السيارات الصينيه سيارات فاشله

[Mostafa Hessen]

منعآ لكتر الكلام
[youtube]http://www.youtube.com/watch?v=g5sryg6ur2a[/youtube]

يا أخى العزيز

مش عاوزين نرجع تانى للفيديوهات القديمة دى

مشكوووووووووووور

[MEDO1986]

طول مافيه بديل للصينى وبنفس السعر او اغلى حبه اشترى واركب على الاقل ما يتقلش عليك صينى وبعدين انتم هاجمين ليه كدا على سمعه بالراحه اصلها عربيه تحرق الدم وانتم مش عارفين تشوفو البديل ليها وكمان عاوزين تقارنوها بالصنى دى نيســـــــــــــــان يعنى اوعى وسع دا احلى حاجه اليابانى تكييفه تلاجه وقطع غيار فى كل مكان سبيرانزا 113 خبطت واحد بموتسيكل صاحبها غيرلها سلبتينة مكيف وريداتير وازاز امامى واستعدل الرفرفين والشبكه والفوانيس والفوجات يعنى حسبة 10 بواكى ينفع ادفع 10 بواكى فى تصليح صينى هههههههههههههههه فعلا سيارات فاشله
يابانى-كورى - المانى صينى لا طبعا ولا ببلاش والله ولا ببلاش يا جماعه اللى ناوى يشترى جديد اختار البديل واعمل اللى عليك وعلى فكره انا مش مصدق ان 113 تجيب 180 ههههههه 180ك فى الساعتين صح شوفو انتم بتزعلو من اللى ينصحكم براحتكم ان شاء الله تركبو قطر صينى شكرااااااااااااا

[Mostafa Hessen]

بالعكس لغتك مش قاسية خالص شكرا على ردك , انا كنت عايز اسال كام سؤال , طيب اكيد ركبت الجالينا و الاسبرنزا فلا المعرض مثلا , قولى رايك على جودة الخامات , اذا كانت الاسبرنزا اللى كانت واقفة فى معرض اوتومك كان فى سلك طالع منها و حاجات كدا , بص على التابلوه و قولى الخشب (المضروب ) دا و شكل عام كده كل دى حاجات رخيصة و لا لأ , طيب بلاش العربية خدت نجمة واحدة دى و اطبات على دماغ الدمية اللى كانت جواها لو حصل حادثة حقيقية لمالكها فى مصر على سرعة 60 الراجل يموت بسبب سوء التصنيع؟؟
تضمن بقية عربيات بريليانس و لا اسبرنزا بعد العربيتين اللى عملوا اختبار امان اوروبى اتبهدلوا بالشكل دا قاموا عملوا حاجة اسمها اختبار امن صينى (مضروب برده) بينجحوا فيه كل العربيات نجاح رهيييب؟

طيب ليه لما العربيات كويسة مبتنزلش اى دولة متقدمة , لان بره فى دعواى قضائية و حقوق مستهلك و شعوب واعية , بمعنى لو العربية ظهر فيها المشاكل دى هيرجعها غصب عن التوكيل و يسترد فلوسه او لو عمل حادثة و حلص اللى بنشوفه دا تخيل هيدفعوا الشركة المصنعة كام تعويض .

الفكرة ان سنة مش كفاية و لا سنتين غير لمعرفة عيوب التقفيل الاولية , قوة الهيكل متبنش غير فى اختبارت التصادم او فى حادثة حقيقية , و المشكلة ان ناس كتير ظهرلها عيوب بالهبل , معنى ان شخص العربية عنده كويسة و لا لأ دا مش مقياس , بعدين لازم نراعى ان سعر اعادة البيع ضايع يعنى لو الواحد جازف و اشترى العربية هيلبس فيها علطول او هيخسر مبلغ ضخم جدا , بعدين على ايه كل الكلام دا؟؟ على شكل حلو او شوية كماليات؟؟
طيب ليه , قولى عربية صينى ملهاش بديل فى نفس السعر بالظبط و بديل يعادلها فى حاجات كتير , طيب طالما فى بدايل ليه الواحد يجازف بفلوسه , اذا كانت العربيات الكورى اللى بتباع فى العالم كله و فى امريكا اكبر و اصعب اسواق العالم و فى اوروبا و باعداد ضخمة جدااااا من العربيات لسه احنا هنا فى مصر بنتكلم على الكورى تخيل امال الصينى يبقى ايه؟؟

