رابطة ملاك الكيا برايد - كلاكيت تانى مرة!

[muhamedaly]

بخصوص الذهاب للتوكيل.اتصلت بالتوكيل القديم للكيا وادانى نمرة تليفون التوكيل الجديد في ابو رواش.واتنصلت بيهم ادوني ميعاد .بس عاوز اي واحد يكون بيعمل صيانة للبرايد سيدان في التوكيل انه يفيدني باي معلومات.مثلا هل كل قطع الغيار متوفرة؟واسعارهم ايه؟والافضل التوكيل ولا الموضوع مش مستاهل؟انا عاوز اشييك علي الفتيس الاوتوماتيك .واغير مقصات وقواعد الموتور وبلية كاتينة والسيور.انا خايف اضرب مشوار جامد من المنيا للتوكيل وبعدين اتصدم.

[أحمد الجندى]

بخصوص الذهاب للتوكيل.اتصلت بالتوكيل القديم للكيا وادانى نمرة تليفون التوكيل الجديد في ابو رواش.واتنصلت بيهم ادوني ميعاد .بس عاوز اي واحد يكون بيعمل صيانة للبرايد سيدان في التوكيل انه يفيدني باي معلومات.مثلا هل كل قطع الغيار متوفرة؟واسعارهم ايه؟والافضل التوكيل ولا الموضوع مش مستاهل؟انا عاوز اشييك علي الفتيس الاوتوماتيك .واغير مقصات وقواعد الموتور وبلية كاتينة والسيور.انا خايف اضرب مشوار جامد من المنيا للتوكيل وبعدين اتصدم.

للاسف مكنش معانا غير واحد بس بيتعامل مع التوكيل وهو بقاله مدة طويلة غايب عن الرابطة ..... بس من حيث الكفاءة المفروض ان الناس دى فاهمة كويس من حيث قطع الغيار فانت وحظك اما عن الاسعار فمؤكد حاتبقى أغلى من الصنايعية مفيش توكيل رخيص .... ولو انت خايف تتلسع جامد خليهم يكشفوا ويقولولك الكلام حايتكلف كام قطع غيار ومصنعية وأنت قرر ناوى على ايه .

[أحمد الجندى]

أنا قررت إن شاء الله أشترى كيا برايد هاتشباك أو سيدان لو كانت فى المتناول وبعد متابعت المنتدى وأراء الأعضاء المحترمين اللى بجد أفادونى إفاده كبيره جدااااااااا والله وربنا يجعلو فى ميزان حسناتهم جميعا لأنى بجد مكنش ممكن أعرف المعلومات دى فى أى مكان تانى ... وبعد المتابعه الجيده لمعظم أراء الأعضاء فأنا قررت أنى أبحث عن برايد موديل من 96 وحتى 99 (لأن ده الكورى زى ما عرفت منكم ) بشرط أن تكون حالتها جيده ولذلك : أتمنى من جميع الأعضاء الكرام مساعدتى بأى معلومه ممكن تفيدنى فى الموضوع ده ومهما كانت المعلومه دى حد شايفها صغيره بس ممكن تفرق معايا جدا .. خصوصا أن دى هتكون أول عربيه ليا أن شاء الله ولأسرتى الصغيره ... فيارب محدش يبخل عنى بأى معلومه لأنى بجد خبرتى قليله جدا ومش عايز عربيه تكرهنى فى كل العربيات

ربنا يوفقك للى فيه الخير ويكرمك بعربية حالتها كويسة .... أهم حاجة الاستخارة وعدم الاستعجال وتشوف حد ثقة تجيب منه وحد بيفهم قوى يبصلك على العربية

[ahmadm]

للاسف مكنش معانا غير واحد بس بيتعامل مع التوكيل وهو بقاله مدة طويلة غايب عن الرابطة ..... بس من حيث الكفاءة المفروض ان الناس دى فاهمة كويس من حيث قطع الغيار فانت وحظك اما عن الاسعار فمؤكد حاتبقى أغلى من الصنايعية مفيش توكيل رخيص .... ولو انت خايف تتلسع جامد خليهم يكشفوا ويقولولك الكلام حايتكلف كام قطع غيار ومصنعية وأنت قرر ناوى على ايه .

السلام عليكم و رحمة الله و بركاتة انا جيت فى الوقت المناسب واحشنى و الله يا اخ مناور ربنا يديم المعروف :)

