تقييم الm11 من الاول للاخر

[pavlyonline]

السلام عليكم

ربنا كرمني و اشتريت كاوتش جديد لان القديم بتاعها كان كخه اوي و مشقق و حالته كرب
جبت كومهو ايكستا spt ku31
490 جندي شامل السلطات و العيش و ربنا يبارك فيهم ان شاء الله

مبروك العربية.. ربنا يديك خيرها..

غيرت الكاوتش عند مين.. عشان انا كمان عايز اغيره.. جاب اخره :-)

[towfeq]

مبروك العربية.. ربنا يديك خيرها..

غيرت الكاوتش عند مين.. عشان انا كمان عايز اغيره.. جاب اخره :-)

السلام عليكم
ازيكم جميعا

انا بحمد ربنا والله يا جماعه بجد على العربية دي..بجد ما شاء الله و لا قوة الا بالله و الله اكبر
عربية محترمة جدا جدا جدا

ربنا يحفظنا جميعا من العييييييييييييين و شر كل ذي شر

موضوع الكاوتش انا جبته من واحد عندنا في اكتوبر..معرفه.
هو كان عند سمير بيومي ب 480 الفرده و انا اخدته من الرجل ب 490 بالترصيص بالنيتروجين يالسلطات
بس ما شاء الله فرق..

ربنا يبارك لنا جميعا

[بومبو]

على فكرة يا باشا انا لو إن شاء الله ربنا رزقني بالm11 هقول للبائع ان السبب اني اشتريت العربية دي الاستاذ هيما على منتدى نايل موتورز بإذن الله :d
موضوع اكثر من رائع والميزة انه بقاله سنين عرفت منه حاجات كتير من أول ما كانت زيرو لحد الان
جزاك الله كل خير وادعيلي ربنا يرزقني بيها عن قريب ان شاء الله :)

[hemaa_82]

ربنا يرزقك بيها او بالاحسن .... و عفوا علي الكومنت الرقيق ... اخجلتم تواضعنا

[sayed gamal]

شكرا لكل اللي شارك برائيه في الموضوع انا بعت عربيتي من اسبوع هيا كانت هاتشباك بس انا معروض عليا m11 ماشيه 40000 و صاحبها بيتكلم في 50000 الف؟ ايه رايكم كمان المعاينه في مصر القديمه حد يعرف مركز صيانه يفهم فيها عشان انا عايز اكشف عليها كويس خايف يكون فيها حاجه والبس في الحيط....افيدوني افادكم الله ؟؟؟؟

[sayed gamal]

هيا موديل 2010 ....السعر كده كويس ؟؟؟

[بومبو]

مشكلة علبة الدريكسيون ان حتي وانا واقف تحود يمين و شمال تحس بخبطة او دربكة في الدريكسيون "حتي لو العربية واقفة"

ال pcv ده بيعالج بخر الزيت من المتور علشان مواصفات البيئة الاوروبية "قال يعني"

اللي كان بيحصل ان العربية بتبقي مدربكة في الدوارة و تطلع دخنة سودا و بعدين تظبط بعد دقيقة او دقتين....


تكنو سيرفيس في المنطقة الصناعية في جسر السويس جنب توكيل مرسيديس و هوندا و المصرية امام عمارات التوفيق

اللي اقرب للمعادي اعتقد توكيل ابو رواش

هيما باشا هو المصرية اللي في عمارات المروة اللي قدام عمارات التوفيق بيبيع قطع غيار؟!!
ولا قصدك مختار اللي جنب المحمل في نفس العمارات (المروة)
ولا ان المصرية عنده العربية زيرو يعني؟

[meemo]

السلام عليكم معلش انا هزهقكم شوية انا معاي ماروتي وناوي ابيعها وكنت عازم اني اجيب لانوس وبعدين شفت ال ام 11 قلت نتوكل علي الله وبعدين قريت علي ايمجرند 7 بس بيقولوا فبها عيب وهو الصدا تنصحوني بايه ربنا يكرمكم وفي حاحة تاني ليه سعر ال ام 11 في اختلاف في المعارض يعني مكتوب ان ابو الفتوح ومودرن كار ب75 الف باقي المعارض 82 الف وده علي عهدة كونتكت كار

[hugan]

انفي الافضل حاليا
يليها ام 11

[dedi]

شكرا لكل اللي شارك برائيه في الموضوع انا بعت عربيتي من اسبوع هيا كانت هاتشباك بس انا معروض عليا m11 ماشيه 40000 و صاحبها بيتكلم في 50000 الف؟ ايه رايكم كمان المعاينه في مصر القديمه حد يعرف مركز صيانه يفهم فيها عشان انا عايز اكشف عليها كويس خايف يكون فيها حاجه والبس في الحيط....افيدوني افادكم الله ؟؟؟؟

اعتقد انة سعر كويس جدا مبروك مقدما
واحد قريبى كان عندة m11 كان طالب 65000 نزلت 62 او 63 باعها موديل تقريبا 3 او 4 سنين عاملة 35000 ولما سالت هنا ميدو ربنا يكرمة قال لى اخرها 55000
السعر البتتكلم فية يعتبر ممتاز بس اكشف عليها كويس ومبروك مقدما

[الحجـــاج]

العربية عاملة كام مع حضرتك علي العداد حتي الان

[pavlyonline]

مساؤكم لطيف

عايز اغير المساعدين.. و سمعت ان ممكن يركب عليها بتوع اللانسر...

اي اقتراحات.. وايه الاماكن اللي ممكن اركب عندهم؟؟

شكرا مقدما

[sayed gamal]

شكرا ليكم جميعا انا اشتريت الحمدلله 516 اسبيرانزا موديل 2009 عامله 30000 كيلو هيا عربيه كويسه جدا و عجباني جدا ربنا يباركلكم انشاء الله فعلا اسبيرازا عربيه جمده موووت

[hugan]

شكرا ليكم جميعا انا اشتريت الحمدلله 516 اسبيرانزا موديل 2009 عامله 30000 كيلو هيا عربيه كويسه جدا و عجباني جدا ربنا يباركلكم إن شاء الله فعلا اسبيرازا عربيه جمده موووت

10000مبروك ربنا يبارك لك فيها
خلصتها علي كام

[pavlyonline]

مساؤكم لطيف

عايز اغير المساعدين.. و سمعت ان ممكن يركب عليها بتوع اللانسر...

اي اقتراحات.. وايه الاماكن اللي ممكن اركب عندهم؟؟

شكرا مقدما

محدش غير مساعدين خالص ولا ايه؟؟