السيارات الصينيه سيارات فاشله

[Mostafa Hessen]

بجد يا استاذ مصطفى انتا من احسن الناس الى اتعاملت معاهم فى احترامك وادبك وزوقك

عزيزى خالد
انه لمن دواعى سرورى وفخرى تلك الكلمات التى اثنيت بها على والتى اتمنى ان أكون أهلا لها
ونحن هنا فى المنتدى وجهه حقيقية لمجتمعاتنا والتى نود ان نظهرها فى أجل صورة,
ومما لا شك فيه أن الحوار الهادئ هو ما نصبو جميعا إليه حتى يتحقق الهدف من هذا الصرح الكبير منتدانا العزيز
لذا فيجب أن نتحلى جميعنا بروح الود والتفاهم والحوار ...
لك منى كل التحيه والتقدير والإحترام ...
وتلك المداخلة اعتبرها وساما على صدرى
وحقا فالواصف أفضل من الموصوف...

[Mostafa Hessen]

انا عايز اقول لحضرتك حاجة
واحد صاحبى معاه فولكس جيتا 2009
العربية وهوا على الطريق الصحراوى واحد زنق عليه لغاية اما دخل فى رملة والعربية اتقلبت بيه 3 مرات
العربية بقت كفته وال طلع سليم منها الكاسيت بس
وكمان الايرباج ما اشتغلتش غير واحدة بس
وكمان هوا عنده كسر فى رجلية وايديه وكمان كسر فى فقرة فى العمود الفقرى واهوا مرمى فى المستشفى
والمفروض ان ديه فولكس المانى
انا فى الاخر بقول ان احنا ماشيين بستر ربنا
يعنى لو ماشى بعربية مصفحة وربنا كاتبلك انك هتعمل حادثة يبقى هيحصلك حادثة
سيبوها على ربنا

عزيزى خالد
حقا أن الحافظ هو الله وصدق الله اذ يقول (لكل أجل كتاب ) صدق الله العظيم
وحقا أن لكل حادثة ظروفها وربنا يسترها معانا
وعن جد الحمد لله انا بعشق البريليانس ال frv جدا فهى سيارة تحترم جدا وان عدت لقرارا الشراء لشتريتها
وفى بقة حاجة بسيطة أقولها للناس اللى بتقول ان العربية مش بتتسوق فى اوروربا
اكيد الجميع سمع عن مسلسل ميرنا وخليل فى حلقة قام فيها خليل اللى هو مهند فى مسلسل نور بإعطاء عامل فى كافتيريا ليقوم بركن سيارته ولنتوقع نوع السيارة
كانت frv فضى (بيقلدنى )هههههههه ...
والمسلسل تركى يصور فى تركيا ومعنى ذلك أن تكون مع ممثل بذلك ألحجم أن السيارة أخذت طريقها للإنتشار
بجانب أن المتابع للدورى الألمانى سيجد اعلانات عن السيارات البريليانس,,,
ولندع الأيام تقول كلمتها ..
لك ودى وتقديرى

[Mostafa Hessen]

وبعدين طيب ما هى الجيتز لما خبطتنى البريلينس frv1600 عربيتة اتدمرت خالص ومابقتش عربية
وكفاية انه نزل متعور وانا الحمد لله طلعت سليم مافيش فيا خدش حتى
ربنا هوا الى بيستر

الحمد لله على سلامتك ويا ترى استلمت عربيتك ال 1600 وواضح انها عين حسود ربنا يحميك منها
وياريت تتعود كده لما تركب عربيتك تتحفظ على نفسك وعلى عربيتك

[tutankhamoun]

يا جماعة الوسائد الهوائية اللي في التابلوه مش بتفتح إلا بالأصطدام الأمامي .......يعني لو العربية أتقلبت بالجنب ..... مش هاتفتح .
اختبارات الامان بتتعمل للأصطدامات الامامية و الجانبية فقط .........

