رابطة ملاك الكيا برايد - كلاكيت تانى مرة!

[محمد فريد]

ثالث مشكلة تواجهنى مع البرايد - الحمد لله
من بعد الكوبلن اللى اتكسر - والسخونة طلعت من طبة المياه اللى اتخرمت واشتريتها ب 2 جنيه - تأخير الدوارة بعد مشوار صغير مع انها بتدور الصبح من اول مرة : تقريبا العربية مش واصلها بنزين ولازم افضل اكاركلها بنزين اكن العربية شرقانه مش عارف ايه السبب ممكن يكون فلتر بنزين انا لسه مغيرتوش بس شايف البنزين جواه واضح هابقى اغيره وخلاص وفلتر الهواء كمان اسود هابقى اغيرهم ان شاء الله واقولكوا النتيجة ايه.

[wawamoha]

معقوله مافيش جديد

[محمد فريد]

والله انا اتعقدت أصلا :d

[wawamoha]

ليه بس اتعقدت ياباشا ... خير ان شاء الله
طب انا عاوز خدمه
معؤروض قدامي كيا برايد هاتشباك موديل 97 موتور ماشائ الله بيجيب مية
فرش نضيف قوي بويه 9\10 رشه سقف عل العضم
حوض فابريكه شنطه فيها سمكره بسيطه في الحته اليمين ومش واصله للشاسيه خالص
مطلوب فيها 30 الف نهائي
كده السعر كويس ؟
اه العربيه فاضيه مش مكيفه
ايه رايكم شوروا عليا و الله
و شكرا

[أحمد الجندى]

والله انا اتعقدت أصلا :d

ولا تعقيد ولا حاجة ماتوهمش نفسك علشان ما تكرهش العربية ... ولازم تعرف ان كل عربية لازم يعدى عليها توقيت كده تقرفك شوية انت بس خد بالك منها والمرحلة دى حاتعدى بإذن الله

[أحمد الجندى]

ليه بس اتعقدت ياباشا ... خير ان شاء الله
طب انا عاوز خدمه
معؤروض قدامي كيا برايد هاتشباك موديل 97 موتور ماشائ الله بيجيب مية
فرش نضيف قوي بويه 9\10 رشه سقف عل العضم
حوض فابريكه شنطه فيها سمكره بسيطه في الحته اليمين ومش واصله للشاسيه خالص
مطلوب فيها 30 الف نهائي
كده السعر كويس ؟
اه العربيه فاضيه مش مكيفه
ايه رايكم شوروا عليا و الله
و شكرا

كتير قوى السعر ده المبلغ المطلوب يجيبلك برايد 99 بجنوط وسنتر وانذار وتكييف وبتقول بابا وماما كمان يبقى ازاى اللى عارض عليك ده معاه برايد فاضية وعايز يبيعها بالرقم ده؟ حاسس انه متأثر باسعار النت وتجار السوق والعربية دى كبيرها 27

حضرتك فيه هنا حد بيتمن العربيات أنت بس قله على المواصفات والسعر واسمع حايقولك ايه

[wawamoha]

حضرتك فيه هنا حد بيتمن العربيات أنت بس قله على المواصفات والسعر واسمع حايقولك ايه[/quote]

ياباشا شكرا جدا عل نصيحتك
هو فعلا انا حاسس انه كتير انا قلت له لو بشتري العربيه دي من تاجر مش هاتجيب اكتر من 29 بس انا عارف سعرها يعمل 28
بس بصراحه بقالي شهرين بدور م لقيتش حاله نضيفه خالص كل اللي بيبيع بتبقى العربيه مشنه غالبا او عاوزه شغل
عموما مين هو ده اللي بيتمن العربيه ؟ عاوز اوكلمه لو سمحت

[أحمد الجندى]

اتفضل

http://www.nilemotors.net/Nile/249687-a.html

[محمد فريد]

ولا تعقيد ولا حاجة ماتوهمش نفسك علشان ما تكرهش العربية ... ولازم تعرف ان كل عربية لازم يعدى عليها توقيت كده تقرفك شوية انت بس خد بالك منها والمرحلة دى حاتعدى بإذن الله

الحمد لله على كل شئ - هى العربية والله حلوة و أنا بدأت أحبها - اى نعم فى شوية حاجات عايزة تتظبط بس واحده واحده كله يتعمل

خدوا الجديد : امبارح فكيت الكلاكس القديم بتاع العربية المدور ده لقيت مكتوب عليه c.i.t made in china
المهم فكيته وجربته على البطارية لقيته بيشحط - انا مستنيتش وقولت فرصه اغيره
رحت جبت طقم mixo اللى هو ودن القطة ده بس الفرنساوى ب 70 ج والصينى كان ب 45 رحت جايب الفرنساوى ومعاه الكتاوت بتاعته وركبته والحمد لله جميل.

