السيارات الصينيه سيارات فاشله

[khaledazizeg]

انا مستغرب من حاجة ان كل الناس بتتكلم عن الاسبيرانزا واحنا هنا فى قسم البريلينس
يعنى هوا علشان الاسبيرانزا وحشة يبقى كل الصينى وحش؟؟
لا طبعا

[Ghost2]

بصو يا جماعة نختلف على عربية او اتنين او صيني او مش صيني ماشي لكن نغلط في بعض يبقى احنا كده بنهرج ... عيب احنا ناس كبار ,,, كل واحد يقول رايه وينصح التاني يعني معلش لما مشمش او غيره او غيره لما اشترى عربية صيني هوو مجبهاش على حسابي او دفعتله فلوسها فا هو حر يركب زي ما يركب لكن عيب لما توصلو الموضوع ان الادارة تتدخل وتحذف مشاركات ,,, خليتو ايه بقه للناس اللي ,,,,,,,,,,,,

[smax]

ردا علي كلام توت باشا:
اولا ليس كل ما هو صيني اصيل سيء و علي سبيل المثال هاواوي شركة صينية بتصنع شبكات محمول , اجهزة انترنت مختلفة و سنترالات و تليفونات و الشركة دية اصبحت نمرة 2 علي العالم بعد ايريكسون العظيمة و كمان عندك lenovo, Haier و اكيد في حاجات تانية.

من حقك تشكك في رائي عن البونتو, بس خلي بالك دة مش رأي من غير تجربة دة رأي عن تجربة شخصية لعربية كانت معايا من الزيرو و و قعدت معايا اكتر من 8 سنين و في رأي مشاكلها بعد ال 70000كم سخيفة و كثيرة جدا بالاضافة الي بعض العيوب منها ضعف المحرك و تقل الدبرياج و الفتيس و حتي لاو كانت واخذة جائزة نوبل رأي انها عربية رديئة.

في حاجة عايز اوضحها علشان نقدر نفرق بين منتجات الصين, أي صناعة نامية بتمر تدريجيا ب4 مراحل من التطور و هم:
1- المرحلة الاولة هي تقفيل او تجميع منتجات لشركات اخري و بيكون تجميع فقط تحت اسم الشركة الام. 2- المرحلة الثانية التقليد الكامل او بتعديل بسيط يعني اشتري التصميم او المصنع بتاع شركة تاني و عادتا بيكون القديم و اصنع المنتجات بتاعتها تحت اسمي انا ( مشكلة بعض الشركات الصيني انها مش بتشتري دية بتسرق التصميم). 3- المرحلة الثالثة هي التصميم و التصنيع بالاستعانة بتصميمات لبعض الاجزاء او شرائها من شركات مختلفة و طبعا كل لما الشركة تعتمد علي نفسها اكثر يعني تطور اكبر. 4- المرحلة الرابعة النضج يعني زي اليابان و المانيا و غيرهم الي بيبتكروا و بيخترعوا و العالم بيقلدهم , و في المرحلة دية الشركات الجيدة بتكبر و السيئة بتنكمش لحد ما تختفي.
لاو جيت تقيم المنتجات الصينية بالطريقة دية هتلاقي بعضها في المرحلة الاولي و الثانية و الثالثة يعني مش كلة زي بعضة و دة طبيعي لصناعة بتنموا بسرعة الصاروخ.

نرجع لموضوع ال frv انا متفق انها مش في جودة الالماني و لا الياباني المصنع في بلادة بس في رأي العربية ممتازة جدا و احسن من عربيات معروفة كتير و انها افضل عربية في فئة ال 75000 ج و دة من ناحية الشكل و الاداء و حتي التقفيل فاضل الاستحمال الي محدش يقدر يحكم علية بس رأي كونها تصنيع بافاريا الصين و ضمان 3 سنين من شركة محترمة حاجة تطمن.

علي فكرة دة رأي في الموضوع بامانة , صحيح انا عندي frv بس هيا مش واحد من اهلي, بلاش نقول نفسنا نصنع زي الصين علشان دة مستحيل يا ريت بس نعرف ننقد صناعتهم بطريقة سليمة أو حتي نجرب قبل ما ننقد او حتي نحترم أراء بعض.