ثانيا كل حادث و له ظروفه ........
و أختبارات الامان دي بتم علشان تقلل نسب الوفيات أو التلفيات الإنسانية اللي ممكن تحصل بسبب الحادث .
و مفيش عربية حاصلة على 5 نجوم .......... أمان 100 % و لكن عربية حاصلة على 5 نجوم بتكون أحسن من عربية فشلت في الأختبار .
لأن معدل التلف أو الأصابة الأنسانية أعلى من العربية اللي أجتازت أختبارات الأمان .

و في النهاية :
اللي يسوق محترم و بسرعة مناسبة لسرعة الطريق و كثافته .......... ده اللي معدل سلامته أعلى من واحد متهور عاملي فيها مايكل شواخر و شغال غرز و قلة ادب و سرعات عالية ....... حتى لو راكب مرسيدس .........

يبقى في النهاية :
عربية معدل أمانها عالي + سواقة محترمة = أمان عالي
عربية معدل أمانها عالي + تهور = موت و اصابة بنسبة عالية جدا

عربية ليس لها معدل أمان + سواقة محترمة و الأبتعاد عن الأخطار = أمان و سلامة محققة .
عربية ليس لها معدل أمان + سواقة متهورة = موت محقق و خراب ديار .

و السلام عليكم و رحمة الله و بركاته

[khaledazizeg]

عزيزى خالد
انه لمن دواعى سرورى وفخرى تلك الكلمات التى اثنيت بها على والتى اتمنى ان أكون أهلا لها
ونحن هنا فى المنتدى وجهه حقيقية لمجتمعاتنا والتى نود ان نظهرها فى أجل صورة,
ومما لا شك فيه أن الحوار الهادئ هو ما نصبو جميعا إليه حتى يتحقق الهدف من هذا الصرح الكبير منتدانا العزيز
لذا فيجب أن نتحلى جميعنا بروح الود والتفاهم والحوار ...
لك منى كل التحيه والتقدير والإحترام ...
وتلك المداخلة اعتبرها وساما على صدرى
وحقا فالواصف أفضل من الموصوف...

بالعكس الوصف اقل من الموصوف

[Ghost2]

خلونا نتكلم بصراحة في فرق بين عربية نجحت وعربية انتشرت
يعني المستهلك المصري هو مستهلك الفئه السعرية وليس مستهلك سيارة محسوب نوعيتها تبعا للاحتياجات او الوكيل او حاجات تانية كتير
هي انتشرت لانها عربية في abs , airbags , ebd والكلام ده كلة في عربيه ب 60 الف ... هل ده منطقي يبقى اكيد في حاجه غلط اذا كانت الناس بتقول على النيو سيراتو ان سعرها شوية على قيمتها يبقى فيها حاجه مع انها عاملة 126 الف ... طيب بالذمة بقه يبقى كلام ناس عاقلين اني اشتري عربية لما اجي ابيعها اقعد اتحايل على الناس تشتريها وبالذمة اضحي بالعربيات التانية زي الياباني وخلافة او الكوري مثلا كحد ادني .
وبعدين في حاجه تانية شوية الكماليات اللي انتو بتشوفوها دي هي اقل حاجه بتتكلف جوا العربية يعني المفروض ان عوامل الامان هي اللي بتصرف ... معنى كده ان الجودة صفر .... طيب انا ايه اللي يجبرني اعمل كده ... ويصراحة انا شايف ان عربية العام 2009 هي هوندا سيتي الشكل الجديد وعلى فكرة نسيبي معاه سبيرانزا لو انا راكب معاه وقالي سوق مبرضاش ويقولي انا تعبان تعالى سوق بقوله لا مش ساقها لو هتكبهالي في الشهر العقاري حتى ,. انا فعلا بخاف من الصيني .. وفي الاول والاخر هي وجهات نظر يا ريت محدش يزعل

[smax]

