السيارات الصينيه سيارات فاشله

[khaledazizeg]

دى تجربه للعربيتين اسبيرانزا وشيرى ايه رايكم فى سخونة الموتور اللى ممكن تولع فى الكابينه ايه رايكم فى الدريكسيون بعد سرعة 120ك ايه رايكم فى تقفيل العربيه ايه رايكم فى اسعار قطع الغيار

هوا حضرتك موجود البريلينس والا الاسبيرانزا ؟؟
انا على العموم احب اوضح لحضرتك حاجة انا ماقدرش اقول رايي فى الاسبيرانزا او الشيرى الا اما اسوقهم على الاقل شهر كامل عشان احكم عليها حكم نهائى واعرضها على جميع الظروف سواء كانت شوارع مكسرة او سرعات عالية ....الخ
بالنسبة للسرعة ال120 كم
انا بالبريلينس كنت مسافر بيها الاسكندرية وكان معايا 5 أفراد وكنت مشغل التكييف وكنت ماشى على 190 كم\س
ومكانش حد حاسس خالص
ووالدى كان قاعد جانبى ومكانش حاسس كان فاكرنى ماشى على 120كم\س لأنه لو كان حس انى ماشى على 190 كان ماخلانيش اركبها تانى
بالنسبة للتقفيل انا شايف انه جيد
واسعار قطع الغيار
انا عملت حادثة بال1600 يوم ماكنت رايح استلم ال1300
وعملتها برا وكانت محتاجة مساعد
مركز الخدمة قالى ان المساعد بتاها موجود بتاع الجولف 4
او بتاع الجيتا بس الحمد لله ربنا كرمنى وماغيرتهوش خالص
وحاجتها الحمد لله موجودة
وربنا يباركلى ويبارك لكل مالكيها ويعطيهم خيرها ويكفيهم شرها

[khaledazizeg]

وشوف انت هتغير كاتينه على كام الف كيلو وشوف اليابانى هيغيرها على كام فى اليابانى ملها وقت محدد مفتوح عندك انت فى الصينى 30000ك وتتقطع الكاتينه وروخ بقى غيرها 2500ج يا جماعه انا تعبيت بجد كفايه كدا وانتو قررو براحتكم بس خليكم عارفين انكم بتدفعو تمن المظهر وبس مع ان فلوسك اللى هتدفعها فى الصينى تركبك يابانى تكسر بيه الاسفلت وارجو ان ردودكم تكون رحيمه عليا دى مجرد ارااء عشان محدش يدبس فى صينى شكرا

ممكن اسئلك سؤال انتا كنت بتروح الصيانة الدورية بتاعت كل 5000كم

[khaledazizeg]

اولا انا لا متحيز للصيني و لا واقع في حبه و كمان انا من اشد المعارضين للفرنا (انا 2 من عائلتي ماتوا فيها هي عباره عن علبه سردين ولا امان ولا يحزنون فين الامان اللي بتقول عليه دا!!!!!!!!!)
و كل الناس بتقول علي متورها العفريت في علبه الكبريت.... و انها فرامل مفيش بعد ال 100 و كلام ملاك مش بجيبه من بره...
لو سعادتك مش عاجبك اراء الناس دا براحتك لكن النبره اللي ببتكلم بيها اولا لا تليق بمنتدي بنطلب فيه النصح و لا دا كلام واحد بينصح اصلا.....
و يا ريت زي با بنحترم ردك تحترم رد الناس...
و شكراً في كلا الحالات على مشاركتك

اولا احب اعزيك فى الاتنين الى ماتوا (البقاء لله)
ثانيا كلام حضرتك سليم 100%
الفيرنا موتورها فوق الممتاز بس المشكلة ان مافيهاش اى عوامل امان خالص

[x_gomgom]

و نعم بالله إنا لله و ان ايه راجعون... الحمد لله
العربيه الفرنا دي زي الورق المقوي لو شفتها يا استاذ خالد بعد الحادث و مكنتش هتعرف وشها من ضهرها....
انا اول مره في حياتي اشوف جنوط مكسره لمجرد انها فرملت !!!
عامة حسبي الله و نعم الوكيل في الناس اللي بتلعب بأرواح الناس و بتعتبرها تجاره عشان ينزلوا عربيه رخيصه يشيلوا منها كل حاجه و يسيبولك موتور كمان متعرفش تفرمله...
الحمد لله علي كل شئ و شكرا لكم جميعاً

