mostafa Hessen]

طيب ممكن اسال سؤال ازاى برقبة الفرنا؟؟
المقارنة فى ايه , الموتور طبعا موتور الفرنا اقوى بكتير , الثبات : اكيد الفرنا مع عيبها المعروف اللى هو ضعف الثبات احسن 100 مرة بالعقل كدا من ال113 , من ناحية ايه بالظبط قولى حاجة واحدة بس احسن , انا مش مقتنع اساسا ان ال113 دى عربية ممكن واحد يشتريها خالص , طيب ال620 و قولنا ماشى , 516 و قولنا نعديها بالعافية انما ال113 دى زيادة اوى , عربية تحسها لو واحد طخين شوية دخل جواها هتقع بيه على الارض و مع انها نزلت فى مشروع تاكسى الجديد مشفتهاش و لا مرة فى الشارع مع انى شفت جميع العربيات من اول اللادا للبيجو البارس , و كان فى واحد هنا عامل عنها تقرير بيقول زبالة و تحس انك قاعد على الارض و فعلا تخاف على نفسك جواها , طيب طالما العربيات الصينى ممتازة كدا ليه مبتنزلش دول محترمة و تبيع هناك؟؟ مع ان الفرنا فيها عيوب تقفيل بسبب غبور الا انها نزلت و التباعت فى العالم كله و كميات ضخمة لانها عربية جيدة و بعدها الاكسنت انما ايه اللى يخلى شخص يدفع 70-90-150-170 الف جنيه فى عربية صينى؟؟ مجهولة المصدر و العربيات البريليانس الجالينا اللى اتباعت فى مصر زبالة مخدتش نجمة واحدة فى اختبار الامان الاوروبى فى 2007 , بعد كدا طورها و خدوا اختبار اخف شوية و خدت 3 نجوم , طيب معنى كدا ان كل اللى اشترى القديم معاه عربية لو دخل بيها فى اى حادثة هيروح فى داهية و السقف هيطبق عليه!!! تخيلوا دا اللى احنا نعرفه , ليه الواحد يجازف و يشترى الfrv اذا كانت الكبيرة اللى ب 170 الف كدا!!!!
ليه طالما فى بدايل محترمة يابانى و كورى زى الدايهاتسو السيريون و الاكسنت و الياريس و لو وصلت ل 90 فى الاوبترا و الالنترا و اللانسر و فى حاجات كتير اوى , اذا كان الجالينا اللى هى ب 170 الف تحسها صينى من جوه و العربية كلها بلاستك رخيص ردىء الصناعة و الجودة من مجرد اللمس و كدا , الواحد يقوم يشترى الصغيرة منها ب 80 الف!!!!

و الله اللى يشترى العربيات الصينىدى مش مفروض يشتكى خالص و لا يتكلم و يقول العربية سيئة لانه هو اللى جابه لنفسه (مش بتكلم على صاحب الموضوع , ربنا يعوضك خير ان شاء الله) , انا بتكلم على الناس اللى قاعدة تدافع دلوقتى و تقول العربة معايا اهى زى الفل عامل بيها 10 كيلو و لسه مستلمها من التوكيل و مباظتش , بتريق طبعا بالذمة ا كلام , العربية ممكن نبدا نتكلم بعد 30-40 الف كيلو نشوف العروب المبدئية بعد كدا بعد 3-4 سنين نشوف العربية لسه عربية و لا بتتجر دلوقتى كدا يعنى!!!
اذا كانت الاسبرنزا اللى هى من اقدم العربيات الصينى فى مصر اول دفعة اخر 2006 هى و البريليانس يعنى معنى كدا معداش عليهم 3سنيتين و نص يبقى ازاى الناس بتتدعى انها تقدر تحكم
العربية مش شكل و خلاص و لو سمحتوا متقولوش عيب فردى و الكلام الاهبل دا لان لو العربية كانت كويسة كانت اتباعت فى الدول المحترمة الاوروبية او امريكا (سواء الشمالية و لا الجنوبية ) و لا استراليا و لا دولة اسوية محترمة.