طبعا كل واحد لية رأية و لولا اختلاف الازواق لبارت السلع:
-الي بيقول الصيني كلة رديء:
علما اننا جميعا بمختلف قدراتنا المادية نمتلك منتجات صيني مختلفة اكثر من اي منتج اخر, طبعا في منها منتجات ممتازة و منها منتجات رديئة.
اعتقد ان التعميم و الحكم بان الصيني كلة رديء بدون تجربة او حتي بتجربة منتج واحد فقط يعتبر حكم متسرع و مبني علي عامل نفسي بشكل كبير.
مثلا انا كان عندي عربية بونتو موديل 2000 من الزيرو و كانت عربية رديئة مينفعش اقول علي كل الايطالي ردئ اقول علي البونتو فقط لاني جربتها و طلعت عيني.
بعد ما بيعت البونتو اشتريت frv من 8 اشهر و اقدر اقول انها ممتازة و اداءها احسن من البونتو في كل حاجة,الاستحمال هو النقطة الوحيدة الي لسة مقدرش احكم فيه, و طبعا دة لا يعني اني اقول علي كل العربيات الصيني اداءها ممتاز.

- الصيني بتاخذ تصميم او بتصنع المحرك من حتة و العفشة من حتة و الشاسية من حتة و التكييف من حتة تاني!
أولا مش الصين فقط الي بتعمل كدة الي اعرفة ان الدايو محرك GM, الهيونداي لحد قريبا جدا محركات و شاسيهات تصميم ميتسوبيشي و البروتون الويرا كلها ميتسوبيشي لانسر و الجين 2 لوتس,الاوكتافيا محرك الباسات و الجيتا و عافشة الجولف, الابيزا و الفيليشيا نصفهم فولكس فاجن, بداية البورش كانت علي تصميم شاسية البيتلز ,اول lexus كانت مستوحا من المرسيدس الشبح............
يعني دية حاجة عادية عند مصنعين السيارات و اعتقد انها مش عيب ممكن تكون ميزة لوا تم الجمع بين اجزاء مناسبة من محترفيها: مثال التصميم الايطالي الاجمل, المحرك و الفيتيس و التكيف الياباني الانعم و الاكفاء, العفشة و الشاسية الالماني الاقوي و الاثبت علي الطرق و دة موجود في الfrv.
بفكركوا كل دة جميل يبقي الاستحمال الي لسة محدش يقدر يحط كل الصيني في سلة واحدة و يحكم عليهم كلهم زي بعض.

[tutankhamoun]

طبعا كل واحد لية رأية و لولا اختلاف الازواق لبارت السلع:

أكيد و كلام مظبوط يا باشا .

-الي بيقول الصيني كلة رديء:
علما اننا جميعا بمختلف قدراتنا المادية نمتلك منتجات صيني مختلفة اكثر من اي منتج اخر, طبعا في منها منتجات ممتازة و منها منتجات رديئة.

أعتقد أن أغلب المنتجات الصيني ذات الأصل الصيني أغلبها و إن لم يكن كلها رديء بعكس التجميع لماركة معروفة أو حتى التصنيع تحت إشراف الشركة الأم الأصلية و هو ده سبب سوء سُمعة الصين .

اعتقد ان التعميم و الحكم بان الصيني كلة رديء بدون تجربة او حتي بتجربة منتج واحد فقط يعتبر حكم متسرع و مبني علي عامل نفسي بشكل كبير.

امممممم .......... ممكن ........ و لو أن التجربة هي خير دليل و سمعة الصين في العالم كله معروفة في الصناعة على أنها رديئة ...

مثلا انا كان عندي عربية بونتو موديل 2000 من الزيرو و كانت عربية رديئة مينفعش اقول علي كل الايطالي ردئ اقول علي البونتو فقط لاني جربتها و طلعت عيني.

