تقييم الm11 من الاول للاخر

[islamnasser10]

الحمد لله مفيش اعطال تاني ....

المفروض اني هكمل ال 50 الف علي اخر الاسبوع ...وقتها بقي او علي اول الشهر هنعمل الاتي ان شاء الله:-

تيل امامي
تيل خلفي
بوجيهات
زيت و فلتر
فرده كاوتش "اخر واحدة الحمد لله :) "


نوافيكم بالاسعار و كل جديد في وقته ان شاء الله

معندكش فكرة التقارير بتاعتك دي فادتني اد ايه وادتني انطباع عام عن العربية اللي عمري ماركبتها بس عرفت عنها كتير
ربنا يباركلك فيها وعقبال ال 100 الف

[hemaa_82]

معلومة تسهل اجتيار الزيت

.
Oil viscosity is a well misunderstood concept. A higher viscosity or weight results in a thicker, more difficult liquid to pump.

The interesting point is that when your engine is warmed up completely, 30 weight, 5W-30, 10W-30, 15W-30 all have the same viscosity. The difference is the viscosity when the oil is cold.

Standard 30 weight becomes very thick when cold. So thick that your engine parts will not be lubricated well. Thiner oils such as 10 weight are okay when cold, but run too quickly to get good lubrication at full operational temperature.

The answer is viscosity modifiers. They take thin oil and add special molecules which shrivel up when cold but stretch out when warm. These modifiers make the viscosity be like 10 weight oil when below zero yet 30 weight oil at full operating temperature. They call that oil 10W -30 where the W is for winter.

5W-30 oil is simply 5 weight when cold, but 30 weight when warm. Similarly, 15W-30 is like15 weight when cold.

Always use the exact same second number as your manufacturer recommends such as 20, 30 or 40. Try to use the lowest first, or W number as possible. This will give you the best lubrication no matter what the temperature even if you live in a warmer climate.

[hemaa_82]

احنا زيتنا 10w-40
نقدر نحط 5w-40 عادي .... انما منقدرش نحط15w علشان ميبقاش تقيل والعربية باردة

[DEDOPETER]

الحمد لله العربيه كانت عجبانى جدا وكنت هشترى واحده مستعمله بس بعد مقريت الموضوع ده مش هقربلها اما وهى زيرو بتعمل كده حلتها هتبقى ايه بعد الــ 70 او الــ90الف المفروض اللى بيشترى زيرو بينساها على الاقل من 3الى5سنين .ديه بتبوظ من الغسيل .الف شكر لصاحب الموضوع .وتمنياتى له بالخير والسلامه مع سيارته الــm11 فعلا العربيه الصينى ذى الموبيل الصينى الناس ديه بتشتغلنا وبتبعتلنا منتجات رديئه لا تصلح لأى سوق تانى فالعالم وعشان كده سعر اعاده بيعها فالارض .

[hemaa_82]

تصدق فعلا ؟؟؟ انا هنزل ابيعها علي الرصيف مع اي حاجة ب اتنين و نص :)

[hemaa_82]

يا سيدنا ...غسيل العربية بالمياه شئ غلط .... و انا عارف ... بس ده علشان انا عارف ان اسوأ ما سيكون اللي حصل ده لان الكنترول معزول في علب فبر مقفولة ... انما البوجيهات عادي انها تتبل و تفصل ...انما مش باظت ....

و حتي لو كانت باظت كنت انا السبب مش ان هيه غلط

اما بالنسبة لمفتاح الازاز .... ف انت لو كنت شوفت البلل اللي كان في العربية كنت عرفت انها معجزة انها تشتغل ... والله الي كان فاضل ان العربية تتشال و تتحط في طشط ولا بسين :)
مش تقولي باظت من الغسيل :)

[Hindam]

اهلا بيكم كلكم يا جماعة .. بعد تفكير طوبل وقراءة للموضوع وكل اراء الناس .. انا ان شاء الله نويت اشتري السيارة m11 .. اللي استخلصته بصراحة ان العربية سعرها كويس جدا بالنسبة لامكانياتها وشكلها .. وان اللي بيشتكي منها حاجة من الاتنين .. اما مشافهاش قبل كده وبيحكم عليها لمجرد انها صيني فاكرها زي الموبايل .. واما فعلا معاه العربية وحصل معاه مشاكل .. بس انا شايف ان كل المشاكل اللي حصلت للي اشتروها مشاكل طبيعية وممكن تحصل في الفيرنا او اللانوس .. فبالمقارنة بين الاسبيرانزا m11 والفيرنا او اللانوس .. انا شايف انها تكسب بكتير ...

