تقييم الm11 من الاول للاخر

[hemaa_82]

من اكتر من سنة كانت حوالين ال 100.... هتأكد و اقولك

[towfeq]

تسلم يا كبير..
حاجة تانية بردو عايز أسألك عليها... العربية بقالها يومين كده ساعات تتأخر في الدوارة.. حتى لو بالليل و هي باردة.. الموضوع ده حصل معايا مرتين في اليومين اللي فاتوا... قبل اليومين دول كله كان بلح باللوز.. انا كنت غيرت زيت من يومين.. بس
ايه التفسير يا معلم

[samehsalem]

كل سنة وانتم طيبين ,,, عندى المساعد الامامى يمين باظ ومحتاج يتغير , ينفع واحد بس ولا لازم اتنين وتنصحونى بجديد ولا استيراد بس محتاج رد ضرورى العربية بتدب جامد معايا

[hemaa_82]

بلاش عفشة مستعمل .... مش هتعمر و هتغير في السريع ....


اي اخبار تأخير الدوارة ؟؟؟؟.... افهم من عدم السؤال تاني انها اتحلت ؟؟؟؟؟؟ ممكن تكون بنزين مش اكتر لو الزيت ارقامه سليمة زي الكتالوج "10w- 40"

[hemaa_82]

بسم الله


اتأخرت عليكوا شوية .... تغيير في ظروف الشغل و لخبطة في البيت ... ربنا يصلح لينا و ليكوا الحال

[hemaa_82]

المهم ....

كنت ماشي كوبري اكتوبر .... جيت علي المنزل بتاع كوبري القبة ... بدوس فرامل لقيت "تك" و صوت حكة شنيع .... التيل برشامه ضرب و بقي حديد علي الطنابير..... التيل الامامي ...

نزلت علي ابانوب ... التيل خلص يا باشا ... طيب عندك يا نبيل .... اه يا باشا .... غير و خلص ... تيل ب 65 و مصنعية 15 تقريبا ....

تيل كويس ... مبيصفرش غير احيانا و بيقفش فرامل كويس....

طلعت الساحل اوصل الحاجة صد رد .... بعدين تاني يوم راجع من الشغل ... صفارة شنيعة ...بس من ورا :)

رحت تاني قلت بقي طالاما ابانوب عنده تيل يبقي اشطة بدل المشورة ....

ايه يا نبيل .... اه يا باشا تيل ورا خلصان و سوستته هيه اللي بتحك و عاملة الصفارة ..... طب غير .... طب تشتيريلنا تيل بقي يا باشا .... ليه كدة متشوف عندك ..... لا يا باشا بيقعد كتير فمبنجبوش غير ان الامامي كل الاسبيرانزا زي بعض ...516 و تيجو و عربيتك ...انما الخلفي كل واحدة غير التانية ...
نزلت دمشق عند بكين .... معندوش تيل كوري و مغلي 10 جنيه علي الفاضي ... رحت لابن ذكي جرجس خدت تيل اصلي "صيني يعني :)" ب 210 ... رجعت ركبته و انا خايف يقفش زي اللي قبله و اللي قبله " كان محمد رشاد قايلي اان التيل الوراني عايز رجلاش مخصوص و كان محمود بتاع الحرفيين قايلي ان المساتر الورانية تقيلة .... المهم ركبت و جربت ... ولا احتجنا رجلاش ولا المكبس تقيل و الحياة حلوة بعد اكتر من اسبوعين ....

نفيدكم بكل جديد.....

[towfeq]

سلام عليكم
ازيكم يا رجاله.ازيك يا هيما و ربنا يفرج عنا و عنك الكرب و يرزقنا الخير دايما

موضوع الدوارة حصل مرتين كده و انتهى فانا استنتجت انه بنزين و الموضوع بقى قشطه الحمد لله..

دلوقتي اللي انا عايزه بقى و يبقى بجد جزاك الله خير قوي فيه...
الاكصدام الامامي بيبقى متثبت في الرفارف بحاجات بلاستك او فيبر مش عارف اسمها ايه..المهم الحاجات دي مش موجوده عندي و الاكصدام متثبت بمسامير ملهاش لازمه كده.و طبعا مع الطرق الزباله تسمع شخللة..البتاعه دي بقى اسمها ايه و شوف لو عند الملك او عند اي في الحرفيين لو موجوده عنده..
دي حاجة..الحاجة التانيه عايز حد ابن ناس و ابن حلال يظبط الابواب ليا..لانها يتخبط في المطبات..و كمان كان من فترة الفيبرة بتاعت مجري الزجاج اتكسرت فشيلتها...و غالبا بتعمل صوت هي كمان...الفيرة دي موجوده ولا ايه النظام..

و يا سلام بقى لو فيه سمكري يظبط الكلام ده و تكون شايف انه كويس و يستاهل..يبقى بجد جزاك الله خير..

