رابطة مالكى الاكسيل-الجزء الأول

[y_ammar2000]

السلام عليكم
مفيش حد يعرف واحد متخصص فى العدادات يكون كويس وبيتقى الله وحنين فى المصنعيه

[Nader]

انا مغير بوجيهات من اسبوعين تقريبا يا نادر بس بصراحه انا نغيرهم بايدي مارحتش لحد تفتكر دا الي عامل مشكله؟؟؟

ممكن كمان يكون في مشكلة في سلوك الاسبراتير

الف شكر للباش مهنس نادر وبإذن الله الجمعه القادمة حروح للمكانيكى واخليه يكشف على السيور واشوف اخبار طرنبة الميه ايه ؟
جزاكم الله خيرااا كثيرااااا

جزانا الله واياكم

السلام عليكم
مفيش حد يعرف واحد متخصص فى العدادات يكون كويس وبيتقى الله وحنين فى المصنعيه

معرفش حد بالاسم، بس شارع أحمد سعيد هتلاقي هناك ورش كتير، شوف الزحمة فين وروح له!

[good09]

في انواع

نوع بتحط مع البنزين وبيمشي مع دورة الوقود لحد ما يوصل للكربيراتير (ودة انا حاسس انه ملهوش لزوم وخصوصاً لما تستخدمة لأول مرة بعد ما تكون العربية اشتغلت 10 سنين بدوت تنظيف لدورة الوقود أو الكربيراتير).


والنوع التاني اسبراي بترشه على الكربيراتير وبيزوب الرواسب إلى حد كبير.

ونظرياً انا مش شايف له اضرار الا لو كان النوع الاول اللي بيتحط مع البنزين له تأثير كيميائي على خراطيم البنزين!

شكرا ياباشا

[siefahmed]

قطع غيار اكسيل

السلام عليكم ورحمة الله
انا مغير طقم مساعدين الأسبوع الماضى
الأمامى الزوج بـ 300 كورى وبـ 570 يابانى
الخلفى بـ 150 كورى

[ahmedhtaher]

السلام عليكم
مفيش حد يعرف واحد متخصص فى العدادات يكون كويس وبيتقى الله وحنين فى المصنعيه

في واحد عند منزل كوبري الدقي ناحية الجيزة علي يمين المنزل علي نصيته محطة بنزين دة كويس وعن تجربة

[ahmedhtaher]

ميكانيكي هيونداي

ياريت لو حد يعرف ميكانيكي متخصص هيونداي بس يكون شاطر ( صناعي

بمعني الكلمة ) يقولنا عليه علشان نستفاد منه ويكون عن تجربة

[alsayedsabry]

السلام عليكم ورحمه الله وبركاته عوده بعد غياب وانا اّسف جدا بس كان ليه سؤال من الناس اللى فاهمين اكسيل كويس انا عندى فى فوانيس فى وش العربيه طالعه ووشها مش حلو رحت ل2 سمكريه
الاول قالى هنلم الموضوع ب200 جنيه ونعمل اللازم
الثانى قال بما ان الفلوانيس طالعه ففيه شكله فى وش العربيه من جوه دا غير ان على كلامه ان الشاسيه فيه مشاكل وقال انها لازم تتشد من الاول ودا هيتكل كتتتييييير
فالرأى ممكن يكون ايه ؟؟ افيدونى

لا يا جميل الباشا اللى عاوز 200 جنيه نصاب انا كان عندى نفس المشكلة ورحت لواحد الله يبارك له سمكرى محترم اللى دلنى عليه المنتدى هنا عملها لى واتكلفت هى وفك الاكصدام الامامى وتغير الشايه بتاعه وتظبيط ما يلزم 50 جنيه مش اكتر من كده

[aomran]

السلام عليكم يا شباب
انا لسة مبتدئ واول مرة اسوق وبفكر ان شاء الله اشتري عربية بس عندي سؤال
المفروض ان العربية تبقي عاملة حد اقصى في حدود كام الف كيلو علشان بعد ما اشتريها لا احتاج اني اعمل عمرة للموتور واساسا اية هي عمرة الموتور دي ؟
يعني علشان سؤالي يبقى اوضح شوية انا عايز اشتري اكسيل وانا اعرف ان اخر الاكسيل موديل 98 وبفرض ان العربية المفروض انها بتمشي من 17 ل 20 الف في السنة يبقي على المعدل ده لو عربية موديل 98 تبقى عاملة على الاقل 187000 فهل يا ترى العربية اللي بالشكل ده تبقى كده كده هتحتاج لتجديد الموتور ولا لا؟

[roro_fofa2002]

سلام الله عليكم مشكورين اخوتى على هذة المعلومات الجيدة

[roro_fofa2002]

