السيارات الصينيه سيارات فاشله

[أبو عمار المصرى]

معذرة للأخ خالد واضح إنك جديد فى موضوع الصينى دا
و لست ذو خبرة بالسيارات
أنا عربيتى كان تمنها 73000 جنيه و أسأل عنها لو مش مصدق شيرى a11 أتوماتيك مو 2005 يعنى أنا مش بأشترى حاجة رخيصة و فاهم كويس أوى إن سيارة ب 50000 ألف غير اللى ب 80000و مازلت عند رأيى الصينى كله زباااااااااااااااااااالة الزباااااااااااااااااااااالة

أنا بأكرر إعتذارى يا أخ خالد بس هيا دى الحقيقة عن تجربة و خبرة

[zidaneelwaly]

الصين بتعمل منتج استهلاكى وليس معمر

هيا دي خلاصه الكلام
شكرا moshaks

[pharonicking]

أنا كان معايا a11 شيرى و الحمد لله بعتها بالعافية بعد ما عملت 12000 كيلو فقط و أعترف أنن أخطأت عندما دافعت عن الصينى فى هذا المنتدى و موضوعى كان معروف جدا هنا و لكن أحب أقولكم أن السيارة جابت شكمان و فتيس و شخللت من كل ناحية و عندما ذهبت للتوكيل قال لى بالنص ....... إحنا مش هنصرف على الصينين و مش هنصلح ببلاش رغم أتها فى الضمان طبعا

معذرة للفظ اللى هأقوله بس كل الصينى زبااااااااالة

الاعتراف بالحق فضيلة

[Chery_fulwin]

انا عندي عربية شيري a11 بقالها سنتين عاملة 35 الف كم العربية زي الفل بس في شوية عيوب بالتقفيل زي الكراسي بتاعها و الابواب وشنطة وصوت محرك عالي .

[khaledazizeg]

معذرة للأخ خالد واضح إنك جديد فى موضوع الصينى دا
و لست ذو خبرة بالسيارات
أنا عربيتى كان تمنها 73000 جنيه و أسأل عنها لو مش مصدق شيرى a11 أتوماتيك مو 2005 يعنى أنا مش بأشترى حاجة رخيصة و فاهم كويس أوى إن سيارة ب 50000 ألف غير اللى ب 80000و مازلت عند رأيى الصينى كله زباااااااااااااااااااالة الزباااااااااااااااااااااالة

أنا بأكرر إعتذارى يا أخ خالد بس هيا دى الحقيقة عن تجربة و خبرة

بردة بعد اذن حضرتك ماتجمعش
مافيش وجه مقارنة بين البريلينس والشيرى

[Hacker5]

ياريت يا جماعة متجمعوش مش اى فئة فى الصينى تتجاب و مش اى ماركة ياريت الناس قبل ماتشترى تسال الاول على العربية اللى عايزين يشتروها
يعنى مثلا البريليانس FRV عشان صينى و مثلا الجيلى عربية صينى و تعبانة تبقى الـ FRV تعبانة برضو
طب ما الافيو عربية لامؤخذة متتركبش اصلا و كورى هل معناه ان الكورى كله وحش
هيونداى اتوس عربية تعبانة برضو يبقى هيونداى كلها وحشة برضو لاء
هتلاقى فى كل صناعة الحلو و الوحش
فى صينى ممتاز و فيه صينى زبالة
و فى يابانى حلو و فيه يبانى زبالة
و فى اوروبى حلو و فيه اوروبى زبالة
اللى عايز يجيب صينى مايخرجش عن الماركات دى
1- Speranza
2- Brilliance
3- BYD
4- Haima
5- Jac لكن تعتبر مجازفة لانها مش منتشرة و التوكيل فى الدعايا مش كويس
و قريبا جيلى بعد نزول موديلاتها الجديدة
ياريت تكون الفكرة وصلت

[Eslam.Elrefaey]

ابعد عن الصينى وغنيله

[khaledazizeg]

أنا عن نفسى الحمد لله ربنا كرمنى بالfrv 1600&1300 ولو ربنا كرمنى وهشترى عربية تانية هشترى بريلينس لأنى بحترمها

[Mostafa Hessen]

