تقييم الm11 من الاول للاخر

[towfeq]

السلام عليكم
ازيكم يا رجاله
الحمد لله ربني كرمني بعربيه اسبيرانزا M11
و الحمد لله حاله نضيفة
العربيه موديل 2010 و كانت مرفوعه 3 سنين
طبعا انا حوار الرفع و الخفض ده مش بيدخل دماغي
روحت بيها امبارح كشفت عليها كشف الملكين
روحت مركز زيوت وولف
الناس هناك فاهمه قوي قوي قوي..قلت ليه عايز من الاخر اعرف و اكشف على كل حاجة
هي اصلا كانت عامله 13200 كم بالظبط
الحمد لله طلعت فعلا مرفوعه
غيرت زيت هناك
محتاجة على الاقل فردتين كاوتش عشان القديم مع انه لسه بالنقشه بتاعته بس شقق
السيور مش بطاله المهندس هناك قالي ممكن تمشي عليهم و تغيرهم كمان 6 شهور ولا حاجه
العفشه بقى:عايزة بارات جديدة لان القديمة اللي فيها صديت و بوشت من الركنه و مش هينفع فيها رباط
كف المرايا كان تقريبا اتكسر من صاحبها و مركب كف معفن كده عايز اغيره
العربيه ما شاء الله في المجمل تحفه بجد
ملفته جدا لاي حد يشوفها
ربنا يرزقنا خيرها و يكفينا شرها و شر كل حاسد يا رب و عربياتنا كلنا

احب اشكر الاول الباشا هيما
انا صدعته اخر يومين بس بجد اخ و اتصل بيا سال عليا امبارح
ربنا يجازيه خير يا رب

انا بقى عايز منكم طلب صغير
منين اشتري حاجات عفشه ليها بس يكون مضمون و مش حرامي
مين العفشجي اللي نوعا ما بيفهم فيها و يكون قريب من اكتوبر او مدينه نصر او حدائق القبه او الزيتون (شفتوا منتشر انا في كل حته )
واحد عنده اكسسوارات عشان اشتري منه كف المرايا ده و مين بردو اللي بيفهم عشان يركبها لانها مش ناقصه عك مع حد

و ربنا يبارك ليكو جميعا في ركوبتكم

[shadymt2005]

بقيت حاسس ان العفشة سايبة مش عارف اربط العفشة ولا ايه رايك ياباشا

[towfeq]

السلام عليكم
ازيكم يا شباب
اخباركم ايه
الحمد لله ربنا اكرمني و رحت مركز المتحدة اللي على الدائري
بجد ده اكتر مكان انا ارتحت فيه و للناس اللي فيه
تحس ان فيه نظام كده مش كفته
كل واحد هناك عارف هو بيعمل ايه و ازاي
اكتر ميزة عجبتني ان اي صيانه العربيه تحتاجها هتلاقيها هناك..حتى قطع الغيار
يعني من الاخر انت اكنك في مصنع عربيات
و الناس هناك ودوده قوي و بجد ارتحت معهم و هم بجد والله ناس محترمه
اخص بالذكر الاستاذ محمود و الطقم الفني كله حسين و وائل تحس انهم ولاد بلد و جدعان معاك مش ناس بتعمل شغل و بس
ربنا يوسع عليهم و يا رب و يكبروا المكان بتاعهم كمان و كمان

اللي اتعمل في العربية بحكم انها طبعا كانت مرفوعه فترة طويله
تيش علبه الدريكسيون كان سايب و كبسناه
تربيط عفشه كامله بعد كده
تغيير بلي العجل الامامي
تغيير كف مرايا
رجلاش فرامل خلفيه
ظبط فبرة الكلاكس
كشف تاني بالكمبيوتر على العربيه كامله و ملاحظة عامه عليها لتدارك اي حاجات في المستقبل ان شاء الله

في النهايه مش هقولهم الا ربنا يجزيكم خير بظهر الغيب

[shadymt2005]