[memo_p910]

السلام عليكم
النهارده انا جايبلكم الفيديوهات دي علشان تشوفوا فشل السيارات الصينيه والي منعها من دخول السوق الاوربيه وده علشان هم الاوروبيون بيهتموا بسلامه مواطنيهم مش زي عندنا كل يومين نلاقي واحد واخد توكيل صيني ويحط شوية اعلانات ويكسب منها ويخلع بعد كده والمواطن الجاهل الغلبان هو الي يتورط ومنه لله الي كان السبب

الاختبارات دي هي اختبارات السلامه الاوربيه NCAP


نبدأ اولا بالسياره الصينيه الفاشله الاولى الجيلي وشوفوا رغم الوسائد الهوائيه دماغ السواق اتكسرت

http://www.youtube.com/watch?v=e34HuCt_qDU

ثانيا السياره الصينيه الفاشله الثانيه البريليانس الي توكيلها في مصر البافاريه علشان تعرفوا انه كله بينصب

http://www.youtube.com/watch?v=nzoRdDssL1w

ودي السياره الشيري 111 وشوفو السواق دخل في الجدار ومات موته شنيعه

http://www.youtube.com/watch?v=g5SRyG6UR2A

وعلشان تقارنوا بشكل افضل شوفوا مثلا الواجا الماليزيه الي اخدت 3 من 5 في الاختبار شوفوا الفرق

http://www.youtube.com/watch?v=Ee8mu8TEL_c

وأخيرا مستني تعليقاتكم على الموضوع ده وكل واحد يدلوا بدلوه وشكرا

[tutankhamoun]

ردا علي كلام توت باشا:
اولا ليس كل ما هو صيني اصيل سيء و علي سبيل المثال هاواوي شركة صينية بتصنع شبكات محمول , اجهزة انترنت مختلفة و سنترالات و تليفونات و الشركة دية اصبحت نمرة 2 علي العالم بعد ايريكسون العظيمة و كمان عندك lenovo, haier و اكيد في حاجات تانية.

ماشي ...... فيه حاجات صيني كويسة و لكن الغالبية العظمى من الإنتاج الصيني سيئ و رديء و سمعته سيئة .
و جه ما يمنعش إن فيه حاجات كويسة بتطلع من الصين و لكن أنا بتكلم عن الغالبية العظمى .

من حقك تشكك في رائي عن البونتو,
أنا لم أشكك في رأيك للحظة ...... لأني أحترم كل رأي لكل عضو زميل معانا و مش من حقي أن أشكك إلا في المعلومات اللي ممكن تكون غلط .
و حضرتك هنا مش بتتكلم عن معلومات و لكن عن تجربة لسيارة ......... إذن هي تجربة فردية لا تمثل رأي الأغلبية لأن العربية دي من أفضل السيارات التي أنتجتها فيات و باعت منها أرقام مهولة بالأضافة للجوائز اللي حصلت عليها في أوروبا كأفضل سيارة في هذه الفئة . و حصلت على الجائزة مرتين .

بس خلي بالك دة مش رأي من غير تجربة دة رأي عن تجربة شخصية لعربية كانت معايا من الزيرو و و قعدت معايا اكتر من 8 سنين و في رأي مشاكلها بعد ال 70000كم سخيفة و كثيرة جدا بالاضافة الي بعض العيوب منها ضعف المحرك و تقل الدبرياج و الفتيس و حتي لاو كانت واخذة جائزة نوبل رأي انها عربية رديئة.
بُص يا باشا أنا أتملكت عربيتين بونتو ......
و عملت بواحدة 115 ألف كم ......... و التانية أقل من كدا .
الدبرياج كان مفيش أنعم منه ....... الباور مفيش أنعم منه في العالم كله .........
فممكن تكون عربيتك كان فيها عيب أو مش 100 %
بس لو هي عربية ردئية مكنتش حصلت في أوروبا على جوائز و باعت أكتر من 5 مليون عربية .

في حاجة عايز اوضحها علشان نقدر نفرق بين منتجات الصين, أي صناعة نامية بتمر تدريجيا ب4 مراحل من التطور و هم:
1- المرحلة الاولة هي تقفيل او تجميع منتجات لشركات اخري و بيكون تجميع فقط تحت اسم الشركة الام. 2- المرحلة الثانية التقليد الكامل او بتعديل بسيط يعني اشتري التصميم او المصنع بتاع شركة تاني و عادتا بيكون القديم و اصنع المنتجات بتاعتها تحت اسمي انا ( مشكلة بعض الشركات الصيني انها مش بتشتري دية بتسرق التصميم). 3- المرحلة الثالثة هي التصميم و التصنيع بالاستعانة بتصميمات لبعض الاجزاء او شرائها من شركات مختلفة و طبعا كل لما الشركة تعتمد علي نفسها اكثر يعني تطور اكبر. 4- المرحلة الرابعة النضج يعني زي اليابان و المانيا و غيرهم الي بيبتكروا و بيخترعوا و العالم بيقلدهم , و في المرحلة دية الشركات الجيدة بتكبر و السيئة بتنكمش لحد ما تختفي.
لاو جيت تقيم المنتجات الصينية بالطريقة دية هتلاقي بعضها في المرحلة الاولي و الثانية و الثالثة يعني مش كلة زي بعضة و دة طبيعي لصناعة بتنموا بسرعة الصاروخ.

