رابطة مالكى الويرا (2) فيد وأستفيد .

[ahmed_h_g]

الشيخ مكى فاتح فى وكالة البلح
وشغال معاه الشيخ محمود
الراجل ده ممتاذ وأسعاره ممتاذه فى الأستعمال
رقم محمود 0127761338

[anchoor]

الشيخ مكى فاتح فى وكالة البلح
وشغال معاه الشيخ محمود
الراجل ده ممتاذ وأسعاره ممتاذه فى الأستعمال
رقم محمود 0127761338

متحرمش منك يا احمد باشا ومتشكر على ذوقك

[msafa]

ابو حميد
كنت عاوز ال 15% الخصم دول

بس هيكون اول الشهر ان شاء الله

[msafa]

بخصوص اويل سيل الموبينة، العربية موديل 2005

[ahmed_h_g]

بس كده أنت تأمر يا أستاذ محمد
بالنسبه للأويل سيل مفيش أويل سيل ناحية الموبينه لموديل 2005

[mrwho1982]

هحكي حكايتي

بس هي طويلة شوية

كنت عند مركز الصفا لان العربية كانت بتعلي وتوطي لوحدها

المهم اكتشفت ان في ترس مكسور في بوابة الانجكشن قلتلو قفلها زي ماكانت وانا يبقي اجيللك تاني

المهم الحمااار اللي ركب نسي يركب خرطوم وانا ماشي بالعربية وقاعدة تكركر وجت قدام نادي الشمس وحلفت ماتدور

نزلت ابص لقيت الموتور كولو بخار ماء قعدت ابص في الحتة اللي هو كان شغال فيها لقيت الخرطوم بتاع الماء مش راكب

المهم ركبتو واستنيت لما بردت وللعلم لما سخنت كانت 3 شرط ونص
المهم ركبت الخرطوم بس من غير مابص عالماء ودي غلطتي

المهم مشيت بيها من نادي الشمس لحد الحرفيين وفصلت الكومبروسور وشغلت التكييف علشان اشغل المراوح بتاعة العربية كلها

المهم وصلت للميكانيكي اول ماشاف العربية قاللي العربية دي مافيهاش ميه

المهم دورت وقعدنا نزود مية والحرارة نزلت لانها كانت 4 شرط ونص موصلتش للاحمر

سيبناها ساعة زمن وفكينا وش التاكيهات وربط وش السلندر كولو 7 * 8

وركبنا غطا التاكيهات تاني المهم العربية مشيت مضبوط ومبتسخنش وبقولو هي كده جابت جوان وش قاللي لا

المهم النهاردة لقيت الزيت نقص ربع كيلو والموتور معرق تعريقة خفيفة اوي زيت

ياريت اللي يعمل صيانة عند ميكانيكي يبص مكان ماهو شغال علشان يتجنب للي حصلي

بالنسبة لي انا لما ادور فتحت غطاء الرداتير مافيش لا فوران ولا حاجة والمية بتعمل دوامة وفيها شوية صدا ودول من قبل الحوار اللي حصل

سالت علي بوابة الانجكشن عن طوب الارض كولو معلق علي 900 جنية ويقولي لما تيجي يبقي في كلام تاني

بجد انا مضايق جداااااااا

[ahmed_h_g]

الحمد لله انها جت على كده
سألت عند أولاد علام ؟
الموتور معرق زيت فين ؟

[mrwho1982]

كولو معلق علي 900 جنيه يا استاذ احمد............متعرفش شكلها تسعيرة والله بفكر اجيب حبة واتاجر فيهم من ماليزيا

التعريق من عند اول الفرن من عند جوان وش السلندر ونازل علي ماسورة مية الرداتير

[ahmed_h_g]

أربط وش السلندر كويس ومتخليش الميكانيكى يقرط جامد خوفا" من المسامير
أنا مستغرب من موضوع ال900 جنيه
أنا جبتها لواحد من حوالى سنه من أولاد علام بحوالى 600 جنيه وكده كان سعرها غالى جدا"
ولواحد تانى ب250 ج من محمود اللى فى وكالة البلح بس كانت بايظه وأخد منها الترس فقط
لو معاك واحده قديمه هاتها وهجبلك زيها بأفضل سعر ان شاء الله
أنا اللى معايا موديل 2005 شكلها متغير عن اللى عندك جبتها ب800ج من ورشه تشك بوينت

[mrwho1982]

هو فعلا ربط وش السلندر

وبفكر اني اخرط التروس دي عند خراط بس عايز حد يفكلي البوابة

[ahmed_h_g]

روح لحد فاهم زى ورشة تشك بوينت مش عارف شغاله ولا لأ أو ورشة عسكر فالحرفيين

[memo_p910]

عندي مشكلة موتور مروحة التبريد الرئيسيه بتاعة الرادياتير باظت فكتها وحاولت اصلحها لكن واضح ان المواتير دي مش بتتصلح المهم اشتريها منين استيراد ولا الجديد احسن وسعرها في حدود كام دلوقت

[memo_p910]

عايز اعرف كمان هيا الويرا ليها فلتر مكيف ولا لأ ومكانه فين ؟؟؟

[ahmed_h_g]

عندي مشكلة موتور مروحة التبريد الرئيسيه بتاعة الرادياتير باظت فكتها وحاولت اصلحها لكن واضح ان المواتير دي مش بتتصلح المهم اشتريها منين استيراد ولا الجديد احسن وسعرها في حدود كام دلوقت

موجوده يابانى أستيراد ومش عارف السعر بالظبط من 250 الى 350 ج على ما أعتقد

عايز اعرف كمان هيا الويرا ليها فلتر مكيف ولا لأ ومكانه فين ؟؟؟

ملهاش فلتر تكييف

[memo_p910]

مالهاش فلتر تكييف

طب ده مش هايكون سبب لتجمع الاتربه على ثلاجة المكيف وهايقلل من كفائة التكييف