تقييم الm11 من الاول للاخر

[hemaa_82]

اليكم الجديد ...

للاسف ... المساحات مش شغالة ....

انا مبنضفش العربية ... وبنزل كل يوم الصبح الازاز عليه هباب طبعا...اشغل المساحات و اديها رشتين و تمام ..

السبت اللي فات عملت كدة ... للاسف اشتغلت و وقفت مع سماع صوت المتور بتاعها ....
اول حاجة جت في بالي ان في حاجة في شاسية المساحات"الميكانيزم" فكت ...
المهم فتحت و فكيت لقيت كله تمام بس للاسف مفيش حركة خارجة من المتور نفسه "الترس الجواني فوت غالبا"

عديت علي الشيخ طه ... عندك المتور ... اه ... طب نركب .... دور دور دور ...مفيش

لفيت الحرفيين كلها مفيش ...
في محل اسمه ابو كريم بيشتغل استيراد بس ... حلفلي ان عنده المتور بس لسة منزل بضاعة و فضل يدور بس مش لاقيه من الزحمة اللي لسة لم تترص في المحل ...سابلي كارته و هكلمه ....

نوافيكم بكل جديد

[MACATHIUS]

معلش لسة شايف استفسارك ....

التزييق ده هيطلع من جراب سلك فرامل اليد ده لو مكنتش فكيت مسامير تثبيته زي ما كل الاخوة عاملين ....

بص يا سيدي ...

عندنا الجراب خارج من تحت الهاند في مسمار الرجلاش ماشي في حلقة حديد "وتحدة بين البابين يمين و واحدة مابين البابين شمال "
اللي بيحصل ان الحلقة بتلم تراب و الجراب بيحك فيها يطلع صوت التزييق اللي بيضايق حضرتك ...

الحل ببساطة انك بتفك المسمار اللي مثبت الحلقة ة تفك الحلقة و ترجع المسمار تاني و بعدين بشيكارتون او بحزام ربط تثبت الحلقة في الجراب و بكده مفيش صوت خلاص

حلو الكلام دا
هجرب و اشوف النتائج
ثان كيوه ليك يا هيما

[hemaa_82]

يو ار ويل كوم

[hugan]

يعني المشكله في الموتور اللي كان عند الشيخ طه مش شغال

[hemaa_82]

لا يا باشا ... معندوش اصلا ...

عامة انا سايب المتور عند طارق بتاع مكن الازاز اللي في الدقي بيدور علي ترس بدل اللي باش ... المفروض هيظبطني ان شاء الله النهاردة و اقولوكم النظام ايه

[hugan]

لا يا باشا ... معندوش اصلا ...

عامة انا سايب المتور عند طارق بتاع مكن الازاز اللي في الدقي بيدور علي ترس بدل اللي باش ... المفروض هيظبطني ان شاء الله النهاردة و اقولوكم النظام ايه

اههههه
فهمت بيدو علي الموتور
مش بيدور الموتور ومش شغال

[hemaa_82]

ايون بالظبط كده :)

[bassemali]

معلش لسة شايف استفسارك ....

التزييق ده هيطلع من جراب سلك فرامل اليد ده لو مكنتش فكيت مسامير تثبيته زي ما كل الاخوة عاملين ....

بص يا سيدي ...

عندنا الجراب خارج من تحت الهاند في مسمار الرجلاش ماشي في حلقة حديد "وتحدة بين البابين يمين و واحدة مابين البابين شمال "
اللي بيحصل ان الحلقة بتلم تراب و الجراب بيحك فيها يطلع صوت التزييق اللي بيضايق حضرتك ...

الحل ببساطة انك بتفك المسمار اللي مثبت الحلقة ة تفك الحلقة و ترجع المسمار تاني و بعدين بشيكارتون او بحزام ربط تثبت الحلقة في الجراب و بكده مفيش صوت خلاص

اولا: انا مش فاهم :b4_095:
ثانيا: هل ال 516 كده هيا كمان ولا صوت التزييق اللي فيها ممكن يكون سببه ايه؟

[hemaa_82]

لا يا باسم للاسف انا معرفش ال516 من تحت عاملة ازاي .... كلامي كله ام 11 و بس

[hemaa_82]

اخر موضوع المساحات ...

بعد لف و انتظار اسبوع تم تركيب موتور مساحات bmw نفس القواعد و الاكس و تم تقسيم الضفيرة بتاعة الفيشة من غير قص ولا كسر علشان لما ربنا يكرم و نجيب الاصلي...

النتيجة
الحمد لله المساحات شغالة .... بس في حاجتين..

اول ما تدور العرابية المساحات بتشتغل منها لنفسها " عيب تقسيمة الفردة رقم 4 لم يستدل عليها ولا علي وظيفتها "
تاني حاجة ... المساحات كانت الاشارة الواحدة بتلف 3 مرات ... يعني شدة الدراع = 3 مسحات ....دلوقت مع المتور الجديد = اقل من 4 مسحات ...
ده مخلي المساحات مش بتركن صح ... يعني كل ما تشغل المساحة تركن في وضع مختلف ....