[Mostafa Hessen]

بجد ذوق و ادب عاليين جدا يا استاذ مصطفي انا معجب جدا بطريقتك في الحوار بجد تنم عن شخص محترم جدا جدا جدا

والله انت اخجلتنى بردك
وعن قناعة وبلا مبالغة الجميع فى المنتدى يجب ان يتحلوا بروح الصبر والتفاهم فى الحوار لكى نصبوا جميعا لما نريد من أن تعم المنفعة الجميع...
ولك كل الشكر على تلك الكلمة

تقبل تحياتى ومرورى المتواضع لشخصكم الكريم .

[Mostafa Hessen]

يا جماعه شكرا لمشاركه جميع الاعضاء

الواقع بيفرض نفسه

الاسبرانزا 516 و113
والبريليانس frv
من


انجح السيارات الصيني في مصر

وقريبا التيجو 1600


يا جماعه انا مش مندوب مبيعات ولا حاجه

بس انتشار التلات عربيات اللي انا زكرتهم دول اكبر دليل ان ليهم سوق حلو

وعلى فكره انا متابع اسعار اعاده البيع في سوق الجمعه

واسعار بيع الاسبرانزا جيده



انا معاكم ان توكيلها سئ جدا

بس اتصرف بره التوكيل خصوصا ان قطع غيارها في جسر السويس وشارع دمشق وعين شمس مرطرطه ورخيصه


واختبار ات التصادم الاوروبي عارفين على سرعه كام

64كم بس

والصيني يا سمعه المتفبركه 000اهو يا عم من غير حضرتك00000

56كم الفرق مش كبير



وانا سيارتي بكرر عامله 42000 كم وبقالها سنتين وزي الفل


انا يا جماعه ركبت قبل السياره ده حاجات كتير من اصحابي
كرولالانسر صني اوكتافيا بي ام الفئه الخامسه لانوس فرنا

وبجد العربيه محترمه جدا وسعرها مغري

وعلى فكره الخليج بينزلو عربيات تتحمل الظروف القاسيه هناك

ال516 بتتباع في السعوديه بسعر 40000ريال سعودي تقريبا بنفس تمن الكرولا والانسر والناس هناك مش عبيطه ولا سهل يضحك عليهم

بس فعلا العربيات هنا في مصر بتتباع باعلى من سعرها الدولي


مثلا اللوجان الروماني ب72 الف والمغربي اللي من غير جمارك ب62 و68 الف حاجه جشع تجار




وزي ما حصل تجربه سيئه مع صاحب الموضوع في الاف ناجحه


وده بيحصل في ماركات كتير مثال الاوبترا


وانا والله العظيم

النهارده راكب مع لانسر تاعت صاحبي تكييفها سئ للغايه لدرجه ان انا معتيا اسبرانزا احسن منه وكان معانا واحد معاه لانوس برده تكييفها احسن منه لدرجه اننا قولناله يقفله والجو كان العصر يعني مش في عز الحر ولا حاجه والعربيه لسه جديده مكملتش 5000كم


وفي تجارب ناس كتيره اللي كان معاه ماتريكس ولانسر وباعو لظروف ماديه وجابو ال516 ومحسوش بفرق كبير



وده تجارب بعض الاعضاء في نادي الاسبرانزا www.speranzaclub.com

























ويا جماعه بره بيقارنو الاسبرانزا بالتيدا والاوبترا

بص اللينك ده
http://translate.google.com/translate?hl=en&sl=ru&u=http://ua.autoreview.ru/archive/2007/16/chery_chevrolet_nissan/&ei=ve5lsof-nnmnjaf397vk&sa=x&oi=translate&resnum=1&ct=result& prev=/search%3fq%3dchery%2belara,%2bchevrolet%2blacetti% 2b%25d0%25b8%2bnissan%2btiida%26hl%3den%26sa%3dg