الموضوع مش موضوع مراحل بس .
الموضوع أن الصين و في أغلب الأحوال لا تهتم بالأسم ...... بمعنى هو أهم حاجة عنده يبيع و خلاص ...
بعكس دول تانية عندها سياسة الجودة من أهم ما يكون و بتهتم أنها تعمل أسم تجارية
زي كلمة صنع في اليابان ....... صنع في دولة أوروبية ....... حتى تايوان ...... أسمها أفضل من أسم الصين .
فالموضوع موضوع الحالة النفسية للعميل .......
زي مصر
متعودين نقول على صناعتنا وحشة .......ز مع أن فيه تطور كبير حصل في الصناعة و فيه دلوقتي مصانع مش بتصنع غير للتصدير و التصدير لمين ....... أوروبا و أمريكا الصهوينية ....... اللي عندهم معايير جودة لازم توفرها فيا لمنتج بتاعك علشان تقدر تبيع و تصمد في السوق .
و مع كل ذلك .......................................... كله بيشتم في صناعة مصر ........ إنما الألسنة طويلة لو أتكلمت على الفوضى اللي فيها .
ما علينا خرجت برة الموضوع .
المهم أن الصين مشهورة بعدم وجود جودة في أغلب منتجاتها و ده علشان أغلب منتجاتها من الحاجات الرخيصة اللي ملهاش أي معايير جودة .
بالاضافة لموضوع التقليد الأعمى و سرقة الأفكار عيني عينك و عمل عربيات لخبطة في لخبطة .......
فيه بعض العربيات الصيني لما تبصلها تحس أنها متلزقة مع بعض في الحرفيين و ده لا ينطبق على الكل و لكن الأغلبية .........
و مفيش شركات في العالم بتعمل كدا إلا ااالصين ........ علشان كدا كلمة صيني دائما بتعني الرداءة ........ و لكن في رأيي الشخصي ....... أن البرليانس كماركة و معاها شيري ....... معقولين .

نرجع لموضوع ال frv انا متفق انها مش في جودة الالماني و لا الياباني المصنع في بلادة بس في رأي العربية ممتازة جدا و احسن من عربيات معروفة كتير و انها افضل عربية في فئة ال 75000 ج و دة من ناحية الشكل و الاداء و حتي التقفيل فاضل الاستحمال الي محدش يقدر يحكم علية بس رأي كونها تصنيع بافاريا الصين و ضمان 3 سنين من شركة محترمة حاجة تطمن.

ربنا يباركلك فيها ...... و هي شكلها عربية كويسة فعلا ....

علي فكرة دة رأي في الموضوع بامانة , صحيح انا عندي frv بس هيا مش واحد من اهلي, بلاش نقول نفسنا نصنع زي الصين علشان دة مستحيل يا ريت بس نعرف ننقد صناعتهم بطريقة سليمة أو حتي نجرب قبل ما ننقد او حتي نحترم أراء بعض.

و لو أني لم أنطق بمثل هذه الكلمات .........

و لكن مصر تستطيع أن تفعل مثل الصين و أكثر .......... لو خلصت النوايا .......... و تفتحت الأمخاخ للعمل و الأجتهاد .

أما موضوع الأنتقاد .........
يعني أيه ننتقدهم صح ؟؟؟؟؟؟؟؟؟؟؟؟؟؟؟
بصراحة مش فاهم .....
أصل الموضوع هنا بيهم أغلب الناس أنها بتدفع فلوس و بتركب عربية يعني أمان ........

يعني فيه ناس بتخاف خصوصا أن أغلب العربيات الصيني ( أغلب و ليس الكل ) ...... شكلها ما يدلش على أنها عربيات أمان خالص .

