رابطة مالكى الويرا (2) فيد وأستفيد .

[moh81]

السلام لكل مالكى الويرا
و سلام خاص لأستاذ أحمد .. ملك الويرا

أنا رحت لسمكرى علشان أركب الشبكه الأماميه ... علشان أنا كنت شارى العربيه و هى مكسورة
و الراجل اتصرفلى فى جوان عنده و ركبته مكان اللى وقع


و رحت من يومين لميكانيكى فى الزاويه ..نسيبى قالى عليه انه بيفهم و عنده ضمير و قلتله ع موضوع نقص الزيت و حكيتله الحكايه و ان لما غيرت البوجيهات كانت معرقه زيت فقام زود الماتور و بص ع الشكمان لقى دخنه بيضه خفيفه

قالى موضوع الزيت ده من الأولسيه .. و علشان تظبط الماتور تمام .. محتاج طقم شنابر .. و كل ده هيكلف 1500 جنيه
بس هعملها على رمضان بقى لما ربنا يفرجها :)

كده تمام ؟


بس فى حاجه كمان كنت عايز أسألكم عليها .. النهارده و أنا مروح و انا بنقل الغيار .. و كنت ماشى على 35 كم كده الفتيس قفش معايا .. و حسيت برجه فيه و صوت حكه .. .. و حاسس إن الفتيس دلوقتى خفيف معايا .. ده ممكن يكون من إيه .. و ممكن أختبر ايه علشان أعرف إن كل حاجه تمام ولا فى حاجه حصلت ؟

[ahmed_h_g]

الله يسلمك يا أستاذ محمد
بالنسبه لطقم الشمبر
كتير جدا" جدا" عليه 1500ج
دلوقتى الموتور ال1500 كاربراتير من غير فتيس تمنه 1500 جنيه
طقم الشمبر أخره 600 جنيه بكل حاجه

بالنسبه للفتيس
أكشف على زيت الفتيس أو غيره بزيت شل وأرفع دواسة الدبرياج حاجه بسيطه لو الغيار بيعض معاك

[mahmoodallam]

أكشف على زيت الفتيس أو غيره بزيت شل

زيت خفيف ولا تقيل اللي رقمه كام ؟
وبتاخد قد ايه زيت ؟

[ahmed_h_g]

زيت خفيف ولا تقيل اللي رقمه كام ؟
وبتاخد قد ايه زيت ؟

زيت خفيف
أشترى زيت شل لزوجه 90 هتاخد معاك حوالى 2 لتر الا حاجه بسيطه

[moh81]

الله يسلمك يا أستاذ محمد
بالنسبه لطقم الشمبر
كتير جدا" جدا" عليه 1500ج
دلوقتى الموتور ال1500 كاربراتير من غير فتيس تمنه 1500 جنيه
طقم الشمبر أخره 600 جنيه بكل حاجه

بالنسبه للفتيس
أكشف على زيت الفتيس أو غيره بزيت شل وأرفع دواسة الدبرياج حاجه بسيطه لو الغيار بيعض معاك

هو قالى الشنابر و الأولسيه و سير الكاتينه بالمصنعيه ... هيكلف 1500 جنيه
أتكلم معاه أقله كام ؟ .. علشان دى أول مرة أتعامل فيها مع ميكانيكى :)

و بالنسبه لزيت الفتيس .. هل له مقياس ممكن أقيسه منه ولا أروح بنزينه ؟

[mahmoodallam]

و بالنسبه لزيت الفتيس .. هل له مقياس ممكن أقيسه منه ولا أروح بنزينه ؟

+111111111111111111

[ahmed_h_g]

زيت الفتيس مالوش مقاس
اللى بيحصل ان العربيه بتترفع على الكوريك الكبير اللى بيترفع عليه العربيه بالكامل والفنى بيفك طبة الزيت اللى تحت فى الفتيس
وبعد ما يفضى الزيت بيقفل الطبه وبيفتح الطبه اللى بيتملى منها وطبعا" بتبقى فوق فى حوالى نصف الفتيس
بيملى بالمسدس لغاية ما الفتيس يتملى ويبتدى الزيت يخرج من الطبه

بس كده الفتيس أتملى وبيقفل الطبه وكده تمام

[mahmoodallam]

شكرا جزيلا يا أستاذ أحمد

[moh81]

ألف شكر أستاذ أحمد على المعلومات القيمه
جزاك الله خيرا

[mahmoodallam]

حد يعرف سعر طقم الدبرياش في التوكيل كام ؟
ومصنعية تركيبه كام ؟

[ahmed_h_g]

حد يعرف سعر طقم الدبرياش في التوكيل كام ؟
ومصنعية تركيبه كام ؟

سعره فى التوكيل 750ج ومصنعية تركيبه حوالى 500 أو 600 ج

[mahmoodallam]

سعره فى التوكيل 750ج ومصنعية تركيبه حوالى 500 أو 600 ج

ياااااااااااااه
بيتهألي كدا غالي قوي
ولا ايه رأيك
طيب لو هشتري من برا التوكيل ترشحلي نوع معين ؟ وسعره كام ؟

[mrwho1982]

انا جيبتو ب 450 من شارع دمشق

[mahmoodallam]

شكرا في البداية للأستاذ أحمد حلمي الرجل الخدوم
اتصلت بيه وانا في شارع دمشق وما تأخرش عني بصراحة في حاجة
المهم انا اشتريت الحاجات دي وهحط الأسعارهنا علشان الكل يستفيد :

دول من محل مكة :
350 طقم دبرياج نوعه ياباني aisin
40 كارتيرة رفرف يمين واحدة كوري
15 سير تكييف كوري

دول من محل المدينة :
60 سير كاتينة دايكو ايطالي
20سير باور كوري
20 سير دينامو كوري
30 فلتر بنزين كوري
60 بلية كاتينة
15 ميدالية بروتون

احلى حاجة في الرابطة دي انها بتعرفني على ناس محترمين

[aboalm]

دى شوية اسعار قطع غيار من التوكيل للويرا طبعا :-
2- فلتر زيت ب 35 جنيه
3-البوجيهات عاملين 68 جنيه
4-فلتر هواء 115 جنيه
5-فلتر بنزين 90 جنيه
6-سير باور 40 جنيه
7- سير دينامو 40 جنيه
8-سير تكييف 40 جنيه
9- سير كاتينه 86 جنيه
10-بلية كاتينه 212 جنيه