[Hindam]

يا جماعة انا اتصلت بوكيل اسبيرانزا اللي في كورنيش المعادي .. وقاللي ان العربية مفيش منها لانها بقالها كتير مخرجتش من المصنع .. حد عنده معلومات ..

[Hindam]

العربية خلاص مبقتش موجودة يا جماعة .. لفيت بالتليفون علي كل المعارض مفيش منها خلاص .. حد يأكد المعلومة ؟؟

[islamnasser10]

العربية خلاص مبقتش موجودة يا جماعة .. لفيت بالتليفون علي كل المعارض مفيش منها خلاص .. حد يأكد المعلومة ؟؟

الكلام ده اتقالي من فترة من احد المعارض ومكنتش مصدق قولت هو معندوش غير ام 12 وبيضحك عليا بس واضح ان الموضوع بجد وان خط الام 11 موقوف
بس موقوف لحد امتي ولا اتوقف خالص وايه السبب
انا محتار بين ام 11 وام 12 ولو خط ام 11 اتوقف يبقي وفر عليا الحيره

[hemaa_82]

اتصلت ب ابو الفتوح قالي كل الستوك منهم اتسحب الفترة اللي فاتت و اداني نمرة المعرض الرئيسي 26387889كلمتهم قالي للاسف خلال شهر شهر و نص ... سألته طب ليه قالي ان في مكونات في الجمارك لسة مدخلتش فمعطلة خطوط التجميع ...امبارح كنت في ابو رواش و قالي الراجل بتاع المخازن ان في قطع غيار دخلت كتير بس مش كل البنود ... لسة مفيش علب باور و مفيش جلب

[Hindam]

ايه يا جماعة مفيش اخبار جديدة علي العربية .. بدأ انتاجها تاني وللا لسه؟؟

[ELSHYMEDO]

M11 و m12 هتلاقيها في المعارض ممكن تبقى بزيادة ألف عن سعر المصنع

[hemaa_82]

بسم الله

انا طبعل عامل 51الف ... و بقالي حبة عايز اجرب المتحدة ....توكلت علي الله و رحت الجمعة اللي فاتت قبل الصلاة...

روحت علي 10:00 الصبح ...لقيت م/ محمد رشاد تقريبا اول واحد

دخلت ....
غيرت زيت متور شيل 10 الاف "5w-40"
5 لتر ب 345 جنيه
فلتر زيت شيري اصلي برقم الكود
30 جنيه
تيل فرامل شيري خلفي اصلي
220 جنيه "فيه مضروب ب 100 ... و ان اسائل في التوكيل علي التيل ب 250 "
بوجيهات بوش صيني اصلي 3 شمعة بالكود بتاع الكاتالوج ...
110 جنيه ...و عنده روسي ب 60 و NGK ب 90
غيرت زيت فتيس اخيرا بالمرة
65 جنيه
خد مصنعيات 100 جنيه ....
ربط عفشة و ظبط فرامل يد و شال المواسك الل بتخلي وير الفرامل يصوصو و غير بوجيهات و غير تيل ورا و كشف علي امامي و نظف فلتر الهوا بال 100 دول .... انا شايف انه مش كتير الحمد لله


قلتله علي ان في التوكيل كانو قالو الجلب عايزة تتفير لقاها مشققة بس قالي عادي و حرام نغيرها دلوقت
قلتله علي تنشيع زيت الباور قالي الخرطوم الاصلي انضف من اللي موجود و طالاما مش بتنقص جامد خليها .... انا نقصت عندي بعد سنتين و نص
سألته عن حالة علبة الدركسيون علشان بدأت احس برجة خفيفة في الملفات لو الارض مكسرة قالي الناحية اليمين حلوة و الشمال بدأت تخف انما لسة شوية ... و قالي انها بتتصلح ب 500 الي 550 ... و جديدة بحوالي 1800 انما لسة كتير عليها
ثبتلي الفبرة اللي تحت الاكصدام الامامي و ثبتلي الاكصدام الخلفي من تحت "كانو سايبينه لما ركبوه في التأمين في ابو رواش و حسبنا الله و نعم الوكيل"

خلصني قبل الصلاه .... و بيتابع بنفسه كل حاجة .....