انا عندى اكسيل مو 97 1500 سى سى لسة مجدد العربية ودى بعض اسعار قطع الغيار.1- اكصدام خلفى 390 جنية (اصلى) لايوجد منة صينى. 2- عدد 2 مساعدين خلفى (يابانى زيت+غاز) 270 جنية. 3-بارات دركسيون داخلى 80 جنية. 4- فلتر بنزين 25 جنية 5-فلتر هواء 15 جنية 6-سير باور 15 جنية 7-سير كاتينة (اصلى) 65 جنية 8- طقم جرايد جنب 50 جنية 9- طقم دلايات( خلفى+ امامى) 40 جنية 10- طقم كارتيرات (صينى) 50 جنية. 11- طقم كاوتش جى تى راديال مقاس 185/70 مبلغ 1120 جنية+طقم جنوط تايوان 8 ريشة مقاس 13 مبلغ 1250 جنية من شركة اراب كوم. ملحوظة هامة جدا: مقاس الكوتش ياجماعة دة مريحنى جدا ومريح العفشة بتاع السيارة ومفيش مشاكل مع المطبات+ثبات السيارة على السرعات العالية. اوعى حد ياجماعة يجيب جنوط صينى على القل من النوع الرخيص انا كان معايا جنوط صينى بوظتلى عفشة العربية واستهلكت كاوتش وفى الاخر فى جنط اكسر من مطب عادىجدا. لله الامر من قبل ومن بعد

[M.FOUAD]

السلام عليكم يا شباب
انا لسة مبتدئ واول مرة اسوق وبفكر ان شاء الله اشتري عربية بس عندي سؤال
المفروض ان العربية تبقي عاملة حد اقصى في حدود كام الف كيلو علشان بعد ما اشتريها لا احتاج اني اعمل عمرة للموتور واساسا اية هي عمرة الموتور دي ؟
يعني علشان سؤالي يبقى اوضح شوية انا عايز اشتري اكسيل وانا اعرف ان اخر الاكسيل موديل 98 وبفرض ان العربية المفروض انها بتمشي من 17 ل 20 الف في السنة يبقي على المعدل ده لو عربية موديل 98 تبقى عاملة على الاقل 187000 فهل يا ترى العربية اللي بالشكل ده تبقى كده كده هتحتاج لتجديد الموتور ولا لا؟

بص هي مبتتحسبش كدة العداد دة اخر حاجة تفكر فيها اهم حاجة حالة الدهان و حالة المكنة
انت ممكن تلاقي عربية عاملة 70 الف و حالة المكنة فيها اسوا بكثير من عربية عاملة 200الف دية بترجع حسب استخدام الشخص بيغير زيت في ميعادة و فلتر و محافظ على الحرارة دايما
دة غير ان اغلب العربيات لو وقعت في ايد تاجر مرة اكيد هيلعب في عدادها فمتحطش العداد في دماغك خد معاك ميكانيكي او اكبس للموتور في البنزينة اضمن

[mahmmoud1980]

انا عايز اغير الفرامل والطنابير ممكن اعرف سعرهم للضرورى
1- تيل الفرامل امامي والخلفي
2- سعر الطنابير الاماميه والخلفية

[aomran]

بص هي مبتتحسبش كدة العداد دة اخر حاجة تفكر فيها اهم حاجة حالة الدهان و حالة المكنة
انت ممكن تلاقي عربية عاملة 70 الف و حالة المكنة فيها اسوا بكثير من عربية عاملة 200الف دية بترجع حسب استخدام الشخص بيغير زيت في ميعادة و فلتر و محافظ على الحرارة دايما
دة غير ان اغلب العربيات لو وقعت في ايد تاجر مرة اكيد هيلعب في عدادها فمتحطش العداد في دماغك خد معاك ميكانيكي او اكبس للموتور في البنزينة اضمن

متشكر جدااااا لرد حضرتك
كده اللي فهمتة من حضرتك اني لو عملت كبس للموتور وطلع حالتة كويسة كده مش مهم العداد حتى لو عاملة اكتر من 200 الف؟
طب موضوع الكبس ده هو اللي بيوضح اذا كان صاحب العربية محافظ عليها ولا لا زي ما حضرتك بتقول يعني بيبن اذا كان بيغير الزيت في ميعادة والفلتر ومحافظ على الحرارة دايما زي ما بتقول؟
والمفروض ان الحد الادني للنسبة اللي هتطلع من كبس الموتور تكون كام علشان اعرف العربية كويسة ولا لا - انا اعرف كده انة بيطلع نسبة مئوية لحالة الموتور صح الكلام ده ولا غلط؟
والكبس ده بيكون ازاي اساسا؟

[y_ammar2000]

السلام عليكم
الى ا0 roror _fofo2002
اولالا مبروك على التجديد
الحجات الى الى انت اشتراتها اشتريتها من فين عشان انا عندى تجديد
وحعوز اشترى بعض من الحجات الى انت اشترتها

[M.FOUAD]

متشكر جدااااا لرد حضرتك
كده اللي فهمتة من حضرتك اني لو عملت كبس للموتور وطلع حالتة كويسة كده مش مهم العداد حتى لو عاملة اكتر من 200 الف؟
طب موضوع الكبس ده هو اللي بيوضح اذا كان صاحب العربية محافظ عليها ولا لا زي ما حضرتك بتقول يعني بيبن اذا كان بيغير الزيت في ميعادة والفلتر ومحافظ على الحرارة دايما زي ما بتقول؟
والمفروض ان الحد الادني للنسبة اللي هتطلع من كبس الموتور تكون كام علشان اعرف العربية كويسة ولا لا - انا اعرف كده انة بيطلع نسبة مئوية لحالة الموتور صح الكلام ده ولا غلط؟
والكبس ده بيكون ازاي اساسا؟

تمام اهم حاجة حالة الموتور اللي بيينها الكبس و الرانج الطبيعي من 60%-70%
لو عايز تفهم طريقة الكبس شوف الموضوع دة عاملة الباشمهندس سميرhttp://www.nilemotors.net/Nile/65410...sion-test.html