رابطة مالكى الويرا (2) فيد وأستفيد .

[anchoor]

فعلا" معلومات مهمه
الف شكررررررررر

الشكر لكل من تابع ,
بس انا عايز اعرف يا استاذ احمد ,
دلوقتى لما بشغل التكييف الموتور بيبرجل ومش عارف ده عيب حساس ولا إيه, ولو حساس بيبقا مكانه فين ( يا ريت صورة ) على فكرة انا عربيتى موديل 2000,

فى قدامى موتور 1500 إستيراد لسة جاى بقاله يومين وجديد نوفى بس الراجل بيقول عايز فيه 4500 جنيه من غير الفتيس وانا بيتهيألى كده السعر كتير أوى ولا إيه رأى حضرتك؟

أرجو الرد

[anchoor]

شكرا لانك عرضت تجربة مهمة

لا شكر على واجب يا رب اكون افدت حد

[mahmoodallam]

سؤال محتاج واحد بيفهم زي أ.احمد
هل الفتيس الاوتوماتيك بتاع المواتير ال 1500 سي سي ينفع يركب على الماتور 1300 سي سي ؟؟؟؟؟
سؤال تاني :
قدامي عربية بروتون ويرا 2006 كاملة اوتوماتيك 1500 هاي لاين
في الامارات وعايز اجيبها هنا ختى لو هدخلها نصين اخد الماتور والفتيس واللي انا عايزه ، هل هينفع ؟؟؟؟
يعني ينفع ادخل العربية نصين بشكل شخصي بعيد عن شركات الاستيراد ؟

[ahmed_h_g]

سؤال محتاج واحد بيفهم زي أ.احمد
هل الفتيس الاوتوماتيك بتاع المواتير ال 1500 سي سي ينفع يركب على الماتور 1300 سي سي ؟؟؟؟؟
سؤال تاني :
قدامي عربية بروتون ويرا 2006 كاملة اوتوماتيك 1500 هاي لاين
في الامارات وعايز اجيبها هنا ختى لو هدخلها نصين اخد الماتور والفتيس واللي انا عايزه ، هل هينفع ؟؟؟؟
يعني ينفع ادخل العربية نصين بشكل شخصي بعيد عن شركات الاستيراد ؟

ينفع الفتيس المانيوال أو الأوتو للموتور ال1300 يشتغل على الموتور ال1500
وبالنسبه للعربيه مش هتقدر تعديها من الجمارك الا لو قطعت العربيه بالنص علشان تنزل قطع غيار وتقدر تاخد للموتور أفراج جمركى

[ahmed_h_g]

الشكر لكل من تابع ,
بس انا عايز اعرف يا استاذ احمد ,
دلوقتى لما بشغل التكييف الموتور بيبرجل ومش عارف ده عيب حساس ولا إيه, ولو حساس بيبقا مكانه فين ( يا ريت صورة ) على فكرة انا عربيتى موديل 2000
عندك ترس مكسور عايز يتغير داخل بوابة الهواء
فى قدامى موتور 1500 إستيراد لسة جاى بقاله يومين وجديد نوفى بس الراجل بيقول عايز فيه 4500 جنيه من غير الفتيس وانا بيتهيألى كده السعر كتير أوى ولا إيه رأى حضرتك؟

أرجو الرد

طبعا" سعره غالى
سعره بالفتيس المانيوال حوالى 3500 أو 4000 لو الموتور الكامه واحده زى اللى بينزل فيها
لو الموتور ال2 كامه 1500 برضه بس 110 حصان ممكن يعمل من 4500 الى 5000 جنيه

[anchoor]

طيب دلوقتى اجيب الترس ده منين واقول للميكانيكى إيه وانا رايحله وهل بترشحلى ميكانيكى كويس فى القاهرة او الجيزة عشان انا من طنطا وانا ممكن انزلهم عادى بس يكون حد حافظ الويرا ال 2000 عشان نفسى العربية تبقا تمام.
وعلى فكرة انا لما بدور العربية الصبح الموتور بيبقا واطى وساعات بتبطل .... هل ده بسبب الترس برضو؟

وبالنسبة للمواتير مين اللى عنده المواتير دى لأنى عايز اجيب موتور 1500 أو 1600 بفتيس أوتوماتيك

[ahmed_h_g]

طيب دلوقتى اجيب الترس ده منين واقول للميكانيكى إيه وانا رايحله وهل بترشحلى ميكانيكى كويس فى القاهرة او الجيزة عشان انا من طنطا وانا ممكن انزلهم عادى بس يكون حد حافظ الويرا ال 2000 عشان نفسى العربية تبقا تمام.
وعلى فكرة انا لما بدور العربية الصبح الموتور بيبقا واطى وساعات بتبطل .... هل ده بسبب الترس برضو؟