[Mido_Azzam]

مؤشر الحرارة مكنش شغال خالص وديت العربيه للكهربائى قالى صباع الحرارة بايظ !!
روحت جبت واحد يابانى ب 25 جنيه ... صباع الحراره ده عباره عن مسمار قلاووظ كده قطره مش كبير اوى بيتحط عالموتور تقريبا ورا الردياتير بيتوصل بسلك كده .. ركبته و الحمدلله اشتغل بس اللى كنت مستغربله ان المؤشر مش بيزيد للنص زى العربيات الجديده لما العربية بتسخن

[أحمد الجندى]

مؤشر الحرارة مكنش شغال خالص وديت العربيه للكهربائى قالى صباع الحرارة بايظ !!
روحت جبت واحد يابانى ب 25 جنيه ... صباع الحراره ده عباره عن مسمار قلاووظ كده قطره مش كبير اوى بيتحط عالموتور تقريبا ورا الردياتير بيتوصل بسلك كده .. ركبته و الحمدلله اشتغل بس اللى كنت مستغربله ان المؤشر مش بيزيد للنص زى العربيات الجديده لما العربية بتسخن
:10d5c8w1107:

يا باشا العربية دى ضد السخونة :b4_388: أنا كنت بنزل بيها فى عز الصهد وبمشى ما يزيد عن 3 ساعات كان يادوب المؤشر يعدى النص بشوية بسيط

[eslamrace]

يا باشا العربية دى ضد السخونة :b4_388: أنا كنت بنزل بيها فى عز الصهد وبمشى ما يزيد عن 3 ساعات كان يادوب المؤشر يعدى النص بشوية بسيط

اولا موضوع جامد جدا واسف على تاخرى فى المشاركه بس والله هى قله الدخول على النت بس ملحوقه ان شاء الله
ثانيا انا عندى مشكله حتجننى العربيه عندى كنت الاول بسافر بيها وعلى سرعات عاليه والحراره مش بتعدى النص وكله تمام بقالها كام شهر كده جوه البلد مستحيل تسخن ولو ماشى بيها طول اليوم بس لما بسافر بيها بتسخن جامد والميه بتقل حتى لو ماشى 100 رحت لبتاع الريداتيرات قالى نعمل جوان للغطى قولته ماشى وبرضه فيها نفس المشكله مش عارف اغير الريداتير ولا اعمل زى الميكانيكى ماقاللى واغير الغطا بس
وللعلم برضه انا لسه شارى 2 كوبلن تايوانى النهارده ب220 جنيه

[fitoo]

بابا عنده كيا برايد 2002 اوتوماتيك هي العربية كويسة الى حد ما بس مشكلتها ان التكييف بتاعها ضعيييييف جدااا و مش بيوصل للي ورا خااالص بالاضافة الى ان العربية فعلا خفيفة جداااا على الطريق لدرجة اننا بنخاف نسافر بيها على عكس الميتسوبيشي (العربية اللي قبلها) فعلا كانت عربية ثابتة جداا و مريحة و مكيفها ممتاز فعلا احنا بنتندم اننا بيعناها و جيبنا البرايد

[Mido_Azzam]

اولا موضوع جامد جدا واسف على تاخرى فى المشاركه بس والله هى قله الدخول على النت بس ملحوقه ان شاء الله
ثانيا انا عندى مشكله حتجننى العربيه عندى كنت الاول بسافر بيها وعلى سرعات عاليه والحراره مش بتعدى النص وكله تمام بقالها كام شهر كده جوه البلد مستحيل تسخن ولو ماشى بيها طول اليوم بس لما بسافر بيها بتسخن جامد والميه بتقل حتى لو ماشى 100 رحت لبتاع الريداتيرات قالى نعمل جوان للغطى قولته ماشى وبرضه فيها نفس المشكله مش عارف اغير الريداتير ولا اعمل زى الميكانيكى ماقاللى واغير الغطا بس
وللعلم برضه انا لسه شارى 2 كوبلن تايوانى النهارده ب220 جنيه

شوف يا أستاذى

العربية فيها 100 سبب عشان تسخن يعنى مثلا انا هحكيلك على اللى حصل معايا
كانت الطرنبة مبتقلبش الميه كويس ( دوره المياه مش شغالة بصورة سليمة ) او ممكن يكون الردياتير مسدود بس جرب تغير الغطا كده زى ما الميكانيكى قللك وشوف ايه اللى هيحصل بدل متغير الردياتير كله و انت لسه مشترى كبالن ب 220 جنيه فا مش ناقصه تكاليف
تحيــــاتى .... :D

[bmwx5n]

بابا عنده كيا برايد 2002 اوتوماتيك هي العربية كويسة الى حد ما بس مشكلتها ان التكييف بتاعها ضعيييييف جدااا و مش بيوصل للي ورا خااالص بالاضافة الى ان العربية فعلا خفيفة جداااا على الطريق لدرجة اننا بنخاف نسافر بيها على عكس الميتسوبيشي (العربية اللي قبلها) فعلا كانت عربية ثابتة جداا و مريحة و مكيفها ممتاز فعلا احنا بنتندم اننا بيعناها و جيبنا البرايد

لو والد حضرتك حب يبيع العربية انا ممكن اشتريها