تقديري العام للمكان انه جيد جدا ... محتاج مكان اوسع و انضف علشان يبقي ممتاز ....
عنده قطع غياره و مش بيمشورك ....يستاهل الشكر ..

شكرا محمد رشاد و دوما للامام ان شاء الله

[hemaa_82]

طبعا في بلدنا المحبوبة و سبحان الله ... اول ما تعمل اي صيانة للعربية ايا كان نوعها الشعب يحب يبارك ....

ركنت العربية تحت البيت عند ابويا و الناحية التانية من الرصيف فاضية .... واحد تييييييييت غالبا "لني ما شفتش بس ده التحليل المنطقي" ماشي بسرعة ... لقي بلاعة قام واخدها في النص و خبط الرفرف الامامي شمال و كسر حرف الاكصدام الامامي من الناحية الشمال ....

طبعا نزلت لقيت كدة دمي فار و جه في بالي ان الاكصدام ب 500 في التوكيل و يا عالم هلاقيه ولا لا ....
مشيت و انا بزبد و برغي و عمال اسب والعن في اهل اللي خبطها و عمال احسبن علي اللي جابوه ....
دخلت اسحب فلوس من البنك في جسر السويس لاقيت ام 12 جاية تركن و مفيهاش اكصدام امامي خالص ... حبة و لاقيت شاب نزل و جه البنك ....بقوله و لاقيت بقي اكصدام ولا لا ...قالي لاقيته و اشتريته بس مش لاقي كلبسات .... بكام يا عمنا ...قالي ب 450 ...من فين يا سيدنا ....قالي عارف الحرفيين قولتلو حبيبي... قالي تدخل جمال عبد الناصر لحد اول صيدلية علي اليمين واخدة ناصية تدخل يمين "اللي هوة دخلة الحرفيين القديمة اللي مليان بي ام و مرسيديس" هتلاقي قدام علي الشمال محل اسمه صدام عنده كل حاجة الاسبيرانزا ....
شكرته لحد الصبح و اسمه احمد علي العموم لو كان من الاخوة هنا يبقي شكرا تاني ...
رحت لعم صدام .... يا عمنا عندك الاكصدام ده ...قالي لا بس اجيبهولك الاثنين ...بكام يا سيدنا ..قالك 750 ... قلتله لا كتير انت بايعه ب 450 بأمارة كذا كذا ....قالي لا والله بايعه ب 550 لميكانيكي و ممكن يكون تبع الراجل ....قلتله طب انا هكلمك الاثنين و نشوف بكام ..و سألته هيبقي فيه حاجة ولا فاضي قالي لا فاضي....

المهم مشيت و انا مستغلي الثمن ...لقيت مراتي بتقولي في محل علي اليمين معلق اللوجو بتاع اسبيرانزا .... بصيت لقيت كله علب قلت لنفسي هيطلع كلها حاجات خفيفة و مش هلاقي و لو لقيت هيبقي غالي علشان جديد... و بعدين قلت لنفسي هوه السؤال بفلوس ....يالله يا عم

نزلت ..المحل اسمه الملكة ... الي واقف شابين لذاذ بشوشين .... سالتهم عندكم اكصدام ام 11 لقيته بيقولي امامي ولا خلفي ....طبعا انا انبهرت .... قلتله امامي ... قالي موجود ...بكام يا سيدنا ...قالي ب 265........طبعا انا فتحت بقي من الازبهلال ...لقيته بيقولي وعلشان انا هقفل بعدك هديهولك ب 250 .... قلتله هات واحد .....

جابلي الكصدام جديد فبر اسود بكيسه و عليه اللازقة بتاعت الكود ...و طلع منه جزء و تناه جامد علشان يوريني انه طري مش سهل الكسر ...دفعت و خدت منه كارت علشان اللي يحتاج يبقي يسأل بالتليفون ...

ان شاء الله علي الجمعة الجاية هروح اركبة عند السمكري اللي في عين شمس ...

و حسبنا الله و نعم الوكيل و منشوفش حاجة وحشة في حد