البونتو اللي حازت على جائزتين في أوروبا لأفضل سيارة في فئتها ........ البونتو أشتريت منها أثنين بسبب أنها كانت سيارة ممتازة ........
البونتو صاحبة أكبر مبيعات لشركة فيات في العهد الحديث ........ البونتو اللي عملت رقم 5 مليون من سنتين تقريبا .
أنت هنا بتعمم تجربتك على البونتو كله .......

بعد ما بيعت البونتو اشتريت frv من 8 اشهر و اقدر اقول انها ممتازة و اداءها احسن من البونتو في كل حاجة,الاستحمال هو النقطة الوحيدة الي لسة مقدرش احكم فيه, و طبعا دة لا يعني اني اقول علي كل العربيات الصيني اداءها ممتاز.

أنا متأكد أن العربية الصيني frv أدائها حلو ,,,,,,,,, و لا يقارن بالبونتو ....
عربية 1600 ....... و عربية 1200 ......... بتقارن أزاي يا راجل ؟؟؟
شركة برليانس بتشتغل مع بي أم من زمان ,,,,,,,, و أنا شايف أنها عربية حلوة ...... ووكيلها محترم و كبير ,,,,

- الصيني بتاخذ تصميم او بتصنع المحرك من حتة و العفشة من حتة و الشاسية من حتة و التكييف من حتة تاني!
أولا مش الصين فقط الي بتعمل كدة الي اعرفة ان الدايو محرك gm, الهيونداي لحد قريبا جدا محركات و شاسيهات تصميم ميتسوبيشي و البروتون الويرا كلها ميتسوبيشي لانسر و الجين 2 لوتس,الاوكتافيا محرك الباسات و الجيتا و عافشة الجولف, الابيزا و الفيليشيا نصفهم فولكس فاجن, بداية البورش كانت علي تصميم شاسية البيتلز ,اول lexus كانت مستوحا من المرسيدس الشبح............
يعني دية حاجة عادية عند مصنعين السيارات و اعتقد انها مش عيب ممكن تكون ميزة لوا تم الجمع بين اجزاء مناسبة من محترفيها: مثال التصميم الايطالي الاجمل, المحرك و الفيتيس و التكيف الياباني الانعم و الاكفاء, العفشة و الشاسية الالماني الاقوي و الاثبت علي الطرق و دة موجود في الfrv.
بفكركوا كل دة جميل يبقي الاستحمال الي لسة محدش يقدر يحط كل الصيني في سلة واحدة و يحكم عليهم كلهم زي بعض.

لا ياباشا .......................
فيه فرق أن الصين تسرق تصميمات ......... و بأن الشركات تتعاون مع بعض و تشتري تصميمات أو تشتري صناعات مغذية .
بمعنى فعلا مفيش شركة في العالم بتصنع العربية من أ إلى ي ............
كل شركة لها موردين ......... أشي فوانيس و أشي أسلاك كهرباء و أشي لمبات و أشي ............... الخ

الصين وضع مختلف ......
الصين بتسرق تصميمات العربيات بالحرف .......... مفيش أبتكار ........ مفيش تصميم لمحرك صيني ....... مفيش تصميم لشاسيه
يعني بروتون مثلا :
صممت عربيات خاصة بها بعد ما خلصت الأتفاق مع ميتسوبيشي .......... يعني أولا مكنتش سارقة حاجة من ميتشوبيشي بعكس الصين اللي كل يوم نسمع عن قضية حقوق ملكية في العربيات مرفوعة على شركة من شركتها .
المهم بروتون صممت الموتور و الشاسيه و العربية كتصميم ذاتي ملك لها .......
و بعدين بقى صنعوا الموتور و الشاسيه و الصاج ........ و بقية المكونات على الموردين زيها زي أي شركة في العالم زي مرسيدس أو بي أم دبليو ..... أو تويوتا .
دايو مثلا كانت مملوكة لجي أم ......... و بالتالي في تعاون تكنولوجي بينهم و تم تصنيع محركات الأوبل القديمة في كوريا بالأتفاق مع الشركة صاحبة التصميم الأصلي .....
الصين بتسرق أولا التصميمات ......
أو تعمل عربية لخبطياتاه ..........
تسرق تصميم خارجي من هنا ...... و بعدين تروح تجيب موتور مش عارف منين ....... و بعدين شاسيه مش عارف منين و بعدين تكمل بقية الليلة على هذا المنوال ......