السلام عليكم
ازيكم يا شباب
اخباركم ايه
الحمد لله ربنا اكرمني و رحت مركز المتحدة اللي على الدائري
بجد ده اكتر مكان انا ارتحت فيه و للناس اللي فيه
تحس ان فيه نظام كده مش كفته
كل واحد هناك عارف هو بيعمل ايه و ازاي
اكتر ميزة عجبتني ان اي صيانه العربيه تحتاجها هتلاقيها هناك..حتى قطع الغيار
يعني من الاخر انت اكنك في مصنع عربيات
و الناس هناك ودوده قوي و بجد ارتحت معهم و هم بجد والله ناس محترمه
اخص بالذكر الاستاذ محمود و الطقم الفني كله حسين و وائل تحس انهم ولاد بلد و جدعان معاك مش ناس بتعمل شغل و بس
ربنا يوسع عليهم و يا رب و يكبروا المكان بتاعهم كمان و كمان

اللي اتعمل في العربية بحكم انها طبعا كانت مرفوعه فترة طويله
تيش علبه الدريكسيون كان سايب و كبسناه
تربيط عفشه كامله بعد كده
تغيير بلي العجل الامامي
تغيير كف مرايا
رجلاش فرامل خلفيه
ظبط فبرة الكلاكس
كشف تاني بالكمبيوتر على العربيه كامله و ملاحظة عامه عليها لتدارك اي حاجات في المستقبل ان شاء الله

في النهايه مش هقولهم الا ربنا يجزيكم خير بظهر الغيب

دفعت كام ياباشا

[towfeq]

دفعت كام ياباشا

دفعت مصنعيه حوالي 150 جنيه في الحوار ده كله

[shadymt2005]

هيما باشا ايه احسن تيل فرامل راكبته

[morabet8]

الف مبروك يا باشا وربنا يباركلك فيها ويكفيك شرها بس سؤال اشترتها بكام علشان ليا صديق بيدور على واحدة وسؤال تانى معلش مركز المتحدة فين بالضبط ع الدائرى؟

[hemaa_82]

بتاع ابو رواش كان جميل ب 250

بتاع المتحدة كان جميل ب 220
كل اللي ركبته بعد كدة ب 75 و ب 100 زبالة .... من زكي جرجس او من الملك .....

[towfeq]

السلام عليكم
ازيكم يا جدعان
انا في الاول بستاذن هيما اني هكتب في موضوعه..
بس عادي بقى هو يعني كان مسجله باسمه في الشهر العقاري ولا حاجة

في الاول ليا بس استفسار بخصوص الشربون بتاع الدينامو..انا كده كده هغيره ان شاء الله من نفسي لاني مش هستنى الموقف الجميل بتاعها يحصل لا قدر الله..
السؤال بقى..انهي شربون..يعني هل فيه ماركه معينه او نوع معين اجيبه ولا ايه بالظبط

دي حاجة..الحاجة التانيه بقى.
فكرت في حوار القربه ده و جت ليا افتكاسه كده..هي ممكن تكون بسيطة بس اكيد فعاله باذن الله
ان احنا نبطن او نعمل زي كسوة كده للقربه من الصوف الزجاجي عشان يحميها من الحرارة الزائده..حاجة كده بتاع 20 جنيه او اقل كمان و هتطول عمر القربه شويه ان شاء الله..

ربنا كرمني و اشتريت كاوتش جديد لان القديم بتاعها كان كخه اوي و مشقق و حالته كرب
جبت كومهو ايكستا SPT KU31
490 جندي شامل السلطات و العيش و ربنا يبارك فيهم ان شاء الله

ان شاء الله في الخطة القادمة بقى تغيير التيل الامامي و الخلفي بس قدام شويه ان شاء الله
وبردو تغيير الكاسيت و تركيب DVD لزوم الفشخرة ..سؤال بس..هم ممكن في توكيل الكاسيت بتاعها اللي هو فيديو باص ده يدخلوه في موديل تاني شاكب راكب كده ولا ايه النظام و الفرق تقريبا بيكون كم

تركيب كسوة للكراسي و فيه قدامي عرض من واحد عندنا في اكتوبر ب350 جلد و شكله نضيف كده و ابن بيبول (ابن ناس يعني) ...كويس كده ولا فيه احسن ؟؟