بعد 10 سنين فى رايى الشخصى العربيات الصينى ممكن تبقى جيدة فى النع بس دلوقتى مستحيل , دى شركات لسه فاتحة مكملتش 10 سنين و لسه بتجرب و تختبر فى الاول و دى اول انتاج ليها ازاى يعنى يبقى صنعها كويس؟؟

طيب ليه منصبرش لما العربيات دى تتجرب بره م تاخد جوايز فى الجودة بعدين نشتريها ؟؟ ليه الشعب المصرى غنى مثلا علشان يتجرب فيه منتج بايظ ب 170 الف (الجالينا ) و كدا؟؟ ليه يتجرب فينا العربيات دى؟؟ السبب بسيط مكسب توكيلات العربيات كبير جداااا و التوكيلات العالمية كلها متاخدة فلجاوا للصينى علشان ارخص و مكسبه كبير جداااا

أخى الكريم

اسمحلى اشكرك على ردك وذوقك والحوار الطيب ومع اختلافى معك فى بعض الأمور لكن هذا الخلاف لا يفسد للود قضية
العربية الإسبرانزا خامتها سيئه جدا لا اختلف معاك بس البريليانس بجد جيده جدا ومتينة
مسألة اختبار السلامة دى ربنا يستر انتى ممكن تبقى ماشى فى حالك على الطريق وتلاقى عجلة طيشة فى الطريق زى اللى حصل على الدائرى او عربية فيها شباب طايرين على سرعة 200 ويلبسوا فيك
شوف بعد الألمانى مدورش وعن تجارب لا يبانى ولا كورى الأمان ربنا اولا وعليك وعلى الألمانى
عيوب الصناعة ده امر موجود الكمال لله وحده ومتقليش مفيش منتج من غير عيوب صناعة ده صنع بشر
واليابانى فيه والدليل الكورولا 2009 وتقفيل النيسان الصنى فى مصر ومشكلة الضفيرة الأزلية وده برده ميأثرش على ان التويوتا وانيسان من افضل اليابانى..
مسألة اعادة البيع معاك انها مسألة تخوف بس فى منتجات فى بلادنا اعادة بيعها ملوش علاقة بجودة السيارة وأكبر مثل الرينو والمازدا عربيات ممتازة وملهاش سووووق خالص وفى امثلة كتيرومع كده الناس بتشترى عربيات رينو ومازدا وعندك الفولكس الباساة والجيتا مفيش بعد كده وتوكيل ضعيف جدا وبردك الفيات مفيش توكيل محترم
معلش عربيات زى الفل ومفيش خدمة وقطع غيار غالية ومفيش اعادة بيع كويس فين المشكلة ومع كده الناس بتشترى والسبب ان الناس بتشترى علشان تركب عربية مش حتبيعها قبل ما تشتريها اصلا...
الجالينا عربية كويسة والموديلات الحديثة بالذات وكماليات ممتازة وضمان 5 سنوات بدون حد اقصى للكيلومترات
مظنش كده دى تخوف وده ضمان البفارية مش اى كلام ...
بس معاك ان سعرها مبالغ فيه وانا لو بشترى اجيب اوبل أو a5 كل ده بسعر قريب وأوروبى بس لولا اختلاف الأذواق لبارت السلع..
ومتنساش ان الصين دى متقدمة جدا فى الصناعة بدليل كل الهادوير اللى فى اسواق العالم كله صينى ...وحاجات كتير
واعتقد ان السنوات الخمس القادمة كل العربيات حتبقى صناعة صينى والأيام حتثبت الكلام ده ...
معلش على الإطالة وهذا ليس دفاعا عن الصينى ولكن لوضع الأمور فى نصابها ومع ايقانى تماما بجوده الأوروبى واليابانى والكورى ولكل منتج بداية ممكن تكون ضعيفة ولكن لابد من وجود البداية واعتقد ان باية الصينى اقوى بكثير من الكورى واسأل بنفسك عن اليابانى اول مانزل الناس بتقولك ايه اليابان اللى عمرها كام وعشرين سنة بعد الحرب العالمية ووقتها الأوروبى والأمريكانى البشاوات وصاج ايه ومواتير ايه ومع كده اليابانى بقة المنافس رقم واحد وبقوة...
نخلى الأيام تقول كلمتها وخلينا ناخد الإنطباع ومنحكمش غير على تجربة ....
وتحياتى لك وارجو ان تتقبل مداخلتى...