شوف يا باشا انا حتى الان بعمل العربية فى التوكيل بردة العربية خلاص قربت على 80000 كيلو و زى الفل اهم حاجة فى التوكيل يا باشا انة بينفض العربية و بيكشف عليها و يقولك كل المشاكل اللى فيها و دية اهم حاجة لاكن قطع الغيار مش بتكون كلها متوفرة مقصات وقواعد موتور ما كانتشى عندهم سيور موجودة عادى طيب انا لية بروح التوكيل ؟ بروح عشان الكشف الدورى اللى بيظهر اى مشكلة فى العربية و بكدة انت بتعرف العربية محتاجة اية .يعنى لو فية حاجة العربية محتاجاها و مش موجودة عندهم باروح لواحد متخصص كيا اسمة الجندى فى شارع دمشق مصر الجديدة و اجيب الحاجة من عندة اصلى ول مافيش اصلى ممكن اجيب كورى او اغلى حاجة عندة و بعدين عندك حلين تاخد الحاجة و تطلع على التوكيل و هو هايركبهملك او تروح تركبهم برة عند حد نضيف و بكدة انت كل مرة بتعمل صيانة فى التوكيل بتضمن انك تعرف اى مشكلة تجد فى عربيتك و كدة العربية تفضل سليمة انشا الله و على فكرة قطع الغيار بتتفاوت يعنى لو ما لاقتهمشى مرة فى المرة التانية ممكن يكونو موجودين و طبعا بردة انت كل مرة بتروح للتوكيل هو بيسألك كدة زاى الدكتور بتشتكى من اية فى العربية :) و ربنة يوفقك على فكرة اناعربيتى عمرها ما وقفت معاية الحمد لله انا مشتريها و هية عاملة 19000 كيلو و الان عاملة 80000 كيلو ملحوظة علبة الدركسيون الباور مش موجودة ولا فى التوكيل ولا برة التوكيل. حاجة كمان هو مش بيغيرلك حاجة غير لما بيقولك الاول حاجة كمان العربية لو حصل فيها حاجة بعد ما بتمشي عادى جدا بتاخدها ترميهلمهم فى وشهم ماهى عربيتهم و ملزمة منهم و انت بتعد زاى الباشا فى الاستراحة عندك انترنت و شاى و قهوة و نسكافية و تليفزيون و لما يخلصو بيندهولك فى الاذاعة

[mradelcom]

شباب انا لسه شاري الكيا برايد سيدان مو98 وكنت عايز اغير المساعدين الامامي وتقربيا افضل مساعدين تكلفتهم كام والقيهم فين وكمان انا من حلوان محدش يعرف عفشجي كويس يركبهم ويفهم في الكيا وهيتكلف كام الموضوع كله

[muhamedaly]

شكرا علي المتابعة استاذahmedm بس يا ريت تقوللي انت بتروح توكيل ايه بالظبط .علشان لما اتصلت ب19542 حجزولي في ابو رواش.وسالتهم انتو بتشتغلو في البرايد؟قاللولي لو العربية لغاية موديل 2000 تبقي كوري ونشتغل فيها انما الموديلات الاحدث تبقي ايراني.وانا معايا 2002 ومكتوب علي العربية جو الكبوت made in koria .معلش بطول عليك.حاجة كمان لو انا هناك واحتجت قطعة غيار من بره ممكن اروح اشتريها وارجعلهم يركبوها ولا لا.علشان انا عاوز انجز في يوم واحد .واسعارهم عامله ايه.وعربيتك موديل كام؟

[muhamedaly]

استاذ ahmadm عربيتك مانوال ولا اوتوماتيك؟علشان انا معايا اوتوماتيك وبحس بنتشة احيانا في النقلات وسحب ضعيف .ففكرت اكشف عليه في التوكيل.واغير زيت للفتيس يكون افضل من موبيل علشان انا مغير بموبيل من حوالي 4000 ك لكن حاسس انه في احسن منه.وقرات عن زيت الماني للفتيس حكايه بس مش عارف التنوكيل بيتعامل بيه ولا لا.وشكرا .معلش استحملني اصلي موسوس شويه.واحب اعمل كل حاجه صح.مع ان في ناس بتتعجب اني عاوز اروح بالبرايد التوكيل.بحجه انه اي ميكانيكي ممكن يشتغل فيها.

[muhamedaly]

علي فكرة انا قرات مشاركتك بتاريخ 18\4\2011 وياريت تقوللي عملت ايه في مشكله ظبط الاسبراتير والكربراتيروالتكييف وليه التوكيل مظبطش الحجات دي .وهل لاقيت حل لموضوع الرجة بتاع الفتيس وانت دايس فرامل علي ال d

[ahmadm]

شكرا علي المتابعة استاذahmedm بس يا ريت تقوللي انت بتروح توكيل ايه بالظبط .علشان لما اتصلت ب19542 حجزولي في ابو رواش.وسالتهم انتو بتشتغلو في البرايد؟قاللولي لو العربية لغاية موديل 2000 تبقي كوري ونشتغل فيها انما الموديلات الاحدث تبقي ايراني.وانا معايا 2002 ومكتوب علي العربية جو الكبوت made in koria .معلش بطول عليك.حاجة كمان لو انا هناك واحتجت قطعة غيار من بره ممكن اروح اشتريها وارجعلهم يركبوها ولا لا.علشان انا عاوز انجز في يوم واحد .واسعارهم عامله ايه.وعربيتك موديل كام؟