و ان شاء الله هنوافيكم بالجديد

بالنسبه للاخ اللي كان بيسال على مركز المتحده
هديك تليفون محمود حسين و ده مدير المركز.كلمه و هو هيوصف ليك المكان بالظبط
و قله الدكتور احمد بتاع اسكندرية بيسلم عليك قوي
01112310801

بقولك يا هيما صحيح
هي الكارتيرة اللي بتبقى تحت الموتور دي فيبر ولا صاج ؟

مؤقت
ربنا يحفظنا جميعا و يبعد عنا كل ذي شر

[shady_taha]

بتاع ابو رواش كان جميل ب 250

بتاع المتحدة كان جميل ب 220
كل اللي ركبته بعد كدة ب 75 و ب 100 زبالة .... من زكي جرجس او من الملك .....

نزعه ايه الى فى المتحدة الى 220 جنيه غالى مش كده طيب يبقى بتاع التوكيل الاصلى احسن

[hemaa_82]

السلام عليكم
ازيكم يا جدعان
انا في الاول بستاذن هيما اني هكتب في موضوعه..
بس عادي بقى هو يعني كان مسجله باسمه في الشهر العقاري ولا حاجة

في الاول ليا بس استفسار بخصوص الشربون بتاع الدينامو..انا كده كده هغيره ان شاء الله من نفسي لاني مش هستنى الموقف الجميل بتاعها يحصل لا قدر الله..
السؤال بقى..انهي شربون..يعني هل فيه ماركه معينه او نوع معين اجيبه ولا ايه بالظبط

دي حاجة..الحاجة التانيه بقى.
فكرت في حوار القربه ده و جت ليا افتكاسه كده..هي ممكن تكون بسيطة بس اكيد فعاله باذن الله
ان احنا نبطن او نعمل زي كسوة كده للقربه من الصوف الزجاجي عشان يحميها من الحرارة الزائده..حاجة كده بتاع 20 جنيه او اقل كمان و هتطول عمر القربه شويه ان شاء الله..

ربنا كرمني و اشتريت كاوتش جديد لان القديم بتاعها كان كخه اوي و مشقق و حالته كرب
جبت كومهو ايكستا SPT KU31
490 جندي شامل السلطات و العيش و ربنا يبارك فيهم ان شاء الله

ان شاء الله في الخطة القادمة بقى تغيير التيل الامامي و الخلفي بس قدام شويه ان شاء الله
وبردو تغيير الكاسيت و تركيب DVD لزوم الفشخرة ..سؤال بس..هم ممكن في توكيل الكاسيت بتاعها اللي هو فيديو باص ده يدخلوه في موديل تاني شاكب راكب كده ولا ايه النظام و الفرق تقريبا بيكون كم

تركيب كسوة للكراسي و فيه قدامي عرض من واحد عندنا في اكتوبر ب350 جلد و شكله نضيف كده و ابن بيبول (ابن ناس يعني) ...كويس كده ولا فيه احسن ؟؟

و ان شاء الله هنوافيكم بالجديد

بالنسبه للاخ اللي كان بيسال على مركز المتحده
هديك تليفون محمود حسين و ده مدير المركز.كلمه و هو هيوصف ليك المكان بالظبط
و قله الدكتور احمد بتاع اسكندرية بيسلم عليك قوي
01112310801

بقولك يا هيما صحيح
هي الكارتيرة اللي بتبقى تحت الموتور دي فيبر ولا صاج ؟

مؤقت
ربنا يحفظنا جميعا و يبعد عنا كل ذي شر

اه بقي ... ماتا تفضل واجعلي دماغي لحد ما تشتري و بعدين كمان تدخل تكتب في موضوعي .... اعملك بقي زي الراجل الننينجا بتاع فيلم حزلقوم واقولك اين اشيائي .........


يا عمنا اكيد طبعا بهزر ... و مفيش حاجة اسمها موضوعي ولا موضوعك .... الهدف ان احنا كلنا نستفيد....