[kirolloskamal]

بجد ذوق و ادب عاليين جدا يا استاذ مصطفي انا معجب جدا بطريقتك في الحوار بجد تنم عن شخص محترم جدا جدا جدا

[MEDO1986]

الله الله كلمة سيارات صينى فاشله عملت عمايل جامده فتحت العيون كلها ع العربيات اليابانيه والكوريه ولاوروبيه خلت الناس كلها اشتغلت برافو مجهود رائع وردود جميله فعلا الله ينور عليك يا ميدو ولا خر احب اقولكم فعلا سيارات صينى فاشله شكرا

[x_gomgom]

اولا مش كل الصيني و مش شرط....
انا زي ما قلت سابقا صديق لي في العمل معاه و(a113) بيشكر فيها و الصراحه انا سوقتها لمسافه 20 كلم و حاسس انها عربيه ليها مستقبل...(دا علي احساسي )
و كل واحد اولا و اخيرا حر في رأيه و كل الاراء هنا نحل تقدير و احترام و بجد سعيد بالمنتدي و الناس اللي فيه.
انا كل اللي طالبه من الاخوه بلاش الاسلوب الهجومي المتبع في الاجابه لاننا كلنا عايزيين المصلحه للجميع و شكراً

[yasserayad]

اولا شكرا ليكم على المتابعه بس ارجوكم قبل ما تردوا على موضوع ماتتسرعوش فى الرد لان كلامى دا مش هيضرنى انا بحاجه لانى خلاص مش راكب صينى انا قولت الكلام دا ليكم انتم اللى راكبين صينى واللى لسه بيفكرو يركبو صينىواحكيلكم على تجربتى كامله والله المستعان
انا اشتريت فى الاول سبيرانزا 20/2/2008 عند مرحلة ال 3000ك العربيه شخللت قولت اتصل واعرف مكان الضمان والصيانه دلونى على ابو الفتوح روحت هناك بصراحه معامله زباله زباله زباله المهم عند 10000ك لقيت العربيه لو داست على حصوايه فى الارض الدريكسيون يخبط روحت الضمان قالو دا عمود دريكسيون وصلايب دريكسيون المهم ربطو وظبطو بعدها ب1000ك رجعت تانى روحت الضمان قالو هيتغير وفعلا بداو يصرفو لى عمود جديد وقالو لى بعد 20 يوم هنكلمك ونقولك تعالى ركب العمود فعلا كلمونى ورحت كل دا مشاوير من الفيوم لطريق اسكندريه الصحراوى 200ك رايح جاى المهم روحت قالو العمود ناقص روح انت ولما نجيب عمو د كامل هنكلمك وكلمونى وروحت كان فى رمضان اللى فات سلمت العربيه انا وواحد صحبى وروحنا ندور على مكان ننام فيه دا جو صيام وتعب المهم فوجئت بيهم بيصحونى وبيقولو العربيه مش هنركب لها عمود عشان لسه هنفك ونعمل وهياخد وقت وهيا اصلا مش طالبه عمود دا كلام رئيس المهندسين قولتلو اللى صرف لى العمود مهندس قالى دا حمار قولتلو طيب هوا حمار ليه مشغلينو يبوظ حاجة الناس المهم معرفناش نعمل حاجه وغير كدا كتير بس انا هتعب من الكتابه لغاية ما قولت انا هبيعها وفعلا لقيت زبون بالعافيه والحمد لله ربنا كرمنى وبعتها وركبت نيسان اللهم صلى ع النبى مش عاوز اروح بيها صيانه او ضمان ليه لانها يابانى دى مراية الاسبيرانزا اتكسرت غيرتها 440ج فى التوكيل ليه مراية تويوتا ولا نيسان ولا لانسر ....
اما البيرليانس الاموره اللى انتو طالعين بيها السما حد فيكم يعرف موتورها اسمو ايه بلده ايه زى ما بيقولو فى مصر دى حلاوة روح موتورها المانى لا دى موتورها لانسر لا دا اتحاد اوروبى لا عفشتها رياضيه سعرها كام اللى هيا بريليانس اخر حاجه 100 الف 110/120/130 فيه كماليات بالمنظر دا والحلاوه دى ولسه ما لحقتش التويوتا يا جماعه اقسم بالله انا مقولتش كدا من الهوا والله دى تجربه للعربيتين اسبيرانزا وشيرى ايه رايكم فى سخونة الموتور اللى ممكن تولع فى الكابينه ايه رايكم فى الدريكسيون بعد سرعة 120ك ايه رايكم فى تقفيل العربيه ايه رايكم فى اسعار قطع الغيار والحمد لله بعد معاناه انا وابن عمى فى اسبيرانزا وبيرليانس ركبنا نيسان قطع غيار ارخص يابانى فعلا يعتمد عليها وانا عارف ان كل واحد منكم راكب صينى عارف وملاحظ عيوب مفيش حد غيره يقدر يلاحظها حتى مهندسين التوكيل ليه لانك انت اللى بتركب وانت اللى عارف بس ياريت محدش يخبى انا قولت كل دا مع انى مش مطالب انى اقول العيوب دى انا خلاص بقيت يابانى مش صينى بس والله تعبت من العربيات دى وخسرت كتير وشوف تمنها كام وتمن اليابانانى كام هتلاقى نفسك اعلى من اليابانى بس اعلى ليه لانك بتدفع تمن الكماليات مش الموتور والغفشه لو شوفت تويوتا ونيسان هتلاقى نص كماليات البريليانس بس موتور ايه وحش شوف الفرق موتور 1600 هواهوا تمام خش بقى على الكماليات هتلاقى الصينى معدى واكل اليابانى فى المظهر بس مش اهم حاجه المظهر انت بقى بتدفع تمن المظهر بس ياريت المظهر ينفعك وابقو طمنونى وقولولى سعر الكاتينه كام فى الصينى وسعرها كام فى اليابانى وشوف الفرق وشوف انت هتغير كاتينه على كام الف كيلو وشوف اليابانى هيغيرها على كام فى اليابانى ملها وقت محدد مفتوح عندك انت فى الصينى 30000ك وتتقطع الكاتينه وروخ بقى غيرها 2500ج يا جماعه انا تعبيت بجد كفايه كدا وانتو قررو براحتكم بس خليكم عارفين انكم بتدفعو تمن المظهر وبس مع ان فلوسك اللى هتدفعها فى الصينى تركبك يابانى تكسر بيه الاسفلت وارجو ان ردودكم تكون رحيمه عليا دى مجرد ارااء عشان محدش يدبس فى صينى شكرا