وفي النهايه


ربنا يعوض على صاحب الموضوع ويباركلو في الجديده

ونحترم اراء بعض

لان ده تجارب ناس برده ولا رايكو بس هو اللي صح ولازم يتعمم ع الجميع كما اشعر




و3
1 ناس كتير مبيحبوش الصيني

2 ناس كتيير بيحبو الصيني<مش كله بعض الموديلات<

3ناس وسط بينقدو نقد بناء



وتحياتي للجميع


ربنا يبارك في حضراتكم




والسلام عليكم

مشكوووور أخى الكريم على تلك المداخلة الراااائعه وهذا النقل الهادف وتلك الأراء التى تعبر عن تجارب اصحابها والتى يجب أن تحترم حتى وان كنا نختلف على المنتج الصينى عموما...
لك كل التحيه والتقدير

[Mostafa Hessen]

الله الله كلمة سيارات صينى فاشله عملت عمايل جامده فتحت العيون كلها ع العربيات اليابانيه والكوريه ولاوروبيه خلت الناس كلها اشتغلت برافو مجهود رائع وردود جميله فعلا الله ينور عليك يا ميدو ولا خر احب اقولكم فعلا سيارات صينى فاشله شكرا

أخى العزيز ميدو بجد الله ينور عليك فهذا الموضوع رااائع فقد فتح بابا للحوار بين الجميع
فلك كل الشكر والتقدير...
ويخصوص رايك فى السيارات الصين فتلك حرية شخصية تحترم سواء سليمة أو غير ذلك....
وفى كل الأحوال هذا الخلاف خلاف فى وجهات النظر لنصل للصواب ولا حرج فى ذلك...
ولندع الأيام تقول كلمتها الأخيرة والتى لا شك انها ستكون كافية.
تقبل مرورى وردى المتواضع...

[tutankhamoun]

وبتتباع بره في امريكا وغيره تحت شركه دودج

http://www.autobloggreen.com/tag/chery-dodge/

وثبات ال113 اثبت من الفيرنا بتجربه مهندس كبير هنا في المنتدى هتلاقيه عامل موضوع للتعديا ع الموتور في قسم التعديلات

ممكن بس أعلق على نقطة مهمة
مفيش و لا شركة صيني بتبيع عربيات في أمريكا الشمالية .
و الرابط بيقول أن دودج وضعت عليها أسمها لبيعها في السوق الأمريكي الجنوبي ( يعني الدول اللي معندهاش مواصفات قياسية زي مصر )

ثانيا و الأهم .....
العربية 113 ....... مش ثابتة و لا حاجة .......... أمشي بها على 100 و غير الحارة فجائيا ........ هاتلقب بيك على طول
المشي الطوالي مش بيبين العربية ثابتة و لا لاءة .
العربية طبيعي أنها تكون مش ثابتة .... عربية صغيرة و قاعدة عجلاتها كنزة و عجلها صغير ...... فين الثبات في كل ده ؟؟؟؟؟؟
لازم يا دجدعان نقول كلام يكون عملي شوية مش دفاع و خلاص ......


--------------------------------------------------
المصنع الخاص بفيات في الصين ده مصنع فيات ....
يعني شيري مش بتصنع بمزاجها ........
لاءة ده تحت إشراف فيات بالكامل .........
ياريت يا جماعة بلاش قلب للحقائق .........
فيات بالتعاون مع شيري ..... هاتعمل مواتير في مصنع شيري ....... مش فيات هاتشتري من شيري مواتير !!!!!!
يعني فيات هاتصمم ........ و شيري عليها التنفيذ فقط لا غير .....أكنها مصنع من مصانع فيات .

--------------------------------------

أما بخصوص العربيات الصيني و مدى جودتها
فأعتقد أن العربيات دي ( أسبرانزا ) أكتر واحدة مناسبة لسعرها تقريبا
و أعتقد برضه أن 516 معقولة و ناس كتير مش بتشتكي منها ........ و العربية معقولة و سعرها مش عالي قوي .

و لكن يعيب الصين التقليد الأعمى و سرقة الأفكار و ردائة المنتجات عموما مما يقلل الثقة عند المستهلك في المنتج الصيني
لأن الصين مشهورة عالميا بقلة الجودة .

--------------------------------
--------------------------------
بكرر تاني :
الصني مش بتبيع و لا عربية في أمريكا الشمالية و أوروبا و لا أستراليا كمان .
و كل اسواق الصين هي الدول النامية اللي معندهاش مواصفات قياسية و معندهاش أهتمام بفحص فني لعوامل اﻷأمان زي مصر .