طبعا الكلام ده مش بينطبق على كل الشركات الصيني و لكن أغلبهم .
الشركتين اللي أنا شايفهم ماشيين معقولين في مصر
أسبرانزا ............ و برليانس ............

[midomasry]

medo1986[/b];962796]....فعلا سيارات صينيه فاشله

مش انت اللي من كام شهر كنت بتقول في قصايد مدح في الصيني ومتانتة و راحتة و شياكتة و ان عندكم3 عربيات صيني سبيرانزا و تيجو
و ان السبيرانزا اشيك من البي ام و افخم من اللانسر من جوة

[midomasry]

طبعا فاكر اسمك التاني وللا تحب اقولك علية

متهيألي كدة أفتكرتة؟؟

[MEDO1986]

شكرا لردودكم المفعمه بالاستفاده بس انا عمرى ما اتكلمت عن الاسبيرانزا وقولت عندنا تلات عربيات منها انا اصلا مشترك فى المنتد ى من قريب مش من زمن حضرتك شوف الاسم حلو مش هيطلع انا انا اشتركت فى المنتدى عشان حبيبتى نيسان وانا استلمتها 1/6/2009 يعنى مشترك من حوالى شهر ونصف انت بقى بتقولى هفكرك وافتكرك صينى مين ياعم هيا واحد اسبيرانزا516 وخسرت فيها 20000ج وطلعت عينى وابن عمى كان معاه بريليانس وباعها وخسر29000ج والحمدلله العيله كلها راكبه يابانى فعلا سيارات صينى فاشله ..... ويا خوفى الصين عماله تلعب بعقول المصريين بالمظاهر مش مشكله ههه يلبس

[MEDO1986]

لقد خالفتم القاعده رقم 13 من قواعد وقوانين المنتدي ونصها كالتالي
-ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
وبناء عليه فقد حصلتم علي تحذير
مشرف عام 1

[Mostafa Hessen]

أعتقد أننا يجب أن نتحلى أكثر بضبط النفس وإلا ستخرج الأمور عن نصابها الصحيح

[midomasry]

لقد خالفتم القاعده رقم 13 من قواعد وقوانين المنتدي ونصها كالتالي
-ممنوع تماما التهجم أو التهكم أو شخصنة الحوار بين الأعضاء فى المنتدى سواء بالإهانة او السخرية او ايه اساليب مشابهة.
ستعامــل هــذه المشاركـــات بالحــذف
وبناء عليه فقد حصلتم علي تحذير
مشرف عام 1

[cobraa2008]

اعتقد انكم تكلمتوا بما فيه الكفاية عن الصيني واحنا في مصر والعالم العربي عارفين ان الصيني لا يقارن ب(الياباني الكوري الالماني او حتى الروسي) المهم انا شايف انها عربيات لها فترة صلاحية قصيرة بخلاف الاخيرين

اه بنسمع ان المواتير من حطه بس بصراحة هما حرامين علشان مافيش شكل او تصميم لعربيتهم

المهم انا عايز اقول
(الصين افضل مننا في كل حاجة لدرجة انهم خلونا نتخانق مع بعض على شوية حجات تافههههه
المهم ليه ما نفكرش لو مصر عملت عربية كانت هاتبقى افضل من الصيني او لا وهل كنت هاتشتريها او لا

مع اني عارف اني التقفيل المصري زباااااااااااااااااالة
فما بالكم لو تم تصنيع عربية هاتبقى افضل من الصيني او لا




وشكراااااا