رابطة مالكى الويرا (2) فيد وأستفيد .

[mrwho1982]

شاكك ان في كتاوت بتسخن وتفصل

[moh81]

الف مبروك عالويرا
ربنا يباركلك فيها

فعلا" السحب ليه علاقه بلمبة الأعطال
روح عند متخصص عنده جهاز كشف أعطال وهو هيجبلك المشكله فين وأبقى طمنى

الله يبارك فيك يا باشا
بس معلش هتعبك معايا
ممكن تقلى على كام مركز من اللى محترمين و عندهم جهاز كشف أعطال
و هل برضه عندهم إصلاح للعطل ده ؟ ..
و برضه تبقى خدمه لباقى الناس اللى مش عارفين
و الكشف على العطل بيكون فى حدود كام فيهم ؟

[ahmed_h_g]

الحرفيين مليانه أجهزة كشف أعطال
منهم ورشة عسكر معروف هناك بس حراق شويه
الكشف بحوالى 75 أو 100 جنيه على ما أعتقد

[mrwho1982]

روخت النهارده والكهربائي طلع عينو علي ماعرف العيب والعيب طلع فين

افتح الكبوت هتلاقي فيزات عالشمال

هتلاقي فيوز 80 امبير وجنبية فيشة بيضاء
الفيشة دي سلكها ساح وكانت رايحة عالضفيرة جبنا السللك لحد ماهو بايظ وركبنا سللك جديد وركبت فيوز 20 امبير احتياطي علشان لو حصلت تاني متجيش في السلك والفيوز يضرب
وحطينا الفيوز جوه علبة الفيوزات واخد 25 جنيه عند رضا اللي في السابع

واللي فاهمين هناك واحد اسمو هاني وواحد اسمو كريم

يارب تكون التجربة مفيدة وماتخليش حد يقكللك فرش عربيتك وبالذات لو مش فاهم

[ahmed_h_g]

تمام مبروك عالصيانه

[memo_p910]

أنا عربيتي الويرا محتاج أغير سير الكاتينه وأظبط الكهربه لان العربيه بتسقف مين خبير ويرا في المعادي وما حولها أروح له
وكمان سلك البوجيهات أنا شاكك انه سبب التسقيفه ومش عارف اجيب نوع نظيف منين ؟؟؟

[ahmed_h_g]

أنا عربيتي الويرا محتاج أغير سير الكاتينه وأظبط الكهربه لان العربيه بتسقف مين خبير ويرا في المعادي وما حولها أروح له
وكمان سلك البوجيهات أنا شاكك انه سبب التسقيفه ومش عارف اجيب نوع نظيف منين ؟؟؟

الكاتينه ب60 جنيه والبليه ب60 برضه
بتوع اللانسر البطه
بالنسبه للسلوك أنا كنت مركب السبليت فاير وللأسف الطقم باظ فجأه
أنا برضوا عايز أغير ومش هجيب الكورى اللى فى السوق
بالنسبه للميكانيكى روح لأسطى مدحت فى المعادى
كلمه وهو هيوصفلك مكانه
رقمه 0109712688

ولو فيه جديد بالنسبه للسلوك هبلغك

[memo_p910]

فعلا موضوع السلوك ده صعب هادور على الانجليزي وابلغك

[ahmed_h_g]

النهرده سألت عالسلوك فالتوكيل لقيتها بحوالى 250 جنيه وربنا يستر علينا

[aboalm]

أبوحميد يا جامد الموضوع سهل عليك و محل المدينه فى دمشق و جيب السلك من هناك ب 50 جنيه كان بتاع الاكسنت على فكره و شغال الحمد لله زى الفل

[ahmed_h_g]

ما أنا مركبه دلوقتى
بس لما ركبت السبليت فاير لقيت فرق ظاهر فى السحب وأستهلاك البنزين ولما بشغل التكييف مبيقللش السحب زى السلك العادى علشان مالوش مقاومه وبيوصل الشراره فى أسرع وقت
علشان كده أنا محتاج سلك شديد

[aboalm]

يعنى اللى انت لاقيته فى التوكيل ب250 جنيه هو السبليت فاير ؟ طب ما لو كده ما تشوفه برضه طيب فى شارع دمشق كده و بعدين انت بتقول بيفرق فى استهلاك البنزين تقصد بيقل و لا بيزيد ؟

[ahmed_h_g]

لا لا اللى ب 250 جنيه ده الأصلى اللى بييجى فى العربيه سألت عليه توكيل عز العرب
السبليت فاير جديد تمنه حوالى 500 جنيه

[anchoor]

يا جماعه حد يعرف تمن طاقم زراير الزجاج الكهرباء الرباعى بكام ؟

و 4 فرش باب بكام بالزراير ؟

عشان انا عربيتى نازله 2 زجاج امامى بس و انا عاوز اخليها 4 كهرباء

بص يا باشا انا اشتريت الاربع فروشات للويرا بمكن الازاز بتاعهم بالضفيرة كاملة بالزراير بالأكر بمجموعة باب السائق من الحرفيين وكانوا عاملين 1250 جنيه.

[pro_samir]

سلام عليكم يا شباب

كنت عايز اسألكم بخصوص الويرا كام سؤال لأن بنفكر فيها لواحد قريبي وانا مركبتهاش قبل كده

- أول حاجه اتساع العربيه الداخلي اخباره إيه لأنه ما شاء الله طويل يمكن 185 سم وضخم شويه هل هتكون واسعه بالنسباله ولا لأ .. علشان اسهلها شويه هو بيرتاح في النوبيرا مثلا لكن اللانوس لأ

لو العريبه زي الانوس أو أضيق سيبكم من باقي الأسئله علشان متعبكمش معايا :))

- كنت عايز اعرف موديل 2000 مثلا رينج سعرها كام

-وهل هي انجيكشن برضو ولا كاربيراتير

- اعتمادية العربيه وقوة تحملها اخبارها ايه يعني ممكن تقل أصلها في السفر باستمرار أو هتكون اتبهدلت لو موديل 2000 مثلا وخصوصا ان دي أول عربيه هيركبها هتبقي ماسكه نفسها ولا مش بتستحمل

- يا ريت لو حد من طنطا يقولي قطع غيارها اللي ملهاش بديل زي الحساسات وكده موجوده ولا لأ و عند مين ومين بيشتغل فيها صيانه

شكرا جزيلا