[tutankhamoun]

حاجة كمان :
أختبارات التصادم لم تنجح فيها العربيات الصيني ......
و بعدين كل الفيديوهات اللي العربيات البرليانس واخدة فيها 3 نجوم
دي أختبارات صيني زيها زي العربية ...... يعني مش مضمونة
الأختبارات اللي يُعتمد عليها هي
أختبارات اوروبا مش الصين

ثانيا الصين بتعمل الأختبار على سرعة 53 كم - س
أوروبا بتعمله على سرعة 64 كم - س .

و طبعا أحنا ما نعرفش ظروف الأختبار الصيني أيه لأن الصين دولة أشتراكية و معندهومش أهتمام قوي بالعميل زي أوروبا .

[khaledazizeg]

على فكره اللي عمل التجربه في 113 ده مهندس مشهور في المنتدى تابع موضوعاته مع مهندس تاني في قسم الدايو اسمه


mmamdouh

المهندس محمد ممدوح داه من اكتر الناس المحترمة الى اتعاملت معاهم

[Ahmed Anwer]

انا علي فكرة مش متحامل علي السيارات الصينية

بل بالعكس انا اتمني انهم ينجحوا و يثبتوا وجودهم

لزيادة المنافسة من ناحية و لأن فلوسنا احنا اولي بيها

بس أنا رأيي اللي دايما بقوله لأي حد بيسألني علي عربية صيني

أنتا بتخاطر !!!!!

بتخاطر من كل النواحي

1- الجودة و لو تفتكروا اوائل بوادر الصيني مع العربية جيلي اللي ساحت لوجدها من الشمس

2- التوكيل ،، معظم توكيلات الصيني غير مستقرة و لو تفتكروا قصة الفرسان و العربية ماريو

3- بتخاطر بسهولة الصيانة و اعادة البيع و توفر قطع الغيار

عشان كده دايما اقول علي الاقل خليكم في التوكيلات الاقوي زي ابو الفتوح و البافرية


و أحب احكيلم هنا حكاية يمكن هيا اللي دفعتني اني اكتب المشاركة دي

انا كنت بعمل صيانة لعربيتي عند ورشة مشهورة في مدينة نصر و صاحبها مهندس ميكانيكا

المهم لقيت واقف عندها عربية اسبرانزا a5

لقيت صاحب الورشة بيقولي معروض عليا اخد مركز صيانة معتمد ليها

قلت اشطه دي فرصة ،، عربية منتشرة كويس و الحسابه بتحسب

قالي بس دي عربيات صيني وسخة ( اسف في اللفظ بس هوا ده اللي قالوهالي )

قلتله ليه دي اثبتت نفسها

قالي و لا اثبتت نفسها و لا حاجة و بعدين قطع غيارها غالية جدا اغلي من اي عربية في مستواها و مش معمرة

قلتله ده عادي ابو الفتوح هيقف وراها زي ما فضل ورا اللانوس و نجحها

قالي جملة و هيا دي المهمة جدا

اللانوس كان ليها تاريخ و اصل بره مصر قبل ما تيجي مصر

لكن العربيات الصيني شاسية من هنا علي موتور من هنا علي عفشة من هنا

الصراحة حسيت كلامه مقنع جدا و علمي

احنا اي عربية بنكون عارفين تاريخها و اصلها الفني بره مصر و مبتكونشي نبت شيطاني او مجرد اجتهادات من الشركات

و الشركات بتصرف مليارات عشان تطور موديل

حتي لو تلاحظوا الصين يتطلع موديل جديد كل اسبوع

و ده مش طبيعي اطلاقا واخدين الموضوع باستسهال

و نفس الكلام ده سمعته من ناس في ابو الفتوح

ان الصينين ماشيين باسلوب التجربة و الخطأ ،، و بيجربوا المكونات اللي لامينها من اي حته بدون تصميم في العميل

و ده في كل موديلات اسبرانزا يقولوا للصينين عندنا مشكلة في الحته الفلانية ،، الصينين يقوللهم ده اللي عندنا دلوقتي

و علي فكرة علي حسب كلامهم للامانة الاسبرانزا a113 من اقل عربيات اسبرانزا اللي فيها مشاكل باستثناء العفشة

عشان كده لازم نكون واقعيين

اشطه ممكن تضرب معاهم حظ و كوكتيل الشاسية و الموتور و الفتيس و العفشة و المكونات تطلع عربية معقولة رغم ان ده مش طبيعي

