عربية سيئة + توكيل ضايع = فلوس بتترمى فى الارض

[Nile_Storm]

ربنا يصبرك و كما يقولون عليك و علي حمايه المستهلك

[Sharky]

واضح إن عيوب التقفيل إللى كانت فى موديلات 2005 و 2006 لسه موجود فى موديلات 2008 و معدلوهاش

[noble911]

بس مقارنة بانعكاس الموبيل و ايديك علي الرفرف البقعة دي صغيرة قوي
اول ما قريت الكلام حسيت انو تقشير كبير عن كده
من حقك ان عربيتك تبقي عشرة علي عشرة
بس انا بقول متكونش متضايق او متعصب بسيطة ان شاء الله

لو انت عايز تغيرها بواحدة اتوماتيك من الدفعة الجديدة
كلمهم لان لسه في كمية اتوماتيك من الدفعة الجديدة لسه موجودة عند عز
و موفق باذن الله

[Powert]

واضح ان عربيتك كانت من ضمن مخزون كان موجود في الشركة بقاله فترة كبيرة

بس انت ماقدماكش غير انك تكلم استاذ حبيب وشوف هيعملك اية وقوله انك عايز تغير العربية

ولو ما عملش حاجة اطلع على جهاز حماية المستهلك هما هياخدوا حققك

[Eng.Sameh]

أخي الفاضل / احمد

انا كنت بكلم استاذ حبيب النهارده ، وقولتله ان فيه واحد صاحبي حاصل معاه مشاكل كتير واخرها ان الدهان قشر من غير سبب ، وبناءأ عليه
ان شاء الله تتصل بيه بكره وقوله انا احمد صاحب المهندس سامح ، وهوه عندو فكره وهيستضيفك عندو وان شاء الله هيحللك كل المشاكل اللي عندك كما وعدني ، وان شاء الله كله هيكون زي الفل ومتزعلش نفسك ، ولو احتجت اي حاجه انا تحت امرك

[crazylambada]

على فكرة مشكلة حضرتك لو ما انحلتش
محدش حيشتري العربية و انا اولهم
لازم الاستاذ حبيب يحط ده في اعتباره

[M.Nasr]

انا اتضايقت والله لما قريت الموضوع دا
بجد حاجة تحرق الدم وربنا يصبرك
ياريت تقولنا عملت ايه مع التوكيل بخصوص المشاكل دى

[MohabSaeed]

استاذ احمد .............. ماتسيبش حققك........ واضح ان العربيه ديه كانت استوك ...
ولو ماوصلتش معاهم لحل يرضيك
اعملهم مشكله فى حمايه المستهلك .

[tmz9111]

أطلع على جهاز حماية المستهلك

[eita]

السلام عليكم

ازيك احمد باشا

بجد انا متابعك اوى و تقريبا قرات كل المداخلات اللى انت قومت بيها, و بجد عندى ثقه فيك, مش ممكن تقول اى كلام فى كلام, و اكيد انت استنيت كتير لغايه ما تقول الكلام دا.

بس انا حابب اقولك حاجه, ان ربنا معاك و الله, عارف لييه: بدعاء الناس اللى بتقرأ الموضوع بتاعك, و انا اولهم و بجد ربنا هيكرمك و حقك عمره ما يضيع, بس لازم تجرى علييه و تتعب شويه و و انا شوفت اراء الناس من انك تكلم التوكيل او حمايه المستهلك, و انا بقول اعمل كده, بس لو ما فيش فايدة, عليك و على الفرع الرئيسى هو دا الخلاصة, و دا اللى انا برشحه لييك,انت تعمل ايه انت ترووح لواحد بتاع انجليزى كويس, او مكتب محاماه يكتب الصيغه بتاعتك و خلييه هو يخاطب الفرع الرئيسى, اذكر كل المشاكل اللى واجهتك, على فكره انا كنت شغال خدمه عملاء بره و عارف الكلام اللى بقوله دا عن خبره, لو كلمت الفرع الرئيسى راح ياخد بحقك, و على فكره ممكن يشيل التوكيل من عز, لو اتاكيت عليهم فى التقرير اللى انت عامله.

و انا كنت بفكر ان انا اشترى العربي دى و كنت كل ما اكلم واحد يقول ابعد, بس انا كنت بشوف بالذات صيام متحمس للعربيه دى, بس بعد اللى قراته, يبقا مالهاش لزمه.

و بجد و من كل قلبى, ربنا يوفقك يا صيام و تاخد حقك و ايه عربيه موديل 2009 كمان غير الامتيازات اللى راح تاخدها كمان.

و يارب يوفق لى اللى فيه الصالح ليك.