ربنا يباركلك فى كل ما اعطاك
انا مش عارف اشكرك ازاى
انت صادق جدا فى تحذيرك للناس
جزاك الله خيرا

[MEDO1986]

اى خدمه يا حبيب قلبى بس يارب يفكرو ويركبو انشاء الله شاهين بس ما يركبو ش صينى والردود كلها كانت على الحوادث ليه كدا الحوادث دى مكتوبه علينا ولو هتتكلموعلى الحوادث انا فيه واحد بلدياتى اشترى اسبيرانزا 516 معملتش 1000ك والبيضه الل فى العجله اليمين اتخلعت وخد الاسفلت كله والعربيه بتسحف على وشها ربنا كرمو بالتلدوار اللى فى وسط الطريق هوا اللى منعه من دخول الطريق المقابل وراح رفع شكوى ان دا عيب صناعه وتعب والاخر راح ركب البيضه على حسابه وعلى فكره باع العربيه وهيا عامله1300ك وخسرت 8000ج بس ارجوكم بلاش تتكلمو عن الحوادث وامشو بالعقل خلو ربنا يسترها الطريق مش ملك حد دى ارواح ناس فعلا سياره فاشله

[rms1986]

يا جماعه شكرا لمشاركه جميع الاعضاء

الواقع بيفرض نفسه

الاسبرانزا 516 و113
والبريليانس frv
من


انجح السيارات الصيني في مصر

وقريبا التيجو 1600


يا جماعه انا مش مندوب مبيعات ولا حاجه

بس انتشار التلات عربيات اللي انا زكرتهم دول اكبر دليل ان ليهم سوق حلو

وعلى فكره انا متابع اسعار اعاده البيع في سوق الجمعه

واسعار بيع الاسبرانزا جيده



انا معاكم ان توكيلها سئ جدا

بس اتصرف بره التوكيل خصوصا ان قطع غيارها في جسر السويس وشارع دمشق وعين شمس مرطرطه ورخيصه