بس لازم نستني خمس سنين مش هاقول عشرة لأن ده في وجهة نظري المدة الكافية لعمر سيارة متوسطة في مصر

او علي الأقل العربيات تدخل اوربا و امريكا و تثبت نفسها و يكون الحكم علي موديل واحد فقط لان الشركات الصينية مالهاش معايير

قبل كده مش اكتر من مخاطرة يتحملها فقط صاحبها و لا ينصح بها احد

[MEDO1986]

شكرا ليكم كلكم على ردودكم الجميله دى الكلام بدا يحلى وشوفنا الصينى ومشاكله والكورى الفيرنا واليابانى والاوروبى كدا بدات المشاكل تظهر وبدات الناس تاخد بالها من العربيات كدا الفايده هتعم على الجميع وكله بدا يفتح عيونه على حاجات كانت مستخبيه لان الغرض من الموضوع انك دافع فلوس عشان ترتاح مش عشان تجيب عربيه صينى تموتك يبقى فلوسك هدمرك مع ان فيه بديل يابانى وكورى وبنفس السعر اما الجماعه اللى بيقولو انهم بيقفلو امبير بالبريليانس والاسبيرانزا انا مصدقكم انا كنت بقفل امبير اسبيرانزا 516 بس دا فى اول ما جبتها 15000ك وشوف بقى هتعمل فيك ايه يا جماعه دا انت لازم تروح التوكيل كل 5000ك اليابانى مش كدا لانه معمر .......بس تبقى فلوسك وتقرفك ارجوكم فتحو عيونكم دى ارواحكم وفلوسكم وربنا يكفينا شر العربيات .......وشكرا تانى لردودكم الجميله ...............فعلا سيارات صينيه فاشله

[khaledazizeg]

أخى العزيز ميدو بجد الله ينور عليك فهذا الموضوع رااائع فقد فتح بابا للحوار بين الجميع
فلك كل الشكر والتقدير...
ويخصوص رايك فى السيارات الصين فتلك حرية شخصية تحترم سواء سليمة أو غير ذلك....
وفى كل الأحوال هذا الخلاف خلاف فى وجهات النظر لنصل للصواب ولا حرج فى ذلك...
ولندع الأيام تقول كلمتها الأخيرة والتى لا شك انها ستكون كافية.
تقبل مرورى وردى المتواضع...

بجد يا استاذ مصطفى انتا من احسن الناس الى اتعاملت معاهم فى احترامك وادبك وزوقك

[khaledazizeg]

حاجة كمان :
أختبارات التصادم لم تنجح فيها العربيات الصيني ......
و بعدين كل الفيديوهات اللي العربيات البرليانس واخدة فيها 3 نجوم
دي أختبارات صيني زيها زي العربية ...... يعني مش مضمونة
الأختبارات اللي يُعتمد عليها هي
أختبارات اوروبا مش الصين

ثانيا الصين بتعمل الأختبار على سرعة 53 كم - س
أوروبا بتعمله على سرعة 64 كم - س .

و طبعا أحنا ما نعرفش ظروف الأختبار الصيني أيه لأن الصين دولة أشتراكية و معندهومش أهتمام قوي بالعميل زي أوروبا .

انا عايز اقول لحضرتك حاجة
واحد صاحبى معاه فولكس جيتا 2009
العربية وهوا على الطريق الصحراوى واحد زنق عليه لغاية اما دخل فى رملة والعربية اتقلبت بيه 3 مرات
العربية بقت كفته وال طلع سليم منها الكاسيت بس
وكمان الايرباج ما اشتغلتش غير واحدة بس
وكمان هوا عنده كسر فى رجلية وايديه وكمان كسر فى فقرة فى العمود الفقرى واهوا مرمى فى المستشفى
والمفروض ان ديه فولكس المانى
انا فى الاخر بقول ان احنا ماشيين بستر ربنا
يعنى لو ماشى بعربية مصفحة وربنا كاتبلك انك هتعمل حادثة يبقى هيحصلك حادثة
سيبوها على ربنا

[khaledazizeg]

وبعدين طيب ما هى الجيتز لما خبطتنى البريلينس frv1600 عربيتة اتدمرت خالص ومابقتش عربية
وكفاية انه نزل متعور وانا الحمد لله طلعت سليم مافيش فيا خدش حتى
ربنا هوا الى بيستر