و على فكره دى اول مشاركه ليا فى المنتدى الجميل دا.

بس انا قولت لازم اكلم صيام , الراجل دا سكره, ربنا يوفقك يا رب.

[yasserayad]

أخي الفاضل / احمد

انا كنت بكلم استاذ حبيب النهارده ، وقولتله ان فيه واحد صاحبي حاصل معاه مشاكل كتير واخرها ان الدهان قشر من غير سبب ، وبناءأ عليه
ان شاء الله تتصل بيه بكره وقوله انا احمد صاحب المهندس سامح ، وهوه عندو فكره وهيستضيفك عندو وان شاء الله هيحللك كل المشاكل اللي عندك كما وعدني ، وان شاء الله كله هيكون زي الفل ومتزعلش نفسك ، ولو احتجت اي حاجه انا تحت امرك

والله انت انسان جميل
ربنا يبارك فيك ويعزك

[Eng.Sameh]

والله انت انسان جميل
ربنا يبارك فيك ويعزك

الله يكرمك يا أخ ياسر ، والله احنا لو بقى كلنا قلبنا على بعض الدنيا هتبقى احسن بكتير على كل المستويات ، وألف شكر على كلامك الجميل ده

[ahmedsiyam]

اخوانى الاعزاء معلش انا فى التوكيل و لسه ماستلمتش العربيه موش عارف ارد عليكم علشان الكتابه من الموبايل تخنق بكره ارد عليكم ان شاء الله

[ahmedsiyam]

الاخوة الافاضل
السلام عليكم

اول امبارح غسلت العربية علشان يبقى باين فيها كل حاجة اتضحلى ان التقشير موش فى الاماكن اللى انا مصورها بس ده موجود فى كذا مكان تانى و على الرغم من صغر الحجم الا انه بينتشر

روحت التوكيل امبارح الساعة تقريبا 8 صباحا و استلموا منى العربية وكنت مكلم السيد الفاضل المهندس - مدير الصيانة هناك و مشكور قالى هانعمل اللازم و نسلمك العربية فى نفس اليوم
اولا الحدفة اللى كانت فى العربية يمين بقت شمال قولتلهم عليها
ثانيا المالتى فنكشكن ماتغيرش و عايز اغيره لانه بايظ من ساعة الاستلام
ثالثا العربية رجعت تعمل اصوات غريبة جوه الصالون و ان كانت موش عالية زيى الاول
دخلت العربية و فكوا التابلوه و اتغير الثرموستات و الكويل بتاع التكييف ودخلت مع مهندس فى الصيانة ولد ذوق جدا و وريته مكان التقشير وبلغ المهندس -مدير الصيانة
المالتى فنكش كان السيد مدير الصيانة حاجز واحد لنفسه قالى هاديهولك و بلغ الورشة بالكلام ده
بالنسبة للدهان بتاع العربية قالى كمل الصيانة بتاعة الـ 5000 و بعد كده هاتظهر كل مشاكل البوية و نرشلك العربية و لو انا حابب ارشها دلوقتى هاسيبها عندهم و ابقى اخدها تانى يوم - انتم متخيلين عربية هاتترش و لسه ماكملتش 2000 كلم علشان عيوب الدهان

المهم اخدت الكلام منه و سكت و على الساعة 7.45 مساء قالولى تعال استلم العربية و اليكم النتيجة :
- التكييف كما هو تمام بيعمل صوت عالى و مزعج لم يحدث به شيئ الا ان زمن الفصل و التشغيل بقى طبيعى
-المالتى فنكشن ماتغيرش لان المخزن فاضى
-العربية بتعمل اصوات
-الحدفة زيى ماهى
-التابلوه اتجرح و اتقشر من عند العدادات
-القاعدة بتاعة الفتيس الاوتوماتيك اتجرحت و هم بيفكوها
-الزراير بتاعة الانتظار و الصف اللى جنبها كله اترحلت لتحت شوية مابقيتش فى النص
-فى لون ازرق و لون تانى باهت اورجوانى تقريبا موجود جنب زرار التحكم بتاع المرايات و موش عايز يطلع
- سامع صوت الموتور اعلى من الاول وانا ماشى بالعربية و صوت هواء بسيط و ده طبعا دليل على ان تقفيل التابلوه مارجعش زيى الاول خالص
- اخيرا مفتاح الكونتاكت موش عايز يطلع من العربية نهائى و انا ركنتها و راكب تاكسى حاليا لانى موش هاقدر اسيبها و مفتاحها فيها

[ahmedsiyam]

الاخ eita

باشكرك يا اخى على كلماتك الرقيقة و اتمنى اسمع عنك كل خير ودعواتك