واختبار ات التصادم الاوروبي عارفين على سرعه كام

64كم بس

والصيني يا سمعه المتفبركه 000اهو يا عم من غير حضرتك00000

56كم الفرق مش كبير



وانا سيارتي بكرر عامله 42000 كم وبقالها سنتين وزي الفل


انا يا جماعه ركبت قبل السياره ده حاجات كتير من اصحابي
كرولالانسر صني اوكتافيا بي ام الفئه الخامسه لانوس فرنا

وبجد العربيه محترمه جدا وسعرها مغري

وعلى فكره الخليج بينزلو عربيات تتحمل الظروف القاسيه هناك

ال516 بتتباع في السعوديه بسعر 40000ريال سعودي تقريبا بنفس تمن الكرولا والانسر والناس هناك مش عبيطه ولا سهل يضحك عليهم

بس فعلا العربيات هنا في مصر بتتباع باعلى من سعرها الدولي


مثلا اللوجان الروماني ب72 الف والمغربي اللي من غير جمارك ب62 و68 الف حاجه جشع تجار




وزي ما حصل تجربه سيئه مع صاحب الموضوع في الاف ناجحه


وده بيحصل في ماركات كتير مثال الاوبترا


وانا والله العظيم

النهارده راكب مع لانسر تاعت صاحبي تكييفها سئ للغايه لدرجه ان انا معتيا اسبرانزا احسن منه وكان معانا واحد معاه لانوس برده تكييفها احسن منه لدرجه اننا قولناله يقفله والجو كان العصر يعني مش في عز الحر ولا حاجه والعربيه لسه جديده مكملتش 5000كم


وفي تجارب ناس كتيره اللي كان معاه ماتريكس ولانسر وباعو لظروف ماديه وجابو ال516 ومحسوش بفرق كبير



وده تجارب بعض الاعضاء في نادي الاسبرانزا www.speranzaclub.com

السلام عليكم

انا اشتريت الإسبيرانزا 1600 من شهر 2/2009 ورغم ان حصل معايا كذا مشكلة في العربية فانا مش قادر اتخيل نفسي راكب عربية تانية بنفس السعر او حتي اغلي منها ب30000 جنيه وبدون مبالغة ,انا قبل ما اشتريها انا وواحد صاحبي حاول يقنعني بالانسر 1600 بس زمايلي كانوا جايبين اسبيرانزا ومالقيتش اي حاجة تدفعني اني ادفع اكتر من 30000 جنيه زيادة في عربية انا حاسس ان رفاهيتها اقل من الإسبيرانزا ..
والله يا اخوانا كل ما افكر واقول يا تري لو مش هاجيب اسبيرانزا كنت اجيب ايه ؟؟؟الاقي نفسي عمال افكر في عربيات بضعف السعر ...هي بس اللي ممكن تعوضني عن عربية زي بتاعتنا
وربنا يبارك

احترامى لاراء الكثيرين وبدون الانحياز لمتلاكى السياره ولكن للاحساس بالفرق فعلا
انا كان معايا لانسر والحمد الله على كل شئ ربنا افتكرها فى احدى الحوادث دخلت فيها ترله بسرعه وهى وقفه فى الرست المهم اعت سنه راكم اوبترا بتاعت ولدتى وبجد الانسر 1600 احسن منها لاكن ربنى كرامنى وجزفت واشتريت ال516 بسبب الظروف المديه وبجد كانت افضل مجزفا فى حياتى
يعنى ثبات كانت اعلى من لانسر -فخامه انا حاسس انى ملك وانا قاعد جوها -تكيف بجد احسن من الانسر ومحدش يقولى لانسر فيها عيب بجد تكيف ال516 له قدره لوصولك لاعلى درجة سقوعيه وبدون رطوبه فى وقت قليل لاكن ما بيسقعش العربيه بالكامل يعنى مش زى الكورولا بعد 5 داقائق انت بقيت اعد فى الاسكيموا -الفرامل بقى بجد نضيفه جدا جدا انا وقفت بيها وقف مفاجئ وانقذتنى من حدثه ووقف من 140الى 30 فى وقت قليل جدا وبجد العجل مسرخش كتير فى الارض

نجى بقى للفرنا هى مع ابن عامى و 1600 بجد مطلعه عينه ومفهاش اتزان بعد 120 بتبقى ورقه مشيه على الارض ومتقولش متور قوى وفرامل ضعيفه اقول ان العفشه بتعاتها والشاسيه مش عامل اى اتزان وديه لوحدها مصيبا وبجد ببقى قلقان وانا راكبها وعمرك ما حتحش بالفرنا بالامان وبحد انا بعتبرها من وجهة نظرى انها 128 بس عاملوها هايونداى علشان تتباع