ياريت يا جماعة متجمعوش مش اى فئة فى الصينى تتجاب و مش اى ماركة ياريت الناس قبل ماتشترى تسال الاول على العربية اللى عايزين يشتروها
يعنى مثلا البريليانس frv عشان صينى و مثلا الجيلى عربية صينى و تعبانة تبقى الـ frv تعبانة برضو
طب ما الافيو عربية لامؤخذة متتركبش اصلا و كورى هل معناه ان الكورى كله وحش
هيونداى اتوس عربية تعبانة برضو يبقى هيونداى كلها وحشة برضو لاء
هتلاقى فى كل صناعة الحلو و الوحش
فى صينى ممتاز و فيه صينى زبالة
و فى يابانى حلو و فيه يبانى زبالة
و فى اوروبى حلو و فيه اوروبى زبالة
اللى عايز يجيب صينى مايخرجش عن الماركات دى
1- speranza
2- brilliance
3- byd
4- haima
5- jac لكن تعتبر مجازفة لانها مش منتشرة و التوكيل فى الدعايا مش كويس
و قريبا جيلى بعد نزول موديلاتها الجديدة
ياريت تكون الفكرة وصلت

وصلت ومشكوووووووووووووووووووور

وتقبل تحياتى

[ahmed2801]

اولا شكرا ليكم على المتابعه بس ارجوكم قبل ما تردوا على موضوع ماتتسرعوش فى الرد لان كلامى دا مش هيضرنى انا بحاجه لانى خلاص مش راكب صينى انا قولت الكلام دا ليكم انتم اللى راكبين صينى واللى لسه بيفكرو يركبو صينىواحكيلكم على تجربتى كامله والله المستعان
انا اشتريت فى الاول سبيرانزا 20/2/2008 عند مرحلة ال 3000ك العربيه شخللت قولت اتصل واعرف مكان الضمان والصيانه دلونى على ابو الفتوح روحت هناك بصراحه معامله زباله زباله زباله المهم عند 10000ك لقيت العربيه لو داست على حصوايه فى الارض الدريكسيون يخبط روحت الضمان قالو دا عمود دريكسيون وصلايب دريكسيون المهم ربطو وظبطو بعدها ب1000ك رجعت تانى روحت الضمان قالو هيتغير وفعلا بداو يصرفو لى عمود جديد وقالو لى بعد 20 يوم هنكلمك ونقولك تعالى ركب العمود فعلا كلمونى ورحت كل دا مشاوير من الفيوم لطريق اسكندريه الصحراوى 200ك رايح جاى المهم روحت قالو العمود ناقص روح انت ولما نجيب عمو د كامل هنكلمك وكلمونى وروحت كان فى رمضان اللى فات سلمت العربيه انا وواحد صحبى وروحنا ندور على مكان ننام فيه دا جو صيام وتعب المهم فوجئت بيهم بيصحونى وبيقولو العربيه مش هنركب لها عمود عشان لسه هنفك ونعمل وهياخد وقت وهيا اصلا مش طالبه عمود دا كلام رئيس المهندسين قولتلو اللى صرف لى العمود مهندس قالى دا حمار قولتلو طيب هوا حمار ليه مشغلينو يبوظ حاجة الناس المهم معرفناش نعمل حاجه وغير كدا كتير بس انا هتعب من الكتابه لغاية ما قولت انا هبيعها وفعلا لقيت زبون بالعافيه والحمد لله ربنا كرمنى وبعتها وركبت نيسان اللهم صلى ع النبى مش عاوز اروح بيها صيانه او ضمان ليه لانها يابانى دى مراية الاسبيرانزا اتكسرت غيرتها 440ج فى التوكيل ليه مراية تويوتا ولا نيسان ولا لانسر ....
اما البيرليانس الاموره اللى انتو طالعين بيها السما حد فيكم يعرف موتورها اسمو ايه بلده ايه زى ما بيقولو فى مصر دى حلاوة روح موتورها المانى لا دى موتورها لانسر لا دا اتحاد اوروبى لا عفشتها رياضيه سعرها كام اللى هيا بريليانس اخر حاجه 100 الف 110/120/130 فيه كماليات بالمنظر دا والحلاوه دى ولسه ما لحقتش التويوتا يا جماعه اقسم بالله انا مقولتش كدا من الهوا والله دى تجربه للعربيتين اسبيرانزا وشيرى ايه رايكم فى سخونة الموتور اللى ممكن تولع فى الكابينه ايه رايكم فى الدريكسيون بعد سرعة 120ك ايه رايكم فى تقفيل العربيه ايه رايكم فى اسعار قطع الغيار والحمد لله بعد معاناه انا وابن عمى فى اسبيرانزا وبيرليانس ركبنا نيسان قطع غيار ارخص يابانى فعلا يعتمد عليها وانا عارف ان كل واحد منكم راكب صينى عارف وملاحظ عيوب مفيش حد غيره يقدر يلاحظها حتى مهندسين التوكيل ليه لانك انت اللى بتركب وانت اللى عارف بس ياريت محدش يخبى انا قولت كل دا مع انى مش مطالب انى اقول العيوب دى انا خلاص بقيت يابانى مش صينى بس والله تعبت من العربيات دى وخسرت كتير وشوف تمنها كام وتمن اليابانانى كام هتلاقى نفسك اعلى من اليابانى بس اعلى ليه لانك بتدفع تمن الكماليات مش الموتور والغفشه لو شوفت تويوتا ونيسان هتلاقى نص كماليات البريليانس بس موتور ايه وحش شوف الفرق موتور 1600 هواهوا تمام خش بقى على الكماليات هتلاقى الصينى معدى واكل اليابانى فى المظهر بس مش اهم حاجه المظهر انت بقى بتدفع تمن المظهر بس ياريت المظهر ينفعك وابقو طمنونى وقولولى سعر الكاتينه كام فى الصينى وسعرها كام فى اليابانى وشوف الفرق وشوف انت هتغير كاتينه على كام الف كيلو وشوف اليابانى هيغيرها على كام فى اليابانى ملها وقت محدد مفتوح عندك انت فى الصينى 30000ك وتتقطع الكاتينه وروخ بقى غيرها 2500ج يا جماعه انا تعبيت بجد كفايه كدا وانتو قررو براحتكم بس خليكم عارفين انكم بتدفعو تمن المظهر وبس مع ان فلوسك اللى هتدفعها فى الصينى تركبك يابانى تكسر بيه الاسفلت وارجو ان ردودكم تكون رحيمه عليا دى مجرد ارااء عشان محدش يدبس فى صينى شكرا