انا بروح توكيل ابو رواش و عربيتى موديل 2003 و العربيات اللى مش بيستقبلوها هية العربية السايبا الايرانى موضوع انك لو احتجت قطعة تروح و ترجع دية مش عارف بصراحة و انا عمرى ما عملت كدة كنت بجيب اللى بيكتبوا ان فية مشكلة من برة و اركبة برة عند حد كويس ما بيبقاش عندى خلق ارجع التوكيل تانى الاسعار اسعار توكيل كل حاجة بحساب مختلف بس قطع الغيار هية هية برة او جوة

[ahmadm]

استاذ ahmadm عربيتك مانوال ولا اوتوماتيك؟علشان انا معايا اوتوماتيك وبحس بنتشة احيانا في النقلات وسحب ضعيف .ففكرت اكشف عليه في التوكيل.واغير زيت للفتيس يكون افضل من موبيل علشان انا مغير بموبيل من حوالي 4000 ك لكن حاسس انه في احسن منه.وقرات عن زيت الماني للفتيس حكايه بس مش عارف التنوكيل بيتعامل بيه ولا لا.وشكرا .معلش استحملني اصلي موسوس شويه.واحب اعمل كل حاجه صح.مع ان في ناس بتتعجب اني عاوز اروح بالبرايد التوكيل.بحجه انه اي ميكانيكي ممكن يشتغل فيها.

عربيتى اوتوماتك و تغيير زيت الفتيس دة التوكيل هو اللى بيعملو حسب جدول الصيانة و انا ملتزم مع التوكيل من اول ما اشتريت و الفتيس تمام بدون اى مشاكل الحمد لله النتشة و السحب و كدة لما تروح قولهم على الحاجات دية و هما يقولولك على اللى فية . موضوع الناس بقى و وجع القلب دة انا ماليش فية دية عربيتى انا و انا اعملها صيانة زاى ما احب دية حاجة شخصية.

[ahmadm]

علي فكرة انا قرات مشاركتك بتاريخ 18\4\2011 وياريت تقوللي عملت ايه في مشكله ظبط الاسبراتير والكربراتيروالتكييف وليه التوكيل مظبطش الحجات دي .وهل لاقيت حل لموضوع الرجة بتاع الفتيس وانت دايس فرامل علي ال d

الاسبراتير دة بصراحة كان زاى الفل الابيض لما جبت العربية و مظبوط جدا بس مرة كسلت اروح التوكيل و الميكانيكي لعب فية و طبعا بالشفا ظبطة برة فى مركز بيظبطة باليزر التوكيل ظبطة بردة بس انا بردة موسوس.

الكربراتير نضفتة عادى بس برة التوكيل عشان التوكيل مش بينضف طبعا

التكييف انا غيرت الكباس فى رمضان اللى فات عشان كان ضعيف و اشتغل تمام

هية مش رجة دية هزة خفيفة و دا نتيجة لعب الميكانيكي فى السبراتير.

الهزة موجودة لسة عندى و طبعا هية مش مأثرة فى اى حاجة غير و انت ماشي فى الزحمة ولاكن الصح بتاع الفيتيس الاوتوماتك و اللى انا بعملة هو انك اول ما تقف بالعربية تجيب على ال n
و عشان العربية ما تبقاش متكتفة و دة بيقصر عمر الفيتيس غير كمان انك لما تيجي تركن على منحدر تشد الفرامل الاول و بعدين تجيب على ال p عشان ما يبقاش وزن العربية متحمل علي الفتيس و طبعا كدة يبوظ تماما و بعدين لما تدوس بنزين بلاش كبس ادى فرصة للعربية تنقل براحتها شيل رجلك من على البنزين باراحة هاتروح العربية ناقلة و ربنة يكرمك و انا تحت امر سيادتك.

[muhamedaly]

merciiiiiiiiiiiiiiiiiiiiiiiiiiiiiiiiiiiiiiiiiiiiii .وان شاء الله هعرفك ايه اللي حصل معايا بعد ما ارجع يوم الاثنين 19\3

[ahmadm]

merciiiiiiiiiiiiiiiiiiiiiiiiiiiiiiiiiiiiiiiiiiiiii .وان شاء الله هعرفك ايه اللي حصل معايا بعد ما ارجع يوم الاثنين 19\3

على فكرة انا كمان من المنيا والدى و اهل والدى:) ابا الوقف البلد :)

[أحمد الجندى]

حمدا لله على السلامة يا أحمد ايه الغيبة دى كلها .... ده الرابطة مكنش فيها غيرى

كان عندى سؤال يا أحمد هو التوكيل اللى بتروحه بيشتغل فى الكيا سيفيا ؟

[ahmadm]

حمدا لله على السلامة يا أحمد ايه الغيبة دى كلها .... ده الرابطة مكنش فيها غيرى

كان عندى سؤال يا أحمد هو التوكيل اللى بتروحه بيشتغل فى الكيا سيفيا ؟

الله يسلمك يا غالى والواحد بقى كوسلى جدا مش عارف لية:)

التوكيل بيشتغل فى أى جن ازرق :) يعنى هايشتغل فى البرايد و السيفيا لا ؟:)