ويارب ما كون زعلت حد وكلماى غير مبالغ فيه واللى مش مصدق يشوف حد معاه العربيات التانيه ويركابها ويجرب
وبجد انا دلوقتى ادامى اشترى لانس وانا رفض لانى مش مستهلا ادفع فلوس كتير علشان اسم لاكن الامكنيات قليله
وبردوه نقطه للتوضيع متور اللانسر على عينى وعلى راسى بس الاسبرانزا قامت بنفس الاداء وبجد بدون اختلاف فى المتور اللى موجود والمتور فى التسابق مش بطئ ولا حاجه ده يمكن سحبه اشد من اى عربيه انا ركبتها لحد دلوقتى

بصراحه التكيف عندي تمام التمام وبيوصل لمعدل بروده معقول في اقل وقت وخصوصا انا عملت بنصيحه الاخوه وبعمل الحراره اوتو

وبنالسبه للفرامل هايله جدا معايا انا من 130 وقفت خالص في ثواني منغير متزحف مني ولا اي حاجه ما شاء الله

وصاج هاااااااايل جدا دخلت فيا واحده سايقه لانسر شارك 2008 البابين عندها ضااااااااااااااااااعو بمعني الكلمه وانا بس الدهان عندي في الرفرف الشمال ادام هو اللي باظ مش اكتر لدرجه ان صاحبي قاعد جمبي معاه لانسر بيقولوا مش معقول الاسبيرانزا كدا وتعمل كدا في اللانسر

انا مقتنع جداااااااااا بالاسبيرانزا كعربيه هايله ومناسبه بس اللي ندمان عليه ان جبت لونها اسود كنت عايز اجيب اي لون فاتح تاني مش اكتر

وشكرا ليك علي نقلك لتجربتك

انا كان معايا لانسر 1600 اتوماتيك ومش حاسس بأي فرق غير انها كانت اتوماتيك

فى واحد صاحبى كان معاه فيرنا زيرو شركته مسلماهالوا و قعدت معاه 6 شهور
و لما ساب الشركة سلم العربية فسألته انت هاتشترى فيرنا ليك انت على حسابك بعد ما سلمت الاولى
( قالى استحالة اركب هيونداى تانى خا لص و خصوصا الفيرنا عشان كان هايقلب بيها كذا مرة )

بسم الله مشا الله و الحمد لله احلى تجربة عملتها فى حياتى كانت اقتنائى اسبرانزا 516 و الحمد لله

ويا جماعه بره بيقارنو الاسبرانزا بالتيدا والاوبترا

بص اللينك ده
http://translate.google.com/translate?hl=en&sl=ru&u=http://ua.autoreview.ru/archive/2007/16/chery_chevrolet_nissan/&ei=vE5LSof-NNmNjAf397Vk&sa=X&oi=translate&resnum=1&ct=result& prev=/search%3Fq%3DChery%2BElara,%2BChevrolet%2BLacetti% 2B%25D0%25B8%2BNissan%2BTiida%26hl%3Den%26sa%3DG








وفي النهايه


ربنا يعوض على صاحب الموضوع ويباركلو في الجديده

ونحترم اراء بعض

لان ده تجارب ناس برده ولا رايكو بس هو اللي صح ولازم يتعمم ع الجميع كما اشعر




و3
1 ناس كتير مبيحبوش الصيني

2 ناس كتيير بيحبو الصيني<مش كله بعض الموديلات<

3ناس وسط بينقدو نقد بناء



وتحياتي للجميع


ربنا يبارك في حضراتكم




والسلام عليكم

[rms1986]

بالمناسبه البريليلنس الجالينا سعرها مبالغ فيه طحن


وانا مجيبهاش ابدا

[ggggggggg]

و الله يا أستاذ rms1986 أنت رجال كلامك 100% وموزون مقنع مش أي كلام * * * بدون دلائل.......... والناس الي كاتبه آرائها عن العربية مستحيل يكونوا بيضحكوا على الناس وعلى نفسهم كمان أو مثلا بيعملوا دعاية للسيارة.
من الآخر كلامك ده يا أستاذ rms1986 لا يختلف عليه إثنان