وبالنسبة للمواتير مين اللى عنده المواتير دى لأنى عايز اجيب موتور 1500 أو 1600 بفتيس أوتوماتيك

فك بوابة الهوا وروح بيها لمحلات قطع غيار لانسر هتلاقيها كلها بحوالى من 250 الى 350 جنيه
مش هتلاقى الترس بيتباع لواحده
على فكره هو السبب برضه ان العربيه تبطل منك الصبح ولما بتشغل التكييف

بالنسبه للموتور روح لملك اللانسر فى الحرفيين

[mahmoodallam]

ينفع الفتيس المانيوال أو الأوتو للموتور ال1300 يشتغل على الموتور ال1500
وبالنسبه للعربيه مش هتقدر تعديها من الجمارك الا لو قطعت العربيه بالنص علشان تنزل قطع غيار وتقدر تاخد للموتور أفراج جمركى

طيب هل ينفع أعمل كدا بشكل شخصي ولا لازم شركة وبطاقة ضريبية و و و الخ ؟

[ahmed_h_g]

طيب هل ينفع أعمل كدا بشكل شخصي ولا لازم شركة وبطاقة ضريبية و و و الخ ؟

مش عارف بصراحه

[moh81]

أنا رحت إشتريت لمبات زينون للشبورة .. علشان بالليل الرؤيا بالنسبالى بتبقى صعبه شويه .. و مش بشوف المطبات كويس :)

المهم جيت أركبهم لاقيت فوانيس الشبورة أصغر من اللمبات ... فعايز أسألكم دلوقتى و يا ريت الرد بسرعه
هل ممكن أجيب فوانيس شبورة كبيرة أى نوع ولا فى نوع معين ميخلنيش أعدل فى الإكصدام الأمامى علشان أركب الفوانيس و جواها الزينون

[msafa]

أنا رحت إشتريت لمبات زينون للشبورة .. علشان بالليل الرؤيا بالنسبالى بتبقى صعبه شويه .. و مش بشوف المطبات كويس :)

المهم جيت أركبهم لاقيت فوانيس الشبورة أصغر من اللمبات ... فعايز أسألكم دلوقتى و يا ريت الرد بسرعه
هل ممكن أجيب فوانيس شبورة كبيرة أى نوع ولا فى نوع معين ميخلنيش أعدل فى الإكصدام الأمامى علشان أركب الفوانيس و جواها الزينون

كان احمد حلمي جاب شبورة من عند مكة ب 150 جنيه بالرينجات وانا جبتهم و هم كويسين جدا و المفروض ينفع يركبلهم زينون

بس في مشكلتين: الزينون في الفوجات كذا عضو في المنتدى هنا قال ان هو فاشل كمان من غير عواكس كل الناس هتضايق من النور سواء اللي جاي قدامك عكس او اللي قدامك و تقريبا هتضر تطفيه

انا جبت لمتين اوسرام نايت بريكر بلس من عند المدينة ب 140 باللمتين السهاري للفانوس الاساسي صدقني جماااااااااال جدا

[moh81]

كان احمد حلمي جاب شبورة من عند مكة ب 150 جنيه بالرينجات وانا جبتهم و هم كويسين جدا و المفروض ينفع يركبلهم زينون

بس في مشكلتين: الزينون في الفوجات كذا عضو في المنتدى هنا قال ان هو فاشل كمان من غير عواكس كل الناس هتضايق من النور سواء اللي جاي قدامك عكس او اللي قدامك و تقريبا هتضر تطفيه

انا جبت لمتين اوسرام نايت بريكر بلس من عند المدينة ب 140 باللمتين السهاري للفانوس الاساسي صدقني جماااااااااال جدا

معلش فهمنى يعنى إيه أوسرام نايت ده :)
و ده عالى و واطى ؟
و ال140 جنيه ده لمبتين ولا واحده ؟

[ahmoosragab]

سؤال هام جدا : حد عنده خريطه الفيوزات للبروتون ويرا اللي اسفل الدريكسيون او لو حد عربيته جديده يصور اللي موجود علي العلبه

[msafa]

معلش فهمنى يعنى إيه أوسرام نايت ده :)
و ده عالى و واطى ؟
و ال140 جنيه ده لمبتين ولا واحده ؟

دي لمبات h4 يعني عالي وواطي في نفس اللمبة و ده نوع اللمبات في الويرا و هي الماني
هي 120 جنيه للمبتين و في 20 جنيه للمبات السهاري و هي ممتازة جدا برضه

[msafa]

سؤال هام جدا : حد عنده خريطه الفيوزات للبروتون ويرا اللي اسفل الدريكسيون او لو حد عربيته جديده يصور اللي موجود علي العلبه

صدق انا عرفت كتير و قليل في العربية بس مكنتش اعرف ان في فيوزات تحت الدركسيون

هدورلك في الكتالوج و هقولك