رابطة ملاك الكيا برايد - كلاكيت تانى مرة!

[shnieder7]

انا والله قريت جزء كبير من الموضوع ومافادنيش بكتير
لإني عايز أسأل على موديل معين
علشان انا معرفش الفرق بين الموديلات ايه
كمان
ياريت لو تقولولي عربية كيا برايد موديل في الحدود دي.. يعني 2006 - 2007 يبقى بكام في الفترة دي علشان محدش يشتغلني

شكرا

[أحمد الجندى]

الموديل اللى أنت عايزه الشكل القديم لا يختلف عن الموديل اللى قبله وحتى اللى بعده مايختلفش عنه غير فى الشكل انما كميانيكا نفس الشىء

لو بتسأل عن قطع الغيار فمتاحة وبكثرة وحتلاقى اسماء محلات قطع الغيار فى أول الموضوع وفى كذا مكان فمهما كان مكانك حتلاقى قطع غيارها ..... بالنسبة للوسع الداخلى فالعربية مش ديقة واللى قاعد قدام وورا بياخد راحته مع ان شكلها يوحى انها صغيرة .... الشنطة معنديش خلفية عن حجمها وتسع قد ايه لانى كان معايا الهاتش باك بس فى اعتقادى انها معقولة .... مميزاتها سهولة الصيانة قطع غيار متوفرة وباسعار رخيصة انتشار جيد ومطلوبة فى حالة البيع عالية عن الارض فمش حتقابل مشاكل مع المطبات .... عيبها الثبات مش قد كده يعنى بقية العيوب اللى أنا ذكرتها مرتبطة بالموديل الهاتش باك العربية دى فعلا اصيلة وبتاعة شغل بس انت استنضف حالة كويسة وان شاء الله حتلاقيها حمالة اسية

بالنسبة للسعر فأنا شوفتها فى السوق وبيبيعها تاجر وكمان اوتوماتيك ب 35 يعنى من الاخر المفروض لو حاتيجبها من حد يبقى بتتكلم فى حدود 33 أو 34 ولو حاجة حالتها مميزة يبقى حسب الاتفاق مع صاحب العربية... وربنا يوفقك لحاجة كويسة

[sadeek]

ياعم رد علينا ولا احنا منستهلش

[أحمد الجندى]

ياعم رد علينا ولا احنا منستهلش

حضرتك مستنى رد منى ولا من حد تانى ؟

[محمد فريد]

يا جماعه هو 2 كوبلن استيراد بالاكسات بتاعتهم يعملوا فى حدود كام وشكرا

[may_moon911]

يا جماعه هو 2 كوبلن استيراد بالاكسات بتاعتهم يعملوا فى حدود كام وشكرا

العاديين من اي حته ب 180 جنيه او 170 كمان ......... المستورد مش عارف بكام الصراحه

[sadeek]

السلام عليكم
لامش منك يا اخ مناور ولكنى سئلت الاخ الصواف ولم يرد وشكرا

[sadeek]

السلام عليكم
ياترى يا اخ صواف ركبت الانذار وهل لما يركب الانذار بتشيل الكتاوت الاصلى للسنتر فاذا كان ارجوك انا احتاجه ضرورى شراء بلسعر الذى تحدده وارجو الرد السريع وشكرا

هو ده السؤال

[أحمد الجندى]

السلام عليكم
لامش منك يا اخ مناور ولكنى سئلت الاخ الصواف ولم يرد وشكرا

التمسله العذر لانه بقاله كتير ما بيدخلش المنتدى وشكله مشغول

[wawamoha]

لو سمحتم يا حبايبي انا معايا كيا برايد 2001 و بدور لها عل قلب كونتاكت م و مش لاقي سالت عليها في شارع دمشق و في التوفيقيه ؟؟
حاولت اصلحه الراجل قاللي يا بيه ده رايح و اي مفتاح بيفتحه ؟ هات واحد جديد !!

شكرا

[wawamoha]

لو سمحتم يا حبايبي انا معايا كيا برايد 2001 و بدور لها عل قلب كونتاكت م و مش لاقي سالت عليها في شارع دمشق و في التوفيقيه ؟؟
حاولت اصلحه الراجل قاللي يا بيه ده رايح و اي مفتاح بيفتحه ؟ هات واحد جديد !!

شكرا

معقوله ماحدش يعرف يساعد في النقطه دي؟

[محمد فريد]

انا كنت عامل الموضوع ده فى قسم الصوتيات بس محدش رد عليا قولت اعمله عند فى بيت الكيا يمكن الاقى حل

http://www.nilemotors.net/Nile/261526-a.html#post3873990356

العربية اشتريتها من غير رف وعملتها رف mdf على ايدى وطبعا صوت البيز مفيش (مش مكتوم يعنى زى الفابريكة) سماعتين كينوود 400 وات فلو فى حد معاه برايد يقولى على مقاسات الرف عشان اعمل واحد زيه بالظبط

ويبقى مشكووووور

[m_bagory]

السلام عليكم
*عندى مشكله فى الكاربتير لانى بعدت مااشتريت العربيه(برايد 2001 اتوماتيك)-الميكانيكى قالى ان الكاريتير اللى راكب فيها مش بتعها-وبعدين بتأكل بنزين بطريقة فظيعه يعنى تعملها 130-140 فى الصفيحة--
* وفى مشكله فى السرفو فى تنفيس فى الجلبه -

بسأل يا أخوة على مكان لبيع قطع غيار البرايد الاستيراد
عاوز كاربتير -سرفو
ولا الجديد أفضل----حد يعرف اسعار الجديد والاستيراد

[أحمد الجندى]

أنا اقترح على حضرتك انك تستشير الناس اللى فى مركز الصفا بتوع الكربراتير أنا كان ليا معاهم تجربة كويسة جدا
حتلاقى موضوعهم هنا

http://www.nilemotors.net/Nile/249389-a.html

بالنسبة لحد بيبيع استيراد فأنا كنت كتبت هنا اسماء كام محل فى الحرفيين وفيه واحد مابيشتغلش غير فى البرايد حتلاقى عنده حاجات مش عند أى حد .

[m_bagory]

ممكن تكتب الناس اللى فى الحرفيين بتوع الاستيراد ولو ارقام تليفوناتك
جزاك الله خيراا