برجاء عدم اهانة اراء الزملاء
يمكنك مناقشتهم دون اهانتهم
هذا تنبيه بعدم التكرار

مشرف عام 2

[khaledazizeg]

شوف الحمد لله معايا frv العربية زى الفل 15000 كم ماشاء الله
بنكون جوه العربية 5 وشنط وسفر طويل وتكيف وما شاء الله زى الفل جر وسحب وتحمل
مش عاوز اٌولك مشيت بيها فى طرق مكسرة جدا والله زى الفل قوية وحمالة اسيه
فعلا بدون تحيز عربية كويسة جدا على فلوسها

وياريت تجربتك وربنا معاك

ربنا يباركلك فيك ويعطيك خيرها ويكفيك شرها

[khaledazizeg]

اولا شكرا ليكم على المتابعه بس ارجوكم قبل ما تردوا على موضوع ماتتسرعوش فى الرد لان كلامى دا مش هيضرنى انا بحاجه لانى خلاص مش راكب صينى انا قولت الكلام دا ليكم انتم اللى راكبين صينى واللى لسه بيفكرو يركبو صينىواحكيلكم على تجربتى كامله والله المستعان
انا اشتريت فى الاول سبيرانزا 20/2/2008 عند مرحلة ال 3000ك العربيه شخللت قولت اتصل واعرف مكان الضمان والصيانه دلونى على ابو الفتوح روحت هناك بصراحه معامله زباله زباله زباله المهم عند 10000ك لقيت العربيه لو داست على حصوايه فى الارض الدريكسيون يخبط روحت الضمان قالو دا عمود دريكسيون وصلايب دريكسيون المهم ربطو وظبطو بعدها ب1000ك رجعت تانى روحت الضمان قالو هيتغير وفعلا بداو يصرفو لى عمود جديد وقالو لى بعد 20 يوم هنكلمك ونقولك تعالى ركب العمود فعلا كلمونى ورحت كل دا مشاوير من الفيوم لطريق اسكندريه الصحراوى 200ك رايح جاى المهم روحت قالو العمود ناقص روح انت ولما نجيب عمو د كامل هنكلمك وكلمونى وروحت كان فى رمضان اللى فات سلمت العربيه انا وواحد صحبى وروحنا ندور على مكان ننام فيه دا جو صيام وتعب المهم فوجئت بيهم بيصحونى وبيقولو العربيه مش هنركب لها عمود عشان لسه هنفك ونعمل وهياخد وقت وهيا اصلا مش طالبه عمود دا كلام رئيس المهندسين قولتلو اللى صرف لى العمود مهندس قالى دا حمار قولتلو طيب هوا حمار ليه مشغلينو يبوظ حاجة الناس المهم معرفناش نعمل حاجه وغير كدا كتير بس انا هتعب من الكتابه لغاية ما قولت انا هبيعها وفعلا لقيت زبون بالعافيه والحمد لله ربنا كرمنى وبعتها وركبت نيسان اللهم صلى ع النبى مش عاوز اروح بيها صيانه او ضمان ليه لانها يابانى دى مراية الاسبيرانزا اتكسرت غيرتها 440ج فى التوكيل ليه مراية تويوتا ولا نيسان ولا لانسر ....

ربنا يعوض عليك بس مش معنى كدة ان كل الاسبيرانزا فيها نفس المشاكل الى عندك
ما انا كان معايا اللانوس وكانت موديل 2005 وكان فيها مشكلة الفرامل ومابتتحلش خالص هل معنى كدة ان العربية سيئة؟؟
الاجابة :لا
وكمان موجودة المشكلة ديه فى الفيرنا
فمش معنى كدة ان الكورى وحش

[khaledazizeg]

اما البيرليانس الاموره اللى انتو طالعين بيها السما حد فيكم يعرف موتورها اسمو ايه بلده ايه زى ما بيقولو فى مصر دى حلاوة روح موتورها المانى لا دى موتورها لانسر لا دا اتحاد اوروبى

بالنسبة للموتور هوا موتور صناعة صينى بس بتكنولوجيا لانسر بومة 2008
يعنى ممكن تغير الموتور بموتور اللانسر البومة

[khaledazizeg]

اما البيرليانس الاموره اللى انتو طالعين بيها السما

والله ياسيدى احنا احرار نطلع بيها السما والا ننزل بيها الارض ديه حرية شخصية
وطول ما العربية صاحبها بيحبها وبيحافظ عليها العربية هتحبة وهتريحة