[smax]

وأخيرا مستني تعليقاتكم على الموضوع ده وكل واحد يدلوا بدلوه وشكرا

طبعا دية فيديوهات مرعبة بس خلي بالك فيديو البريليانس دة قديم و قبل التعديل و العربية اتعدلت و اخذت 3 نجوم و اللينك بتاع الجالينا و بتاع السبليندور و اللينكات الاخيرة لبعض السيارات الصيني الجيدة تحت:

gallena after modification

http://www.youtube.com/watch?v=bPw26Nfze_Q

splendor

http://www.youtube.com/watch?v=zoULph4w8No

http://www.youtube.com/watch?v=QQ9SHxPt8Fc&feature=related

byd f3

http://www.youtube.com/watch?v=yAskckqdCLk

cherry

http://www.youtube.com/watch?v=EYn2Q4OGWYg&NR=1

http://www.youtube.com/watch?v=FnXT1agrus4&feature=related

اعتقد كدة يعني في عربيات سيئة و عربيات اخري جيدة.

[tutankhamoun]

الثلاثة نجوم دول في اختبار الصين .............

العربية مدخلتش أختبار أوروبي و نجحت .......

و طبعا اللي خلى الناس مش واثقة في العربية الصيني نفسها ........ هاتثق في الأختبار بتاعهم ؟؟؟؟؟
خصوصا أنه أقل في المواصفات من الأختبار الأوروبي و غير معترف به عالميا .... بعكس الأختبار الأوروبي اللي أغلب الشركات بتعتمد عليه في التقييم الأمني لسيارتهم و دخول هذه السيارات لبعض الأسواق من عدمه بناءا على الأختبار الأوروبي ......

و الأختبار الصيني معلش ........ زيه زي العربية .........
اللي أعترف به و العربية تبقى على رأسي من فوق ......... لما تدخل الأختبار الأوروبي و تحصل على الأقل على 3 نجوم ...... مش أقل من كدا ...... و في الأختبار الأوروبي مش الصيني .

و تحياتي لكم جميعا .

[cobraa2008]

لو سمحتم انا شايف ان العربيات الصيني بشكل عام وخدا وضعها في مصر فقط


لو روحنل للسعودية الشركة الصينية فتحت هناك وسعر العربيات في الارض والخامات افضل من هنااااااااااااا بكتيرررررر واسعارها رخيصة جدا

لكن المعرض لا يدخله احد الا المصريين ليه موش عارف

اما في مصر نجد ان اي معرض سيارت لا يخلو من صيني والكل بيتفاخر ان معاه صيني



معلش الصيني صيني ولو ركبوله ماتور ياباني وعفشة الماني وشاسيه ايطالي

[cobraa2008]

quote=smax;971924]rda aly klam twt basha: Awla lys kl ma hw syny asyl sy'a w aly sbyl al-mthal hawawy shrk'h synyh btsn' shbkat mhmwl , ajhzh antrnt mkhtlfh w sntralat w tlyfwnat w al-shrk'h dyh asbht nmrh 2 aly al-alm b'd ayrykswn al-zymh w kman andk lenovo, haier w akyd fy hajat tanyh. ( quote=smax;971924] بلاش نقول نفسنا نصنع زي الصين علشان دة مستحيل يا ريت بس نعرف ننقد صناعتهم بطريقة سليمة أو حتي نجرب قبل ما ننقد او حتي نحترم أراء بعض.

انا قلت الكلام ده علشان عارف ان احنا ممكن نصنع زي الصين بل وافضل من الصين بس ده لو حد عند قلب جامد

على العموم ايه اللي ناقصنا علشان مانعرفش نصنع زي الصين
1- العمالة ( عندنا بالهبل وشوفهم على القهوة في اي حته في مصر للساعة 3 الفجر)
2- رأس المال( اتفرج على الولات اللي ببتفتح كل يوم ولا كل مصنع بينشأ كل يوم

3- المكان المناسب( موجود الصحراء بالعبيط)


اعتقد ان مافيش مشكلة ان احنا نصنع بس المشكلة ان احنا خايفين ان احنا نصنع علشان احنا شايفين ان في نفس افضل واحسن مننا في كل حاجة طب ما نسبها تصنع واحنا خاسرنين ايه



لا خاسرنين انهم قاعدين يطلعوا خطوة قدام واحنا بنرجع 100 لو ورة


وانا بقالها لو تم تنصنيع عربية مصرية او حتى عربية تمت سرقت التصاميم من الف شركة اخرى



هافتخر بهذه العربية زي ما انتم فارحنين بالصيني كده




وشكرا

( لا اقصد الاساءة)

[Terrible_DaRsH]

الفيديو بتاع العربية البريليانس ده صعب اوى ..