أخى الكريم
بهداوة شوية الكلام مش قفش كده الناس اللى شارية العربيات الصينى اكيد برده عندها مخ مفيش حد مش فاهم
وللعلم أى عربية ليها ظروفها ممكن تظبط معاك وممكن لأ...
وكمان يعنى عايز الناس اللى راكبه عربيات وماشية بيها كويس متقلش ونقول نصبر 3 سنوات يعنى مفيش انطباع أولى عن العربية ليه بتحجر على آراء الناس...
وبعدين فعلا العربيات دى كويسة فى مشاكل مبنقلش لأ بس مش خطيرة كلها حاجات بسيطة وبتتظبط
والناس ليها تجاربها وكل واحدد بيقول رأيه ....
ولو حنتكلم عن المشاكل كل العربيات فيها مشاكل وكل عربية ليها ظروفها والطرق اللى بتمشى عليها والسائق وطريقة سواقته كل دى عوامل منغفلهاش...
وبالمصادفة ليا جار معاه نيسان صنى 2005 مبهدلاه وقرفان منها يعنى ده معيار انها عربية مش كويسه بالعكس شوف انته هو بيعامل العربية ازاى وابقى احكم...
وايضا ليا زوج خالة زوجتى معاه اسبرانزا 516 من سنة وشهرين بيشكر فيها جدا جدا هو بيعاملها كويس ...
وانا النهارده جاى الشغل معدى جنبى فيرنا العربية صوتها عالى جدا وبتكركر بس سايقها 2 شباب ...
يا جماعة فى ظروف سواقة منغفلهاش علشان نحكم أى عربية حتصونها حتصونك حتبهدلها حطلع عينيك
وده برده ميلغيش ان فى عربيات سيئة من بابها وانت عليك اشترى عربية كويسة وتوكيل محترم
الإسبرانزا عربية كويسة والبريليانس كويسة والناس اللى بتجرب تحكم ....
فمعلش انتى متهجمش وتنسى انك ملكش تجربة على تحكم عن واقع وبينة يعن الأخ الكريم صاحب الموضوع تجربته سيئة وده وارد جدا وبيحصل فى عربيات كتير جدا..
أخى الكريم اعذرنى اذا كانت لهجتى قاسية ولكن فعلا السيارات الصينية فيها الجيد فعلا..

[JAM]

منعآ لكتر الكلام
[youtube]http://www.youtube.com/watch?v=g5SRyG6UR2A[/youtube]

[som3aa]

خى الكريم اعذرنى اذا كانت لهجتى قاسية ولكن فعلا السيارات الصينية فيها الجيد فعلا..

بالعكس لغتك مش قاسية خالص شكرا على ردك , انا كنت عايز اسال كام سؤال , طيب اكيد ركبت الجالينا و الاسبرنزا فلا المعرض مثلا , قولى رايك على جودة الخامات , اذا كانت الاسبرنزا اللى كانت واقفة فى معرض اوتومك كان فى سلك طالع منها و حاجات كدا , بص على التابلوه و قولى الخشب (المضروب ) دا و شكل عام كده كل دى حاجات رخيصة و لا لأ , طيب بلاش العربية خدت نجمة واحدة دى و اطبات على دماغ الدمية اللى كانت جواها لو حصل حادثة حقيقية لمالكها فى مصر على سرعة 60 الراجل يموت بسبب سوء التصنيع؟؟
تضمن بقية عربيات بريليانس و لا اسبرنزا بعد العربيتين اللى عملوا اختبار امان اوروبى اتبهدلوا بالشكل دا قاموا عملوا حاجة اسمها اختبار امن صينى (مضروب برده) بينجحوا فيه كل العربيات نجاح رهيييب؟

طيب ليه لما العربيات كويسة مبتنزلش اى دولة متقدمة , لان بره فى دعواى قضائية و حقوق مستهلك و شعوب واعية , بمعنى لو العربية ظهر فيها المشاكل دى هيرجعها غصب عن التوكيل و يسترد فلوسه او لو عمل حادثة و حلص اللى بنشوفه دا تخيل هيدفعوا الشركة المصنعة كام تعويض .

الفكرة ان سنة مش كفاية و لا سنتين غير لمعرفة عيوب التقفيل الاولية , قوة الهيكل متبنش غير فى اختبارت التصادم او فى حادثة حقيقية , و المشكلة ان ناس كتير ظهرلها عيوب بالهبل , معنى ان شخص العربية عنده كويسة و لا لأ دا مش مقياس , بعدين لازم نراعى ان سعر اعادة البيع ضايع يعنى لو الواحد جازف و اشترى العربية هيلبس فيها علطول او هيخسر مبلغ ضخم جدا , بعدين على ايه كل الكلام دا؟؟ على شكل حلو او شوية كماليات؟؟
طيب ليه , قولى عربية صينى ملهاش بديل فى نفس السعر بالظبط و بديل يعادلها فى حاجات كتير , طيب طالما فى بدايل ليه الواحد يجازف بفلوسه , اذا كانت العربيات الكورى اللى بتباع فى العالم كله و فى امريكا اكبر و اصعب اسواق العالم و فى اوروبا و باعداد ضخمة جدااااا من العربيات لسه احنا هنا فى مصر بنتكلم على الكورى تخيل امال الصينى يبقى ايه؟؟

بعد 10 سنين فى رايى الشخصى العربيات الصينى ممكن تبقى جيدة فى النع بس دلوقتى مستحيل , دى شركات لسه فاتحة مكملتش 10 سنين و لسه بتجرب و تختبر فى الاول و دى اول انتاج ليها ازاى يعنى يبقى صنعها كويس؟؟

طيب ليه منصبرش لما العربيات دى تتجرب بره م تاخد جوايز فى الجودة بعدين نشتريها ؟؟ ليه الشعب المصرى غنى مثلا علشان يتجرب فيه منتج بايظ ب 170 الف (الجالينا ) و كدا؟؟ ليه يتجرب فينا العربيات دى؟؟ السبب بسيط مكسب توكيلات العربيات كبير جداااا و التوكيلات العالمية كلها متاخدة فلجاوا للصينى علشان ارخص و مكسبه كبير جداااا