انا عرفت اتعامل ان اخليها تركن مكانها بالخبرة مش اكتر ..... و بحمد ربنا اني انجزت قبل يوم المطرة بتاعة امبارح .... بس للاسف لازم ابرم لحد ما اجيب المتور الاصلي

التكلفة كانت موتور بتركيبه 180 و كهربائي للتقسيم 30 ...

هفيدكم بالاصلي ان شاء الله حين ايجاده

[elshimy]

لا يا باشا ... معندوش اصلا ...

عامة انا سايب المتور عند طارق بتاع مكن الازاز اللي في الدقي بيدور علي ترس بدل اللي باش ... المفروض هيظبطني ان شاء الله النهاردة و اقولوكم النظام ايه

بص يا با شا لو المشكله في ترس بس انا ممكن ادلك علي واحد كنت بروحله من زمان لما كنت بحتاج ترس ومبلاقيهوش كنت بروحله بالترس القديم وكان بيصنعلي زيه (بلاستيك) بس نوعيه ممتازه وانسي انه يجراله حاجه بس الكلام ده من زمان انا ماعرفش لسه شغال ولا ايه نظامه هو مكانه في بشتيل هتركب لحته اسمها لعبه من عند الاسعاف وتنزل تخلي المزلقان علي يمينك وتمشي شويه 50 متر واسال عن بتاع التروس هو مشهور هتاك

[hemaa_82]

بسم الله


اولا ..
الحمد للع علي عند الشيخ طه اتصرف في ترس ... و خلص الموضوع علي 200 جنيه .
طبعا كتير فحت بس فضل يحلف و يجيب في شهود انه شاري الترس من واحد ب 150 جنيه لانه مش موجود في السوق علشان دخلة الصيف ....
الحمد لله المساحات ظبطت

ثانيا ..

العفشة ....
بالمصادفة عرفت راجل محترم اسمه احمد معاه ام11 و الكلام جاب بعضه و قالي علي عفشجي في عين شمس و ان احمد ده كان في ناس قايلنله هيحتاج مساعدين و تظبيط علبة دريكسيون "زي الكلام اللي اتقالي بالظبط" و لما راح للعفشجي ده الموضوع خلص علي جلب و بارات و تياش و بقت تمام
المهم عديت عليه "علي العفشجي" كشف بجد"نزل تحت العربية علي مجرة و هز العربية و الدريكسيون و قدام و را وانا معشق" ... و في الاخر قالي كل اللي محتاجة
الجلب الكبيرة امامي
بارات
تياش ميزان امامي و خلفي
احتمال بيض "هيبان لما يتفك"

قالي المساعدين تمام ...علبة الدريكسيون تمام ...

هكمل معاه للاخر و اديكم نتيجة نهائية ان شاء الله تكون علي خير

[towfeq]

سلام عليكم
ازيكم يا جدعان..ازيك يا هيما
الله يباركلكم فيه مشكله بسيطه كده بقالها اسبوع او اكتر شويه
الصبح بدري لما اجي ادور العربيه احسها بتترج على خفيف كده..و لو الجو برد قوي..تترج جامد شويه لمده نص دقيقه او اقل و بعدين قشطه..و لو العربيه سخنه اصلا او الجو زي اليويمن دول مثلا..مفيش لا رجرجه ولا بتاع..

ايه الاحتمالات بقى..قواعد موتور..لو لو هي..اعمل ايه عشان اتاكد قبل ما اتعامل.
ايه تاني ممكن يكون عمل المشكله..

جزاكم الله خير و ربنا يبعد عنكم و عن عربياتكم الرجرجه و المرجحة و الزغزغه

[hemaa_82]

بسم الله

الحمد لله تم تغيير الاتي
بارات دريكسيون كاملة
بارات ميزان "تيش ميزان"
جلب مقصات كبيرة
تياش ميزان خلفي

و في يوم اخر تم عمل رجلاش علبة الدريكسيون
+ محاولة تغيير جلب شداد خلفي" اللي هوه مقص علوي خلفي او بيسموه مقص هلال"

بس نتيجة عدم توافر الجلب الصح تم تركيب جلب اصغر جنب واحد بس لحين توافر الجلب او المقص ايهما اسرع

المرتين اللي اتعمل فيهم شغل اتعمل معاهم ظبط زوايا ....

الحمد لله العفشة بقت احسن بنسبة 90 % و اللي فاضل بس الشدادات الخلفي و تبقي 100 %

في مشاركة قريبة نوافيكم بالمبالغ

[hemaa_82]

كمان علي جانب الموضوع تم تغيير الاتي

قاعدة موتور "فوق الفتيس"
قاعدة موتور " شداد قنطرة"
ماستر دواسة دبرياج" بيرشح زيت"
قربة مياة دورة مياة