يا ساتر يارب .

[memo_p910]

الثلاث نجوم فعلا ده اختبار صيني لأ وكمان مزيفين الاسم بتاع الاختبار الاوروبي من ncap الى ncep

[Ghost2]

طيب خلينا بس نفهم الناس موضوع الاختبار الاول



1- الاختبار ده عشان العربية تنزل السوق الاوربي فقط
2- لو العربية منجحتش في الاختبار مش بتدخل السوق الاوربي
3- هل المواصفات اللي بتجيلنا مصر هي فعلا مواصفات اوربي
4- اذا كان الخليجي بمواصفاته دي اللي مش بيجيلنا مصر هو نفسه اقل من الاوربي والامريكي
5- يعني كده كده مفيش عربية صيني امان

ركزو شوبة في السرعات المذكوره ... يعني لما تكون عربية على سرعة 50 كم ويحصل فيها كده .. امال 90 بقه هيحصل فيها ايه

احسبوها صح واللي بيشتري عربية دي للعمر ...خلونا ندفع فلوس للي يستاهل

[أبو عمار المصرى]

أنا كان معايا a11 شيرى و الحمد لله بعتها بالعافية بعد ما عملت 12000 كيلو فقط و أعترف أنن أخطأت عندما دافعت عن الصينى فى هذا المنتدى و موضوعى كان معروف جدا هنا و لكن أحب أقولكم أن السيارة جابت شكمان و فتيس و شخللت من كل ناحية و عندما ذهبت للتوكيل قال لى بالنص ....... إحنا مش هنصرف على الصينين و مش هنصلح ببلاش رغم أتها فى الضمان طبعا

معذرة للفظ اللى هأقوله بس كل الصينى زبااااااااالة

[khaledazizeg]

معذرة للفظ اللى هأقوله بس كل الصينى زبااااااااالة

ياريت حضرتك ماتجمعش
ماتجبش عربية ب50000 جنية لعربية ب80000جنية
طيب ما فيه عربيات كورى وحشة هل معنى كدة ان كل الكورى وحش ؟؟؟
لا
يبقى حضرتك ماتجمعش

[Ahmad Allawy]

يا خبر ابيض..
بعد متابعه فظيعة للصفحات ال11 للموضوع..
احب بس اسجل وجهة نظر متواضعه.. و رأي بسيط في الموضوع..
العربية الشيري 113 السيدان اللي مش عارف اسمها ايه.. سيئة اخر حاجة في الدنيا..
وده عن تجربة مع قرايبي.. و ندمانين اشد الندم علي شراها اصلا.. مفيش حاجة فيها عدلة..
اما الهاتش باك.. شكلها انضف طبعا.. بس الموضوع مش شكل و بس..

نيجي للبريليانس.. لما كانت ب 70 الف جنيه.. كانت مناسبة لسعرها.. و ممكن نقول علي قد فلوسها..
علي الاقل لحد دلوقتي ماشية كويس.. مفيش فيها شكاوي مريرة زي موديلات تانية كتير في الصيني..
لكن اسف لما يبقي تمنها 80 الف و 90 الف ده يبقي تهريج.. و ابقي انا باهرج اكتر لو اشتريت عربية صيني فرق سعرها عن عربية اوروبية المنشأ زي اللوجان.. ولا عربية يابانية المنشأ زي الصني.. او غيرها او غيرها.. كلام فارغ..
ابقي باجازف بفلوسي.. دي وجهة نظري..
وموضوع الامان.. كل العربيات في مصر في الفئة الاقل من 130 الف جنيه مفيش فيها اي نوع من انواع الامان اللهم الا الاير باج.. لكن اي نوع امان في الفرامل.. للأسف مفيش.. و كل العربيات دي ضعيفة.. و يمكن كل اهتمامات المضنع للعربية في الامان الفرامل و الاير باج.. مش زي مصنعين كبار وهو بيصمم العربية بيبقي عامل حساب اماكن انهيار الشاسيه و البودي عشان يوجه العربية انها لما تتخبط متموتش اللي قاعد جوة (و الاعمار بيد الله طبعا) لأ و الموتور ينزل ازاي عشان ميدخلش جوة الكابينه .. و الكلام الكبير ده..

الخلاصة.. انا واحد من الناس اللي مش بتفكر تشتري عربية صيني غير لما اشوفها ماشية في الشارع 4-5 سنين. و اشوف شكاوي الناس عنها بتقول ايه.. مش في اول سنة ولا 20-30 الف كم..