ما تظلمش الصينى معايا شيرى a11 وعامل 60000 وغيرت الكاتينة ب 160 جنية وبتسافر وثابتة على الطريق بعد 130 والحمد لله زى الفل حضرتك اللى حظك وحش مع العربية اللى اشترتها

[Jim2009]

ممكن بس حضرتك تديني مثل علي العربيات الياباني "الزباله"....و العربيات الاوربي "الزباله"

عشان انا عمري ما شوفت ياباني زباله و لا اوربي زباله..!

[ahmed2801]

ممكن بس حضرتك تديني مثل علي العربيات الياباني "الزباله"....و العربيات الاوربي "الزباله"

عشان انا عمري ما شوفت ياباني زباله و لا اوربي زباله..!

لأ فيه بعد إذنك الفيات ال 128 زباله و السيات ال 133 زبالة واهيه عربيات اوربى

[Hacker5]

ههههههههه
و عندك الرينو لوجان برضو مش على مستوى
تويوتا ياريس عربية بالتمن دة و 1300 سى سى و خامات لا تليق بسيارة يابانية

[M.Osman]

ممكن بس حضرتك تديني مثل علي العربيات الياباني "الزباله"....و العربيات الاوربي "الزباله"

عشان انا عمري ما شوفت ياباني زباله و لا اوربي زباله..!

باشا ... كل صناعة فيها الحلو و الوحش
لازم نقتنع بكدا..

[جمال]

ممكن بس حضرتك تديني مثل علي العربيات الياباني "الزباله"....و العربيات الاوربي "الزباله"

عشان انا عمري ما شوفت ياباني زباله و لا اوربي زباله..!

كان فيه عربية اسمها ترابنت اوروبى ( شرقى )
كمان الاسكودا زمان