يبقى الفبرة بتاعت الاكصدام..فبرة الزجاج..بتاع ابواب و سمكري..

و شكرا جزيلا و ربنا يصلح الحال...بقولك صحيح..شفت البي واي دي الجديدة..l3...ركبتها..بجد تحفه تحفه تحفه..ركبت الاوتو..بجد رهيبه...
ربنا يبارك لنا دايما يا رب

[hemaa_82]

ان شاء الله الخميس والجمعة دول اسألك عليهم

[hemaa_82]

ما تكلمني علي 01000083650 اسألك علي حاجة علشان افهم انت عايز ايه للازاز

[hemaa_82]

كنت بسأل لاحمد علي حوامل الاكصدام الامامي ... الملك عنده الطقم يمين و شمال ب 120 " مفاصلتوش لسة"
و الكاسح التحتاني خالص بتاع الاكصدام الامامي برضه ب 120

طبعا لعربية ام 11

[towfeq]

شكرا يا هيما بجد على تعبك معانا
انا مشغول والله جدا عشان كده مكلمتش وائل اللي في المتحده زي ما قلت لك..بس الاسبوع الجاي هكلمه ان شاء الله..
موضوع طارق بقى.ابعت ليا رقمه الليه يباركلك.وهل مفيش بديل تاني كويس في الاميريه او الزيتون ولا طارق ده هو اللي هيجيب من الاخر؟
و اسعاره نظامها ايه..حراق والا في اللذيذ
شكرا يا كبير

[hemaa_82]

سعره في الذيذ ... اصلا ده هوه بس في ورشته و ورشته حق صغير

طارق....01229019885

[alnashar]

السلام عليكم
انا معايا m12 من كام يوم لقيت و انا ماشي على الاول لمبة نورت في العدادات عبارة عن دايرة حمراء و داخلها علامة تعجب هيا ما طولتش و طفت بعد ثواني
النهاردة الصبح بعد ما دورت العربية و ماشي بيها لقيت اللمبة نورت تاني بس المرة دي طولت و كانت تطفي لما ادوس فرامل قولت ابص على الباكم يمكن يكون ناقص لقيته كويس مابين الماكس و المينيموم مع العلم ان الفرامل كويسة مش خفيفه
ياتري ايه الموضوع ؟ معلش طولت عليكم

[hemaa_82]

انت عملت شغل في الفرامل قريب ؟؟؟؟ يكون فيشة مفكوكة ولا مهزوزة ؟؟؟

[hemaa_82]

بسم الله ....

مروح الخميس من الشغل ... عديت من الدقي كوبري قصر النيل و لفيت من تحته و ماشي كورنيش علشان اخد يمين لعبد المنعم رياض و اطلع اكتوبر .... المهم ماشي في اقصي اليمين و داخل من الحارة البطيئة اللي تحت منزل اكتوبر علي رمسيس ... و عديت و مدي اشارة ... و من حيث العدم يطلع اوتوبيس سياحي فاخر من اقصي الشمال و عايز يطلع الكوبري اللي ينزله رمسيس ....
وقفت و كلااكسات و لميت نفسي كأني هطلع معاه ....بس هتروح فين يابا ...قدرك كدة ...البيه وقف بعد ما الفردة اليمين بتاعته ركنت بين رفرفي و بابي الشمال قدام ....
افتح الباب ....اصوات دغدغة و حاجة فلة .....المهم الامين وقفه .. و انا نزلت .... بصيت كدة و قلت الحمد لله علي كل شئ ... الامين بيقولي هاه ياباشا ... هنعمل في السواق ايه ...قلتله مشيه ... هنضيع وقت علي الفاضي ....

المهم رحت الجمعة للسمكري بتاعي ....فك الرفرف و عدله علي البارد ... و ظبط شفة الباب... و ركبلي العتبة بتاعتي علشان ولادي بيقفوا عليها في النزول فاتكسرت كلبساتها "بالذات عمر الصغير" .. و عدلي بعجة في الرفرف اللي قدام يمين .. و عدلي خبطة في الباب و الرفرف اللي ورا يمين ... كله علي البارد ...
اشتغل دقدقة من بعد الجمعة لحد المغرب ... و خد 300 بلبل ...

الحمد لله بقت كويسة ....

و تحذير علشان اللي بيعدوا في الحلمية .... حطيت بنزين في التعاون اللي في ميدان الحلمية اللي علي قضيب الترماي... طباحوا تصقيف و كركرة و حاجة تقرف ...... بعدها حطيت من موبيل و حطيت اوكتان بوستر امريكاني ب 29 جنيه العربية بقت طلقة الحمد لله

اوعي حد يمون من هناك و حسبنا الله و نعم الوكيل


نفيدكم بكل جديد......