المهم .... الشربون يا ابني ده عمود جرافيت .... يعني فكك من موضوع نوعه ايه ده ... شوف كهربائي نضيف او لو المتحدة حلوة بالنسبالك خليهم يظبطوك

القربة .... فكك ... هي اصلا ب اقل من 100 جنيه .... و اهي فرصة انك تنضف دورة المية مرة كل سنة

الكاوتش .... قلتللللللللللللللك ابل ما تشتري .... قعدت تعملي جامد و تقولي هيمشي هيمشي .... المهم زي ما قلتلك ... اديها الكومبريسور المتين ..... لقيته في كارفور امبارح ب 210 ....

التيل .... اديها في الاصلي عند المتحدة او عند رشاد ....

الكاسيت .... مش فشخرة ولا نيلة ... انا عايز اقولك لما الكاميرا اللي ورا باظت كنت حاسس اني عويل ركن من علو الشنطة ..... فموضوع الديفيدي ده اساسي......[ص منصحكش تشتري من مصر لان بيتكلموا في 3000 في حين ان انا جيبته و ركبته و دفعت شاكب راكب 2500 علشان اشتريت الخريطة بتاعت ال جي بي اس

الكسوة ب 350 ده كدة سعر رائع بس الجودة ايه بقي ؟؟؟؟؟؟ لما تعملها عايز اشوف علشان انا العيال قلبولي العربية والفرش لون الاسفلت


و ربنا يكرمك و ايانا و الجميع بالخير دوما ان شاء الله

[towfeq]

حبيبي يا هيما والله
ربنا يباركلك و يبعد عنك و عننا و عن المسلمين جميعا ولا الناس اللي مش كويسين و اللي عينيهم تدب فيها دانه مدفع.
موضوع الشربون مانا عارف يا عم انه عمود كربون جرافيت..انا قلت يمكن يكون فيه نوع او ماركه معينه كويسه..عموما انا هبقى اروح ليهم في المتحده لما اجي اغير التيل ان شاء الله.

الكاوتش مكانش بجد ينفع امشي عليه لان فرده طلع فيها بلونة و بعد كم يوم من المشي بالونة طلعت في فرده تانيه..فقلت بقى لو اتاخرت اكتر من كده العربية ممكن تقلب منطاد من كتر البلالين..صحيح كان موضوع الكاوتش حراق..بس الحمد لله ربنا يسترلنا طريقنا ان شاء الله جميعا..

لما اخلص في حوار الكسوة ده هبقى اصوره ان شاء الله..و موضوع الكاسيت ان شاء الله الشهر اللي جاي هبعت اجيبه من الصين...عارف ساعات قبل ماشتري العربيه والله كانت طاقه في دماغي قويييييي اني ابعت اجيب العربية كلها من الصين..و مين عارف..ممكن اعملها بس لما اشبع من المصري شويه..

سيبك انت
المهم انت منور يا حج هيما و الله
ربنا يحفظنا جميعا

[shadymt2005]

منورين يارجالة صباح الفل

[shadymt2005]

يعنى ياهيما تنصحنى اروح اجيب التيل الاصلى من التوكيل احسن مش كدة علشان انا هغير ان شاء الله الطنابير سالت فى الوليد قالى 400 والمتحدة قالى 450 بس هيدينى ضمان عليها ايه رايك مستهى رايك ياباشا مع العلم انى هغير راس كوبلن خارجى كمان نحيه واحدة وسالت فى الوليد ب240

[hemaa_82]

الطنابير من الاخر حديد مصمت ... متدفعش فيها بزيادة ..... و اصلا لو ينفع تمس اللي عندك لو الريجة خفيفة مسها عند الخراط ... الموضوع ملوش دعوة هي اول مرة ولا عاشر مرة قد ما ليه دعوة بالريجة عمقها قد ايه .... بتروخ للخراط و هوا بيقيس و يحكم ....

التيل ممكن تجيبه من تكنو سيرفيس جسر السويس او ابو الفتوح في دمشق او المتحدة .... انما بصراحة كدة انا والله ندمان علي ال 60 ولا السبعين اللي دفعتهم في اول تيل و ندمان علي ال 100 و ال120 بتوع التيل الاخراني اللي انا ركبته .....صداااااااااااااااااااااااع و قرف و الله اعلم بقي بيعمل ايه في الطنابير ..... هتبان مع التغييرة الجاية و ربنا يستر :)